鴨大哥 (時代廣場)

營業中

休息中

聽講呢間係canada masterchef 既評判開，而且啲鴨係用慢煮方式整既 非常創新特別 - 望落去其實啲肉係真係粉嫩啲, 至於肉質食落個人就覺得冇乜特別, 中規中矩啦 😂個二食就覺得有少少伏伏地，尤其係蒙古style 嗰個生菜包....個味道有啲怪😅另一招牌菜荔枝咕嚕肉就水準唔錯 👍🏼小弟幾鐘意 🥰同埋個豬潤班腩煲都做得幾好食 下次一齊會再叫🥳

又係半價食好西既時候，早食有半價，而且早食無咁肥（只要你食得落既話😛）間餐廳好似重要係廚魔出品，期待值超高嚟到當然食鴨啦. 叫咗二食, 炒鴨崧.  片皮鴨有兩碟, 睇樣都唔細. 未食已流口水. 點知放入口就出事.😰。唔熱既?! 雖然話未至於凍. 但食中菜. 無咗個温度. 的確差少少.  重要係, 我地話哂都叫早嚟. 無理由D野整定掛?! 真心唔明之後嚟既幾碟菜都係一樣,  微温ONLY.  完全食唔到中菜既鑊氣/熱辣辣既感覺. 全晚最熱既, 就得呢鍋海鮮鴨泡飯. 總括而言, 半價既價錢係扺既. 話哂都叫係TIME SQUARE食片皮鴨喎. 但原價既話就真係十分唔值囉. 

疫情影響，飲食及零售都大受影響，經常會去行的時代廣場，購物之餘送現金劵，有優惠推廣，當然消費要在同一商場，我與老公帶備劵去搵食，選了一路想去的鴨大哥。星期日約11:30，店內食客有7成，不知是否全是持現金劵的客人😂😅。進入食店前，職員向我們聲明，現金劵不可食用套餐，付款必須是現金。原來揸住現金劵有這麼多限制！🤣😂翻看餐牌，價格中上，但選擇不多，我們點了：鮑魚鳳爪🌟🌟🌟雪菜鴨絲芋角🌟🌟🌟墨西哥牛奶叉燒包🌟🌟🌟海鮮鴨湯泡飯🌟🌟食後感：鴨大哥點心一般而已，而收費$180多元的海鮮鴨湯泡飯，味濃但湯多料少，有啲失望！個人評分食物🌟🌟🌟服務🌟🌟環境🌟🌟🌟衛生🌟🌟🌟抵食🌟🌟回頭率🌟

耐唔耐就好想食片皮鴨 今次搵到除美中鴨子以外嘅餐廳 有得book位唔洗排隊👏🏻👏🏻-🔸北京烤鴨(半隻) $228🔸片皮鴨份量適中 岩哂兩個人食 🤤 味道雖然無話特別好驚喜 但係屬於正常水準👍🏻 要讚嘅位係啲皮係有火暖住等佢唔會咁快變硬 值得一讚！-🔸海鮮鴨湯泡飯 $158🔸呢個真係好有驚喜 脆米同湯會分開上 然後將脆米倒入湯中 伴住黎食 有脆脆同海鮮柔軟嘅口感 十分特別 湯入面仲有鴨皮鴨肉切絲 勁有鴨香味 仲有爽口蝦 勁開胃 食到停唔到口 係必點呀❗️👅

之前行過見到呢間店掛住很多鴨，很想試吓。有人知道就book咗今晚食。入到去只有兩張枱，❤️想市道真的很差，要得閒出嚟支持吓本地經濟。好彩後來都有多6-7張枱。二人點了半隻填鴨加蒙古鴨崧生菜包，仲有wasabi海哲鴨舌同埋金銀蛋炒涼瓜。薄餅有火爐暖住保溫，有心思。填鴨皮夠脆，配料不俗。wasabi海哲有口感及味道幾特別幾好食。炒涼瓜有驚喜，好味道。建議最好約多啲人試吓其他野食。佢哋有個泡飯同埋龍蝦飯也想試吓。最重要員工服務態度好又親切，加油！

