鹿角巷

營業中

休息中

我個人黎講就對甜水麻麻地偶爾只會去飲下天仁茗茶,但係呢杯黑糖珍珠真係好嗱好飲,啲珍珠大粒得黎又有咬口,唔似得啲貨得個大字咬落去好似食緊粉咁,個個黑糖真係不得了,雖然對我黎講可能甜左小小但係熱辣辣既糖加埋啲凍冰冰既奶茶一齊真係好特別,比起一般珍珠奶茶多種口感,我自己都會翻去再飲多杯,弊就弊在好嗱多人排隊,大熱天時係到排成二三十分鐘係到干煎真係唔到你唔頭暈，如果有多啲counter可能會解決人流問題,最後就係如果個肚有啲飽就唔好去飲啦,無我咁大食既人肯定飽到賴屎

鹿丸可可鮮奶 HKD32；不專業評級：6/10可可味好重👍🏻 珍珠有甜甜的黑糖味 煙煙韌韌😋好好咬‼️ 但無乜鮮奶味 連討厭奶奶味的L先生都飲得落 可想而知杯野幾乎係0️⃣鮮奶味🤣.青檸番石榴 HKD28；不專業評級：2/10Err...我完全唔知可以點評論佢😂 味道好奇怪🤢 質地沙沙的 只能說我唔識欣賞佢 28蚊完全係可以買到比佢更好飲的野😂 我同L先生加埋飲左半杯都無就將佢送左比垃圾桶🙅🏻‍♀️ 對唔住 我真心覺得...唔好飲‼️絕對唔會再試‼️.黑糖鹿丸鮮奶 HKD28；不專業評級：6.5/10其實已經係第2️⃣次飲 質素keep到👍🏻 但掛杯既黑糖少左好多 影相無咁靚🤣 其實同可可鮮奶差唔多 純粹係可可轉左黑糖 不過我個人就比較鍾意黑糖味 黑糖鮮奶先可以飲到鮮奶味💗

平時行過鹿角巷 見到條人龍都怕怕大熱天時 等完買仲要等拎真係咪搞我不過今日dayoff 晏晝行過 咦又唔係好多人咋喎 得十個八個度可能d人要返工返學而且又開咗分店散咗d人龍即排！排咗十分鐘度買買完等十個number都接受到吖即刻飲啖先珍珠好煙韌 黑糖夠入味唔係死甜d奶係較薄身唔係好厚好creamy好濃嗰隻不過反而咁先good 唔會搶咗大家嘅味道兩者撈埋之後嗰溫度亦啱啱好唔會太凍或太熱店方就建議30分鐘內要享用我就緊係無咁聽話 慢慢飲啦平時d珍珠放得耐咗未飲晒會 « 翻生 »個心會變返硬呢間完全無呢個問題值得總括黎講係少女幸福嘅味道啊😂

距上次失望而歸不過一個月，突然排隊癮上來，又想再戰鹿角巷。是日依舊大雨，人龍比上次更短，前後三十分鐘拎到飲品，對於心情大好的我來說，是可接受範圍。依然點了《黑糖鹿丸鮮奶(少糖)》(HKD28)，這次也試一下《小確幸奶茶》(HKD30)。《黑糖鹿丸鮮奶(少糖)》雖然話固定糖，但係其實係建議第一次飲的客人選擇全糖。因為唔中意太多珍珠，今次就堅持要少珍珠。【黑糖味】黑糖味全部來自珍珠，少珍珠之後味道自然會減弱，但也算頗平衡。咬到珍珠時味道比較濃，如果只飲奶的部分就會是淡淡的黑糖味。【奶味】據說用的是明治牛奶，飲落奶香味很足很順口，不太喜甜的我認為甜味剛好。【珍珠甜味】有黑糖味，正常甜度。【珍珠口感】煙韌彈牙(對比過另外幾家的黑糖珍奶之後先明白這個口感有幾難得【珍珠份量】儘管已經少珍珠，依然難避免每幾啖就吸到珍珠，份量真的很多。但係今次起碼成功食曬所有珍珠冇浪費！《小確幸奶茶》【甜度】固定糖，聲稱所有甜味均來自芋頭同紅豆。真係幾甜，同天x茗茶的《香芋鮮奶綠加珍珠(正常糖)》味道近乎一樣，除了多了紅豆。【芋頭】是切碎的芋頭粒，好粉，芋頭味幾足。【紅豆】軟稔稔紅豆沙質地，正常。【珍珠】好似也是黑糖

三巷鮮奶茶 $28 本來想試佢個小確幸奶茶，但可惜賣晒😞，唯有試下佢個三巷鮮奶茶。-人龍從來都冇減過，大大話話都排左一個鐘以上😱。——————🤮奶茶+珍珠+椰果+蒟蒻：味道真係好怪！呢幾樣野加埋一齊真係好唔夾。不過最大問題主要係因為落左椰果，椰果陣酸酸甜甜味破壞晒成杯野。——————回頭指數：0/10(只針對呢杯野飲）——————㊙️如果大家唔想排隊又想飲鹿角巷，返開深圳可以去試下，完全唔洗排隊。出左金光華，行去沃爾瑪方向有一間分店。

