鴨大哥 (時代廣場)

營業中

休息中

琴晚同位好耐冇見既姊妹去左呢間鴨大哥食北京烤鴨，因為好耐都冇食過啲中國野：）之後就叫左2個小菜，檸檬雞同埋呢度好出名既鴨湯泡飯，因為太餓淨係影左個烤鴨 哈哈 烤鴨層皮燒到剛剛好，有微微焦，仲有啲面包皮上到台仲會出煙，證明真係新鮮出爐😂 而鴨湯泡飯真係不愧為招牌菜，炸米落去既時候係脆既，仲有「沙」一聲，鴨湯好濃郁，超正💓而檸檬雞真係令我有啲驚艷，賣相一流，真係有檸檬片，仲有啲杏仁片 係上面，又甜又咸，都幾match架！好推呀！而飲品方面，佢地soft drink 就buy one get one free!我地叫左可樂同7喜！之後仲叫左2杯champagne 正！大力推呢間鴨大哥呀！

今日與友人到銅鑼灣進行身體檢查後，突然想食北京烤鴨，友人立刻提議到時代廣場的「鴨大哥」。我早前已曾聽聞這間餐廳由米芝蓮三星大廚「廚魔」主理，相信烤鴨有一定水準。我和友人一坐下翻開餐牌，便點了半隻北京烤鴨及數款精美點心。過了不久，主角隆重登場，這裏的烤鴨以慢煮方式製作，保持鴨肉鮮嫩多汁，皮薄香脆而不油膩，配上青瓜、京葱、蘿蔔同蜜瓜包住一齊食，清新爽甜嘅感覺可以減低油膩感，呢個配搭係出乎意料咁好！店內的點心亦不錯，很喜歡這裏的酥皮叉燒包，雖然其他酒樓亦有這款包點，但這裏的叉燒包鬆軟程度真是無可媲美，咬一口已吃到濃厚的叉燒香甜味。下次我一定要帶埋家人一起到這裏嚐嚐其他鴨肉菜式。

因為Time Square 下面有孫悟空展，今次我哋4個女仔影完相，行左陣街又黎鴨大哥食lunch，由於上次食過返尋味，所以今次就一定要黎!好! 等我再講下今次食左咩啦！今次食左好多點心，每樣野都好好味，除了燒賣我冇食之外，其他唔錯呀！干蒸牛肉燒賣都幾特別，即好似我哋平時食開嘅牛肉球，但變左燒賣，唔錯!碧綠翠苗餃好好食，好入味! 蝦餃一樣有大粒蝦同入味，又係好好食!齋腸估唔到咁滑，都好食! 雪山叉燒包都多料喎，唔差! 叉燒腸正常!最特別係雪菜鴨絲芋角，好好食呀！最後叫了個甜品，特別高身的柚子蛋撻， 熱烘烘出爐，一切開個蛋撻，就有好多柚子汁流出，真係好出乎意料之外呀! 樣樣點心都好好味呀！😋😋😋😋

今日食鴨大哥午餐，成十個人食。嗌餸都唔洗就住就住🤣🤣海鮮鴨湯泡飯好好味囉呢個🥰🥰超濃味既鴨湯 再加上粒粒分明既米，食一碗真係唔夠。荔枝山楂咕嚕肉黑椒藕仔炒和牛粒和牛粒好滑 黑椒味夠重荔枝山楂咕嚕肉個荔枝超好味😂咕嚕肉唔肥 岩岩炸起熱辣辣👍🏻廚魔黑松露XO醬龍蝦粉絲煲嘩！呢個不得了，黑松露啲味入晒落啲粉絲度，龍蝦肉又多！抵食金銀蒜子莧菜正常水平仲有無影到既北京烤鴨 一隻、乾燒野菌伊麵、蟹子燒賣、干蒸牛肉燒賣。反而出名既烤鴨無咁出色，肉質有啲鞋個皮唔夠脆。加上無正常食開既甜麵醬有啲失色。燒賣點心唔多掂，可以不試。

