鴻圖樓茶餐廳

營業中

休息中

觀塘牛頭角工商業區真係好多美食選擇，呢間出名燒味，聽店員講，受歡迎程度，一日燒幾轉，仲好快賣哂🤩餐廳空間大座位多，仲有綠色嘅裝飾，都幾舒適。 燒味種類當然都唔少，燒肉、乳豬、义燒、切雞、燒鵝、燒鴨、乳鴿等。午市仲有單雙拼套餐燒肉燒鵝套餐 $54燒肉係半肥瘦，脂肪柔軟，瘦肉爽口甘香唔油膩；燒鵝外皮有光澤，肉嫩多汁，配酸梅醬更好味切雞义燒套餐 $54切雞鮮味突出，雞皮爽滑，肉質香嫩。 义燒比較瘦，肉味香濃，肉質鬆化，味道適中，是日老火靚湯 餐飲品轉湯+$3老火湯一大碗，仲要好多湯料，而家涼涼地飲，可以暖暖胃。

同友人相約係觀塘夾公仔，夾完打算去食飯(食平D，因為夾左好多錢公仔😂><)，於是見到鴻圖樓茶餐廳咁抵食，就入左去啦~😎餐廳好多款式，有排揀🙈🙈1. 豉汁蒸烏頭 肉質實而鮮甜，大大條(連碟都裝唔哂)，火喉控制得岩岩好，魚肉唔會太熟，配埋惹味豉汁，正~🤤2. 帶子蒸水蛋 友人好鐘意食蛋，一有蛋就即叫~一上菜，就比帶子同埋水蛋既香氣吸引住，已經想瘋狂食飯了><，蛋超滑，完全唔鞋，而且D汁完全入哂水蛋中，帶子味十分突出，係我地食過頭幾名既水蛋 🤤🤤😎叫左2杯荼餐(走甜、少冰)，飲品先上，飲料大杯，茶底濃

身為觀塘街坊的我常在觀塘找美食的， 一間老字號的茶餐廳好有人情味的，我一去再去幫襯，例如燒味飯我必點的脆皮燒肉，肉質鬆化、香脆，滋味呀！燒肉配切雞飯簡單得來美味， 男士們至愛呢！另外我都喜歡吃蒸魚類，因為一樣都係好新鮮， 這日我們便點了豆豉醬汁清蒸倉魚，只需$68 一碟， 可配以白飯，啖啖魚肉都新鮮熱辣， 倉魚肉嫩肉多汁！埋單一百多元的晚餐， 平價的美食！鴻圖樓地址：九龍觀塘鴻圖道30號鴻圖樓電話:：2343 5122

今日要同老公去觀塘整野，難得撇甩2個仔岀去拍拖🤣緊係行下兜下…不過平日lunchtime真係好多人，我老公話唔肚餓就等點半先會少人啲…食物干炒叉燒意粉 - $56散叫呢個超好食！話就話干炒，但啲意粉1啲都唔干！啲意粉好彈牙，叉燒有炒過勁入味！又大塊！我第一啖食落去～～～久違了嘅叉燒味再配埋啲洋蔥🧅芽菜、韮王！超級熱同超級香！火鴨絲炆米 -$56 散叫我最愛嘅炆米好少地係有火鴨絲炆米！所以我二話不說即刻嗌嘅個！堅熱🤣同埋係有煙架🤣我老公仲話我6uo啲煙啲影💨夠多就影到啦！超級多火鴨絲！我仲叫我老公試吓呢個咩黎咁香🤣原來係食咗好耐嘅韮王，加雪菜係無敵凍檸茶黎茶餐廳一定嗌凍檸茶呢個紅茶底超好飲！檸檬勁香🍋我老公係食檸檬人士😵‍💫佢表示個檸檬好新鮮🙈我唔敢食，我淨係聞檸檬，好清香！係飲過咁多檸檬茶之中都係頭位🤣服務雖然去到點半，都係全場爆滿。見我哋坐低左已經好快手抹枱拎餐牌俾我哋，不過係下午茶餐牌🙈我哋肚餓都係叫lunch抵食我哋舉手叫野都好快到！環境附近應該呢間算大，啲卡位同走廊都好鬆動，我哋鐘意坐卡位，都係等左1陣就有卡位讓俾我地下次如果再經呢頭都可以再試

