鳳城酒家 (已結業)

細個時, 經常很開心地給屋企人帶去這位置前身的松竹樓. 最喜歡搆搆震, 玩它的混醬, 加完糖又再加辣醬, 或者唔係正正經經地刷那北京羊肉而係將啲肉推高啲啲, 燒到它一半是乾晒為止.. 哈哈 又鍾意佢啲湯圓夠晒巨形兼有無敵流沙餡, 後者真係連福元湯圓嘅都只可以做陪襯都來不及! 但不知何時, 這裡又變多間鳳城酒家出來了... 雖然近這年才打聽到, 原來隨太子同北角鳳城外, 其他的都不是最正忠的. 但還是不明白為何menu上許多菜式也是差無幾遠. 比較上, 隨了廣州菜外還都是斟添了些許南番順+大良式餸菜? 點都好, 雖然住得比較近北角鳳城, 但銅鑼灣位置對這晚出席的每人都是蠻方便的, 况且唔係正店也都唔係今年第一次食了. 又試試它, 會否好過早前食到的黃埔分店. ****************新鮮鱔魚雞腳瘦肉湯 - 當時八月是鱔的最旺盛的時令, 但真相便是, 粵菜唔同日系菜, 經理也說是無乜點分別的, 應是入秋前最肥就是真的. 這湯不是老火煲起的, 鱔還是即時生劏, 最多也只是二十五分鐘貨仔, 味就真可說是無火喉同不夠入味了... 唯獨鱔魚肉同湯渣不怕太多泥味同新鮮

趁著周六的半日假約了媽媽到鳳城飲下午茶, 2點開始, 特意預早15分鐘等位。 起初只有幾個人在等, 其後人數愈來愈多, 幸好能準時入座。 坐下隨即忙著剔選點心, 除了蒸炸點心外, 還有小食、炒粉麵飯、糖水糕點等供應, 實在難以取捨。奈何二人食量有限, 最多只能點五樣。 錦鹵雲吞$38: 因太耐無吃十分掛念, 明知會很熱氣但偏要點。上檯時看見汁料水汪汪似的, 和以往的濃稠狀分別很大, 配料有叉燒、肉片、番茄、洋葱和青椒。雲吞皮就很對辦, 炸得通透很多細洞, 拿一塊沾些汁, 掛不到汁在皮上, 反是浸稔了。 於是叫侍應來看看, 問可否退回, 她表示要問過經理, 隔左一陣, 聽見一把勞氣的男聲並說:「係咁稀啦!佢唔鍾意咪退囉!」 懷舊魚翅灌湯餃(特點)$21.8: 製法和平常的不同, 是正宗的做法, 以蒸籠裝著, 非以湯浸餃, 反而是餃包住湯汁, 心急地咬一下, 結果燙損了舌頭。餃皮薄身但不易穿和濕爛, 餡料有蝦,爽口的東東似是竹笙? 魚翅都吃到的但份量當然不多。 懷舊鴨腳扎(大點)$17.8: 與平常的差不多, 同樣有鴨腳和豬肉, 只是芋頭被火腿取代了。人家都是為左芋頭才叫嘛! 難道懷舊就是

呢間酒樓d服務態度實在唔得d部長行黎行去,見到d客遞紙,要求加水等,通通懶理食完d野又唔執總之態度勁差!!!!!!!!!!!!!!!!!!十個bad!!!!!!!!!!!食物(5分滿分):燒賣:1分,十分唔好食,d肉好實,仲有陣急凍味粟米叉燒腸:1分,都係唔好食,唔明點解要加粟米牛柏葉:2分叉燒包:3分(唯一ok的食物)2人食

