鶴亀 (已結業)

呢間鶴亀拉麵同沾麵既款式都唔算好多，但係見好多人都推薦，就想去試下。舖頭唔算大，平日夜晚去到都要排一陣隊先入得，不過整體食完之後覺得有啲普通，可能對佢期望太大😔不過宜家堂食拉麵沾麵一律做緊九折，都可以趁宜家去試下既。1️⃣特濃豚骨沾麵（原價：$90）沾麵有得揀冷麵熱麵，軟硬定標準硬度，都幾客製化。本身諗住揀冷麵食落會彈牙啲，但係並冇...麵唔算好煙韌彈牙，食得出少少蛋香，但係麵條一啲都唔掛汁，有啲失望。  湯底方面，特濃豚骨湯入面有啲椰菜，豚骨味道係幾香濃既，但係由於麵條實在太唔掛汁，而且湯底個人覺得唔夠濃稠，所以食落唔係好滿足😕  叉燒有三大片，係火炙過既豬腩肉位，食落去食得出火炙過後逼出既油脂感，幾好味👍溏心蛋都唔錯。  整體成碗沾麵個人覺得普普通通，未至於人地講得咁好食。  2⃣️櫻花蝦沾麵（原價：$93）櫻花蝦佈滿成個湯汁，比起特濃豚骨，櫻花蝦沾麵既湯汁會帶少少甜味，有蝦🦐既鮮甜，但係都係覺得個汁唔夠濃稠，而且麵條唔夠掛汁，所以沾麵黎食唔係好食到啲湯汁既味。  3⃣️櫻花蝦拉麵（原價：$93）拉麵反而比較好，櫻花蝦拉麵同沾麵既分別主要在於湯底既鹹度同濃稠度。拉麵既係會比起沾麵既淡啲，個人覺

今晚放工搵食，經過見到有人排隊，於是試吓。點知，真係中晒伏。我地叫左一碗普通豚肉沾麵$85，一碗特濃$90，黎到兩碗係一樣味！豚肉得兩薄片，而且係無味。個湯係豬骨湯加鏗魚粉，真係好一般，唔係俾碗濃湯你浸就叫沾麵囉其實。另外，仲叫左餃子同小丸仔，餃子好細粒，味道普普通通，小丸仔就真係小丸仔，裡面咩料都無，得粉漿……..成餐飯都唔平，就咁無左$228，唔明點解會有咁多好評，未試過食完嬲到要即刻劣評，一定唔會再去

嘻嘻🤤呢間拉麵係誤打誤撞下食返黎嘅，本身想食隔離間六両三，但多人到爆炸，改食呢間有良心拉麵😆又估佢唔到咁好食咼😛•👅 豚骨拉麵湯好濃豬骨味，面頭嘅油脂一啲都唔油膩，食麵前飲一啖湯是必須吧🤤拉麵可以揀軟硬度，呀婆我無牙力，揀左軟麵，都好合符我軟麵嘅要求😚三塊豚肉肥瘦均勻，未去到入口即溶，但都好淋身✌🏻唔錯•👅 鹽味雞湯拉麵呢個雞湯拉麵我覺得比豚肉拉麵出色👍🏻個咸味同雞肉勁夾，當中又有種清清地嘅雞味🤩本身食緊豚湯嘅我都忍唔住食左雞湯好多啖✌🏻🤤

同朋友睇完戲突然間想食拉麵，就嚟到呢間鶴龜。揀咗好耐，因為樣樣都想食。最後同朋友商議咗佢點黑松露慢煮安格斯牛沾麵，而我就點海老帆立貝拉麵一起share食。黑松露沾麵汁味道剛剛好，但對於沾麵汁來說略嫌太稀，稀度似湯，難掛在麵條上。慢煮安格斯牛肉質柔軟，邊位有略略燒過，很香口。而海老帆立貝拉麵，湯味濃郁但不黏口。 海老好新鮮肉質很彈牙。特別一讚是帆立貝煮得剛剛好，肉質很嫩滑。反而有點失望的是溏心蛋， 味道不錯但蛋黃太熟了。