琴晚同男朋友仔去到銅鑼灣悶悶地就入左呢間餐廳——鴨大哥！一入到就被安排卡位，開心仔🤣 經理同品酒師就推介我地食seafood set，食物質素都幾high quality同吾太油膩，岩曬宜家中意健康既香港人。仲有，價格合理，情侶都afford到架。小妹對於food and beverage 都有一定既認識，之前都有做過呢行。經理佢地就推介左一紅一白既house wine，白酒Sauvignon Blanc 就配黃金蝦同埋海哲；而紅酒Pinot Noir就配烤鴨。真係好match👍🏻👍🏻我同男朋友仔都好滿意呢度既食物同service，下次一定會再泥！🤩🤩😋

香港吃过几次烤鸭，一般都令人失望，北京楼的烤鸭也是又老又干。这家却带来惊喜。酱有柚味，所以吃起来口感清新，最让我满意的是皮，没有奇怪的味道，又簿又韧又软。鸭肉也是不错的。还点了泡饭。菜量偏大，所以半只烤鸭，加一个菜，两人吃已足够。会带家人再来。服务也比较友善，主动提供宝宝的餐具。

呢間餐廳做得鴨大哥，顧名思義一定係最出名嘅就係佢嘅烤鴨啦，咁岩屋企人想食下北京填鴨嘅菜式，所以一於去呢間餐廳試吓。呢間餐廳喺時代廣場食通天果座大樓，喺時代廣場地下有部快lift可以好快上到去，由於係星期五嘅晚上，所以去到嘅時候已經好多人等緊位，最後我哋等左45分鐘先至可以入去。打開餐牌，我哋就叫咗見到佢寫住係推介嘅菜式，一於試吓係唔係真係咁好味。第一道菜就係佢最出名嘅片皮鴨，一見到佢嘅賣相係唔錯既，但係分量就真係好少囉，咁樣嘅份量每人都係食得幾塊。。咕嚕肉，份量都係好少。。呢個係湯飯，講真呢個係幾好味嘅。海鮮雜菜煲，我覺得鹹咗少少。叉燒，又係得幾舊。。其實大家見到呢間嘅餐廳嘅份量都真係偏小，所以三個人要叫五碟餸先至叫做夠飽，所以真係有點貴。。

本來30/07(星期二) 訂咗枱lunch, 全場好似死場一樣無乜人，已經覺得好奇怪，老實講食物質素都幾好，但係班職員好似唔想做咁，2:00pm 就比張單人叫你找數，我都冇叫埋單！找完數坐多陣2:30pm 仲熄埋冷氣、落一半鐵閘，係咪想趕客走啫，希望管理層可以正視一下，實在太失望。

上次同朋友食完，個個都話好! 今次又再黎食，不過今次同屋企人食! 一行8人，但我哋忘了book位，不過侍應們很好，雖然冇book位，但俾左張大枱我哋，沙發椅好舒服，老人家們都好滿意!除了北京烤鴨必食，個鴨湯泡飯都是非常好食，一定會再食! 真係好好食! 夠熱夠香夠濃，好足料添! 淋上脆米，口感十足! 推介必食!另外，我好想講哩間餐廳個環境，因為有個經理好有禮貌咁同我哋介紹哩間好出名嘅魔廚餐廳有咩特別! 第一: 茶杯有3款，1是鴨子手執槍; 2是鴨子坐瑤瑤板;3是鴨子坐沙發，很有型喲！第二: 餐廳牆身不同的六角形是營造鴨皮的樣子，另一邊牆是成群鴨子在飛舞，藍白色，很有中國文化!第三: 經理說這個筷子座是鴨Pat pat來的，真係唔講都唔知! 同埋，仲有餐紙巾供應，好貼心!哈，經理講講下，飯餸就好快來了，有以上的講解，為我們帶來不少興趣! 至於飯餸方面，經理提供了6人餐&12人餐，我哋當然叫了6人餐，加少少野咁，價錢於高級餐廳來說唔太貴，而且很大碟餸，食到好飽lu!最後，不得不提個餐廳洗手間!因為好難得商場餐廳入面有自己私家廁所，而且是很乾淨又寬敞，不是說誇呀！通常餐廳都要出去商場廁所先得，