早兩星期來飲茶, 離開時, 看見有抽獎, 原來埋單時沒有人通知, 差點失去中獎的機會, 結果中了一個蟲草花淮杞燉竹絲雞, 知客小姐說要早一天訂才有供應的.決定在星期一享用, 一行四人, 八點晚飯時準時到, 人客只有十枱不到, 知客小姐很好禮貌, 此外再見不到笑容, 坐下開茶後再沒人理會, 自顧自研究菜牌, 點了:1. 蟲草花淮杞燉竹絲雞(送的),2. 炸子雞一隻3. 炸鮮奶4, 野雞卷5. 蚧肉扒芥膽6. 鳳城炒飯寫菜的部長, 公事公辦的臉孔說炸雞要照收原價錢$200大元, 因為享用贈品便沒有優惠, 不可能用特價$128柯打一隻雞. 無奈照去. 他也沒有推介任何食品與飲品, 揚長而去.十分鐘後, 湯來了, 哂士不大, 湯渣和湯差不多等份, 豬肉切成粒狀, 竹絲雞只有一隻髀, 可幸味道甚隹, 有四小碗. 八分.跟著是野雞卷, 香脆但肥膩, 其實是炸肥豬肉包著火腿, 知道不健康, 但偶一為之, 也沒有甚麼大不了. 八分.炸子雞是高潮所在, 皮香脆, 沒有皮下脂肪, 肉是僅熟, 有汁液, 果然了得. 八分.炸鮮奶郤來了炒鮮奶, 因為我的原稿是寫在贈卷的背後, 可能落單的仁兄照抄我原本炒鮮奶的

鳳城酒家是近年新興的飲食集團之一，分店轉眼已遍佈港九新界，賣點是具特色的順德菜，食材從來不是什麼貴價貨，簡簡單單一頭雞、一條鯪魚、又或是大良炒牛奶，考的全是功夫而不是成本，所以價錢一向大眾化，是其受歡迎的主因。一行十二人來到鳳城，以粉果作頭炮就最穩陣，高湯炸粉果及家鄉蒸粉果各要了半打，滿足各人的不同的口味。接著是必點的窩貼大明蝦，集合了蝦肉的爽口鮮甜及厚多士的脆口質感，一直都是這裡的招牌菜。賣點同樣是香脆，鳳城野雞卷的味道絕對討好，但略嫌不夠大件，令人有種到喉唔到肺的感覺。緊接出場是友人推介的順德煎釀鯪魚，將原條鯪魚的魚肉起骨打膠，再釀回魚內，略炸後洒上醬汁，看似簡單實則是工序繁複的小菜。魚肉吸取醬汁以致味道濃郁，魚皮亦炸至脆口，是多層次的體驗，另外絕不可錯過魚頭魚尾部份，當中的滋味簡直是整條魚的精華所在。例牌也來一只脆皮炸子雞，在這等集團式經營的酒家應絕少機會失手吧，雞肉嫩、不肥、少油、略欠雞味，也是一貫的評語。本想食炒牛奶的，口快快一時錯口點了大良炸鮮奶，結果繼炸粉果、野雞卷、蝦多士後又一炸物，炸奶尚算外脆內軟的，只是眾人已漸覺油膩，對其好感自然遞減。這時候瑤柱扒菜膽正好可減輕那份

半公事性質到訪名珠城鳳城，其實在公在私也去過鳳城無數次，對其食物已沒有太大興趣，因此今次也只是隨便點幾個餸便算。整碟芥蘭，要薑汁炒。老總話份量很大，但我覺得差不多了，若然太細真的會被客投訴。顏色翠綠的炒菜，感覺新鮮，芥蘭炒得爽脆而不過硬，沒有帶一絲苦味，只嫌薑汁味道不夠重。香噴噴的魚香茄子煲，打開煲蓋時「沙沙聲」的聲音，相當吸引。茄子很入味，軟身之餘又不會爛pat pat，香辣俱全，鯪魚肉充斥著咸香，很惹味一個餸，送飯一流，難怪老總都要叫一碗白飯。招牌脆皮雞現正做特價，$50/半隻，確是抵食。雞是新鮮炸起，色澤亮麗，入口仍是燙的。咬下，皮脆肉嫩，有鮮味，雞肉是較肥一點，卻正合我心意。用新鮮雞做，成本自然要貴一點，不過就能保持質素，我幾欣賞。如果係自己來食，我想我會點一味金錢雞。今次不方便出聲點菜，還是留待下次吧！坐了很久，也不見太多客，生意難做呀！

