鴻興清湯腩專家

營業中

休息中

細細個住d區已經成日去食佢地雲吞河，而家搬遠左都會間唔中過黎食。今次2-3點去少d人，叫左個外賣淨牛什返屋食，牛什真係好入味好好食丫（比起琴日食個嗰不知所謂的韓燒好食得多！！）下次要買埋佢地自家製淨雲吞返屋企食。佢哋嘅雲吞係我食過數一數二好食.................而家大間左，環境好左多位左.........佢地假日好多人所以都係平日去好d..........仲要讚一讚佢地伙计好有禮貌，仲有辣椒油好香好好食，唔知佢地有無出一罐罐賣，下次一定要問下！！！

富麗花園很少的食店，座無虛席是傳統的港式粉麵店要了一碗牛腩河，一碗牛根麵，一個油菜牛腩肥瘦均勻，不會太柴，而且很入味，不錯！牛根煮得軟淋份量很大，比一般便宜的粉麵店更抵食！

話說呢日突然想食魚蛋粉咁朋友成日話呢間好好食，咁就山長水遠嚟到呢到食魚蛋河啦我嚟到嘅時候大約2點鐘左右入面就坐滿哂人，出面都好多人係到等位，我諗係LUNCH最後一轉了因為我地坐咗入去之後就開始少人XD雖然人少左但都係要搭枱坐的於是我就好興奮咁點咗個魚蛋＋貢丸河，朋友就點左墨魚丸河佢一份唔算貴，好似$3X左右就係一碗清湯河加4粒丸，我雙拼就每樣2粒咁清湯河就接近冇味的啲丸就好彈牙好有鮮味正的咁由於佢個清湯冇味啦，我就落左佢啲辣油真係好辣，我只係落左1,2滴，之後先知原來佢哋啲辣油都幾出名下次唔敢再落咁多了

再一次慕名去尋找好野食 - 清湯腩一坐低係自己搵位 見到都有唔少客人！環境寬敞乾淨 坐得幾舒服如果兩三個人一齊去食既話 好大機會要搭枱餐廳伙記做事十分有效率 同時令人感覺好親切幫我落完單之前會好誠懇咁講一聲：多謝你實在令人食都食得warm啲食物方面，切腩份量大 河粉都比我想像中多簡單啲講：「價錢合理 絕對抵食！」切腩的肥瘦適中，並無不平衡，小小餐廳能夠比到肉質鬆軟既牛腩，實在係令人喜出望外「一個字 - 高質」仲好窩心咁自動幫你分開蔥上，讚不得不讚既係佢地既辣椒油令人食到回味無窮，好夠辣，粉麵加辣 無得輸！

今天到將軍澳醫院探病前，先在附近午餐。這商場有MTR嘟嘟平二蚊優惠，就順道在這邊午餐。看到餐廳門前的牛腩檔，十分吸引，就試試這裡的牛腩河吧！清湯切腩河　　　雖不是坑腩，但每件牛腩肉質纖維夠鬆化，有連著牛脂的，也有部份還夾雜著筋腱位，應跟牛展口感差不多！　牛腩入口不起渣，不乾柴。牛腩本身有底味，來到清湯河，就覺得味道稍遜。加少少辣椒油，以為可吊味。誰知單是一小匙辣椒油，都辣到飛起，最後都未能把餘下的河粉消滅。早知就唔加辣椒油啦！  熱啡酒　咖啡溝鍊奶　　　只能講，這裡招牌菜是清湯牛腩！

每次都食牛腩河，呢次試淨雲吞都算有驚喜 雲吞大大粒 係自己包 入面成隻蝦🦐 有d有兩隻蝦添😍 我好鍾意蝦 加上d豬肉唔肥 👍🏻👍🏻 正 味精唔多 有d似我自己買番黎煮嘅感覺 出街食唔想咁油膩可以係唔錯嘅選擇

好耐冇路經富寧花園， 等我食返個下午茶先。下午兩點去食，大把位完全唔需要等。不過我一坐低，阿姐就問我食乜，如果可以等下就好啦， 睇餐牌都需要時間架，真係當我背左咩。雖然佢出名嘅係牛腩，但個人唔算太喜好，卒之揀咗個雙丸面，盛惠港幣＄32雙丸面我就要左魚蛋同牛丸（走青），魚蛋同牛丸當然都好好食啦，夠哂彈牙，啲生面煮得好爽，一啲都唔淋仲有最緊要嘅係咩呢， 就係配佢特製嘅辣椒油啦！佢自家製嘅辣椒油出名夠辣夠香，落少少都好惹味！呢餐都算滿足