來到時代廣場鴨大哥，當然要叫返隻片皮鴨食下。隻鴨涱卜卜，賣相一流，味道亦可，但未算「大哥」level😂. 見到有濃湯泡飯，一定試下，見到好足料，有鴨絲大蝦...放入炒米一刻，「揸」一聲十分令人振奮。食落，實在太好味啦，炒米香脆，口感十分有層次，湯米香濃。當然其他菜式亦不俗，值得試試。

好想試這間餐廳好耐、聽講話係廚魔開、應該會有啲驚喜、但可能我哋唔係好識叫、叫咗一個烤鴨、一個炒涼瓜、一個鴨湯海鮮泡飯。烤鴨-皮唔夠脆、包鴨個「包皮」係有心思位有保溫可以保持着溫暖、個鴨係ok炒涼瓜-都幾特別嘅、平時食係金銀蛋莧菜、佢就用咗這個概念放在炒涼瓜身上、但放湯會好一些。鴨湯海鮮泡飯-啲海鮮粒係處理得不錯、湯亦不錯、但是後方的炒米應該炸的時候油用得太耐、有一些油「億」味、影響晒全個湯飯,廚師要在這方面多加小心。餐廳環境舒服、乾淨、裝修亦很亮麗、服務亦不錯👍🏻。

最近銅鑼灣交通比較暢順，趁着假日手上的工作不多與家人一起外出用膳，時代廣場最常去的啦，我們一向都選人多的地方光顧，畢竟消費者是一家店的指標。十樓到十三樓走了一圈只剩下人煙稀少的鴨大哥沒吃過，進去前還十五十六，一枱客都無，星期日傍晚六點多了，旁邊大廈的招牌早已亮閃閃了。這有點不妥，反正來了就試試吧。入座后發現原來有另一桌四人已入座在偏僻角落，點了幾道菜一會兒就到了，椒鹽白飯魚最便宜的，現炸的沒有什麼特別。再來的三道菜真要命，豆苗是一早打好的（即是預先灼熟，要用的時候不用長時間再煮，縮短制作上菜，話說回頭以餐廳的爐火灼豆苗一分鐘時間都太長了有必要這樣做嗎？廚子難道連灼豆苗也掌握不了嗎？所以這熱道菜上桌時是沒有熱度可言，豆苗也長時間悶得過頭了，圖片可見。主打的北京烤鴨，也是下午片好裝盤的，放在廚房幾個小時了，冷的，如果你賣的是冷的烤鴨我無話可說，但在時代廣場這樣的出品麻煩主理人自己自省一下。檸檬雞排的做法是一絕，表皮完全分離，這道菜又是預制再過油然後上菜的。面上的杏片與面粉與雞肉完全分離等同吃巨無霸時的皮肉分離口感，真心説一句，這樣的廚房班底還能在高檔餐廳掌勺真的是飲食業悲歌。利申，十二年廚

上個月中第一次光顧，覺得食物都ok，所以再去食。因為近我返工地方，中午呢個月去左好幾次。但發覺啲食物質素越來越普通，不知道是否因貨就價（訂枱有折扣）；有鴨絲的菜式大部份都是鴨皮，我唔係好識欣賞。另外，上星期開始見到中午點餐紙有好幾個item手動畫去加了價，如果沒有訂枱折扣，就唔算好抵。想提一提，佢中午請既女waitress，好似唔係好有經驗，叫嗰啲小菜都食完都唔清左去，我expect time square既餐廳服務質素應該會好啲。。。如果有留意我第一篇鴨大哥食評，我其實有提過一個打全場、常掛笑容的中年男經理，佢其實應該train下啲同事。