星期五放飯中午時間.媽咪咁岩係觀塘附近上完堂.然後就黎左我公司樓下陪我食晏.鴻圖樓茶餐廳都屬於我其中一間最喜歡的茶餐廳餐廳內既燈光好光猛.媽咪都話覺得比一般茶餐廳舒服我推介媽咪食呢到既燒味飯.但佢話唔吾食飯所以叫左干炒牛河.牛河乾身牛肉食落依然有水分好多汁.加埋辣椒醬食就最正我就叫左平時都成日食的燒鴨飯.燒鴨肉好嫩.份量好多.記得要點醬食.好開胃鴻圖樓茶餐廳性價比高.價錢好抵食.比平時的茶餐廳高質.樓上有間鴻圖樓酒樓.我都好想試不過應該放假先可以去了

鴻圖樓茶餐廳位於觀塘非常旺既工廠區 我估幾乎所有觀塘既打工仔都有食過 因為餐廳有裝修過 所以燈光明亮同埋地方都好整潔 因此吸引左好多OL都會黎幫襯 最重點食呢到又平又好食其實呢到都係我既平常飯堂 就算日日食都吾會厭 因為呢到既野食係超級多種類 但要留係返中午時間真係超級多人 經常都爆場的今日都係食返雙併飯 蜜汁叉燒併油雞 叉燒係最正既半肥瘦叉燒 靚到流口水 油雞好滑 味道係淡淡地既豉油味 送飯一流 旁邊送個兩條菜都值得一提 因為吾會好似其他燒味舖咁煮到好硬 呢到既菜係絕對食得入口的

下午茶吾知食乜好發現左呢間位於工廠區既鴻圖樓地下係茶餐廳 一樓就係酒樓係門口見到茶餐廳既裝修好靚好整潔一行份去有種去左森林既感覺 有好多上班族同街坊幫襯係我諗陣食咩既時候見到隔離枱碟叉燒飯好正 佢地好似食得好滋味咁 於是我都叫返碟食下先原來下午茶燒味單拼只係三十二蚊好抵食 蜜汁甜甜地好開胃叉燒係半肥瘦的 啲飯軟硬程度適中最後我食晒成碟飯都仲有叉燒淨 份量勁多呢間鴻圖樓茶餐廳下午茶真係好抵食大家記得預岩時間黎試下喇

已經決定逢星期一都要出街食晚飯，因為每個星期一都忙到嘔，讓每個Blue Monday變成Happy Monday 的最好方法就係食餐好，而今晚就約咗個長輩去酒樓晚餐。原來這間酒樓地下是茶餐廳，上層是酒樓。門面夠晒大，而紅燈光的招牌亦相當搶眼。乘𨋢往上層，內裏環境光猛，跟般酒樓的格局相若，設有多張四人圓枱，亦有數張大圓枱，地方都幾寬敞闊落。細閱枱上各份餐牌，有明爐燒味、合時煲仔菜、中式名廚主理、馳名避風塘、套餐寶等，而最吸引我倆就是「晚巿必叫5款」優惠。**************「晚巿必叫5款」優惠中，全是海鮮，真係好吸引，不過….當然按每枱人數定。我和友人都是魚痴，一齊決定要條超值抵食的清蒸青斑仔（$38/條）。青斑仔即點即蒸，熱辣辣上枱。雖話係青斑仔，但都唔算細，好有肉，魚肉一片片，蒸得合時，白滑鮮味，淋啲豉油，伴些薑絲蔥花更好味！最喜歡當然是魚腩位，相當肥美，滑嘟嘟。**************另點一碟蒜蓉炒油麥菜（$68）。油麥菜炒得夠鑊氣，保持色澤翠綠，爽嫩無渣，下了不少蒜粒，蒜香味十足，又唔鹹，如果少啲油就更好。--------------------------別以為將價

去開觀塘買完野就拿拿臨找野食醫肚。見到鴻圖茶餐廳很大一間坐落街口位置，望上去原來上層都是同集團，我地就上去食中菜。第二層鴻圖樓係可以點10蚊炸子雞，超級抵食，我地2人是半隻份量。雞身皮脆肉嫩，夠juicy不錯的。另外聽職員推介要了例牌蜜汁义燒，原先想點义燒燒肉雙拼，可能我們時間不早，已賣晒，唯有等有機會先可食啦。例牌份量都不少呀，師傅刀工不錯，最緊要肉身不鞋😋我地主攻肉類，所以最後加左個海味雜菜煲，裏面有魷魚、西蘭花、菜芯同粉絲，仲要好大粒的蝦米😋湯底較得好入味，飲埋湯不浪費。 想不到在此區仍可食到不錯既質素、難怪晚餐時段都挺多人。

