鴻記極品雞蛋仔

營業中

休息中

👅即製。 雞蛋仔 | 粗粒花生醬🥜夾餅 香港人掃街唔少得嘅一定係雞蛋仔！ 街邊小食都冇咩地方搵唔到雞蛋仔嘅身影👀太安樓呢邊有兩間雞蛋仔舖頭，一間就係蘇絲黃之前拍過嘅，另一間就係呢間啦！  等其他野食嘅時候，問過前後左右🤔都話呢間正啲！兩樣我都係食原味🤗雞蛋仔外脆內軟，中間唔係空心，都唔係偏埋一邊既蛋糕，係平均分佈仲要唔係實心！😋最好個樣就係最脆個啲邊邊，佢仲好好咁keep住，唔係刮走，食落仲好味過食薯片～一陣間就食哂！其實我鍾意🥞夾餅多啲～ 好足料！完全係最傳統個款嘅組合！ ❤️椰絲砂糖 + 花生醬 + 煉奶 + 牛油 👅花生醬仲要係粗粒嘅，好脆呀😚📍西灣河 太安樓 鴻記雞蛋仔推薦：🌝🌝🌝🌝🌚價錢：💰💰💰外觀：📸📸📸味道：👅👅👅👅-------------------------🤤想Keep住睇下chingching食左咩⁉️記得like & follow 🐷👉🏻👉🏻#雞蛋仔 #夾餅 #西灣河 #小食 #香港名物 #甜 #粗粒花生醬 #傳統 #foodie #hkfood #hk

太安樓, 我諗大家都知道又係另一個平民美食匯眾既地方令小小錢.. 但可以係到掃街..掃到好飽今日朋友帶我來食呢個冇得輸嘅夾餅首先要讚下呢個夾餅非常之厚但仍然可以做到外層非常脆而夾餅入邊係鬆軟嘅一打開個夾餅上面鋪滿花生醬食落去每一啖都食到濃郁嘅花生醬味道牛油味大大嚿都係賣緊＄18咋出面食開..又薄身又唔足料都$20而呢到所有醬料都好似唔洗錢咁加比我地真係無得輸 黎太安樓既朋友真係要黎試下呢個夾餅..

雞蛋仔 - 終於在香港吃到實心的雞蛋仔！外面鬆脆，內裡鬆軟，仲要是實心的，足料又考功夫，擺耐左食到最後一粒依然外皮鬆脆。有兒時食木頭車雞蛋仔既實在感，當然呢度係電爐，整既係鬆化脆皮的雞蛋糕仔，非常好吃，蛋香味融入蛋糕仔的甜，一粒接一粒不能停口！格仔餅 - 用既蛋漿跟雞蛋仔是一樣，一口咬下非常鬆化，可惜花生醬溝得過稀，真係好稀！雖然混合其他如煉奶的醬料可使整個格仔餅的口感脆而濕潤，但卻蓋過了花生醬配沙糖那濃濃絕配的味道。整體是好吃的，只是缺少了那傳統的風味。

記得5-6年前個老闆好自豪咁成日話自己雞蛋仔真材實料，雞蛋比例最好，話其他店偷工減料。過無耐，仲俾cnn捧全港最好食的街頭小食之一。老闆口氣越黎越大，不停加價 由12元一底到宜家18元一底，但係quality就江河日下。我自從上年搬去荃灣，今日返黎媽媽屋企食飯順便去再買黎試試。真心話，雞蛋仔除左右熱同脆，完全冇蛋味，之前一路笑同係太安樓的雞蛋仔檔。真心話 佢有蛋味過鴻記好多。完全唔會再有下次。曾經一時取笑人地的驕傲雞蛋仔，到依家連10元兩底的雞蛋仔都不如。悲哀。

