鶴亀 (已結業)

突然好想食沾麵🍜尤其係天氣熱揀涷麵食係特別舒服😌但想搵間有特式d唔係連鎖嘅拉麵店試下所以就黎左呢一間小店🙆🏻‍♀️我哋分別叫咗櫻花蝦沾麵同特濃豚骨沾麵🍤🐷首先澄清番佢本身冇咁齋😂係自己揀飲擇食所以走咗蔥同竹筍🙊佢個麵雖然只係微冷但掛湯力唔錯👍掛啲熱湯再食落口都無夏天食熱辣辣湯麵嘅辛苦😋特濃豚骨湯真係好夠濃🍲啱晒我呢啲重口味嘅人🥰然後灸燒豚肉總共有成三塊雖然見佢半肥瘦都有d驚肥😱但係d油份已經係燒嘅過程逼晒出嚟🔥所以食落一d都唔膩好正🤤

當每次想食返碗熱辣辣嘅拉麵嘅時候，我都會諗起呢間係尖沙咀嘅日式拉麵小店🤤🔸特濃豚骨沾麵（$90）（紫菜 +$10）叉燒燒得焦香，食到陣陣嘅豬香味🐷溏心蛋蛋黃食落好creamy又充滿蛋香味，非常yumyum🥰 豬骨湯底夠濃味，仲帶點味噌嘅味道，都幾好味架🤤沾麵夠粗身有口感，但個人覺得如果淋返少少就更加好啦🔸櫻花蝦拉麵（$93）（溏心蛋+$12）係咪好好奇點解有咁多蛋呢哈哈，因為佢個溏心蛋實在太好味，我要加多一份😚成碗拉麵鋪滿櫻花蝦，個湯飲落都有啲蝦鮮味，拉麵係比沾麵幼身啲，我反而更喜歡拉麵嘅質感 ♪(´ε｀ ) 同樣配上三片日式叉燒，真係好滿足呀～🔸日式煎餃子（套餐 +$35）食麵加錢就會有埋一罐汽水同一客餃子或者章魚小丸子😚餃子煎得金黃，味道okay嘅～想多啲野食嘅都可以加埋佢🤣呢間拉麵店嘅員工都幾Nice，再加埋食物質素唔錯，所以我係會繼續支持佢的(๑•̀ㅂ•́)و✧💛

第一次食依間拉麵環境乾淨企理落單之後同行友人想去廁所，職員好貼心噉留起佢張單，等佢返嚟先煮，以免啲麵太冧。而佢本身出菜速度好快，一陣我個麵就到咗，但由於我都等埋個朋友先食，職員見狀想幫我重新煮過個麵，驚個麵變冧影響味道，雖然我婉拒咗職員好意，但職員為客着想嘅態度好好櫻花蝦拉麵（下）湯底唔錯，唔太濃有蝦味。適合中意有味道但唔太濃嘅人。日式煎餃子（上）正常水準，脆邊有咬口。

#尖沙咀黃店 #尖沙咀美食🍽豚骨拉麵💰85 ⭐️鶴亀📍尖沙咀漢口道19-21號漢宜大廈地下L號舖==============================📝超級金黃拉麵店，已bookmark左好耐，有好幾次因為人龍就放棄，好彩今日唔洗排隊😝鋪頭細細，但係麵款多多，至少有8款比你揀，又有拉麵同沾麵。今次一於試最基本既豚骨拉麵，幼拉麵配半粒蛋，加3塊叉燒。拉麵底叫標準，彈牙偏硬，無鹼水味；糖心蛋就熟過龍，同唔夠入味；叉燒最有驚喜，軟熟易食，表面仲用火槍燒一燒，少少焦香更惹味。湯底咸度適中，唔會太濃，又幾好飲，最重點係唔會令你口渴。💫⭐️⭐️⭐️⭐️值得一試

🔎：《 #鶴亀 》⁣⁣⁣⁣⁣💬：⁣⁣⁣⁣ 高質良心沾麵拉麵店～💛🍜⁣⁣⁣▫️豚骨沾麵 ($85)沾麵我簡左凍麵，麵質食落好彈牙，係我中意既粗麵。用黎沾麵既湯好夠味，而且唔好太咸，因為好多沾麵店個沾麵湯都勁咸，依個調味岩岩好！另外我中意佢既叉燒，肥瘦適中，重點係佢有燒過，有陣好香既炭燒味😋(4/5分）⁣⁣⁣⁣▫️海老帆立貝拉麵 ($158)雖然一睇個價錢好似有啲貴，但係佢既料食得出係貴價貨，尤其係帆立貝，超鮮甜，而隻蝦都好大隻。拉麵係幼麵，但食落一樣彈牙！而個湯除左有好濃既豬骨湯味仲帶有微微既鮮味🦐(4/5分)▫️日式煎餃子🥟餃子係店員話3點前送😜，皮煎得好脆，味道不過不失。(3/5分)__⁣⁣⁣⁣⁣⁣⁣⁣⁣📍地址：⁣🔶尖沙咀宜昌街L舖漢宜大廈