中午十二時, 進入時只有數枱人客, 沒有任何招呼, 兩個人自己找了一張近牆的枱坐下來,才有一位像部長的仁兄跟進.吩咐了開茶後, 取了點心紙剔了點心, 招手又招手郤沒有侍應來接收, 卒之有一位黑口黑面的阿姐有反應.柯打了: 炸子雞半只 (做特價: 一只88大元, 半只要50元)鮻魚球, 雞絲粉捲, 牛腩撈麵.麵是最先來的, 賣相郤欠佳, 是粗麵, 牛腩只有數粒, 伴著少許雪菜碎, 味道古怪, 不是傳統的豉味或柱候味, 青菜也沒一條; 4 分.鮻魚球: 不是合時的食物, 沒有期望, 不過妹妹喜歡吃, 由她叫, 新鮮度ok , 但不好吃; 4 分.雞絲粉捲: 饀料好味, 粉皮甚差, 太韌, 可能太多澄麵, 合益泰的好得多; 5 分.炸子雞是最後來的, 只見每枱都叫, 色澤和香味都一流, 半隻的份量也不錯, 皮脆肉嫩, 雖然油膩, 味道很好, 且肉汁豐富, 的是首選的名菜; 8 分, 扣分的是醃味太咸.服務扣分的是開位時並沒有跟手開咭, 上菜阿姐問完又問, 卒之要另找部長解決.骨碟, 由頭到尾也沒有換過, 只有自己把骨頭倒在吉碟等人來收.ok 是給炸雞的.以後沒有再來的意欲.

昨天下午到了鳳城酒家飲茶, 點心唔錯, 服務幾好印象最深, 係個上湯浸粉果, 一客有四隻, 粉果皮好鬆脆, 浸落上湯再吃, 這種食法無咁熱氣, 而且浸完湯之後, 粉果依舊脆, 粉果既皮仲有種甜甜地好似咸水角既皮既味道, 雖然餡料唔算豐富, 不過已經係一款好好味的點心了雞扎就一般, 沒什特別之處, 其他义燒包, 排骨同一般酒樓無大分別, 反而個糉幾好食, 食完仲有抽獎, 下次嚟可以有優惠, 金融海嘯之下.. cash is king!

Just had yum cha today at fung shing this morningfung shing is a big brand so i thought it will be ok ..even not at its most reputable one which is the North Point one..so i invitated my friends from overseas to try it out But the first thing we encounter is - horrible services~no one is there to show us the seats ~waiters and waiteress grumble when we ask them to please clean up ~we wave and wave and wave and no one came to take our dim sum card~and finally it's time to pay the bill - still no

來港幾天 早茶時間除了一天是在樓上的茶樓吃外 其餘都是在鳳城度過不得不說 服務人員的態度 真的很不錯 食物也是相當可口美味下面說說幾天裏面吃的東西吧：懷舊魚翅灌湯餃21hkd 感覺一般 一口咬下去汁水多 但感覺魚翅太少了鳳城蝦餃皇21hkd 感覺就不錯了 一口咬下去整個蝦的感覺 爆脆爆鮮爆多汁 黑椒牛仔骨17hkd 牛仔肉太嫩了太嫩了 味道也剛剛好 不會咸懷舊鴨腳扎17hkd 感覺就一般了 和普通鴨腳的味道沒什麽區別金栗叉燒腸17hkd 這個自認為點的最失敗 很硬很不好吃皮蛋瘦肉粥10khd 粥很滑很柔 很讚 陳皮紅豆沙10hkd 香 滑 甜 好吃鳳城燒餅17hkd 味道很好 但是個頭太小 只有3个 點一份不夠吃ps：鳳城要收10%服務費

呢日同公司d同事專登走過黎銅鑼灣食飯. 雖然價錢較貴，但食物質素確係好 我地叫左:蝦餃 - d蝦夠新鮮, 味道唔錯燒賣 - 成隻鮮蝦響面, 幾吸引!叉燒腸 - d叉燒好大粒, 但味道一般叉燒 - 勁多蜜汁, 熱辣辣好好味燒鵝 - 又係熱辣辣, 個皮仲脆架, 正!炒什菌 - 味道ok, 不過多左d油油菜 - d茶好似烚得太淋排骨 - 太多肥膏, 食到成口油煲老火湯-老雞、瘦肉燉上半天.清清地, 好好味!! 呢度d食物好似話冇味精的, 而且用料都好新鮮, 三人來的話亦須三百元，辛苦搵來也要吃好一點吧一分錢一分貨絕對合理!