為了吃，從太古徒步走到太安樓，一心就是想著那鬆軟熱辣辣的夾餅。第一次去太安樓會有種迷失的感覺，但順著鼻子走就錯不了，因為幾乎所有出口都充斥著香噴噴的美食味道，有小炒的、有咖喱魚蛋的、有麵食的等等。我的鼻子當然順著雞蛋仔和夾餅的味道走了！從第二街入口，走了不到2分鐘便到。有甚麼朱古味呀、雲尼拿味呀等等口味，但最吸引我的還是最傳統的原味。 夾餅即點點做，等了5分鐘左右吧，老闆娘兩三下手勢便弄好了，熱辣辣到我手。咬一口，表面脆，裏面鬆軟，像鬆餅一樣，夾餅很香牛油味，夾心甜而不膩，而且用上粒粒花心醬，不是一味軟，也帶來一點點咬口，好味！最後，我把全塊吃完也沒丁點膩感，還有空間吃其他的

收工口痕，特意去太安樓睇下有乜野食........諗住試下雞蛋仔，見眼另一間 「蛋X」 劣評多多。於是試左「鴻記」............18蚊一底雞蛋仔，22蚊一底夾餅?!.........門口又多人等候.....俾「北X雞蛋仔」仲要貴，心諗好食無所謂啦~~~點知食第一粒已經中伏，味道怪怪，好似機械味道，以為係錯覺。食落完全無蛋味。錯哂得個脆字，脆身間間都做到........如果佢好似 「龍X」 買1送1 都無咁嬲

今次跟朋友來太安樓掃街，我既目標只有一間，就是<<鴻記極品雞蛋仔>>。 黎到真係旺場，要等好幾個人先到我地。 不過唔緊要，最緊要好食嘛。格仔餅盛惠$22，有點貴。 我叫的是原味，入口又脆又香，好有花生味及蛋香。食完一塊已經好飽，不過格仔餅一定要趁熱食，否則味道會差好遠。

係筲箕灣食咗碗味精手打魚蛋米同碎上炸魚皮後行去西灣河方向碰一碰甜品店填補一下晚餐既無奈！走到西灣河地鐵站附近想到美荷樓既大名，就直踩去朝聖！花多眼亂，況且本人係好多野係唔食，加上我荷爾蒙失調，緊加要忍囗。最後揀咗「鴻記雞蛋仔」作為飯後甜點！買咗底格仔餅，呢個真係不得了！厚度十足、材料十足、外脆內鬆軟⋯⋯好好味！未食過「鴻記」既，真係要試一試。

年三十晚回家前感到肚子餓，朋友帶我來筲箕灣太安樓吃消夜。凌晨二時多，街道上明明是靜悄悄的，沒有太多車輛，也沒有太多行人，奇怪的是當進入這個商場後，才發現這裏是第二個世界，裏面人山人海，站着坐著滿是吃東西的客人，非常熱鬧！由於踏入初一的凌晨我要吃齋的關係，我隨便找了一間賣雞蛋仔及格仔餅的店舖，買了一底原味格仔餅$20。價錢不算便宜，但勝在方便，半夜也可以買到。事實起初我對這間的格仔餅沒有太大期望，只為醫肚後回家好好睡一覺。自問吃格仔餅自少非常有經驗，多數會買回家放在碟上慢慢吃。普遍的格仔餅也是偏軟身的，不會太厚身，蛋味重，用煉奶和花生醬調味，再用牛油黏着沙糖。可惜若果在街上吃的話，煉奶永遠也會流至袋底，完全吃不到，格仔餅味道因此而變淡。在等待的時候，看著廚師準備一底一底的格仔餅，與之前我見過的完全不同，他們用比較杰身的奶醬做餅底，完成的格仔餅非常厚身，而且比較深色，厚身的格仔可以藏有更多的牛油黏着更多的花生粒，廚師還細心地把格仔餅切開一半，方便我們食用。等了大約15分鐘終於有得吃了，由於當晚太凍的關係，一買完我們便衝上車，大啖大啖吃入肚，完全忘記了拍照。不得不讚這底格仔餅的外脆內軟，外邊

平日下午係附近工作完, 口痕要去太安樓搵食, 太安樓賣雞蛋仔/格仔餅店是有兩間, 此店有好多報章雜誌介紹過, 而前價格是$1X, 現在要$20, 但其實是一分錢一分貨格仔餅同雞蛋仔都是即叫即整, 人流不多,大概等五,六分鐘, 店員豪不吝嗇地在熱辣辣格仔餅上搽上牛油/練奶/花生醬同砂糖, 此店特別在於會加上花生碎增加口感, 如包裝袋所說勁！香！脆！格仔餅厚度如窩夫, 個口細D真係咬唔到. 雞蛋仔都好多人買店鋪旁邊有6款涼茶賣, 相信是店鋪自家出品

