鳴門魚湯麵亭 (已結業)

是日考試早放,11:20已離開學校,出發搵食之旅約11:30到達嗚門,場內空無一人,可能是太早的關係吧!一行四人座在最入牆的位置,其實我已光顧這食肆有2年多,它都能保持一貫的高水準,貴d都抵呀!我們點了 石鍋讚岐豬軟骨烏冬 x1 石鍋芝士豬軟骨飯 x2 咖哩吉烈豬排飯 x1最先上的是同學的咖哩吉烈豬排飯,吉烈豬排是即炸的 (由於是同學的,不太方便拍照)之後上的是石鍋豬軟骨讚岐烏冬 上枱時還正在出煙,石鍋真是有燒熱的(小心燙口),不像坊間做假的石鍋我很喜歡嗚門的蛋,因為它們的是溫泉蛋,入口十分滑讚岐烏冬亦十分出色,不會煮得過念,上枱後仍十分有彈力!豬軟骨煮得十分念,易入口,味濃配菜有芽菜,粟米, 芽菜十分爽口粟米甜湯底是豬骨湯,飲了亦不會口乾石鍋芝士豬軟骨飯是最後上的,同學表示芝士若能加大份量,效果更好鍋內亦能出現飯焦美中不足的是,附近有很多小學早放,很多小學生塞在店內,店內空間較為狹窄,加上小學生高聲談天不喜歡嘈吵的選擇沒有小學生的時段吧!

之前行開呢頭, 見到呢間店一直都好想試, 不過都未有機會~ 今次有機會黎到, 一定要入去試一試先...我見好多人都叫石鍋, 所以我都叫左一個"蜆玉魚湯烏東" 超好味...因為佢用石鍋既關係, 存熱存得好好, 一上桌既時候仲有好多BUBBLES 翻騰緊, 個感覺超正! 食到尾都仲係好熱.. 蜆肉就唔係太多, 得幾粒, 其實份量都唔算太多, 如果係男仔食一個都未必會食得飽~ 但係烏東既口感真係一流, 好滑..加上個魚湯好甜~ 真係無得頂~ 我咁大個女都係第一次食晒同埋飲晒碗麵D 湯, 真係好好味...朋友就叫左一個"辣肉豬骨湯拉麵" 佢話無我個碗咁好味, 不過都可以接受! 因為我怕辣, 所以無試到佢個碗~再點左一客"七味雞翼" 燒到岩岩好~ 唔會太燶! 因為我本身都係酷愛雞翼, 所以我覺得呢個雞翼都係好好味!其實再點左個牛舌的, 不過淨係我朋友食左, 佢話好好味~ 但係我覺得太嘔心, 都無食到~XD呢度既店員服務都唔錯, 幾NICE 的, 只係個店細左少少, 有D 迫既感覺...其他都好好!

lunch見到人多多，仲有open rice都有好評，我地同事們一行四人到此鋪試一試﹗我地total叫左 1. 牛肉滑蛋飯 x1 飲 忌廉汽水2. 照燒雞扒飯 x1 飲 忌廉汽水3. 咖哩雞扒飯 x2 飲 一忌廉汽水 一綠茶滑蛋飯都ok正常的﹗本人係食照燒雞扒飯，完全無汁、雞扒好好好好硬、飯味好奇怪(總之好難食)，食到我胃痛﹗﹗﹗另兩位同事所食的咖咪雞扒飯，過多汁、雞扒好硬，其中一個同事既雞扒係燶到食唔到﹗飯好特別，是由兩種米mix(包括有日本米加普通米—可能就係咁我覺得好難食)飲品方面，用支裝汽水，所以問題不大。但，menu中沒有寫有飲品欄，及由於店鋪內其中的擺設道地綠茶及其他道地飲品，所以waitress問起我地係飲汽水定綠茶時，其中一位同事就叫了綠茶﹗飲品到來時，大家都發現綠茶是熱水泡(並不是罐裝綠茶)和全個茶包連品牌招紙也跌了下去，很不衛生，所以要求更換汽水。以下是全部要求更換飲品的對話內容﹕Waitress a話﹕「吓，唔得架bor，你叫左咩就飲咩架啦﹗點可以換架﹗果d罐裝要比$8架，你唔知咩﹖」同事a﹕「你menu無寫喎﹗我地唔知﹗」同事b﹕「你都無寫到飲綠茶係茶包泡

