鴻御百年山西大同刀削麵

營業中

休息中

本人中意食刀削麵同口水雞，今日就黎到黃埔呢間刀削麵試新野！一入到黎已經比佢餐牌嚇親🫨原來呢度係中泰合璧，又有刀削麵，又有泰國野！睇落好似伏伏地咁，但身為為食專員，真係要試下先知🤔我地叫左口水雞刀削麵，剁椒豬頸肉油潑麵，仲唔少得解辣嘅泰奶同泰檸茶✨#剁椒豬頸肉油潑麵 $58店員問我地食唔食得辣，食得就要試呢個出面少有嘅油潑麵。唔好比面頭嘅油潑子嚇親，食落又真係唔算辣喎，豬頸肉唔會好柴，整體黎講值得一試。🔥#口水雞刀削麵 $60口水雞冇辣度揀，個人認為微辣程度，麵做得好入味，份量滿意。但刀削麵真心好食，好煙韌，唔會覺得佢好硬，店員同我地講真係老細手切架🫢#泰式奶茶/泰式檸檬茶（跟餐+$10）正常發揮，不過不失，但幾中意佢冇咁甜，岩晒平時飲開少甜嘅我😂整體黎講食完有下次！不過店員傾傾下同我地講可能做多個幾月就唔做刀削麵直接做泰菜，所以想食刀削麵嘅你地快啲趁早去試啦

依間餐廳主打刀削麵，仲集合了泰式風味多款美食🤩無論你鍾意泰式菜定刀削麵，呢間麵館都滿足到你味蕾😋價錢並非常親民，叫咗好多嘢食都唔過$350😍上菜速度好快，員工服務質素好👍🏻曼谷水門雞飯 $60老闆娘極力推介✅ 自家製嘅水門雞🐔肉質嫩滑多汁，加上泰式辣椒醬，再搭配香氣四溢米飯，每一口都極具滿足感紅燒牛腩刀削麵 $58招牌之一🙌🏻牛腩肉質偏硬少少，刀削麵條富有彈性😋牛腩湯底再香濃一些會更好味🙈每一口都食到不同層次風味泰式燒豬頸肉 $65推介✅豬頸肉燒得金黃酥脆，保持著豬肉嘅嫩滑🤩配搭獨特嘅泰式醬汁整體味道昇華😍泰式肉碎生菜包 $58少少偏辣🌶️份量好足夠👍🏻生菜非常新鮮清爽，配搭泰式肉碎增添了口感嘅層次感😆健康得來又好食😋📍鴻御百年山西大同刀削麵紅磡寶其利街43號地舖

小妹去黃埔行街，心血來潮想食刀削麵，點知撞啱見到呢間新開既刀削麵店🫣見到店內不少顧客幫襯，坐位闊落，唔逼，就入去試吓😝豬頸肉🐖份量十足，表皮香脆可口，且肉汁能鎖住，配上醬汁味道啱啱好，好味😋刀削麵🍜呢間刀削麵原來有不同食法，傳統配湯或撈麵麵同以。配料相當足料，味道不錯👍🏻刀削麵煙煙韌，唔係薄薄既刀削麵，咬落有口感，夠飽肚；而辣醬味道香口，食完後味蕾仍感濃味🌝海南雞🐔感受到餐廳🍴係每日新鮮製成，而且雞件嫩滑又大件，油飯粒粒分明有嚼勁，不錯😝泰式肉碎生菜包🐖🥬份量啱啱好，肉碎微辣，肥豬肉唔多，啖啖肉汁，非常惹味，配埋生菜一齊食唔會覺得滯😊冬陰功湯🍲湯既美味感受到新鮮冬陰功湯，冬陰湯底係我食過較清既一款，味道偏甜少少，唔似平時食得咁油膩，小妹都幾中意呢個湯，又足料😋泰式凍奶茶🥤甜度適中，茶味芳香清純，整體茶味濃度唔高，最特別係飲後喉嚨仲徘徊著陣陣茶香💕泰式檸檬茶🍋濃厚既茶香，配合檸檬🍋果香味，但甜度較甜，小妹都係鍾意飲港式檸檬茶多🙈整體黎講性價不錯🤗 如果想食刀削麵既朋友仔記得要試吓❗️