✨黑松露安格斯牛沾麵$188小妹一直都好中意食🐮人稱食物焚化爐 咩都岩🤣但唔係講笑 啲湯既黑松露味都幾出牛肉有五大塊架 又滑賣相亦相當吸引———————————————————✨海老帆立貝沾麵$158海老故名思義係🍤加上兩隻大大粒帆立貝兩塊叉燒 講緊份量都唔會比🐮輸蝕湯底味都特別鮮甜啊～------------------------------個人認為只可以自己/同經常見既人食🍜因為通常環境都會較逼同唔坐得耐🙌🏻

一齊食沾麵吖推介指數 🍜🍜🍜🍜🤍肚餓指數應該捱唔到返屋企，一於跟隊同埋朋友去食沾麵，好耐無食過呀！鶴龜提供7款口味沾麵，6款口味拉麵，仲可以揀麵嘅軟硬度同追加配料，仲可以加HKD35要埋日式煎餃子或者章魚小丸子同汽水㗎。🥩黑松露慢煮安格斯牛沾麵 HKD188慢煮嘅安格斯牛肉，牛味濃、肉質軟滑、輕輕响面灸燒吓逼出油脂，好滿足好幸福！沾麵湯入面有好大粒帆立貝煮得岩岩好又鮮味，湯汁如果更濃稠更熱就更好啦！安格斯牛有5大塊，相入面係對摺㗎！🦐海老帆立貝拉麵 HKD158又大又新鮮嘅蝦，仲有2粒帆立貝好鮮甜，3塊叉燒都好軟滑入味，拉麵係幼麵，湯底平穩。🥚追加配菜：糖心蛋HKD12糖心蛋黃更流心同更入味就會更吸引啦。食物 🥩🥩🥩🥩🤍環境 🦐🦐🦐🦐🤍服務 🍜🍜🍜🍜🤍

通常港式拉麵都會好極端，一係唔知似乜，一係就值得encore，而呢間係後者！雖然主打係沾麵，但比較想食拉麵，所以就嗌左一碗醬油一碗辛辣豬骨，另外跟set加左少少錢有點餃子同罐裝汽水醬油個碗就係全齋，比較清同埋係幼麵，但湯底食得出淆出黎，唔會完全無味😜辛辣豬骨就相對濃d，但可能迎合香港人口味所以都唔會太杰，麵係粗既，幾有咬口幾正🤤另外加既餃子皮都夠薄夠脆，而且應該即煎所以連個函都夠熱，夠誠意😆😋

💛豚骨拉麵💰$85今次已經係第二次食啦～好鍾意佢個湯頭👅好濃但又唔會濟🤩加埋唔會成口味精味🥰 jeng♪(´ε｀ ) 叉燒唔會太肥但又唔柴～面頭有少少火炙🔥尖沙咀拉麵黎講佢性價比算好高✨推薦推薦ʕ •ᴥ•ʔ推薦程度：🔆🔆🔆 🔆（5個🔆為滿分；🔅係半分）💛鹽味雞湯拉麵💰$85呢碗係我朋友叫既～所以我淨係試左少少🙈但感覺唔係好岩我口味...因為佢偏淡味🐥（可能因為我食左濃味既豚骨先～）但係清清淡淡應該會好啱唔鍾意濃味嘅朋友仔😆推薦程度：🔆🔆🔆 🔅（5個🔆為滿分；🔅係半分）💛日式煎餃子💰free（三點前入座送的🥰一人兩隻）雖然係送既～但係一啲都唔馬虎✨大力推薦餃子🥟我同朋友都覺得好好好好食～唔會話硬到好似石頭咁🤣（出面食餃子好易伏☹️）但又做到頂部去脆卜卜👍🏻內餡既豬肉味好濃ʕ •ᴥ•ʔ 唔係送既都推薦大家叫👅推薦程度：🔆🔆🔆🔆🔅（5個🔆為滿分；🔅係半分）🌟小店位置唔算多但係我兩次午餐時間去食都坐唔夠一半(｡ ́︿ ̀｡)希望大家多啲支持💛

星期日周圍都好多人，中午搵地方食嘢都有難度，好在尖沙咀有好多小店，尤其漢口道附近。本身想食六両三，但太多人，好在旁邊既呢間日式小店少人啲(但都係好多人排)店內有膠帳幕圍封，感覺很有安全感點了兩個沾麵加一款小食😋😋😋沾麵可選麵的軟硬程度，選了普通，下次會選軟😂因為個人喜愛軟的麵多啲。另外，麵亦可選凍或暖個人覺得櫻花蝦湯味道較好，每一下夾啲麵上黎都有幾粒櫻花蝦痴住，啖啖都會食到櫻花蝦特濃豚肉湯底好咸

