鴻星中菜 (格蘭中心) (已結業)

好耐冇去鴻星飲茶，之前想去但係又好多人等，甘岩去到，見唔洗等位，就入左去。我地叫左一壺香片茶，飲落幾有口感，清清地，而且都好滑，唔算好苦澀，唔錯。得兩個人飲茶，簡簡單單甘叫左幾款點心，都係皮蛋瘦肉粥，豉油王炒麵同埋牛肚等。整體都幾有水準。皮蛋粥料足，而且味道適中，唔係好咸，粥幾傑身，食落都幾綿，食完之後都唔覺口渴，值得一讚同推介！炒麵上枱果陣都幾熱，好正！食落麵質好爽，感覺唔會太油，味道適中，冇話落好多調味品落去炒，而且都幾有鑊氣。最好味係蒸牛肚，味道濃鬱，而且唔韌，底下有三件芋頭，Ｄ芋頭入哂味而且又棉，完全帶給我驚喜。簡單來講，整體質素不錯，價錢都算合理，冇點將貨就價。

每年一期一會，又到食大閘蟹嫁季節。對於食開肉蟹啖啖肉嫁我黎講，大閘蟹興趣不大。但今年鑑於冇咩野做，身邊朋友又熱烈討論去邊食大閘蟹好，於是兩星期食左3次共6隻，真心食到怕怕。BTW其中一次係鴻星食，冇他，$388，3隻蟹，8點半後仲有8折，平到咁，點都要TRY TRY!花雕鴿: 不得了，好食到我食左3/4。點用酒調味嫁菜時，最怕係酒味太濃郁，聞落已經好攻鼻，由其是我係滴酒不沾，更加頂唔緊，都唔知係食緊餸定飲緊酒。但呢個係好清好香，淡淡嫁花雕酒味。鴿件細細，好的骰，肉就唔係好多，但勝在夠嫩口，層皮又爽。如果收起果個樣衰嫁鴿頭，就真係攞足100分。經過一碟有驚喜嫁前菜，對黎緊嫁菜色突然提高左期望!!蟹粉小籠包: 除左個汁係橙色外，唔覺得邊忽似蟹粉小籠包=.=而且2個小籠包明明就放係個蒸籠裡面，仲有個蓋笠住保溫。但唔知點解個待應硬要挾落我地個碗度，BTW，我地果時食緊蟹，到食小籠包果時，個皮已經干哂，個餡凍冰冰...個SET每位有3隻蟹，分3輪上，食完1隻上1隻，可以趁熱食。好快就上左第1輪大閘蟹: 公，膏偏少，流質，色澤一般，冇好香大閘蟹味。第2隻: 乸，多膏，又較香，呈橙紅色。比起公蟹正得

早餐或下午茶時段來飲茶, 從來都是最划算, 這裡亦不例外, 大、中、小點一律 $14, 當然也有取巧的地方, 例如點心紙內有超過一半的點心是以價錢來顯示, 而不是 特、頂、大、中、小 來列出, 而小點的原價本身就是 $14, 沒有任何減價, 顧客要格外小心。論最抵吃的, 首選這款牛肉煲仔飯, 售價只是 $12, 更是即叫即煲, 顧客更可目睹整個過程, 絕不欺場。味道方面, 飯的質素當然不要跟坤記等名店作比較, 卻是收貨有餘; 牛肉餅大大片, 肉質和味道也不錯; 甜豉油是另上的, 顧客悉隨尊便。看起來份量不多, 卻足以令二人飽肚。這裡的一系列賣相可愛的甜品也不容錯過, 例如這款奶皇小蜜蜂, 無論大人和小朋友也會喜歡。