好出名嘅沾麵，所有野食不過不失，好過好多黃店海老帆立貝沾麵💰158超多料，帆立貝係火炙刺身，海鮮新鮮，肉就普通，同出面食嘅一樣，但沾麵個湯好食，海鮮味重，加左啲小蝦乾，令成個湯更有鮮味，個湯唔會太咸，但掛湯力一般，個湯可以再濃啲。辛辣豚骨沾麵💰93依個就一般，普通豚骨湯加辣，唔會好辣，豚骨味都係普通，唔會話難食，掛湯能力一般，不過唔會好咸，味道剛好。吉列芝士蝦球💰32炸野加芝士一定唔會有問題，熱辣辣上枱，啲芝士仲拉絲，不過除咗個芝士個蝦球無乜蝦味，淡過打邊爐嘅龍蝦丸之前排長龍，依咖唔洗排隊就入到，啲野食係黃店嚟講係高質，整體野食幾好食，但唔會去到好驚艷

武漢肺炎呢排冇乜出嚟咬人，我都出多咗街， 呢日去尖沙咀揼骨，揼完之後想搵間嘢食， 行吓行吓就嚟咗鶴龜， 差唔多兩點， 都仲係咁多人食，我走嗰陣都過晒lunch time, 但係keep住有人入嚟食， 點解？！ 應該係因為好好食， 又抵食我叫咗櫻花蝦沾面， 坐低冇耐就拎咗杯水俾我，之後都久唔久過嚟refill, 唔駛叫先嚟~ order完就上餃子， 送嘅~ 唔駛錢嘅嘢係特別好食嘅 不過佢真心都係好食， 皮薄餡靚， 送多兩件我都食得落~ 等多陣沾面就嚟喇，個湯鋪滿咗櫻花蝦，好香蝦味， 嗰半隻蛋係溏心蛋， 又靚又好食， 嗰塊肉又勁香勁有肉味， 真係好好食~ 個面我order淋d, 係我鐘意嘅texture, 好食 個沾面湯又唔鹹， 味道啱啱好， 我以前食過d湯係好鹹嘅， 食完都覺得要洗腎， 但係呢間味道啱啱好， 絶對冇呢個問題， 好好食正所謂隔離飯香，我等食嘅時候，見到有人叫三文魚扒拉面， 痴線架，塊三文魚扒係你去食西餐咁嘅size嘅三文魚扒， 再加個面， 真係好大塊扒， 都真係幾抵食， 唔怪得之keep住有人入嚟食啦~埋單仲有9 折， 真係幾抵食~

Lunch黎尖沙咀食拉麵，本身想去博多不過見呢間都好似唔錯就試吓啦😉入到去店員就同我哋講枱底有個箱比我啦擺袋，服務態度都唔差 (雖然另一個店員倒瀉左少少水落我隻腳度🤣不過都有不停道歉既🤣反正唔係湯又唔係熱水都好啲) 櫻花蝦拉麵真係好多櫻花蝦，湯底都幾好飲，麵既硬度揀咗標準但我覺得再硬啲會好啲🤣男朋友嗌左豚骨湯沾麵，硬度都係標準但我哋都覺得軟啲會好啲🤣湯底都好好飲，叉燒都多同大塊既，整體嚟講都唔差，不過未好食到好想好想再食多次🤣

💖鶴亀💰人均$100 dinner一搵尖沙咀拉麵店，就有好多間彈出來🤣而家唔算特別出名，但睇落個Menu幾多選擇，所以就試吓佢🤔佢個麵底嘅質感唔算太特別不過拉麵湯底係幾香同濃郁🤤沾麵就比較清，唔太鹹，岩我口味☺️拉麵主要都係配搭叉燒，不過加$35就有個小食同飲品配🙆🏻‍♀️個人覺得佢小食平均都幾高質，值得加配！

今日好想食拉麵.. 平時見呢一間拉麵… 成日都有好多人排隊..今日條路唔係太長…就食佢啦… 入面個餐牌. 都有好多款唔同嘅拉麵可以揀…今次就揀咗海老帆立貝豚肉拉麵來試試…豬骨湯底配有櫻花蝦.. 加埋少少黑椒碎…湯底夠濃香不過有油左少少配左兩粒煎香過嘅帆立貝.. 好味… 大大隻海蝦… 濃味.. 碗面仲有3片日式叉燒同埋糖心蛋….重有筍絲….滿足晒我貪心嘅慾望一碗份量好足… 面質重可以揀軟硬度…配埋個可樂.. 我飽到一個點..