溫泉蛋偏鹹，但蛋黃香氣很飽滿，隻蛋好靚，唔係一味追求流心，有晶瑩剔透軟滑嘅口感，更得我心。沾醬有合適沾麵嘅喊度，仍留有足夠豚骨香和味道，特濃味道毫不油膩，清爽而各方平衡，沒選錯。麵質偏爽 (我選適中)，外層柔滑，粗細適宜。選冷麵配熱汁溫度剛好。叉燒肥瘦適中 (我本身鐘意偏瘦)，比例超漂亮！留有略煎的香氣，本身調味很輕，略薄，只有3塊覺得有點少。會想再食！！！！

我叫咗個特濃豚骨沾麵，外賣有八五折，折左$79蚊。麵有得揀暖麵或者冷麵，我揀咗冷麵，因為過過冷河嘅麵質比較彈牙😋叉燒有三塊，薄薄咁，但都幾好味。整體嚟講係好食嘅，可惜份量偏少，食完唔夠飽，下次要加底。

香港素有美食天堂之稱 中西日韓意法泰任何地方既菜式 大概講得出都有可能找得到不過困在香港整整一年有多 思念日韓之情大概是人所共鳴吧這天跟親愛既鄰居去尖沙咀搵食或許是太想念日本既美食 於是穿街過巷搵到呢間日式拉麵店呢間位於尖沙咀既鶴亀 主打拉麵及沾麵湯底標榜不含味精 以豬骨、雞骨、雞肉及新鮮蔬菜熬煮8小時除左拉麵亦有餃子、吉列生蠔等小食既然很多人都推薦櫻花蝦沾麵 那就試試好了如果你是愛好重口味 那這個沾麵應該頗合你心意沾汁湯底味道是偏濃而且帶油 不過還未至於那種好死鹹加上大量疏菜既香甜 所以沾汁湯底入口是濃厚順滑大概又因為有櫻花蝦點綴 味道有點提鮮作用配合軟硬剛好既拉麵 整體恰到好處拉麵麵條質感平滑 彈性就略為一般般 不過勝在水準正常筍條、半熟蛋、叉燒三塊 擺放得整整齊齊叉燒上枱前先用火燄略略一燒逼出其油香及肉香 食落充滿鬆軟感之中爽口帶油脂香加錢配一客章魚小丸子 不過味道不及街邊沒有失望 因為本來就沒有期望

讚1.拉麵既質感滑溜煙韌，叉燒都煮得好，肥位唔膩，瘦位唔柴；餃子係出色，皮薄餡多，醬汁都開胃彈1.沾麵汁，係淡，真係淡到好似湯咁，就咁飲就剛剛好果種，但當佢係沾麵汁黎蘸，就淡得出奇，唔知係咪因爲太多客2.

一個寒涼既下午, 諗住食一碗熱辣辣拉麵暖下胃經過漢口道見到一條人龍, 諗住一定無伏等左15分鐘入鋪, 坐位有足夠空間地面乾淨有拉麵店必備凍水(讚)我兩個人 點左兩碗沾麵特濃豬骨湯沾麵(冷麵,硬度適中)櫻花蝦湯沾麵(熱麵,硬度適中)由於我地坐吧台, 我可以睇到兩位師父煮面同整差燒負責煮麵果位師父令我大開眼界, 清潔完碗既水係踎低張個碗貼近地下倒水, 咁唔會有水反彈返去碗咩?5分鐘左右兩碗沾麵上枱, 我果碗係特濃豬骨湯沾麵.食拉麵, 我習慣先飲一啖湯底第一啖湯我竟然可以直接入口, 證明一樣野 (唔夠熱)而且我明明要特濃, 我飲唔出果碗豬骨湯濃左係邊度之後我食一啖薄過紙既差燒, 用火槍燒過的確好野味, 味道都可以, 但由於太薄油脂比例太高, 成口油到面底, 我可以講食咁耐香港日式拉面, 面底佢真係數一數二差我好似食緊車仔麵油麵, 無蛋香, 無麵味, 沾麵要掛湯佢完全做唔到到糖心蛋, 蛋顏色偏黃 (正常拉麵店糖心蛋偏橙), 所以賣相一般, 食落無糖心蛋應有既醬油味講埋碗櫻花蝦湯, 佢只將特濃豬骨湯加大量櫻花蝦係面 (完)90蚊左右一碗沾麵, 係香港正常價錢, 但咁既質素我應該唔會再有下一次