假期玩轉科學館及博物館後, 腦力、精力都大幅下降, 姑仔提議到鴻星去吃得意點心...簡單來說: 入單、漏單、追單、等單, 結果食完一輪但還有幾款未到, 那當然追單, 侍應生例牌地說:「等等, 蒸緊!」, 到另外侍應生對我們說last order, 我們也對她說lost order......後來她回來對我們說: 「賣晒!」「賣晒!」又唔一早講聲, 要我們白白乾等至少半小時, 鄰座老夫婦也對我們訴苦說他們都是每天到這分店飲茶, 恰巧這天竟同樣是什麼也亂龍最後, 收銀員竟親自送單來收帳, 姑仔問她有沒有扣減無送來的點心的價錢, 收銀員氣定神閒地說「有」, 姑仔就檢查帳單發現「無扣減」, 收銀員便立刻道歉並飛快地走回櫃位把錯處處理好。過程很糟, 不過室內環境頗舒適, 背面有一大紅酒櫃, 前面空間廣闊, 玻璃吊燈大大盞增添了室內的富麗堂皇；淺蝦肉色的暗花餐檯布襯上金屬有重量的洗碗盅, 立刻顯得飲唐茶都可以有高貴時間。食物款式及味道都很好, 蝦餃與燒賣都是逐粒計錢, 價錢由$8-$9不等, 還是介紹一些坊間少有的點心:每位先收茶芥$6+酸菜小吃$4, 小吃是鴻星出名的酥炸魚仔+花生, 幾多油份不

約了友人8:30pm在此吃晚飯.8:15pm到達,見兩位友人座於廳旁,以為是滿座. 一看究竟,全廳只有四台客.到8:25pm才招待我們入座.我們訂了套餐,他們竟說套餐中的鴨無貨,換了另一個菜,之後又說這個菜又沒有,之後換了一個蟹肉蛋白炒飯.好了,終於上菜了,魚翅極咸,炒飯極乾,不知是主廚下班,還是玩對抗.總括是甚為失望.

１７／５／２０１２一行４人，　同其中一位友人食生日飯，　壽星想食片皮鴨，　所以我地去鴻星。因為已經ｂｏｏｋ咗位，　所以唔洗等位。（其實呢間鴻星真係無海港城果間咁多人，　可能位置唔就腳啩）４人套餐：原盅雞燉金腿花膠：幾清甜，　都叫做有花膠，　都ＯＫ。片皮鴨　（一味２食之１）：本物隻鴨比較細隻，　加上佢要１味２食，　所以片出嚟得好少。味道ＯＫ，　不過無咩肉。三杯尖炆雞件　（一味２食之２）：其實叫做比較多肉的地方已經片咗皮，　所以基本上呢煲野。。。。無咩好食。。９９％係骨。蒸海斑：都幾大條，　肉都幾滑，　ＯＫ。千層蝦：即係蝦多士，　香口，　唔太油，　ＯＫ。宜蘭肉燥胭脂貝：份量都ＯＫ，　炒得幾＂野味＂。石頭魚湯讚岐素麵：呢個麻麻地，　Ｄ湯無咩咪，　所以好淡口。糖水：普通野，　紅豆沙囉。壽包：好大隻，　個個都有成個黃。。。好飽。。哈哈。其實我地一心係食片皮鴨，　但好似無想像中好。

朋友仔約飲茶茶...又選擇上哩間<鴻星>...話貪佢中午時都吾會人迫迫...可以hea住食...四個人...頭尾叫左8,9款點心...酒釀脆皮鴨...見隻鴨浸住嚮個”桂花池”度, 哈! 好似游緊水咁... 脆皮嗎?! 皮就吾係特別脆, 勝在好薄冇乜肥膏, 肉味尚算香, 就嫌酒味吾夠濃...要$120蚊架...又覺得吾算太抵食咁o羅~蔥花蝦米腸...點左豉油都食到口淡淡咁...一般咋...鮮竹牛肉球 同 百花釀玉子...都係普通合水平之作...健康咸水角...要"健康"咪就要換湯又換藥, 已經吾係咸水角啦!! 餡料係雲耳甘筍之類, 淡口無味, 本人就不為”所謂”健康所動, 所以要不不吃, 吃就要食番原味!脆麻花…最便宜又最好味!!!...一客三件, 鬆化無比, 一致讚賞!!海蜇…都冇乜功夫o既冷盤, 調味最緊要…但就咸到脷到損咁…大打拆扣!!公雞包…朋友貪得意叫的!!...論賣相, 一見食物用動物或卡通造型, 有眼耳口鼻的, 自己就極度抗拒!!!...籠一掀起就猛叫怕怕!!!...硬要分小小吃的, 就揀兩點眼, 一定吾要雞冠!!! 哈~~…但吾講樣, 食味都麻麻喎, 有雞

