鳳城酒家 (已結業)

是傳統酒樓的個局﹐的菜好大碟﹐用料十足﹐絕無欺場。難得的是服務都幾好﹐尤其是做知客個女子﹐好落力。我差不多次次去都叫炸子雞﹐半隻$60﹐皮脆肉嫩。雜菜煲鋪到滿瀉﹐好多菜。由於菜太大碟﹐通常兩個人食唔到三個菜。建議將的菜整細碟的﹐平番的﹐咁兩、三個人都可以有多的選擇。另外的凳聽講話係訂造的﹐特登用紫色好似好high 咁﹐但太過細張﹐坐得唔舒服。另外送糖水好奇怪﹐有時晚上有﹐中午冇﹐有時中午有﹐晚上冇。冇規律﹐成日要問架。

想說的雖不是食物，不說不說還得說幾句。光顧老鳳城，從來吃的就是家常飯的感覺，鮑翅怎及鯪魚鮮，不要給我驚喜，祇要不變就好了。廚房的功夫感覺沒多大變化，想是買手變了，炸得好好的的炸子雞，怎就沒有一絲雞味? 是俺的記憶變了，還是受了環境的影嚮。對了，要說的就是這裏的環境。新派的裝修，真係稔倒乜就夠膽落乜。紅的、綠的、紫的，九唔搭八；金的、銀的、鐵的，唔三唔四；木板、玻璃、雕花，亂七八糟。老牌新店，雖然唔係事必要懷舊，但也可以典雅，可以平實，甚至可以娘。但係唔該自重，唔好扮老亞飛。