早前在時代廣場10樓食飯時，看見一食肆叫做"鴨大哥",今晚決定一試。三人吃飯，點了片皮鴨，啫啫斑腩豬潤煲，龍蝦粉絲煲; 不夠十五分鐘，已全部上菜完畢，已心知不妙; 先說片皮鴨，皮不太脆，肉似用水白灼，無鴨味，不知是否這緣故，故有提供鴨油。龍蝦粉絲煲，蝦肉不新鲜，太削。啫啫斑腩豬潤煲，是最好的一個小菜，斑腩肉嫩，唯豬潤有小小過火，但整體味道不錯。講完食物，再說服務，我從未試過剛剛吃完，在與家人喝茶閒談時，突然遞上單據要埋單，最大問題時，當時為晚上8時，又不是要關門，外面亦沒有客人等位，餐廳内亦有很多吉位，真不知為何要趕客 ; 三人吃飯埋單八佰多元，性價比不值，此餐廳真的休想我再光顧。

好耐冇出街食飯，今日Sunday姐請客，介紹去咗銅鑼灣時代廣場嘅鴨大哥。去到食通天樓下已經見到排隊搭𨋢嘅人龍，不過對比起以前呢度已經算少咗人。訂左枱，一上到去已經可以坐低，朋友話必食嘅就係片皮鴨，當然要叫黎試吓。片皮鴨皮脆肉嫩，鴨味十足，不過我更欣賞嘅係佢透薄同埋煙靱嘅餅皮，每塊餅皮中間都夾左一張薄嘅紙， 防止餅皮連埋一齊，餅皮夾上嚟睇係透光嘅， 而且仲有蠟燭係底下熱著，防止餅皮冷卻影響口感，值得一讚👍🏻！跟住我哋仲叫咗荔枝咕嚕肉同埋日本柚子檸檬雞，超好味！咕嚕肉脆卜卜，肉汁豐富！依個咕嚕肉同出邊做法有少少唔同，為咗令佢更加香脆，表面加咗杏仁片去炸，加埋酸酸甜甜嘅柚子檸檬汁，真係食到停唔到口！另外就叫咗個荔芋肉餅鴨煲同鴨湯泡飯，佢特別在個芋頭係加咗肉去整，增加左咬落去嘅層次同味道！而個鴨湯泡飯就剛好中和左之前食咁多炸嘢嘅飽滯感，附上一兜米通，就算浸咗係湯飯入邊好耐都仍然係咁脆👍🏻最後叫咗咖啡糕同楊枝甘露做甜品，咖啡糕初頭食落去冇咩特別，但吞左落去之後陣濃濃嘅咖啡味先至會再湧返出嚟，鍾意咖啡嘅朋友不可錯過，楊枝甘露都好好食，不過我就覺得甜咗啲⋯如果減返啲糖就Perfect嘞！又食到捧住個

有屋企人難得番黎香港就想試下食物質素高 特別係酸辣湯 辣同酸度岩岩好 好惹味好香💛 再試左檸檬雞 好有驚喜 唔好太酸 好入味 然後就係 海鮮鴨湯泡飯 好鮮甜 🤤最令我鐘意嘅係佢地叉燒👍🏻 又嫩又入味 服務好周到 滿足哂我地嘅要求👍🏻值得一試