連續食左兩次，好味翻叮。推介石鍋豬軟骨烏冬（蕃茄湯底），熱騰騰，食緊都不斷有熱泡泡滾緊。豬軟骨好肉地，軟骨好淋易入口，份量足。蕃茄湯底濃，比較杰身，蕃茄迷一定好鍾意。仲叫左雞肉雜菌鮟鱇魚湯，我又唔覺得個魚湯特別鮮味，好似普通魚湯（可能我唔太識食魚啦）不過係招牌，所以仲貴過石鍋。另外要推介既係凡立貝黃金燒，好好味！放在貝殼上面，好特別既芝士底，配上小量菇菇。凡立貝雖然唔係珍寶，只係細細粒，但都好鮮味，賣相好靚！仲有燒秋刀魚，好香好鮮甜，又大條，正！仲試過蟹子沙律、南瓜蕃薯天婦羅，兩樣都麻麻地。店舖比較迫，有時要等位。但最讚既係即叫即整，我地通常要等二十分鐘先有得食呀。下次一定再來！

合上眼試味發覺燒豚肉飯唔似日本口味，相反同港式燒肋骨相似，味道一般OK啦。沙律燒牛仔肉飯啲肉唔係好鮮味，用不過不失嘅炸豆腐餸飯還是可以的。金菇肥牛普通不過，只有等候 1 蚊銀size咁大一件，即喺成6蚊一片嘅燒牛舌滿足一下味覺。店面雖然細，但喺都咁夜唔使收碟收得快嘛！冇乜嘢人啫，攪到吃嘢嘅氣氛好趕囉！要一提喺本人認爲炸蠔唔應該用炸廣島啲咁傷痛嘅歷史做菜命。

店內面積比較細，位置唔係好多，午市時候都幾FULL下，人來人往。坐低無耐，其中有位帶眼鏡既男侍應，好親切招呼。間店似小麵館ＦＥＥＬ，係快食的好地方！中華冷拉麵　（芝麻汁）：賣相好有花心思砌，芝麻汁夠香，份量亦剛剛好。蟹柳也不是坊間的假蟹柳，係雪場蟹蟹柳，感覺好夠鮮味。拉麵不太腍，撈左芝麻醬之後，有咬口之餘又好香芝麻味，不錯不錯。石鍋豚角煮烏冬：石鍋上菜前有在外邊包左張紙，有為客人設想怕燙傷，值得一讚！豬骨湯濃度OK，豚角十分腍滑，而且很入味。烏冬條條分明，加埋豚角一齊食，煙UN得黎又唔會膩。牛油煎帆立貝：帆立貝都OK大隻，份量可接受。帆立貝不會煎焗太熟，容易咬開，但略為有點咸。鹽燒秋刀魚：之前在荃灣店食過，SＩＺＥ相約，KEEP到水準。有跟檸檬及蘿蔔蓉佐飯，感覺唔會咁熱氣。而魚肉都好夠鮮味，但有少少乾。

由外觀到內部，都比較似家庭式經營的小都亭，侍應招呼都很親切有禮，價錢以同一條街的店來相比，亦算合理。唯獨戚座位比較少，不夠舒適欠缺活動空間，可能是因為店面本來就不是很大。帆立貝黃金燒：醬汁味道很惹味，但帆立貝太細隻，直接影響口感同賣相。但味道係OK既!!中華冷拉麵﹣芝麻汁：天氣咁熱，最好不過食個冷麵，過一過冷河…芝麻汁配冷麵係最穩陣之選。味道不錯，芝麻汁好香，配埋又滑又彈牙既冷麵，可惜麵不夠冷…仍有點微暖。碗內還有車厘茄、青瓜，粟米、叉燒絲拌食，實在消暑。火辣地獄海鮮拉麵：湯底辣度不夠，感受不到地獄感覺。海鮮都OK，唔會因煮太耐而變韌，拉麵軟硬度尚適中，不會太腍。配菜方面不錯，有最喜歡的半熟蛋黃的蛋、少量粟米及海帶絲。如果怕客人不能接受太辣，建議可加設小辣、中辣或大辣供客人自選，感覺更貼心而味道亦可更好。日式炸豆腐：望埋去係幾好睇，但食落就…唔知係咪雪太耐，定時係未炸透，件豆腐外面唔脆之餘，裡面仲好硬下。或是加了醬油拌上時，令豆腐變腍?!但無LALA點解豆腐入面會變更硬呢?!奇怪…!海鮮薄餅：日式FUSION PIZZA，外皮香口鬆脆，聽侍應講，PIZZA餅皮係由師父自己一層一層自己整