今日放工好肚餓，咁岩係觀塘放工，近近地食呢間茶餐廳。眼見都幾多人食，上面仲有好幾層。坐低嗌左一個例牌 極品叉燒王$90、豉汁蒸黃立倉跟套餐有一杯飲品、一個飯，兩個人啱啱好蜜汁味好重，叉燒肥瘦適中，好啱送飯豉汁蒸夠晒惹味，比想像中大條😄

今日係快樂星期五，返埋今日就放假喇，帶住好心情食個晏就先黎到平常我成日黎既食堂鴻圖樓茶餐廳，呢到環境野食都幾唔錯嫁，最緊要抵食啊嘛，餐牌選擇都幾多，晏就好多吾同年齡層既客人幫襯我最推介呢到既燒味飯，叉燒油雞飯，我一星期最小要食一次，叉燒好入味，而油雞一睇個樣已經好靚，啲雞好滑，啲飯咬落軟硬適中，每次都會比好多汁我，好好送飯野飲我例牌都係凍華田，係普普通通平常飲到既凍華田推介各位係觀塘返工既上班人士可以一試

一直都好喜歡茶餐廳獨有既人情味，但又吾喜歡舊式茶餐廳既環境，真係好矛盾黎到位於觀塘鴻圖道既鴻圖樓茶餐廳，滿足左我兩個願望，呢到裝修得好有小清新既feel，係茶餐廳打卡都完全吾係問題，同埋店員姐姐都好有親切感啊我點左個茶餐廳必點既干炒牛河，顏色已經好靚，牛肉好霖好多汁，我加左勁多辣椒醬，好正朋友就叫左晚餐精選既雪菜火鴨炆米，朋友因為本身好中意食米粉，所以好欣賞，我試左兩啖都真係幾不錯，味道都幾濃，米粉口感好好

自從搬走左無再住係觀塘區就好掛住呢到既茶餐廳，鴻圖樓茶餐廳真係可以話係由細食到大晚餐精選樣樣都好想食，考慮左一輪最吸引我都係雪菜火鴨炆米，記得晚餐要六點後先供應的，星期日同公眾假期要另收加一服務費雪菜火鴨炆米$56 火鴨好淋好容易咬開，米粉吾會硬，因為有啲地方米粉煮得硬就會好難消化，同埋炆得好入味，炆到顏色好靚，然後加左$8要老火湯，係青紅蘿蔔湯，清甜好飲，食物都一直保持住水準，都好推介各位如果黎食晚飯記得要加老火湯，因為真係濃濃住家既味道

「鴻圖茶餐廳」位於觀塘的中心地帶，午膳時間多數都坐滿人，今天工作來到觀塘，放工在「鴻圖茶餐廳」食埋晚飯才回家。餐廳面積很大，有很多座位，大大個紅字招牌，離遠都見到。晚餐有6款套餐，大部分是五十多元，有凍熱飲品，我就簡簡單單食碟梅菜蒸鯇魚飯。$59有大大舊鯇魚腩，還有一個魚卜，很多茶餐廳都不會供應魚卜，很久沒有食過，所以覺得份外好味，魚腩也新鮮，蒸得剛剛熟，魚面灑了很多甜梅菜，伴飯一流。加8元有碗老火靚湯，今晚是紅蘿蔔豬骨湯， 清甜好飲。

我平時好少食茶餐廳，因為覺得座位好迫同埋有種要好快速食完快D走既壓迫感🙈但前排黎過一次呢度食晚飯之後我竟然對呢間茶記幾懷念🙊呢度地方好大，大部分都係卡位，坐得舒服👍🏻侍應們遞完杯水俾我又唔會拿拿林催我落單😙上次試過蒸魚都幾唔錯😋今次決定試下附近幾檯都嗌嘅燒味✌️原本想試乳豬但賣晒🙁結果叫咗個雙拼嘅燒肉燒鴨飯(少飯)加半隻鹹蛋，同埋是日例湯菜乾湯～菜乾湯勁大碗超足料，眼見果皮都有兩大塊😮湯既味道唔會太鹹，仲有唔少南北杏，大熱天時要黎潤肺清熱非常唔錯👏個燒味飯既鹹蛋同醬料都係另上，好細心👍燒肉層次分明肥瘦適中，食落塊皮超級脆！！😍配埋刺激開胃既芥末醬真係無敵😋😋燒鴨食落有微微炭燒香味，肉質幾嫰滑，塊皮都脆口而且唔會太肥，雖然都好食但就無燒肉咁驚艷到我😂鹹蛋加燒味送豉油白飯簡直係一流既平民美食😋如果舊鹹蛋再流油啲就更perfect！👏👏呢間茶記既水準真心唔錯❤️下次要試下今次食唔到既乳豬先得！😈