#20240417 📝📍 鴻御百年山西大同刀削麵 紅磡寶其利街43號地舖➖➖➖➖➖➖➖➖➖➖➖➖➖➖➖➖➖#山西剁椒油潑麵 $50💭 第一試油潑麵呢樣野，其實係似啲乾撈麵，叫左小辣，上枱果陣見到面頭有成大pat紅色野真係心都離一離，但其實只有辣椒既香味而唔辣都幾有趣，店員姐姐另外有比港式粉麵果啲辣椒油可以自己加落去，個麵係老闆自己搓同削，厚身口感帶少少煙韌，唔係度度都有得食既野🌶️.#曼谷水門雞飯 $60#轉髀 +$8💭 一間舖有晒山西麵同泰國野食係呢間野既特色，雞有少少粉紅，食落非常滑身🐔油飯用泰國果隻尖頭既米，乾身已經值得加分，就算唔點醬都夠晒味🍚.#泰式鮮魚湯米線 $48💭 店員姐姐超級推介既野食，話老闆係將新鮮魚煎完再拆骨起啲魚肉出尼煮個湯，絕對係功夫菜，配埋彈牙既魚蛋同雪菜又有啲酸菜魚既feel🐟新鮮滾熱辣既新menu，老闆話試賣一個星期咋，真係非常好味🤤希望下次尼仲有啦.#泰式燒豬頸肉 $65💭 平時出面食果啲小食都係得5-6件已經算多，但係呢度係再多啲，肉質爽口，就咁食唔算太特別，所以一定要點個醬，點完味覺層次豐富左好多🇹🇭.#冬蔭功湯 $68💭 食泰國野點可以唔飲冬蔭功，

💡涼拌皮蛋 $35涼拌皮蛋既調味料通常包括醬油、醋、蒜末、辣椒和香油等，有豐富既層次和風味。每一啖都感受到醬油的鮮香、醋的酸味和辣椒的微辣。💡山西剁椒豬頸肉油潑麵 $58油潑麵偏辣又超級好吃。它主要用豬頸肉、剁椒和刀削麵條來做，麵條彈牙有嚼勁，好有有口感。豬頸肉係都幾嫩唔柴，切成薄片然後炒到香噴噴。💡金湯酸菜魚刀削麵 $58湯底酸酸辣辣好開胃，魚片有一定厚度，好滑嫩又索晒啲湯，寬而厚既刀削麵比較有口感。💡泰式肉碎生菜包 $58生菜包住辣肉碎，唔會膩之餘，生菜爽脆既口感令到成件事都清新d，肉碎好惹味~💡冬陰功湯 $68總共都有5隻蝦，甜味係自然既蝦甜味，少少辣，一啖又啖飲唔停。💡豆漿 x 2 $8@1

朋友介紹我呢間係紅磡寶其利街嘅刀削麵店，話呢度嘅刀削麵做得好正宗！我哋除咗食刀削麵，仲可以嗌多一啲小食，除咗中式川菜小食，仲有泰國菜，感覺個配搭好創新🥳見價錢唔貴，裝修又新穎，今日就去試吓😝😝我同朋友兩個人中午時間去到，好肚餓，首先先嚟每人一個刀削麵先，我叫咗撈麵，朋友叫湯麵🍜再互相分享嚟食😜食食下再叫咗啲小食🤩 我特別推介涼拌東北小碗耳，辣味配搭得好惹味🥳🥳涼拌東北小碗耳 A04 $35泰式酸辣鳳爪沙律A12 $55冬陰功湯C08 $68花雕醉香雞刀削麵B11 $60山西香辣金錢肚拌麵 B08 $58山西大同黃米涼糕 4件 $39泰式檸檬茶 凍 $28豆漿 $14 （跟餐+$8）呢間餐廳嘅午市套餐真係唔錯，分量豐富價錢又唔貴，可以做飯堂！😜鴻御百年山西大同刀削麵 (紅磡)紅磡寶其利街43號地舖

又去紅磡做野，原來勁多小店勁多野食，今晚經過見到好多人食，就試下。入面有刀削麵，又有泰式飯食，岩哂唔同選擇。山西剁椒油潑麵$50刀削麵口岩軟硬岩岩好，有質感有咬口之餘又唔會太硬，精華就係佢特色辣醬，好香口，同配菜例如芽菜青瓜撈埋一齊，好惹味，食唔停口。泰式青咖喱雞扒飯$60青咖喱好香，椰味濃，又唔會太辣，送飯一流。雞扒好多塊，切到細細件，方便食。最精華係薯仔，超級入味，又夠冧，勁好食。泰式燒豬頸肉$65超級多塊，厚薄適中，肥瘦均勻，肉質爽口，燒得皮脆肉嫩，點埋個酸辣醬汁食好惹味。山西老大同小燒肉$52小燒肉有4件，食落入口即溶，肥而不膩，油香滿滿，十分入味。蠔油菜芯$25滿滿一碟，煮得岩岩好，完全冇渣，健康之選。山西大同黃米涼糕$39/4件第一次食，上層係小米，食落有口感偏硬身，下層就係糯米，煙韌軟身，兩者唔同質感令到口感層次更豐富，配上桂花糖，清新飄香，唔會太甜。📌 鴻御百年山西大同刀削麵地址：紅磡寶其利街43號地鋪評語食物質素高，夠正宗食物真材實料，性價比高店員友善好客🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodieh

今日同老公去紅磡探朋友，畀我哋見到有間新開嘅餐廳「鴻御百年山西大同刀削麵」原來唔止刀削麵，仲有泰國菜，就好想品嚐一下。舖位雖然唔大,但地方乾淨企理，服務員親切又有禮貌。📍金湯酸菜魚刀削麵 $60湯底香濃，魚肉厚身鮮甜，刀削麵口感煙韌，加埋酸菜、大豆芽和雲耳，爽口又好味。📍曼谷水門雞飯 $60 (送例湯)雞嘅份量好多，肉質嫩滑，而且去埋骨，食落啖啖肉。服務員仲話唔夠飯可以加飯的。📍泰式炸蝦餅 $58一碟有六件，蝦餅爽口彈牙，蝦肉鮮甜，搭配泰式醬汁更惹味。📍山西老大同小燒肉 $52燒肉係用五層肉製成的，肥瘦均勻，滷得非常入味，入口即化，食曬都唔會感覺油膩。📍山西大同黃米涼糕 $39第一次食黃米涼糕，一碟有四件，糯米和小米製成的，煙煙靭靭，上面淋咗桂花糖，又唔會太甜，好滿足。📍泰式奶茶 (跟餐+$8)奶茶香濃幼滑，甜度啱啱好。✨鴻御百年山西大同刀削麵紅磡寶其利街43號地舖

#紅磡美食中泰合壁嘅 #鴻御百年山西大同刀削麵 🇨🇳🇹🇭嚟到 #紅磡 經過見到想食 #刀削麵 就入咗嚟 點知原來除咗刀削麵 仲有 #泰國菜 食😋我哋嗌咗冬陰功湯🍲有成足足六隻蝦🦐🦐而且成碗份量比我想像中大 唔鍾意食蝦嘅朋友請放心😎佢啲蝦係開晒邊好容易就搣到🤓可以鐘意食蝦啦🤓泰式肉碎生菜包🥬啲肉碎好濃味好辣🥵怕辣嘅朋友麵唔使怕 呢到啲嘢食係可以調較辣度🌶️嗌返小辣/唔辣都冇問題🤌🏻非常貼心山西剁椒豬頸肉油潑麵🐷呢個非常推薦🌟🌟🌟出邊好少見到 每一啖都充滿油香味🤩🤩巨鐘意🤙🏻🤙🏻泰式炸蝦餅🍤有六大嚿6️⃣淡淡都係蝦肉 好正😋😋 金湯酸菜魚刀削麵🐠酸菜份量好多🥬啲魚唔係魚片 係一嚿嚿嘅魚肉 但係原來食落都好嫩滑同冇骨 令人喜出望外😆😆刀削麵就記得要快啲食 如果唔係好易漿成一團😣嘢飲嗌咗凍泰式檸檬茶🍋同凍泰式奶茶🍼兩杯都少甜少冰 茶底好濃 檸檬味唔會太強烈 啱晒怕酸人士😝泰式奶茶就建議大家唔好少冰 因為整體都係偏甜啲

中午行過見有間新店剛開張, 諗著轉下口味...打開餐牌, 其實價位在這區不算低, 點左碗蕃茄湯牛肉面...面來到, 嚇一跳! 紅紅的一團, 竟然是直接倒茄醬(KETCHUP)落面度, 當成蕃茄湯!立即向店員投訴, 佢竟然話係鮮蕃茄打成!不信邪, 用筷子挑一點嘗一下, 根本是超市蕃茄醬無疑, 毫無渣滓, 連茄糕都不是!牛肉只有幾粒, 這方面算了...但蕃茄湯牛肉面比正常湯貴, 竟然是倒超市蕃茄醬(不敢想是否用名牌"地們"了), 真是太離譜了!!!

週末與朋友來到紅磡寶其利街，光顧了一家新開的刀削麵店——鴻御百年山西大同刀削麵。 進入店內，首先映入眼簾的是整潔明亮的環境，新店舖的裝修新淨，採取了簡約優雅的設計風格，營造出讓人感到舒適的用餐氛圍。 店員的服務態度也令我印象深刻，招呼周到，讓我能感受到賓至如歸的待遇。無論是點餐還是用餐過程中，服務人員總是笑臉迎人，讓我倍感溫馨。 在這裡，我認為泰式燒豬頸肉絕對是值得被推崇，豬頸肉燒得剛剛好，非常好味，讓我們吃得大呼過癮。 我們叫了兩份主食，金湯酸菜魚刀削麵和曼谷水門雞飯，我們都很喜愛，雞肉非常嫩滑，每一口都味道豐富。除了主食外，店內還提供泰式酸辣鳳爪沙律和泰式肉碎生菜等小吃，讓我們可以品嚐到道地的泰式風味。 最後，不得不提的是店內的凍泰式檸檬茶，味道特別，清涼解渴，讓人回味無窮。 整體上，鴻御百年山西大同刀削麵的美食令人驚艷，環境舒適，裝修新淨，服務周到，千萬不要錯過這家店！ #鴻御百年山西大同刀削麵 新店舖#紅磡寶其利街43號地舖

