鴻圖樓茶餐廳

營業中

休息中

今日做完野已經過左lunch time喺鴻圖道是旦入左間餐廳見個門面有2個入口入面又好似好大就盲中中行入去食啲野一望餐牌就見到啲燒味飯2個男人通常都係鍾意食呢啲間野幾得意 因為tea time都分2個時段1:45-3:30pm 就$333:30-5:30pm 就$28當時其實已經3pm但實在太餓 同埋33蚊已經好平所以諗都唔諗就叫野食叫左個燒肉叉燒飯 同 油雞燒鴨飯3分鐘唔夠已經有野食！人地話食燒味飯可以測試運氣睇黎今日運氣唔錯！油雞同燒鴨都啖啖肉其實油雞都唔洗用到薑蔥好夠味仲超級juice！而個燒鴨個皮都超級香肉好滑叉燒好夠淋同埋好夠味又好入味！燒肉好簡單 皮脆已經好滿足 不過佢仲要爆肉汁 唔會好似啲柴咁 好正！ 呢餐tea值得讚既有幾點1）平！先33蚊抵食！2）tea黎講都算大份！3）有菜！而家出面好多都無(包括大型連鎖店)蔬菜都真係加分位！唔知有無人有同感😂4）個位有得差電！對於我啲大頭蝦成日尿袋無電真係好重要！除左個人可以差差電！電話都可以！起碼平過啲coffee shop先！短短40分鐘左右見到超多外賣！相信好多附近商廈都好多人叫Tea！下次路過再試下其他先！

今日同朋友經過開官塘做野，1400左右搞掂，就想話搵間野食下，一轉灣，就見到黎間有成3層樓高既「鴻圖樓」茶餐廳，淨睇個勢都感覺到靠得住。二人決定膽粗粗入去會下佢。講到食晏，叫燒味飯一定係最穩陣。所以叫分別叫左一碟「燒鴨燒肉飯」冰奶茶 同埋「燒肉燻蹄飯」熱檸茶。先講講燒鴨，我好怕出面有啲燒鴨啲味好濃，一近腔背位咸死人，但這間唔會，味道溫度岩好，而鴨皮好似紙咁薄，重有陣陣油香，燒肉一個字講晒，鬆化，燻蹄就夠晒彈牙，加上白醋，味道中和，完全唔覺油膩。

今日黎到觀塘行街食飯，行到累累地就搵間餐廳食下野休息下。比我地發現左呢間餐廳，店面非常之大，就決定入黎試下。首先我地叫左個雙拼叉燒燻蹄飯。叉燒肥瘦適中，肥瘦分佈平均，口感一流。味道都唔錯。軟硬適中。非常野味。第二個餐係咖喱牛腩飯，我個人最喜愛就係咖喱撈飯，一啲都唔辣，而且味道都好好。份量十足，牛腩煮到好入味，入口即溶。值得一試。重叫左兩杯野飲，一杯係凍奶茶，茶餐廳既凍奶茶係最好飲，係我熟識既味道，非常滑溜。甜度適中。另一杯係熱朱古力，好香濃，而且唔會太甜，味道岩岩好，好暖胃。

上星期同屋企人去牛頭角睇裝修野，趕時間去鴻圖樓茶餐廳食咗個快lunch，因為想快就揀咗燒味飯食😆估唔到又幾OK～燒味雙拼好掋食，重要好靚仔！份量又好多，真心surprise🥰🥰🥰我特別欣賞佢個燒腩仔肉，肉質唔會過咸，半肥瘦阿女都搶住食😋個皮又多哂香脆！油雞&切雞都幾嫩滑，薄切燻蹄都好滑！燒味飯當然啲飯都好重要，好香米氣，軟硬適中跟餐必飲熱啡😌小朋友就緊係要飲利賓納😝另外叫咗個乾炒牛河，勁快手有得食！河粉都幾滑，乾身，仲有好多牛肉&韭黃😍勁正！真係估唔到你，唔小心入間茶餐廳都咁正🤩