今日星期六中午同4個朋友一齊黎銅鑼灣行下，行到黎10樓，諗住見攰就搵餐廳坐下，傾下計。於是我哋5個去左鴨大哥哩間高級粵菜廳啦！首先我哋係俾鴨大哥門口的大鴨裝修吸引住，然後再行入去，就見到2位有型師傅在透明玻璃下片皮鴨，相當有睇頭。跟住，侍應帶位，又好有禮貌，座位夠寬敞又夠舒服，我哋起碼坐左1.5至2小時。而且哩度上餸菜很快! 點心還熱的! 對! 原來中午是有點心叫，很像酒樓吧！我哋5個叫左1隻北京烤鴨，嘩! 淨係碟烤鴨醬都已經有6種野，塊餅皮每一塊都有隔離紙，唔會黏住晒! 餅皮籠底下仲有微火點起，令到塊塊餅皮唔會好快乾同凍，咁細心，值得一讚! 當然主角北京烤鴨真係好好食，又多肉，唔會騙人! 皮脆可口!我哋仲叫了幾籠點心，有燒賣、 翡翠餃、合桃包、叉燒腸、 鳳爪等，真係全部都好好食，起碼夠入味! 餃又皮薄餡靚，真係有好大粒蝦肉架，真心可以一試再試!今次第一次黎食，已經覺得不錯，尋味指數冇得輸呀！黎銅鑼灣一定會再來幫襯!

今年揀咗呢間平價嘅米芝蓮食府同老豆慶祝父親節，既可以滿足鍾意食中餐嘅老人家，又可以試吓新派中菜，的確一舉兩得！畢竟食店座落於銅鑼灣時代廣場，店舖裝修雅緻，座位舒適，枱與枱之間有一定的空間，令食客坐得闊落丶無壓逼感。由於當晚我哋一行五人，呢個六人套餐又應有盡有，大家都費事諗咁多，就試吓呢個餐啦！首先係主角出場--北京烤鴨，份量很足，鴨肉肥瘦適中，而且温度微暖，入口唔會令人覺得太油膩。值得一試！值得一讚，師傅很细心，在蒸籠底部用上蠟火保持薄皮的温度，令它不會因凍了而變硬。海鲜魚肚羹用料非常豐富，啖啖都有鲜蝦丶魚肚，用料極足，绝無欺客！兩款前菜分别係滷水鴨舌海蜇頭配川椒青醬及椒鹽九肚魚。前者係冷盤，鴨舌入味，可惜分量唔多，而海蜇像加入日本芥末般，口感清新特别，十分消暑。後者則是熱食，九肚魚不用炸漿都夠大件，椒鹽既能提升食味又不會太咸，非常香口。醬皇野菌炒帶子，醬汁味濃，帶子很入味。雖然係好簡單嘅菜式及食材，但醬料令整碟菜出色，绝不乏味。荔枝山渣咕嚕肉整體的食味無問題，酸酸甜甜很醒胃，一道很適合夏天的菜餚。可惜咕嚕肉選用的肉質太肥，不太適合現今講求食得健康的準則。另外，炸漿太厚，咬落只吃到脆漿

星期五晚約舊同事食飯，要搵間可慢慢傾計嘅餐廳唔容易。諗起之前黎呢度食飯全晚冇full過，味道又過得去，諗住價錢貴少少就算啦！預早打黎訂位，順利訂到枱兼冇限時，心諗終於攪掂啦！點知今晚食到後半，已經有職員過黎要我地8點交枱，話有人等位。我提醒職員：我訂枱嗰陣你冇話限時架喎！職員作罷行開。點知轉頭有位貌似經理的人過來重申要我地交枱，話有客等緊位，即使我訂枱時冇講限時交枱都要交。1小時內前後4次有職員過黎要清我地張枱，拎埋張單過黎要我地埋單。即使我每次都重申我訂枱嗰陣你冇講限時，佢地都只係答一句：有客等緊枱。我問佢你角落張吉枱擺喺度做乜？佢繼續答我：有客人等緊位。我地7點先開始食，你要我8點交枱？我食快餐可以15分鐘食完，但我比咁嘅價錢黎食啲普通野，你竟然仲要趕客我就真係接受唔到囉！一定唔會再去！！我們點了一鴨二食，但片皮鴨未上，第二吃就已經一早來了，不是太本末倒置了嗎？而且不知是否因生菜太凍？鴨肉碎都涼了。食物外表沒半點吸引之處，故沒有拍照。