冇錯,又係拉麵時間,哩幾日拉麵癮好勁.一做完野就轟醒男人去食拉麵,今日食鶴龜~可惜佢黎到果時已經過左3點,冇左送餃子優惠啦,我叫佢照嗌,佢又話我唔食佢一個食唔曬,咁就改為叫黑椒醬酒雞翼算啦,其實小食都幾多款式,睇完menu,佢最後叫左豚骨拉麵,有溏心蛋,蔥花同叉燒,湯冇太濃,比起風龍有咁強豚骨味,份量亦比較細,男人喜歡哩個湯多d,佢仲飲埋最愛既士多啤梨波子汽水,結果食完佢話未飽曬XDD早知叫餃子啦XDD我叫左鹽味雞白湯拉麵,仲加多份芽菜,鹽味雞湯清得黎有雞味,有雞叉燒同竹筍,麵條煮得適當,芽菜浸左雞湯好味,終於有拉麵可以飲曬d 湯啦,黑椒醬油雞翼,黑椒味唔重,但外表超脆,肉嫩滑,正.佢地有素食拉麵,素食人士都有得食啦.

一個平日晚上，呢間拉麵店店外都有人排緊隊。不過換座率超快，好快就可以入去啦！見到餐牌花多眼亂，又有拉麵又有沾麵，諗咗好耐先決定到要食辛辣豚骨沾麵。佢個豚骨湯唔算太濃，辣味亦都唔會刺激唔會太重。麵身比較粗所以都好掛湯，口感結實食落都充滿蛋香。一碗沾麵有三塊叉燒都幾開心，燒到有微微焦香，油脂香味夠哂！不過隻流心蛋我覺得就麻麻哋，醬油味唔夠。至於餃子就不過不失啦！個人覺得味道中規中矩，勝在款式多！

尖沙咀呢d旺區食野多數都要等，當日星期六八點左右，天氣非常之熱，等左大概30-45分鐘先可以入座，係出面熱到出哂汗。好彩入面冷氣非常強勁好夠凍，食麵環境係最緊要。叫左個特濃沾麵，沾麵汁偏稀，有d難掛汁，但應該真係無味精，食完唔口渴！走左我最憎既荀，叉燒炙燒過，好香口，溏心蛋都唔錯。整體都okay，旺區咁既價錢，冷氣夠勁又坐得舒服(好怕d拉麵店坐得又迫又熱又冇位放袋) 呢度有籃放袋又坐得闊落，食又唔差，又係良心小店。

——————————————————櫻花蝦沾麵 / 93大量櫻花蝦 超級香濃叉燒入口即溶吉列生蠔 / 58 外脆內軟 必食!炙燒鰻魚 / 68原條鰻魚 香滑冇骨章魚小丸子 / 32——————————————————推介度: 8/10——————————————————

每次經過依間出面都係排晒長龍～ 今日早啲嚟食都差啲冇位🤣 入面防疫措施亦唔錯，有搓手液、紙巾等等。枱下有籃子可放物品。麵嘅質感揀咗硬，食落唔會話太硬，而係剛剛好呀👍🏻 食開普通嘅可以試試，唔會話消化唔到～～～-櫻花蝦拉麵🍜-（追加100克麵底）櫻花蝦份量多到成碗粉紅色，好有少女feel💗 打卡一流！仲有溏心蛋～-豚骨拉麵🍜-（追加100克麵底、乾海藻）豚肉、竹筍份量好夠，比起其他拉麵鋪多！😙 仲有溏心蛋！回頭率：9/10環境：9/10

剝左智慧齒一個星期，個胃忍左好耐(☝︎ ՞ਊ ՞)☝︎同好想食拉麵。去開尖咀就試左黃黃嘅鶴龜拉麵，高橋太太對沾麵無咩性趣，最後點咗豚骨拉麵，見佢黑枝寫住No MSG,個人安樂哂✌︎('ω')✌︎豚骨拉麵⭐️⭐️⭐️⭐️平時食拉麵好怕d 湯好膩，今次一上麵，啖湯味道岩岩好，唔會口渴，一啖麵一啖湯，再加灸燒叉燒，半肥瘦唔會太肥膩，最後成功飲埋湯Oishi Supa∩^ω^∩中午時段仲送煎餃子同有九折，價錢合理。可以擇日再戰櫻花蝦沾麵/雞湯拉麵