鷹巢

營業中

休息中

最近一個已經移民外地好幾年的中學同學回港旅遊，上機前已著我預備好一間提供精緻點心的餐廳聚舊，因為他移民的地方完全沒有好的點心，二話不說立刻致電鷹巢訂位。下機後家也不回直接到餐廳用膳，當他看見點心餐牌立刻感動不已，在他猶豫不決之際我跟餐廳服務員聊了一下，發現本月有新點心款式，朋友煩惱一掃而空。除了一些之前我也有介紹過的點心，也點選了新點心裡的瑤柱珍珠雞和周末限定的北菇棉花雞。瑤柱珍珠雞糯米綿糯餡料鮮味，北菇棉花雞雞肉油潤細嫩，魚肚軟滑，兩款點心絕對是本餐亮點！朋友非常滿意點心品質，還說離港前一定要再來一次！

今晚無啦啦要OT，唔開心，又攰到呢⋯⋯又肚餓，想搵個舒服啲嘅地方食嘢，行去搭車嘅時候經過鷹巢，睇吓OpenRice啲食評都幾好，酒店來講價錢又唔係好貴，所以同個同事上咗去。座位輕鬆唔太迫，雖然今晚都見到全餐廳滿座，坐下了飲杯茶，今晚胃口唔好又想食啲濃味食物，叫咗個燒味雙拼（叉燒拼油雞），啫啫蝦醬生菜煲加個白飯，而同事叫左一碗魚湯斑球米線，幾樣都很有驚喜😋。首先，我係一個叉燒癡，那件厚切叉燒呢⋯⋯又淋又入味。油雞已起骨，豉油味啱啱好，重要係夠滑。啫啫蝦醬生菜煲，到枱是香噴噴熱辣辣，蝦醬未夠又唔會咸，配白飯一流。同事個一碗魚湯米線，完全有家的味道（同事話）嗰碗魚湯好味到好似阿媽煲咁，見佢食到隻碗見底，佢成碗食晒好悶粥個樣。真心講食物全部都不特別，但食到師傅嘅心機。餐廳員工唔算好熱情，有禮貌都有笑容，我有時都好怕人好熱情同我傾計，特別係好攰嘅時候。食物已經贏盡我心，決定要同屋企人嚟食一次，所以同左阿媽講中秋已經訂了位，仲留埋個車位。期待下一次嘅驚喜💪🏼

再次幫襯同屋企人飲茶，覺得點心好味又靚左。特別推介棉花🐔，一碟三小件切到靚一靚，雞肉夠滑魚肚又滲哂汁，必食😋P.S. 同場叫多左隻bb鴿，一開二的，原來半隻咁食隻鴿會鎖住多d肉汁，香口之選👍🏻👍🏻

上年八月同朋友食住家小菜時剛巧碰上鷹巢名曲夜，當時有駐場歌手唱中英文歌，剛好一年後難得老闆係低潮中請我地食飯，我同同事就提議去鷹巢有得食有得聽，即刻將會員通訊個廣告俾老板睇。老闆睇完冇我哋咁好氣，佢話後生細仔係咪真係有興趣，其實邊度食都無所謂老闆請食飯梗係要佢開心，唔係仲點會有下次。照舊嗱嗱聲訂枱，幫老闆留埋車位，接線生仲問有冇小朋友，服務幾好。預訂時先知有最低消費及限制，原來依家個名曲夜同以前唔同了，搬咗去隔離個宴會廳仲有埋舞池，咁就算啦反正人多直接食一圍菜，平均計返一個人都係$400到，同食自助餐相差不太遠。鷹巢三小碟(金牌叉燒皇、椒鹽脆軟骨、蒜泥拍小黄瓜)百花釀蟹拑蟹肉杞子冬蓉羹沙巴大龍躉兩食 (頭抽香煎沙巴龍躉球、金針雲耳蒸斑頭腩)鮑汁花膠北菇唐生菜蜜檸牛柳炒萵筍琵琶吊燒雞蝦子鮑汁薑蔥撈麵蝴蝶酥拼紅豆千層糕嗰日因為始終老闆請食飯，輪流出去舞池陪老闆跳下跳下，所以沒有影太多相，邊聽歌邊跳舞邊食飯眨吓眼就完咗個活動，今次菜式非常多難以每碟評論，但係每樣的味道都非常好，比平時的點心更有特色，買單時同服務員傾左幾句，讚佢啲菜好味，原來當中有啲菜式係每月由廚師精選限時提供的，眾多菜式中我

難得今日放假，就同老公帶埋仔仔嚟飲茶，好在預先一個鐘前book位先有車位泊車，真方便。一上到嚟就見到佢地賣緊月餅，先諗起過多3星期就中秋節，即刻叫老公買定幾盒送禮先。佢今年啲包裝好靚，睇落好溫馨，又好有style~ 二百頭一盒都算係咁，仲要係Hilton國際品牌，有信心保證!!!跟住飲茶，叫咗我刞鐘意食嘅灌湯餃，好香好夠熱。另外仲叫咗和牛酥，蘿蔔糕同上湯餛鈍都係我地喜歡點嘅小食，餛鈍細細粒，有6粒，唔會太多太大令人食唔到其他嘢，當然唔少得蝦餃同叉燒包呢啲常叫嘅點心啦~ 佢地嘅食物每一次都冇令我地失望，有水準，仲會有驚喜tim架。雖然我地住新界，但好鐘意過嚟呢度飲茶，因貪佢旺中帶靜，又唔會好似出面啲茶樓咁多人好嘈好似街市咁。最重要係有得泊車。。。