熱辣辣的端午節下晝, 去左呢間麵亭食野. 之前有行過幾次見入面比較多人, 所以一直未有機會試下…當日tea time時段唔係好多人, 就同mummy入去試一試. 我地點左個日式海鮮pizza/ 蒜香沙律醬焗聖子/ 七味雞翼/ green tea x 2, etc. >>日式海鮮pizza: 口感好鬆脆, 雖然話係pizza, but亦似千層酥呢! 我數過有起碼十層, pizza上面有芝士, 三文魚, 八爪魚, 蟹子粒粒. 個味道好夾, 做小食一流, 不過有少少美中不足…就係d八爪魚可能焗太熟, “ｕｎ”左d!>>蒜香沙律醬焗聖子: 賣相不俗, 聖子焗得好野味, 而且好濃沙律醬+蒜辣味, 但略為有點鹹, 好似比較適合用黎送飯..haha! 不過價錢上, 以急凍聖子及份量來說, 就略為有少少貴了.>>七味雞翼: 故名施義係, 七味粉醃製成既雞翼, 煎得夠香口, 雞翼又唔會太乾身, 仍然有dd juice!總概黎講, d小食都好好味, 有機會再來, 會想試下佢地既招牌鮟鱇魚湯米線! 不過間店比較細, 活動空間不多. 如果叫多幾款野小食+湯麵類既

昨晚, 好想食udo, 就去左屋企附近呢間魚湯麵店. 店舖吾算好大, 7點9去到已然有9成滿, 只剩下bar枱, 我點左一客叉燒udo (拉麵轉udo要加5蚊), 朋友就點了一客北海道芝士帶子Udo, 去到日本拉麵店, 好正常會有綠茶, 但是等了一陣都冇人攞茶, 就同個店員講, 麻煩俾兩杯茶, 店員好快就倒了兩杯茶, 加一張6蚊既單, 原來呢度係冇免費茶飲, 飲茶就要3蚊一杯, 我嗰刻覺得好過份, 店內並沒有寫茶是要收錢, 當客人order時亦都冇同客人講聲, 覺得被騙. 店員並沒有主動給水客人, 可能就是想客人主動叫茶, 就乘機收費. 奸商主角udo出塲哪, 我order既叉燒udo, 只有兩舊叉燒, 筍就反而一大堆, 吾知仲以為佢俾錯筍udo, udo質地都okay, 都幾煙un, 隻溫泉蛋都好好味, 仲有個湯底都幾正. 我朋友order既芝士udo, 來到係牛油一舊, 冇芝士, 係咪店主分吾清咩叫牛油咩叫芝士. 埋單時, 我朋友用了一個染左少少色既五毫子找數, 這位女店員拒絶收, 並說呢個我地吾收, 因為收左都吾俾得番第二個客, 並說我地吾收毫子, 但是望雲全間店都冇"不收毫

10年1月31日（星期日）晚，由中午起在公開大學的校舍某處溫書，直到晚上女友覺得肚餓才離開，雖然用了不少時間去溫習，但總是覺得腦袋一片空白。我們打算去旺角時途經勝利道，女友見到這店就被吸引著，雖然祇得bar檯位，反正我們未吃過就來吃烏冬罷！店內頗狹窄而人客多，行去bar檯時要步步為營。看過餐牌後，女友就想吃石鍋活蜆野菌鮟鱇魚湯拉麵，我就想吃石鍋牛肉讚岐烏冬（豬骨湯底），再點一客小食炸粒粒蝦餅就夠了。炸粒粒蝦餅先來，外貌上沒有特別，但餅內真的有不少蝦仁，而且鮮味爽口，略嫌蝦餅不夠結實，蝦仁很容易就掉了出來；吃掉蝦餅後，等了約十分鐘兩個石鍋才分別送上來，單看氣泡不斷從石鍋裡冒出來，便知魚湯一定夠滾熱。石鍋活蜆野菌鮟鱇魚湯拉麵用的真是有榖的蜆，而不是雪藏蜆肉，野菌的份量也不少，拉麵也很爽滑，最美味的當然是奶白色的招牌鮟鱇魚湯了；鮟鱇魚湯清甜鮮味，味道上更勝一般中式魚湯，難得是一點腥味也沒有，很美味的鮟鱇魚湯！石鍋牛肉讚岐烏冬（豬骨湯底）的豬骨湯也不錯，同樣味道清淡鮮甜，牛肉是加了照燒汁的肥牛，夠入味和肉質尚算不韌，麵條粗圓的讚岐烏冬入口滑溜，質感軟綿而軟硬適中，口感很不錯。坐在bar檯時看到