紅磡開左間食山西菜嘅餐廳，最特別有山西菜嘅同時，竟然有埋泰菜！睇完餐牌好surprise，竟然有油潑辣子麵食，因為喺香港好少可以食到呢d東北食物，如果鍾意食蒜香、微辣、拌麵、有咬口嘅麵，真心推介呢個油潑辣子麵，勁正！個刀削麵好有口感，軟硬適中。個精髓在於佢自己調制嘅油潑辣子，一上枱就已經聞到由熱油淋落去辣椒、蒜蓉嘅散發香味，配埋刀削麵，一食落口就已經停唔到。豬頸肉又夠彈牙，一碗落肚已經好飽。難得呢度有得食泰菜，我梗係食炸蝦餅啦！最鍾意呢度嘅炸蝦餅冇騷味，仲要好彈牙，小食一流！再嗌一杯泰式奶茶，佢比起出面嗰d更加滑同埋更加香。呢度價錢相宜，認真抵食！

最近黃埔開咗間小店 佢哋幾特別集山西同泰國菜於一身🇹🇭嘢食幾有水準👍🏻冬蔭功湯🍲($68)冬蔭功湯酸酸辣辣好開胃🌶️有椰奶香亦有海鮮鮮味用料亦好豐富 一共有六隻蝦蝦肉好爽滑彈牙🦐泰式酸辣鳳爪沙律🥗($55)同樣係酸酸辣辣鳳爪好爽脆 軟骨好有咬口曼谷水門雞飯🐓($60)份量好大份喎 油飯幾夠油香🍚雞肉全部去哂骨 食落啖啖肉肉質亦好嫩滑 仲有雞的鮮味山西剁椒豬頸肉油刀油潑麵（$58）麵條好彈牙有咬口🍝撈埋秘製醬汁酸酸辣辣好開胃 豬頸肉亦幾脆口🐷山西大同黃米涼糕🍮（$39）糯米飯同小米食落好煙煙韌韌表面淋左桂花糖 香甜但唔會太膩

鴻御百年山西大同刀削麵地址: 紅磡寶其利街43號地舖。寶其利街不嬲都好多野食，呢期新開左間刀削麵 x 泰菜餐廳，呢個組合又幾有趣。花雕醉香雞刀削麵（$60）醉雞另上一碟，滷到好入味，刀削麵係自家製，唔會太粗太厚，口感滑滑溜～ 。冬蔭公湯（$68）估唔到係呢度會飲到咁好味嘅冬蔭公，問番先知原來廚房係有真泰國師父，唔怪得味道咁正宗啦～ 入面有成6隻新鮮大蝦。涼拌東北小雲耳（$35）、蠔油菜心（$25）小雲耳係比較重味道，用黎送刀削麵一齊食不錯。泰式燒豬頸肉（$65）、泰式牛肉船河金邊粉（$48）個船河勁抵食，$50唔洗大大碗，仲有唔少料又多粉，又搵到糧尾恩物。有時真係唔好睇小小店，味道同價錢分分鐘俾到好大驚喜 。#gpighunghom

紅磡區有不同嘅小店存在，最近就新開左一間山西舖頭，估唔到入邊仲有埋泰國嘢食，而且價錢都10分街坊價😍😍😍山西大同黃米涼糕 $39未食過米涼糕就一定要試試，非常煙煙韌韌，上面仲有桂花糖，但又唔係好甜😛幾好食山西剁椒豬頸肉油潑麵 $58一睇以為好辣😚但食落又唔算辣，油潑麵都幾似寬麵，相對地彈牙，加上薑、蒜、辣椒等等辛香料，成個好濃味，豬頸肉份量都非常多，而且唔會太韌曼谷水門雞髀飯 $60(轉髀再加$8)雞仲可以加錢轉雞髀，肉質嫩滑，個醬都好好食，有少少辣更加香口美味冬陰功湯 $68份量都幾大share岩岩好，估唔到好足料🤤🤤🤤入面好多蝦，椰奶味足夠，性價比好高😍泰式炸蝦餅 $58炸蝦餅炸得好脆口，而且用料新鮮豐富，一定要跟泰式辣醬泰式肉碎生菜包$58生菜新鮮爽脆，而且肉碎好入味，包埋生菜食一流😍😍泰式奶茶$28同正宗泰式奶茶冇乜太大分別，但配合香港人口味就做得冇咁甜，值得稱讚柚子蜜$6(跟餐價)正正常常嘅野飲，十分解渴鴻御百年山西大同刀削麵 (紅磡)紅磡寶其利街43號地舖