其實食咗好耐，寫咗食評但未得閒上載。今次係我第一次試鴨大哥，飲中午茶。以為佢淨係整鴨既菜式叻，估唔到點心比我想像中好，點心師傅手勢幾好，點心幾細緻，唔算重口味，唔油膩，ok的！一共叫咗四個點心，有菜苗餃、合桃包（很有口感）、魚肚綿花雞、蘿白糕（有粗粗的蘿白條），仲有一碟五柳火鴨絲炆米，試吓佢啲鴨。老實說，鴨皮多過鴨肉，鴨肉有點「鞋」，但整體味道幾好，甜酸汁味道剛好，汁量適中（不是水汪汪），份量ok！想提一點，他們是用茶包沖茶的，雖然茶壼清潔方便相對會簡單乾淨啲，但要焗要浸半個鐘茶味先開始出，本人口味覺得茶味比淨用茶葉不夠濃不夠香，如果喜歡品茗的，可能會不夠滿足！服務方面，未試之前見到好多食評好壞參半，自己試過之後，覺得服務員uncles態度尚可以，總算對其餐廳食物了解，有問題都答到。另外，有一位男（經理？）打全場的，又在門口接待，又在餐廳內招呼客人的，他的服務態度非常認真友善，常掛笑容，有種精神爽利既感覺，值得一讚！希望其他服務員uncles可以再進步！

剛開業時幫襯過，印象食物質數不俗，昨天晚上友人生日，便推薦鴨大哥，大家因為我的推薦都滿懷希望，但最後頗為失望。食物非常普通，食完主菜後，心靈很不滿足，要點甜品慰藉，但亦只係普普通通，實在無下次。

我其實都好鐘意食片皮鴨, 而呢間個片皮鴨好脆口, 而且唔會好肥,之但係如果個薄皮做得好D仲好, 不過佢個皮都算多, 而且有用明火去烘熱佢都好有誠意. 而且佢夾鴨嘅配料都幾特別又有D似魚鬆, 有D樣似盬味但我唔知咩嚟. 個醬汁似加入柚子所以唔會有好油膩, 仲有一個推薦嘅類似叫鴨肉脆米海鮮湯飯, 味道都好, 脆米可以自己加, 但幣在佢似鴨皮湯飯多於鴨肉湯飯, 佢都好肥下你食每啖都會想飛走個皮佢, 因為實在太油喇, 令外個菜嘅份量都唔少, 有個避風塘炸蠔好好食, 佢炸得剛剛好仲皮脆內嫩, 另外有個蜆介魚肉生菜膽, 佢原來係有蜆肉+蜆介味道, 將個魚肉壤入菜梗位, 不過魚肉應該要多加胡椒粉因為有點腥味, 整體加上有折食都好抵食...但提一提如果佢講鴨肉炒飯, 粉你都唔好叫好D, 因為鴨皮居多, 仲要好肥, 除非你唔介意

第一次惠顧這間餐廳，因為環境不錯，座位之間沒什麼壓逼感，所以願意一試。進去坐下，看到餐牌，必食推介一定是片皮鴨啦！市面許多大小食肆都有片皮鴨，每間都說自己的好，這間叫自己做大哥的，沒有那麼大個頭，豈敢戴那麼大個帽，結果點了、試了，味道還算得是過關！而醬汁配料可款式多多，但每樣只是一點點。其他的食物，基本上都有其水準，雖然個別味道好特別，但也許這正正是它的特色吧！

Smoked egg was so weird which taste like burned rubber.Sour and spicy soup is too awkwardly sour, daily soup is fine.Assorted veggies is okay.Peking duck as expected not good, the sauce is like plum sweet sauce which is quite weird.#FOODPORN #QueenBeoly #HKfood #foodblog #yum #food #foodie #QueenBeoly_MidDine #hkfoodie

未開餐已經一肚氣！！ 之前打電話訂位，問reception有咩特色菜式推介，諗住招呼朋友要體面啲，點知佢答我「um... 都係menu上面果啲.. 你自己上網睇」😥😥到食飯當日，去到竟然發現佢冇mark我有訂位！咁我早兩日打黎做乜？！實在太過份！😡 門口個知客服務態度又極差！！問佢有咩優惠，佢好似好唔耐煩，完全冇心機解答我，十問九唔應，淨係掛住望手機！😓食物方面，唔多唔少俾咁既服務影響到，唔覺得食物好吸引，價錢略貴，性價比低！過百蚊隻流心蛋，完全唔流心，想叫鴨舌又冇鴨舌！叫左聞名既「片皮鴨」，水準只屬一般，唔覺得做到招牌菜必試既level！咁既服務同食物質素，係銅鑼灣黎講只屬普通貨色，唔值咁貴！！