見到好多人排隊睇落去雞蛋仔都大大粒所以就黎食埋一份不過食落去個雞蛋仔無咩蛋味好在外皮都夠脆不過不失～只屬正常同場見到好多人等緊格仔餅唔知呢間格仔餅係咪好好食呢下次試下先

搭車返屋企期間，瞓到隻豬咁，瞓醒嘅時候已經去到太安樓，心諗真係唔好彩。既然咁唔好彩，就走入去搵吓嘢食，諗住試芋圓，點知未開，隔離就係呢間貼滿報道嘅雞蛋仔。食雞蛋仔又好似幾開心喎，就買個試吓先落單後先即刻新鮮製作，超慷慨地將蛋漿倒呀倒直到滿瀉。等咗大概5分鐘後終於出爐了，熟手嘅老闆即刻將雞蛋仔成塊攞出，放喺鐵架上等一等，雞蛋仔就變咗圓拱形，入袋食得了近呢幾年都好少食雞蛋仔，因為唔鍾意入面係空心。但呢個真係好吸引，首先四圍有脆脆嘅蛋片、每粒雞蛋仔嘅外層都好脆，入面實心，外脆內軟綿嘅口感係我最愛啊！而且蛋味香濃但甜度適中，真係好好味😋全因為落錯車 先有機會食到咁好味嘅雞蛋仔😋

呢間野都睇住佢加價好多年，但奈何自己鐘意食佢呢度大份爆醬，兼且外脆內軟既夾餅。咁岩有朋友入黎太安樓潮聖，又點少得帶佢食呢檔野呢。成晚仲食左沙嗲串燒，立雜炒同埋隔離既芋圓。咁耐無黎，今次黎已經正式衝過1字頭，直達$20一份格仔餅。老老實實真係有ｄ貴，對比出面市價黎講。所以唔似以前咁可以當零食成日去食啦...好就好在比得$20個水準依舊，個袋滿哂醬，食到最後拆個袋dip醬黎食佢呢個都幾敢講係全港最厚既，做到好似窩夫咁既樣脆身，咁不得止仲要帶有麵粉同蛋既香。

前幾日係太安樓見到佢又想食 就買生菜魚肉時是旦買咗隔離呢間 #鴻記極品雞蛋仔 係整嘅時候 仲諗點解啲蛋漿咁杰身 食果陣會不會勁實嫁😳然後睇落又好似唔夠脆咁😅但食落又另一回事🙈 蛋香味好濃！然後又好脆咁！ 然後老闆又好好傾！然後排隊買嘅人多到痴左線！我買果陣前面已經有十幾個人..😱

哥仔近日同友人在尖沙咀晚飯，之後特登揸車過海去太安樓掃街。小吃貨聽罷，頓時想起這裡的格仔餅。已經有一排沒吃了。那種厚度、那種香脆、內裡的軟綿綿 ☺️😊😋唔得，我又要食！放工後一於叫埋哥仔飯後一齊去太安樓掃街✨第一站是鴻記。先來一件原味格仔餅($20)香港人食得多格仔餅，對格仔餅的要求不一。小吃貨和哥仔的標準是蛋漿要厚身，老闆不可吝嗇蛋漿。製成品要先吹一下令表面脆口，吃下要內脆外軟，還要有濃郁的蛋味。鴻記的格仔餅符合以上標準。簡簡單單，原味是王道。落order後即整。無人等的話約5分鐘就拎得。「多花生醬丫唔該。」醬料是另一個重點。牛油沙糖以外當然少不得花生醬。這裡使用的是粗粒花生醬。沙糖和花生顆粒，大啖一口咬下，short short 聲，口感非常豐富。1件開2分袋裝，半分甜點揭開這晚「太安」全掃街的序幕。Encore度8/10。