今天要係尖沙咀找地方飲下午茶 , 上次去左稻香 , 勝在多款 , 今次決定試下以別緻點心出位的鴻星海鮮酒家去到發覺下午茶是免茶介和加一 , 但枱面卻放左一小碗的炸魚仔 , 我地問侍應 , 佢話硬性要收 , 每位 4 元 , 睇真 d 魚仔下面有一半係花生 , 所以得好少魚仔既 ~不過我地主要來食呢度點心 , 於是好快就專注係點心紙上喇 ~ 講真點心款式不算很多 , 而且小點只有幾樣 , 其他既價錢比較貴 , 於是我地選了一些比較特別既點心來試下 蛋煎糯米雞 ( 大點 ) - 煎得香口又唔多覺有蛋 , 因唔覺 " 漏 " , 裡面既餡仲有蛋黃 , 好味喎 ~ 帶子石頭魚餃 ( $ 18 ) - 造型可愛 , 不過唔係幾食得出帶子同魚 麻沙糍 ( $ 8 ) - 因個名得意而且價錢唔貴所以咪試下囉 ~ ok 喎 , 不太甜又煙靱 鴻星蝦餃皇 ( $ 8 / 隻 ) - 雖然價錢唔平 , 但既然係招牌點心 , 試下啦 ~ size 同一般蝦餃大細 , 但咬落口皮夠薄 , 而裡面裝滿了好大粒既蝦 , 蝦味又夠鮮味 , 一 d 都冇後悔食得豪左 d

睇完戲…剛好差不多兩點…決定揾間酒樓飲個下午茶, 嘆嘆點心…冇乜頭緒…老友醒起附近有間鴻星…就不作他選…免傷腦筋啦!!... 周一至五下午茶特惠時段由2pm開始, 4:30pm前埋單計…睇睇張點心紙上, 密密種類就多籮籮, 但有大半部份都係不設特價o既, 不過最主要睇邊樣對胃口…最後只選到一款係特惠的…所以最大便宜就係免左每位$15蚊o既昂貴茶錢!!哈!! 擺好碗筷, 每檯當然附上佢地其一招牌餐前小食炸銀魚仔(計每位$4)…豉油碟咁上下size一小碗, 咸脆花生同銀魚仔各半…香口好味, 下酒最好!!...朋友亦稱讚佢地o既XO醬呢!! 豉油皇煎腸粉…份量算大碗, 粉條望落就冇乜光澤又有些少甩甩漏咁, 賣相就一般, 好在味道算ok…欠D鑊氣咁o者…蜆芥鯪魚球…一客7粒, 粒粒十足標準乒乓球咁大, 質感夠厚實彈牙, 蜆芥醬又吾會過咸, 香口滿意!!炸雲吞…外皮超脆, 中間放少許蝦膠, 配埋甜酸醬, 好可口!!...但如果油溫較得好D,雲吞皮炸o既時候可能冇咁”食油”o羅!!瑤柱清湯鮮竹卷…比蠔皇做的清新, 湯汁夠鮮甜, 餡料爽, 較想像中好!!蝦蛟皇…8蚊一隻, 兩隻起計; 皮薄晶瑩但見件

Steve Jobs 與 Bill Gate 分別是蘋果及微軟的掌舵人，你會較欣賞那位？一位創意無限，不惜賠上健康地成功搶得手提電話及電腦潮人地位；另一位是首富，近年致力行善，不停呼籲裸捐。兩位都是龍少爺欽敬的人物；但個人認為若一個人能無私地獻盡自己所擁有去幫助有需要的人，是爲最大的愛！是晚眾好友飯局設於尖沙咀。大四喜併盤- 各自配搭不同汁料 : 黄金豆腐配白醋，脆皮乳豬點海鮮醬，海哲配浙醋。。。迅速清碟！紅燒雞絲翅 - 這個不願置評。若不是套餐我是不會點的。芙蓉炒花膠 - 這個則炒得不錯。爽滑的小花膠，配上芽菜及雞蛋快炒上碟，簡單又不油。大家可以在家裏試做。芝麻鹽焗雞 - 本少爺對雞的要求比較嚴謹。這個鹽焗雞肉味不夠，質地不滑，皮亦不夠脆。川辣蝦球伴翠肉瓜 - 蝦身頗新鮮，瓜肉亦甜脆鮑片卷金蠔 - 食味一般啦蟲草菜蒸多寶魚 - 這個就超讚！尤其魚邊的膠質超滑，眾人都搶著食魚邊！紅炆海參鹿筋 - 汁料味道是ok的，可惜鹿筋炆得不夠淋及入味。鮑汁糯米飯 - 雖不是生炒，但也煮得好惹味。直係不禁要用意大利文講一句，prelibato !!!但願我們眾人能獻上一份小力量(不用裸捐啦)，幫助身

