鴻圖樓茶餐廳

營業中

休息中

同友人行去觀塘碼頭時，途中經過一間茶餐廳，俾佢既燒味吸引住，就咁走左入去醫下肚先......先再去碼頭chill下。分別叫左2碟雙拼燒味飯，諗住可以一次過試晒四款燒味1. 叉燒拼燻蹄飯 (配熱檸水) HK$54 叉燒軟身，肉質一點也不諧，易咬但又不失口感; 燻蹄量多，切得薄身，口感Q彈爽口，肥瘦比例剛好2.燒肉拼切雞飯 (配凍奶茶) HK$54燒肉調味適中，唔會有一部分特別咸，皮脆，肥瘦均勻，而且有層次，一層肥一層瘦梅花間竹; 切雞肉質嫩滑，唔諧身，薑蒽用黎配飯，簡直一流

皇恩浩蕩，投票日可免費乘車，決定促進本土經濟，跨區喝奶茶為了引證一下觀塘返工食飯是否真的要中環價錢，特意前來鴻圖道一探究竟找到一家環境寬敞的港式茶餐廳，牆身以人造園景佈置，彷如石屎森林中的一片綠洲餐廳設有燒臘專櫃，雙拼燒味飯套餐的白飯份量十足，為一眾打工仔加加油！脆皮燒肉有三層口感：豬皮酥脆、脂肪滑嫩、瘦肉鹹香！燒鴨皮脆易咬冒著油香、肉多汁而不柴咖喱牛腩飯咖喱的香辣與牛腩的濃郁配合起來辣而不嗆午餐加$3可要凍飲！凍奶茶奶茶糖漿比例剛好凍檸檬水熱量較低又可解油膩結帳前，餐廳免費送上甜品，紅豆沙湯圓Q度剛好不死甜

門面有個大大塊LED 燈的招牌，紅紅的寫住「鴻圖茶餐廳」，仲有玻璃隔住裏面掛滿燒味，寫上「明爐燒臘 自設工場」，俾我的感覺係歷史悠久的茶餐廳。入去先發現，別有洞天，裏面係新式的裝潢。牆上裝上草牆，見到咁多綠色的草，感覺好似去左郊外咁😆同fd 一齊黎，我一定要試下燒味飯，個fd 叫左咖哩牛腩飯叉燒雞雙拼飯 $54 +$3 凍檸茶今日係lucky day, 平時食雞飯多數都係食到雞胸，今日師傅斬咗完整一隻雞髀比我食，雞髀好滑☺️. 叉燒係瘦叉，係有少少靭，不過都好好食😁咖哩牛腩飯 $55 +$3 凍檸茶超多咖哩汁，多到就黎滿瀉😂。厚切牛腩有好多嚿，好抵食👍👍

於牛頭角附近上完課，累極，懶得行去apm ，見就近十字路口的茶餐廳看似挺多空間就信步入去。枱與枱相隔比一般茶餐廳闊得多，2人卡位亦超多，方便我處理私務。另外水吧附近有兩張4-6人枱有窩在角落，同樣方便同事間吹水。周遭設施都清潔得挺乾淨，廁所潔淨度亦不比酒店差。選了個2人卡座，不想微燒腦，選了兩份男人另外的浪漫——燒鴨燻蹄飯、切雞叉燒飯。碟頭端來，怔住，飯量有三四碗，足夠從事力之表現之工作人士享用，就算是燒味件數亦無欺場，以小女子食量來說倒是有點吃不消。切雞不肥膩斬得夠細，叉燒亦不油膩，燻蹄幾有嚼口。兩碟大大飯包茶啡都只售一零幾，又能安靜有私人空間吃個飯挺不錯。

之前去觀塘返工果陣都成日黎呢間茶餐廳食野～～食物選擇多之餘，價錢仲好平🤩🤩餐廳環境乾淨企理，想平平地食一餐都唔錯架❤️❤️🥘枝竹羊腩飯套餐 $78✨羊腩份量好足，仲要炆得好腍～～配料有冬菇、枝竹、馬蹄，全部都好入味🤤🤤醬汁味道濃郁，好送飯！食完超飽肚🤣🤣🍱雙拼燒味飯套餐 $54✨我地就叫左叉燒油雞飯～～叉燒偏瘦，但一d都唔乾，蜜味好重😋😋肥油好嫩滑好好食！仲有蔥油可以撈飯添❤️❤️餐飲點左凍檸茶🍹🍹味道正常，好大杯！飲落一d都唔澀，感覺好fresh 🍋🍋

工業區餐廳的賣點就是平,快,靚,正！呢日去牛頭角經過就順便入內一試.鴻圖樓坐落十字樓口,相當顯眼,而且好多層,地下是茶餐廳,上層是酒樓.茶餐廳空間都頗大,位置好闊落.ORDER 左明爐燒鴨髀飯, 燒鴨有炭燒香味,肉質都頗嫰滑,塊皮都幾脆口.配有菜心,而且醬料都係另上,相當細心.聽餐廳的侍應姐姐介紹,燒味都是自家工場燒製,有一定的質量保證而且餐廳的下午茶1:45就開始啦,比外面一般的餐廳都早開始,到3:30後部分仲只需HK28蚊（包埋熱飲）,今時今日仲有呢個價錢,真係超抵!看到餐牌仲見到有古法羊腩飯，價錢一樣靚仔只需HKD39，看來下次天氣凍D都可以再來一試