約左朋友係旺角想搵個靜靜地又舒服既地方食個lunch傾下計....無意之中係openrice發現左旺角有間鷹巢中菜廳。叉燒外層香口，蜜味適中，內層肉質嫰滑，肉汁豐富，十分美味。XO醬炒蘿蔔糕好味！唔會話林啤啤！我平時唔食蘿蔔糕但呢個我食到！XO醬好香。福建炒飯很大碟，食材都好豐富，但飯的比例太多，米飯食落韌度夠，味道唔錯！！这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

上週六约了兩位老友在旺角飲茶, 鑑於當天旺角有大型活动, 所以都是去鄰近旺角西的鷹巢較為穩妥。兹因人多关係, 導引交通延誤, 當我踏進酒樓時朋友已吃完頭盤, 正是我至愛的「厚切慢煮汁义燒」。好在老友有情有義, 留了兩件給我, 一入口, 蜜汁甜味適中, 外面焦香, 入口淋滑無根, 是义燒中的極品, 吃完兩件, 也飽了一半。义燒雖然好味, 但也不能代替主食, 故由經部介紹叫了一碗蝦球麵, 當麵上枱時, 一看便知很「難」食, 難食者當然不是指味道, 而是份量, 大大的蝦球有如乒乓球般, 男兒雖口大, 但也不能鯨吞乒乓球, 蝦球入口弹牙爽口, 蝦有蝦味, 非雪藏貨色, 三個人當然不用叫一碢, 但這碗麵足夠三人分享。甜品叫了三個麥米粥, 非常足料,麥米夠淋, 但仍保持足夠趙口, 令人有幸福的感覺。

聽左兩個朋友都界紹過依間餐廳，今日終於得閒黎試下。幾日前，我已經一早訂左位，所以一去到就可以入去，唔洗等。知道依間叉燒好出名，咁當然即刻叫左碟，黎到果然有驚喜，一咬落去，好林勁JUICY，色澤好靚，必食必食!!!另外我地叫左幾個點心，第一款和牛穌，佢個造型都好靚，係個手袋仔，食落好似叉燒穌，但味道當然正好多，好濃牛味。正!第二個點心叫香芒脆蝦卷，入面個餡有蝦肉同芒果，個點心都幾新穎，外皮夠薄同脆。可以一試!第三款，飲茶必食燒賣，食落好足料，好彈牙。唔係出面食落好粉的燒賣咁，推界推界!!最後，我地叫左個砂鍋咸魚雞粒炒飯，出面食開好油同咸，依度既咸魚雞粒炒飯完全相反，真係健康好多，值得一讚!!佢都係飽肚之選既一個好選擇。

這個禮拜外母一家人到外地旅遊，工作原因我未能參加，此周末我就可以一個人悠閒過。今天禮拜日起床已經是中午十二點，時間剛好可以食午飯，最近工作上經常需要應酬，酒喝多了自然想飲飲茶，鷹巢當然是不二之選。進入了熟悉的餐廳，夥計們已認得出常來的我，飢腸轆轆的我立刻寫好點心紙，選了例湯、北菇棉花雞和和牛千絲酥，北菇棉花雞的北菇夠厚身，千絲酥包裹的和牛粒有滿滿的牛味，令人非常滿意！原訂參加本月的＂樂韻翩翩名曲夜＂因外家一家外遊，所以要延後到參加九月四日的那一場，已經取得單張預備跟老婆申請！

星期六，想一個人靜靜地飲下午茶，遠離煩惱，最好搵間靜靜地ge中菜廳。今日嚟到，出奇地唔太多人，可能去哂元朗，所以一上到去就有位。叫咗3樣我最鐘意食嘅嘢，係比較清，全部都素食，因為我前幾日食得太多肉。。。果然冇令我失望，素食都一樣咁好食。尤其個蘿蔔卷，好似腸粉又有蘿蔔，好有咬口~出面咁熱，最好坐喺個中菜廳裡面慢慢飲茶，嘆下~好爽!咁啱佢地賣緊月餅，係 Hilton 出品，價錢都唔太貴，二百蚊左右，所以都買咗一盒奶黄加蓮蓉，同2盒奶黄送禮，但未有現貨，所以叫咗佢送貨，3盒以上可以順豐送貨，超方便啊～ 仲可以寫心意卡祝福語tim.