呢間餐廳我都由佢開業到今時今日，都隔住幾年有幫襯幾次的，但係佢既食物質素真係無進步過，所以忍唔住想講。其實除咗係牛既愛好者，可能會對佢堪稱「清湯腩專家」呢個名吸引，但除咗牛之外既所有食品都好求其，皆因，牛既湯麵佢會加腩汁，但對於唔食牛既人，就好似滾水煮麵咁。話說，我嗌咗個墨丸河拎走，叫加蔥同冬菜好似打劫佢咁既面口，而呢間鋪既樓面侍應都好似無水洗面咁，黑口黑面，我自問對食物要求都唔高，但係呢間野既態度同食物水準，直接啲講，好多人都係隔離餐廳full哂，為咗醫肚，見佢都仲有位先食佢，而我諗之後都未必會再食。而唯一可取既係，佢地雲吞同炸雞翼係好食既！

店鋪坐落係小商場入面, 貼地美食, 價錢相宜~$35, 可能係我食過最好食的清湯腩, 牛腩好林, 好入味, 份量又夠, 食完仲想再食, 加杯凍檸賓, 好滿足的lunch

今日早餐去左鴻興食牛河，其實呢間都幫襯開，但前一排裝修，搞到好耐冇食有少少掛住，今日可以就去食下！裝修後Menu冇轉，價錢都冇加到，良心食店，我嗌左它金牌牛什河$30，其實次次食都嗌牛河，因為個湯底好濃，好香牛味，而且都好多料，我會加少少辣椒油，會更加惹味，食落河粉又吾會太林，岩岩好，加埋湯汁，少少辣，正，而牛什全部都清得乾乾淨淨，食落冇臭味怪味，肉質又吾un，煲到好入味，不錯！難怪一早就咁多食客，真的好味！

這間餐廳自我小時候便在了 店裏的裝橫到現在也沒有變過 不變的還有牛腩河的味道 牛腩用上好的牛坑腩做好 吃下去的時候滿口都是牛腩的香味 肉也不會太老 不用怎樣咬便可以吞下去 這間店最有特色的便是它的辣椒油 聽說是自家製的 喜歡吃辣的朋友可以來試試

米粉粗糙，湯好咸，加了冬菜仲咸，味精好勁，吃完幾小時後不停飲水。。。份量比出面市區旺角區吃的還要細，最近還將碗專細左， 價錢不值而且不停加價，飲品方面最可怕是凍檸茶，不叫少甜時非常甜，日日飲一定好快有糖尿病，叫少甜淡到好似飲水。。總結是吃了一次不會再吃，不像幾年前好吃，而且幾年前都有些明星幫襯如廖啟智等現在一定沒有了

甚少主動走到堆填的地區，找好野食亦不考慮。今天公務在身，要工作的真空時段幾乎3個鐘，於是四圍行行，吃藍天和暖陽光作前菜。其實沒想過會吃午餐，行過這家麵店，門外貼有媒體佈導的介紹(其實筆者不盡信)，在門口目測和聞到熱氣烘得玻璃半濛矓的麵檔爐和牛腩，決定一試！果然堅牛腩肥瘦均勻，平時走湯的也嚐了幾口湯，不口渴。下次會為了這檔麵家再來感謝廚師的用心

上班日放lunch，想食d熱野又食厭晒商場d一式一樣既餐廳，諗緊食咩之際見到茶餐廳寫牛腩，馬上醒起富寧商場鴻興清湯腩專家雖然有d遠，但要食就要食好吃的！行到黎，老闆即刻招呼我入去坐低，唔洗等位，地方唔迫，冷氣又啱啱好，心情即刻好晒！坐低之後諗都唔諗就叫左牛腩麵$28加杯凍檸茶$7落單丫姐爽快親切，野食唔洗5分鐘就到！啱哂lunch time趕時間既人牛腩麵湯底依然鮮甜，唔覺係味精例牌會落辣椒油，呢間既辣椒油真係好辣，第1次食落4至5滴就夠，如果太辣既可以拎完清湯加落去d麵有咬口，吸晒d湯汁，有得揀霖d定硬d牛腩好正，又霖又鮮甜，半肥半瘦每次食都係咁好味，行遠d都值得呢個價錢呢個質素，應該得呢到有得閒實再黎！

將軍澳的早餐日，我又來到了富寧花園這一個屋苑。平常搭車經過，只會留意到屋苑外，馬路旁的兩家餐廳，自從上次探訪過後，發現商場內另有一家隱世食店，於是，再經將軍澳上班的一天，我特意來試這家《鴻興清湯腩專家》。早上，絕大部份的客人都是本屋苑的街坊，不過，食客們的年齡族群就較為年輕，相信，當周邊的學校放 lunch 的時候，這小店絕對是學生的 top list。一早，我來一個牛腩雲吞麵，要說這兒的清湯腩，的確是有一手的，因為看得出是清，但牛肉味道極之濃郁，連湯底也充滿了肉香，爽口，易入口，亦有掛齒的感覺。雲吞件頭夠大，帶有極香的大地魚味，蝦味同肉味也新鮮可口，令我感覺到，這一個牛腩麵，是有水準的。同場的奶茶，感覺還可以，帶點滑，帶點茶味，算是飲得過。這隱世的牛腩麵，雖然稱不上是什麼高手，但也不失為一間隱世好店，是值得再來的。可是地點，的確不太就腳。