🐳從來沒去過一間那麼大的茶餐廳，有三層的，很適合在那邊商業大廈或在工廠工作的人，不用排隊，上菜也很快。餐廳裡的餐牌上也有很多不同食物選擇。餐廳內也設有洗手間。🐳叉燒切雞飯💰54份量挺大的，叉燒偏瘦，絕無肥肉，叉燒邊微焦，有口感。白切雞剛熟，非常嫩口。加上白飯豉油汁和姜蔥汁，非常夾😋🐳燒肉燻蹄飯💰54燒肉脆口，有肥有瘦，但完全沒有膩的感覺，好吃👍。燻蹄有好多片，厚切，味道酸酸甜甜，涼拌送飯一流🎉

之前去觀塘返工成日都去呢間茶餐廳食嘢，呢度嘅燒味飯算係好出名，同埋係打工仔觀塘飯堂🥳叉燒燒鴨飯叉燒唔太肥，份量多，燒味啲皮仲係脆嘅，白飯淋上燒味豉油同梅醬更加惹味🤩蜜汁叉燒紅腸蔥油蛋飯蔥油蛋係呢度出名嘅，好正！份量多，叉燒配上蛋汁，夠邪惡，不過多啲蔥油就好😋個飯仲包一杯飲品，叫左凍檸茶🙈如果係附近返工，或者要食快餐，不妨可以嚟呢度試吓平靚正嘅燒味飯🥳鴻圖樓茶餐廳 📍觀塘鴻圖道30號2至3樓

鴻圖茶餐廳鴻圖樓係鴻圖道嘅一個地標，觀塘返工嘅朋友應該都唔陌生，餐廳地方夠大而且出餐快，得一個鐘食飯嘅日子，呢度係快靚正之選🌀叉燒拼燒鴨飯叉燒半肥瘦，肉質夠腍，有淡淡蜜糖味燒鴨有微微炭燒香味，塊皮都脆口而且唔會太肥，酸梅醬係精髓，酸酸甜甜幾開胃🌀咖哩牛腩飯汁同飯嘅比例差唔多係1比1，夠晒多汁可以撈飯食咖哩微辣，牛腩煮得夠腍，份量亦唔少，性價比唔錯🌀奶茶茶奶比例調得幾好，香滑得嚟有茶味就算唔加糖都唔會澀

今日約左個fd 食lunch點知佢臨時有野做只可以匆匆喺佢附近食野佢同我去左一間佢常去嘅茶餐廳話抵食又好味由於去到嘅時候已過午後所以又有午餐又有下午茶佢揀左個招牌燒味飯我就梗係食茶餐廳必點嘅西多士啦～燒肉叉燒飯餐盆好精緻下一體式有埋醬汁位！燒肉仲係脆皮叉燒有蜜香都肥瘦均勻仲可以請侍應加蜜汁撈飯添！我嘅西多士炸得金黃唔會燶邊或者好硬皮睇得出係即炸入面嘅花生醬唔會結晒依然小流心配糖漿實在人間美味！估唔到塞翁失馬都食到好西！

這間茶餐廳於牛頭角立足很多年了，店內環境好大，有二人專屬的卡位，不過樓面侍應好像比較忙碌，可能要等候一段時間。燒味飯套餐 - $54很多中式燒味也想嘗試，決定雙拼可以吃到更多。必叫的燒肉，肥瘦算均勻，入口不油膩、有肉香，外皮也燒得很脆香；一片片的燻蹄也不錯，屬凍盤，吃起來很爽滑。咖哩牛腩飯 - $55香濃而不辛辣的咖哩汁份量適中，不會過多；牛腩切成小塊，炆得特別軟嫩。凍檸檬茶 & 凍檸檬茶 +$3/1檸檬算多，有五六片；少甜還是有點甜。

係觀塘做完野食個便飯先，朋友介紹一間大大間係觀塘都幾出名嘅鴻圖樓茶餐廳既然嚟到試試佢地出名嘅燒味飯先，燒肉叉燒飯仲有菜配埋嫁份量中等啦，一個人食夠曬叉燒半肥瘦，都幾大舊熱辣辣燒肉皮脆肉厚 唔算太多油小小咸，餸飯一流再嚟多個咖哩牛腩飯係女人嘅浪漫因為做完嘢，食一個暖笠笠嘅飯即時充滿力量好讚嘅係佢多汁個人喜歡多汁可以撈飯食，咖哩好香，微辣好開胃牛腩都算幾Lam蘿蔔吸入咖哩汁好甜好好味茶餐廳好大間，出餐都好快，想食個快飯真係唔錯嘅選擇