第一次認識呢間中菜廳就係因為被免費泊車所吸引, 上次黎過應該係一年前食晚飯, 都唔記得左當時登記左做會員,  打電話訂位時個女仔好好主動問係唔係會員再幫我用電話號碼CHECK, 會員有折扣的, 仲幫我留定車位, 就係咁我星期六到個陣唔洗等位仲連排隊等停車場GE時間都唔洗浪費!我地得2個人, 食少少野先上朋友屋企探BB, 但估唔到有粥仲有湯而GE選擇!斑球魚湯米線換稻庭面本身個菜單係寫斑球魚湯米線, 另一個係紫菜蝦球湯稻庭面, 我朋友心大心細又想食魚又想要稻庭面, 落單個員工就好好咁提出唔介意加錢可以轉俾我地, 我朋友即刻四萬咁口就落左斑球魚湯稻庭面, 我自己叫左碗粥所以試左2啖, 魚湯好甜加埋滑滑GE稻庭面口感一流, 朋友就話食到D魚好鮮, 好想試埋個紫菜蝦球湯稻庭面黑松露素餃呢個係落單個員工介紹的, 佢話係佢地中菜廳推介GE點心之一, 上菜時連埋個蒸籠蓋一齊出, 出哂煙感覺上夠哂熱同埋衛生好多, 起碼唔洗送菜途中食哂塵, 咬落口就有好香的黑松露同埋菇味, 少少爽口GE應該蘿蔔, 呢個配搭幾得意.白灼時蔬佢有幾款菜揀的, 我地就揀左菜心, 比平時飲菜少油得黎又夠綠, 重點係佢每一條菜都

自從帶過老婆到訪鷹巢，她一直盤算帶家人來飽餐一頓，惜一直沒有名目，直到七月剛好就是外母生日，不假思索就直接訂位。訂位時已有介紹說七八月會有新推介菜色，一直在期待可以嘗嘗鮮；入座後立刻找出推介餐牌，細看下有好幾款我也滿有興趣的，例如懷舊錦鹵雲吞、燒雲腿伴鴿脯、八寶瑤柱冬瓜盅，而外母強烈要求嘗試荷葉蒸蟠龍鱔，因為已找了很多餐廳也沒有令她滿意的味道，當然鷹巢沒有令我們失望，最後外母也滿足的不得了。順帶一提，離開時發現有一海報在接待處旁邊，此海報在推廣一個名為＂樂韻翩翩名曲夜＂，一問之下發現原來每個月也有一次這樣的一個活動，有現場樂隊和舞池，同時享用鷹巢美食，看來八月七日的晚上已經有節目安排好了！

鷹巢希爾頓花園酒店嘅中菜 酒店啲車位唔太多但附近方便泊位 叉燒好食 入味 肥瘦適中 林得黎又juicy每一片都大大嚿 份量都幾多旁邊既蜜糖豆硬少少 有咬口原本想叫豬肺湯 可惜要預訂 冇得飲青紅蘿蔔湯 無咩特別 一人都有兩碗有職員將啲湯揸筆出嚟俾我哋食跟埋豉油 其後叫佢哋幫我地番熱煲湯佢哋都好樂意 仲換過曬d碗 服務好好炸子雞 $2xx半隻係咪因爲另一邊做酒席 而整落？賣相都麻麻 唔熱又唔滑 又唔太脆啫啫通菜 唔會太鹹 林得黎又唔老 好食蝦仁鍋巴 個鍋巴硬左少少 但係蝦仁夠爽 味道就靠個五柳汁 見到有人叫雪糕 一架車負責整應該係楊枝甘露 加液態氮 整左三小球 放左係個杯裡面再加三個白飯一個白粥問佢哋有冇折佢哋好主動咁幫我整張會員卡週末食就有八五折 折後每人大約二百幾 $1360/5

招牌叉燒，厚切慢煮，入口鬆化冇渣，每次到旺角希爾頓花園酒店都一定必試，但今日想試另外兩款招牌菜，意大利黑醋豬柳和咕嚕肉差不多，是另一版本估唔到一樣咁正，意大利黑醋酸度剛剛好，超好味正。 另外一款花雕醉雞，應該係用新鮮雞，所以雞肉食落同冰鮮雞係唔同，花雕酒味又香醇剛剛好，两款都一樣咁正，下次要多試其他招牌菜。

周末不用上班, 原本就不想再出市區跟人迫, 但因约了久別老友, 那就唯再會會天天上班的旺角。在旺角要找一個舒適方便的地方, 给三兩知己吹兩小時水真不客易, 默然一想, 回巢是岸,鷹巢是也。香港人飲茶離不開蝦餃燒賣, 鹰巢的蝦餃非常充实, 大大隻鮮蝦, 蝦有蝦味, 正! 燒賣含適当豬肉,有足夠口感, 又不會太肥。這些年千層糕不是很多地方有做, 鹰巢的千層糕真不錯, 橙白雙間, 颜值高, 入口有會層次, 令人回想起兒時的日子。馬拉糕更不得了, 糕眼分明, 夾上弹手, 味不太甜, 未入口已知道可以。最後叫了個淨雲吞作殿樂, 湯底混有韭皇,畧带視水味,有当年中环X記的影子, 雲吞細細粒, 皮滑蝦正, 成了!其实食廣東点心也不用太多花巧, 甚麼金魚、白免、流金也不是最重要, 重点还是新鮮餡靚味道正,跟那些年的朋友,吃那些年的味道最重要。大大隻蝦的蝦餃