鳴門魚湯麵亭 (已結業)

吃前不知甚麼是鮟鱇魚，今次試了個八十八大元的石鍋招牌鮟鱇魚湯烏東，上桌時一大鍋滾熱辣，幾可觀，先呷一口湯，很濃，有種特別魚味，幾對板；其實鍋內得幾舊魚，有肉有骨有皮有鰭，吃得落肚的不多，菜就好多；魚肉帶實，皮和膠質幾韌，要口趙，味道有啲似白鱔（!!），烏冬算煙韌滑漏，栗米幾甜；最後當然成鍋清哂，不過湯越飲越濃，要叫杯綠茶埋尾，盛惠三大元（滾水就唔駛錢）。算見識過，下次可以叫個平啲嘅拉麵，再叫個魚肝試試。

早前路過勝利道,見到有間用魚湯作招徠的日本麵店"鳴門",開了應該不久.見幾特別,就找個晚上來試.同萬豚屋一樣,也是用石鍋奉客,這夜本來吃個甚麼魚湯拉麵,在餐牌上見到有味"魚湯石鍋脆脆米."就試這個吧.既然用得魚湯,湯底一定會很鮮味,對嗎?又未必.這個石鍋上桌時仍然滾燙.脆米另上.首先試一試熱到燙口的魚湯.味道不如想像中的鮮甜,反而有點咸.是否下鹽下得過多?材料有八爪魚,蝦,少量魚肉,同"疑似"蟹腳,其實是蟹柳的物體.唉,收得$78一碗,下兩條急凍蟹腳肉也可以嗎?最出色的,還是脆米.浸一會才吃,仍保持脆口感.心想,用來泡茶吃,感覺會更加好.一定好過配這個過咸的魚湯.

尋晚同女朋友仔去呢度食，女朋友order左個"魚湯xx脆脆米"，我自己叫左個牛肉烏冬，另外要左個煎餃子1.魚湯xx脆脆米 - 幾特別，個石頭鍋內有幾隻蝦、蟹腳肉、魚肉粒，將d熱湯倒落碗"脆脆米"度食，係幾過癮，不過食左三分一已唔多想食碗脆脆米，食晒d料算數2.牛肉烏冬 - 豬骨湯底普通，好多鋪頭好食過佢，牛肉太細塊，食晒成碗都好似冇食過野咁3.煎餃子 - ok啦，呢樣都唔好食就大件事

是夜到勝利道，不吃雞飯，吃魚湯拉麵！朋友點的是鴨胸拉麵（豬骨湯底）他說粟米甜，有牛油味，鴨胸不錯，不肥亦頗嫩，配蛋半隻，蛋黃半生熟，算是溏心。我就點了鮟鱇湯雜菌雞肉拉麵，轉稻庭烏冬（+$10）湯端上桌時仍是滾的，不過地方非常淺窄，有點危險，上次去萬豚屋，二人給我們四人枱，此店相比起來方桌位較擠，加上此類鍋仔拉麵.有一定重量，一旦失手後果不堪設想。湯是很甜的，但說不上濃郁，較清，稻庭烏冬很滑，但不可浸得太久及過熱，否則會有過＂淋＂！另外多點了一個小食，脆脆米牛肉沙津，米通塊頭太小，面鋪的應是汁煮肥牛，可惜洋蔥和紅蘿蔔比牛肉更多，加上沙律醬，三種口感不算配合，怪怪的，普通。現場氣氛有點緊張，可能我們緊貼地坐在收銀機及落單處旁，工作一員一直在友人身邊5CM距離研究入單問題，最後我們自己將桌子移離，店員也不理會我們。是夜埋單一百四十八元，其實不算貴，不過奇怪的是，點拉麵可以以加$4要汽水，朋友要了忌廉，我不好甜，見餐牌上綠茶加$3，以為是凍飲，就問綠茶是不是甜的呢?待應姐姐答：是少甜來的。但上桌時，竟是一杯有一個茶包加熱水的綠茶，即時的感覺是：＂啤＂一聲，我真的不知茶包加熱水如何少甜？是侍應姐

早前經過這裡，見這間店新開，又見到正在影食物相，好像幾吸引，於是便入來試試。我們叫了一個安康魚肝青、石鍋腐皮烏冬、石鍋鮮雞肉炒麵和綠茶。安康魚肝青 - 份量真係好少，好在味道還算新鮮，可以一試。石鍋腐皮烏冬 - 看到白白的湯底，還以為魚香味會好濃，但再嗅清楚，味道淡淡，喝一口，魚味偏淡，完全不是那會是，好失望；烏冬偏淋身唔夠爽口彈牙，好一般。石鍋鮮雞肉拉麵 - 雞肉出奇的好味，唔會太韌口感剛好，可惜拉麵太重水味，唔係好吸引。食完後都幾口渴，相信自已都唔會再到這裡了。綠茶都要三元一杯，好像....

勝利道除咗有出晒名嘅奇香及勝利小厨外，最近新開了一間以鮟康魚作賣點嘅日式拉麵店。對鮟康魚嘅印象，始於數年前响見城吃過嘅鮟康魚肝，食後印象甚佳，故此是日就特來一試...鮟康魚响日本算係價格中上嘅魚，故來貨一定不便宜。一碗鮟康魚拉麵就要收你八十八大洋，有少少肉赤。退而求其次，來一碗鮟康魚湯雞柳雜菇拉麵...用石鍋上，湯依然沸騰，望上去真有如萬豚屋嘅石鍋烏冬。未飲已先嗅到一陣魚腥味，但飲落一點都不腥，相當清甜，果然不錯...其他配料就只是普通，冇乜特別...再來一客珍寶餃子。食落口完全唔熱，絕對唔係即煎即食，極失望；餡料雖然頗足，但蒜味不夠，失去日式餃子嘅風味...睇嚟，來一次便夠...