行完街，買完嘢, 心情原本都是好好的，但因為我過多的要求, 氣氛心情都變差了... 可能是心情影響食物，食不知味！點了黃油蟹，五百幾蚊六襾重，好貴！但黎到，係有膏，但不是黃油的呢？同宣傳單張差太遠了吧！不過蟹是新鮮鮮甜的. 坦白說，之後點了甚麼，沒有印象，記得有隻乳鴿，牠的身型，似BB 鴿，味道都是普通, 而且係冇咩肉...依家我知道我唔應該對你要求太多，但今餐兩個人用九百幾食一餐，係咪可以要求多少少？

我同朋友去飲茶, 都幾ok吖如果說點心好唔好...就係一貫鴻星水準不過不失啦可是 附近要找唔貴又多位的酒樓我覺得是不錯的選擇吖唔洗等位 服務都唔錯吖!!!

呢間鴻星又迫..出菜勁慢食品都差過人....蝦餃.散的...蝦無味...牛肉咸的...的點心都一般....個甜品又無芒果.....我應該唔會去啦

睇報紙廣告見到下午茶點心有特價, 於是去試試。這裡的裝修頗新, 感覺幾高級, 入到去都好舒服。我們三人入坐, 無點菜就先來了一碟小食, 是鴻星出名的脆脆銀魚, 銀魚仔好脆好好味, 花生都好香口, 真的唔錯, 但原來要收取每人小食費3元的。我們先後點了幾樣點心, 有:北菇素菜包、錦繡百寶袋、南極企鵝餃、牛肉煲仔飯和皮蛋瘦肉粥。 北菇素菜包: 沒有肉的菜包, 清清地, 普通啦。錦繡百寶袋: 一碟有兩個, 腐皮包著一些素料, 味道一般, 說不上好味道。南極企鵝餃: 外型有趣, 頗像企鵝, 真的有點不捨得吃掉呢! 但上枱的碟似乎用得不太恰當, 因為碟有四格, 但只得三隻餃子, 有一格是空了的, 所以賣相不夠完美。而味道方面, 餃子皮比較厚, 而內裡的蝦和肉似乎不夠新鮮, 蝦有點『霉』, 唔多掂呀!牛肉煲仔飯: 嘩! 好正喎, 牛肉很嫩滑, 熱騰騰的, 煲底不會太燶, 飯底很香口, 又夠大煲, 很是不錯啊, 如果一人食一煲, 一定飽晒。皮蛋瘦肉粥: 粥底頗綿, 但所謂瘦肉是燒肉來的, 有骨又有皮, 我不太喜歡!連小食費、茶芥和加一服務費, 埋費收$100.10元, 只是普通, 不算抵食! 不過

昨晚提早吃團年飯，本應係去翠亨吃但無位，改了去鴻星，入到去等了五分鍾無人理我們，個場得兩三台客，到後先有個侍應來招呼，點了蟹肉豆苗…蟹肉不多，略咸。士多啤梨咕嚕黑豚肉…咪又係咕嚕肉一碟，係改放了士多啤梨在碟上，甜甜地。xo醬抄什菌肉片…幾香下，什菌都好多，全靠個醬吊味。海蜇手撕雞…凍食，普通。四碟野都係好細碟份量少，所以在座每位都要吃兩碗飯先得。埋單無甜品生果送，失望，這裡的員工對眼都生在頭殼頂，點得便宜d或次次舉手都好耐先應，見到遊客就飛住招呼，到走時都無拜拜，掂行掂過，當我們透明，以後唔來。