一大班同事, 齊娃娃18人去了飲茶食飯, 我們只坐一張大圓桌, 睇黎我地迫迫貢開心d...叫左好多野食, 成30碟點心, 3碟炒粉面飯, 18個甜品! 好開心呢~食左太多點心, 真係唔知點寫好, 整體來說, 不過不失啦!鳳城炒飯:同事大讚好味, 但今次整得不太好, 炒得太濕喇! 而且唔夠一粒粒飯, 黏在一起的飯漿不太想吃!臘味炒飯:反而抵夾香, 本人不吃臘肉的都覺得很香, 坐在隔離的同事都覺得好吃!牛腩燴依面: 濕濕的, 賣相不太好, 但食入口都覺得淋且不太夠味道, 同事都覺一般!點心方面, 食左好多, 有流沙包, 雞包仔, 瑤柱菠菜餃, 蝦餃, 燒賣, 香煎青椒, 蒸釀茄子等30個點心!最後的甜品, 有人食紅豆沙, 有一半人食楊枝甘露, 有一半人食雪耳燉萬壽果, 有人食芒果椰汁糕; 本人食的是楊枝甘露, 真係好一般, 直頭係唔得!原因:1. 一路食一路有冰出現係個口內, 一邊要吐出來2. 不發現有芒果的出現3. 太多泡了, 好明顯係放入攪拌機內攪碎就算, 真係想要求換貨!埋單, 理應每人$68, 但有老細資金贊助, 每人$45咋~

因上次朋友請過我來, 覺得味道不錯, 所以今次帶外地回來的妹及我們一家人再去試, 我們點了炸粉果, 要把粉果放到湯裏浸一浸, 有六個, 甚好吃而且只是$48, 什菜煲, 有很多菜, 菜心, 粉絲, 草菇. 西蘭花等, 很大碟炒鮮奶, 很滑, 還加上松子, 很香口牛, 原來還有些海哲咕嚕肉, 這個就不夠脆, 麻麻地爸不知我們點了很多 , 要加半隻炸子雞, 要帶走, 不過要$108!加埋好吃的焗西米布甸 ($68), 滿足地離開不過兩次星期五去都不滿座!

上星期跟久違了的朋友們約會book了銅鑼灣鳳城酒家大夥點了個套餐 另加幾個小菜:1. 大良炒鮮奶 - 雖然見很多人點, 但味道一般2. 窩貼大明蝦 - 炸蝦點沙律醬一向係一流組合, 但不夠熱3. 炸子雞 - 有水準, 雞稍嫌肥了點4. 烏雞 & 湯 - 味道很好, 本人獨愛烏雞, 把半隻烏雞給吃掉5. 生菜包 - 久違了的生菜包, 味道不錯, 絕對值得一試6. 西米焗布甸 - 甜點來說不錯, 可惜現代港人們都要健康, 嫌其太甜另有幾個小菜也不錯, 但忘記了名字, 一般酒樓水準吧總括而言 絕對係一大班fd飲野傾計既好地方

16.5.2008 星期五我親愛的中同為我於鳳城設壽宴~~成日食西餐日本菜,食下中菜都好丫!!時間為晚上7時半,上到去,都好多客,好嘈呀!! 又迫喎!!我地梗係點左d名菜黎食啦! 1.窩貼大明蝦--好難得我會覺得d香口o既野唔好食...哩個又唔係話難食,但我覺得普通,叫得做名菜,唔應該係咁o既水準卦! 總之就覺得d味唔突出,係隻蝦幾彈牙o既。件頭都夠,唔會縮晒水咁。2.大良炒鮮奶--我d fd話似蛋白,唔似鮮奶喎...我就唔識分啦,不過我覺得ok呀~唔會淡mou mou3.脆皮燒腩仔--d皮又確係幾脆o番~中規中距啦!4.雞絲拌海蜇--可以唔洗點5.椒絲腐乳通菜--好味道,不過哩道菜好難煮得難食卦?!6.蓮蓉焗西米布甸--哩個果然係正野,好味呢~食落又唔會話太漏架o番!!7.壽包!!!!! --- 哈哈哈,我估唔到有壽包呀!!!! 仲要係一打...點食呀大嫂!!! 講返個味...好似唔多夠香亞姐o既服務態度...唔可以話差,但絕對唔係好囉,絕對係一點笑容都無架,只不過純粹有個人幫你落單上菜,就係咁囉! 我d 朋友話已經叫左佢唔好晌我地面前問"壽包上得未?!",因為想俾我驚喜我,點知亞姐