年初三，呆在家工作忙了一天，晚上就在家附近找東西吃。整條勝利道就只有兩家飯店開，一家要等位，另一家就是鳴門。雖然家就在附近，但一直沒試這一家店。抱歉，因為太肚餓的關係，雖然有帶相機但也沒有把食物拍下來。（其實開始時是對老板娘的服務不滿，故不拍了！）我們一共叫了四道菜，牛舌沙律、牛肉魚湯烏冬、蜆仔芝士拉麵和燒牛仔骨飯。魚湯是做得不錯的，很適合小孩吃。但最令我驚喜的是那個燒牛仔骨飯。牛仔骨一點不肥，是用日式的燒汁燒的，燒的很香，上面放了點沙律醬，飯是珍珠米放了點燒汁焗過，有點脆和彈，好食！另外我覺得雖然這店的招牌菜是烏冬但拉麵是比烏冬好吃的。總括來說，這店去一次就夠了，雖然食物有水準，但這樣的價錢，我期待服務和環境要好一點。因這店的位子真的是太逼了，而且只提供白開水，連茶都沒有招呼！況且，一般日本餐都會附帶日式湯或燉蛋之類的佐膳，在這店都通通欠奉！我相信這店是家庭式經營的，那位態度差的侍應應該是老板娘吧！ 總之，就無下次啦！

唔知去邊食,就去食拉面我地去果時,培正未放lunch所以都有位坐,樓面只有兩人,一個大叔,一個大嬸大嬸態度差,大叔似撞聾,搞左好耐先order到我食餃子拉面,亞b叫左石鍋雞肉泡飯過一陣大嬸話lunch無泡飯食,得白飯....但係明明果個係lunch set黎wor....大嬸飛左個menu比亞b睇無錯,係飛....就知佢態度勁錯之後亞b改叫吉列豬拉面味道似本地既茶仔所研發既拉面....nothing special我叫既餃子以為係煎既,點知係炸既,有三隻亞b既吉列豬無味就算佢既沙律醫係天使仔都無用....態度真係差都唔會再去勁受氣

呢度環境一般，枱與枱之間都幾密，坐得不太舒服。义燒辣肉拉麵($42) - 有义燒、碎辣肉、蛋、粟米、鳴門卷，湯底都不錯，拉麵質感OK，我加咗芝麻和炸蒜頭，都幾香，义燒都幾好味。天婦羅拉麵 ($48) - 有三隻蝦、南瓜和茄子，雖然炸漿厚咗D，但都幾脆，蝦又幾爽口，南瓜也很甜，拉麵有蛋、粟米、鳴門卷，味道也不錯。午餐送飲品

17/10(六) 7:30pm半島淑女會過後,沒多久,胃納便得迎戰下一回食浪.稍稍遠離旺角的心臟地帶,走到勝利道的鳴門.七時許,小店老早如被塞得如沙甸罐頭般密集.走運地不消片刻已被配合一二人座.我倆要了魚湯鮟鱇魚肝鳥冬$88及玉子溫泉蛋擔擔拉麵$40魚湯鮟鱇魚肝鳥冬--奶白色的魚湯濃稠非常;魚肝肉質富咬勁,魚味及油份並不重;剔透的鳥冬亦做好本份;滑溜微有彈度.玉子溫泉蛋擔擔拉麵--置側的擔擔醬的豬肉碎及花生粒惹味具層次,爽口拉麵配濃淡得宜的豬骨湯底,以及切實嫩滑如面頰的溫泉蛋, 製作認真!結帳前,付$20成為永久會員後,凡惠顧可享九五折,其他分店則九折,外賣亦計算在內,挺有價值的會籍!此外,用膳間看到侍應們遇上十萬個為什麼的問題男孩,仍循循善誘地招架男孩,其態度應記一功!

早前因工作關係，剛巧路經附近搵食，找到這小店，食過返尋味，所以今次帶埋男朋友來試多次！我點了石鍋牛肉讚岐烏冬 (蕃茄湯底)，男朋友點了石鍋豚肉讚岐烏冬 (豬骨湯底)，又點多了一客小食，他他汁炸雞。可能是時間尚早，約晚上6點多，店內客不多，但漸漸也多了幾枱客。首先來的是我的石鍋牛肉讚岐烏冬 (蕃茄湯底)，蕃茄味非常濃郁鮮甜，烏冬非常滑，牛肉也算多算嫩，超讚！男朋友的石鍋豚肉讚岐烏冬 (豬骨湯底)也非常不錯，湯底也很甜，但我同男朋友也一致覺得蕃茄湯最出色，食完最後湯也全部喝光！另外，每鍋烏冬配有半隻半生熟的蛋，很好吃！口感一流！至於小食他他汁炸雞，是把雞塊炸後，淋上大量的他他汁，雞很嫩滑，與他他汁也很配，好食但不抵食，$28只有4小塊....但一試無妨！埋單共$140~不算很便宜，但很滿足，飽得很！店舖很細，不宜多於4人以上進餐，因所有枱也很細，而且只有6-7張枱，還有約15個bar枱座位。上次lunch time來時坐滿了全舖，感覺很擠，不太舒適....。