💕【抵食茶記】鴻圖茶餐廳💕 如果係牛頭角與官塘間的工作完畢,可以到呢一間工廠開放式茶餐廳，下午茶超級抵：尤其下午一點九後至三點，收費33蚊，三點至五點收$27！竟然有咁抵食嘅嘢！一場嚟到茶餐廳，梗係食返啲茶餐廳應該食嘅嘢啦，我見佢招牌係燒味，今日就食一個燒肉燒鴨飯啦！燒味水準十足，配上自家製醬汁，送飯一流，唔使15分鐘呢個有水準嘅飯俠就比我殲滅咗啦！下次都會想試吓燒味蔥油蛋飯，仲有好多其他美食可以選擇添！鴻圖茶餐廳📍觀塘鴻圖道30號2

同朋友做完運動好肚餓，經過見到呢間茶記望落乾淨衛生又闊落，兩條友就好隨意咁入左去食個快飯～裝修帶點田園風😂 非常多卡位👍我叫左咖哩牛腩飯飲熱檸蜜，朋友叫左叉燒燒鴨飯飲紅豆冰～咖哩唔太辣，幾香濃，牛腩雖然比較碎但好夠淋好入味，連啲筋位都好淋👍雙併燒味份量都算多，叉燒燒得幾靚，偏瘦但唔柴口燒鴨唔會太肥所以鴨皮一啲都唔覺得膩，肉質幾嫰滑👍茶餐廳黎講環境非常唔錯，四五十蚊有交易，簡單快捷方便既一餐😀

經常路過，見到 Openrice 評語幾好，今次終於有機會嘗試。門口入去，見到師傅啱啱攞兩隻新乳豬去燒味檔，另外一個師傅就好勤力咁喺度斬斬斬，心唸呢度嘅燒味應該都真係名不虛傳。即刻點個乳豬三寶飯食先，點知：乳豬係凍嘅、叉燒係凍嘅、油雞翼係凍嘅、啲菜係凍嘅、最離譜啲飯都係凍㗎。個店坐滿九成客，我睇住燒味檔個飯盤喺度係咁冒蒸氣⋯ 你點解會有碟凍碟頭飯出嚟㗎⁉️⁉️⁉️趕時間，都冇心機同佢嘈，死死氣食埋佢。另外叫咗碟豉油王炒麵，啲麵質幾靚，炒得唔錯，但係豉油唔係頭抽，幾條尤魚絲完全冇味。應該都唔會再嚟。

朋友因為加班所以差不多9:30才放工，觀塘雖然食肆林立，不過因為武漢肺炎下，大部份餐廳都被政府強迫只可以開到晚上10:00，要找一間餐廳食宵夜醫肚餓都不容易。見到這間在地下轉角位非常顯眼的茶餐廳還開放，就去吃了兩個碟頭飯，果然不少人都選擇這間餐廳吃宵夜。【叉燒燒鴨飯】竟然在夜晚還有燒味，熱辣辣的飯，燒味份量都可以，很飽肚。【咖喱牛腩飯】份量幾多，有些牛腩都幾軟熟，咖喱味道都冇乜好講。【熱杏霜】值得一讚落重料。出個好評是因為覺得10點後還有餐廳仍然開放，很感動。

香港人分秒必爭，要食個快飯，茶餐廳係不二之選。呢日下午嚟到鴻圖樓茶餐廳，快快食完趕下場下午茶特價餐選擇蠻多，最終點了咖喱牛腩飯，加燒味雙拼飯▶️咖喱牛腩飯 - 咖喱汁香濃，牛腩炆得夠淋，薯仔吸了咖喱汁亦好入味，如果可以多幾舊薯仔會更加好▶️燒味雙拼飯 (叉燒燻蹄飯) - 叉燒瘦度恰好，沒有半點肥膏，適合健康人士，而燻蹄亦餣得夠味▶️熱奶茶 - 奶同茶比例還好，唔加糖都夠好飲▶️熱檸茶 - 正正常常，落少少糖會更覺好飲*留意番餐廳要收取10%服務費