同友人相約去觀塘海濱，不過因為太大風，所以是但揾間茶餐廳快食，見到鴻圖樓茶餐廳招牌大燈就被吸引入去食！入到去，環境幾寬敞，有一片綠油油嘅裝飾，平凡中帶點點不平凡！揀左坐卡位，目測至少四部大電視，但又唔會好嘈好吵耳，一改茶餐廳嘅觀感！友人一見到有臘味飯，就雙眼發亮，因為天氣涼涼地好啱食，而且屋企又唔會自己整！👉🏻 傳統臘味飯$49有臘腸、潤腸、臘肉，非常扺食！臘腸帶點肥香，潤腸亮眼，臘肉肥度均勻，係友人想食嘅味道！👉🏻咖喱牛腩飯$55咖哩味香濃，最神奇係竟然全碟都係牛腩，一舊薯仔都冇！！肉質唔會好鞋好韌！中意食肉嘅朋友一定好歡喜！除左牛腩仲有牛筋食，送飯一流！呢個價錢，有咁大碟野食，環境亦唔錯，都算有驚喜！

-🔸咖哩牛腩飯🔸燒味雙拼飯🔸凍檸茶🔸熱奶茶-琴晚收工等埋一樣都係喺觀塘返工嘅朋友一齊食個快飯，求其入咗依間茶餐廳，樓上係同名嘅茶樓，好似好架勢喎。我叫咗碟雙拼燒味飯，揀咗叉燒拼切雞，叫咗瘦叉同雞胸位，送咗兩條菜心，白飯淋上咗燒味醬油，再加埋葱油已經夠撈晒成碟飯呢！朋友就食是日晚餐嘅咖哩牛腩飯，份量非常多，牛腩半肥瘦好正呢。好耐冇食港式咖哩嘅我都忍唔到夾咗幾舊嚟食，係經典嘅茶記風味啊，好好味呢～

今日黎到呢間鴻圖茶餐廳，鋪頭都好大下，仲要下午兩三點都坐滿客😍咁應該食物有番咁上下水準啦🤩等我同朋友仔試試佢先😊我地叫左兩個要有功架既菜式食支竹羊腩同蒸鯇魚。。。🤤講下個羊先。。茶餐廳午餐食羊腩，以為兜嘢會無乜料原來除咗羊腩枝竹之外仲有冬菇馬蹄老薑有六舊羊腩量都唔少，仲有以上配料配合，食到飽飽。。羊腩唔太羶，夠入味，冬菇都入味，我多數會食埋啲薑，由舊薑可以知道呢餐羊都有燜咗一定時間，夠入味🤤講埋條魚。。魚份量足夠，而且肉質保持到滑溜，一啲都唔鞋，同埋佢既豉汁勁惹味，應該有特別烹調過🤤正到我居然可以食曬成碟飯，重點，碟飯勁大碟🤣🤣總括黎講對得起價錢，食物質素好，而且份量又夠。。

觀塘一到lunch時間，真係多人到不得了，人太多都算了，有時想平平哋，好快咁食個lunch，都唔知去邊度好，而家我就推介呢間餐廳俾大家！絕對可以講係快靚正！如果喺鴻圖道附近返工嘅你，一定知道呢間餐廳所在位置，因為喺定鴻圖道嘅交匯處，係呢一個地段，亦都非常出名，所以非常易搵唔好講咁多，呢個係今日我同朋友食嘅 lunch，分別有我叫嘅蔥油太陽蛋油雞飯，同埋朋友所叫既咖喱牛腩飯，呢個蔥油太陽蛋油雞飯，價錢$50 ，大大碗，就算係我朋友呢一個咖喱牛腩飯，只係$36 ，但係份量都唔少㗎近啲睇，我呢個蔥油太陽蛋油雞飯係咪好正呢，佢仲包一杯餐飲，我就叫咗凍檸茶後面嗰一碟係我同朋友另外叫嘅燒味雙拼，我哋叫咗呢一個當係小食，大家分享咁樣食，因為好想試吓呢度好出名嘅招牌燒味！先講吓我呢個蔥油太陽蛋油雞飯，除咗佢份量多，大家可以見到油雞非常吸引，色澤鮮明，雖然佢係豉油雞，但係配埋蔥油一齊食，再加埋蛋汁，其實真係幾唔錯可能你會話，你燒味雙拼又係叫油雞，由於冇晒叉燒嘅關係，所以我由油雞代替，叫咗油雞同埋燒腩仔，我真心覺得呢度燒味確實出色，油雞除咗色澤，食落嘅口感非常鮮嫩，而且皮下面，仲有少少啫喱膏！而且面頭嘅雞

鴻圖樓茶餐廳 (觀塘)觀塘鴻圖道30號2至3樓枝竹羊腩飯 $78一碟$78有羊腩4件，仲有枝竹同馬蹄粒，碟頭飯嚟講算係幾足料～ 特別一讚係馬蹄粒好爽口清甜！ 另外，餐廳仲有羊腩煲$238供應傳統雙拼 (燒鵝+燒腩仔) $68小妹叫左雙拼飯～開心啲呀嘛一次過食足兩味！ 燒味件再加埋大大碟飯，飽肚～ 我成日都諗如果啲燒味舖有賣三拼飯就好了！小評💁🏻‍♀️：個人認為以平民式碟頭飯嚟講，夠大碗，簡簡單單一餐，已經算係人生中嘅小確幸，有時人生就係唔需要要求太多花巧，咁就夠嘛～

位於巧明街同鴻圖道交街，地下是茶餐廳，樓上則是酒樓，係Openrice見呢度既燒味唔錯，就決定試下。茶餐廳裝修新淨，而且卡位勁多，位同位之間夠寛敞，唔會有擠迫感。員工感覺都幾有活力～服務都唔錯😁打開menu, 款式非常多，大概是滿足在附近的上班族。西至歐陸早餐、中至中式點心～非常多元化。叉燒燒鵝飯，套餐價，非常抵食，份量亦非常大。叉燒不會過甜，肥瘦均勻～燒鵝呢，今日比較Lucky, 有鵝髀😻😻 燒鵝非常肥美～不過食完真係好飽。同伴簡左「羊腩飯」，又係大大份，$78 有交易😻😻 冬天食完暖立立～ 另外想慢慢嘆，仲有羊腩煲可以點！！👍 一間茶餐廳「凍奶茶」真係好重要‼️ 水準夠！係我鐘意飲既味道！奶、茶 、糖漿比例剛好👍👍

今日同朋友行觀塘，經過見到一間叫（鴻圖茶餐廳），見到都差唔多到食晚飯時間，所以就入去試下，入到去環境好寬敞，好闊落，感覺幾乾淨。由於剛剛6點，d人剛收工所以未開始多人。我同朋友就搵個卡位坐低睇下有咩嘢食，個侍應禮貌幾好熱情招待，見我哋唔係熟客仔，就推介咗兩個飯畀我哋，佢話係佢哋招牌菜。傳統相片臘味飯：一條臘腸一條潤腸一條臘味，份量好足，臘腸唔會太肥，潤腸油分充足，臘味唔會太鹹，送飯一流。古法支竹羊腩飯：天氣開始轉涼，羊腩飯呢啲天氣食真係最好不過，先講個底味，已經滲入曬啲羊嘅精華，枝竹更加係令依個羊腩飯錦上添花，羊腩更加唔洗講肥瘦適中炆得好林，而且好入味。總結：估唔到觀塘都有一間咁出色嘅茶餐廳，仲要有臘味飯同羊腩飯食。下次再嚟試過。

💡觀塘今日去咗觀塘拎啲嘢，拎完見餓就睇下附近有咩食啦。今日係平日平，收左工時間竟然見到有間茶餐廳入面有好多人。出面睇落去就同一般港式茶餐廳冇分別，不過見到佢晚市有羊腩食，適逢最近天氣又轉凍，想食羊腩打底補下身，咁就入去試吓佢啦。坐底見佢仲有燒味飯嘅，咁對於熱愛燒味嘅我呢一定要試吓佢嘅雙拼燒味飯（燒鴨、燒肉）。上菜速度都好快，我諗佢羊腩應該都係熱銷，準備好哂，仲出煙架喎👍🏻。食羊腩最驚係咩呀？係”騷”味啊！食落去唔”騷”不突止仲有淡淡既羊肉香味。食得出佢仲落咗唔少薑同埋蒽去辟味，腐乳味亦都啱啱好。燒味啲皮都仲係脆嘅，無個種死咸，估唔到都有酒樓嘅質素。可能係因為都夜嘅關係啦，如果中午去食既話相信燒味會熱啲會更好。以咁超值嘅價錢可以食到羊腩暖下胃都食得開心嘅😋

因工作原因到達觀塘，經過一家餐廳，見到餐牌食物種類都幾多，決定入去醫肚！價錢便宜，果真是良心街坊餐廳呢入面裝修都幾企理，坐得幾舒服！叫餐會加埋餐飲唔怕唔夠飽！👍 🌸羊腩飯天氣漸涼，最好食羊腩飯暖身，一上台已經香噴噴，羊腩肥瘦分明，炆得好入味，仲有都幾多支竹，羊腩都唔會有騷味，處理得幾好！跟餐的杏霜唔會太甜、同時濃郁又熱辣辣！幾正😍🌸豆豉醬汁清蒸倉魚原條清蒸倉魚都係$68大洋！好抵呀！魚肉多汁幼嫩，幾有鮮味，賣相幾靚，一個人食，都好夠飽，清蒸好健康，加埋醬汁嘅調味，不單調又美味！