呢間店係尖沙咀一個迷你舖位，排隊要係街邊食樓上滴水，冒險唔啤車撞，認真刺激。實在難以置信有人會排30分鐘飲呢間野，自己就犯錯排左，買完後悔到死除左招牌黑糖奶，其他淡而無味，普通到地震，徹底的拉圾，難以形容的失望同受騙的感覺。價錢唔平，份量細到笑，百分之一百搶錢。D員工完全無服務態度，仲見到成班友仔一隻手打電話一隻手凖備飲品-唔該你地做野時專心D，比多D專業操守，尊重自己同個客！最後警告一次 - 唔好排隊比佢搶你錢！

都值得排隊嘅鹿角巷， 朋友推薦飲就黎咗呢間尖沙咀的鹿角巷，點知個隊長到去40個人左右， 跟住搭地鐵去油麻地再排過， 好彩人龍小d. 最後排咗20分鍾先飲到杯珠奶。黑糖珍珠好有咬口。個奶都唔錯，唔會太甜。 可惜份量有d 細。

黑糖珍珠鮮奶熱潮仍未減退，雖則foodpigss🐷🐷有時都會自製下黎飲，但都依然有顆想試網紅店的心🙈 不過一直都懶得排隊🙈，所以絕少會新開去買🤐 今次去到係落微微雨，但人龍依然，不過加加埋埋既時間應該只係20分鐘左右，已經係可接受範圍👌，畢竟快過新開果時🤔呢杯最大熱既黑糖鹿丸鮮奶（$28）可能🐷🐷實在係太期待佢有什麼驚喜既味道🤨，到最後竟然係換來一口好似熱溶左個杯既膠味😤，之後飲落雖然陣膠味係消失左，但鮮奶味亦都唔覺有咩特別濃滑，黑糖珍珠都算煙韌濃味既，不過總結係不外如是，謝絕膠味🙅🏻‍♀️🙅🏻‍♀️🙅🏻‍♀️，沒有下次😶🤷🏻‍♀️🤷🏻‍♀️🤷🏻‍♀️

依間多人排就係人都知架啦開左咁耐 每次經過都排到馬路口 依排少人d 排左二十分中度啦叫左個鹿丸可可真係好普通 冇特別 純粹朱古力奶溝珍珠飲左幾啖都冇飲落去啦太甜 真係唔好飲可能佢係黑糖鮮奶好飲d掛

黑糖鹿丸鮮奶 $28 本身好鍾意飲黑糖珍珠鮮奶，而且聽講呢間幾出名，所以都幾有期望，今日一試只可以講真係好一般。甜度可以接受，唔太甜；珍珠煙韌有咬口；鮮奶都正常，但主角嘅黑糖明顯唔夠濃，味道唔出，所以算係幾失望。個人比較推介銅鑼灣嘅幸福堂同老虎堂，不過上次嘅經驗，2間排隊都要排接近一粒鐘，幸福堂比老虎堂要耐啲，但味道相對好飲啲。要排咁耐，只係一試都ok嘅，再試就咪搞啦。今日鹿角巷只係15分鐘內就飲到，算係幾快。

等了又等嘅過江龍台灣『鹿角巷』終於落戶香港，喺旺角同尖沙咀都開咗分店，今日我就去咗尖沙咀嗰間試一試呢隻鹿係咪真係咁好味。要試呢隻鹿真係要好多耐性，真係冇諗過竟然一排隊咁就排咗45分鐘先到我落order，唯一可以讚嘅就係落完order大約等5分鐘到就有得飲。我叫咗呢杯黑糖鹿丸鮮奶味道都算好飲黑糖味都夠，珍珠都叫QQ。但同老虎比，我就覺得老虎正d，單睇隻鹿嘅花紋都比唔上老虎咁威猛啦！始終係過江龍味道都係有啲保證，但係如果要我等4、50分鐘先有得飲就真係唔係太值得啦，或者遲啲熱情減退10分鐘內買到嘅我都會再試吓嘅。

早聞過鹿角巷是打卡店，人龍每天都很多，來到後，大概排了30分鐘，便拿到飲品。我點了人氣首選—黑糖鹿丸鮮奶。杯的設計很新潮，加上店的裝潢十分合適打卡。而味道不是我想像中的，覺得有少少失望。先嘗了一口未攪拌的味道，黑糖味道仍濃郁，攪拌後黑糖混合了奶，黑糖味道反而少了，混合後味道不是我喜歡。但值得一讚，他們的珍珠頗有咬口，我很喜歡。

其實黑糖鮮奶茶已經紅極一時，熱潮仍然不變，每天都是人龍，永遠店外長長的人龍。但今日見下雨而且朋友遲到，所以嘗試排隊打發時間又可以試下，不過最後也要等候一個多鐘先試到杯黑糖鮮奶茶不過就有點點失望，第一啖係未搖匀的情況，啖啖黑糖味暖暖的。之後搖匀飲落去冇咩特別，黑糖珍珠都qq有咬口，鮮奶味好重。相對其他店舖有少許甜，吾知係黑糖珍珠甜定係杯奶。 而且它冇左鹿角巷既圓形杯底如果要排那麼長龍，我諗我應該吾會返試。

超級多人排隊嘅飲品店😱食飯前見到咁多人排隊決定食完晚飯再排點知8點幾都仍然好多人🤣🤣.叫咗最多人飲嘅黑糖鹿丸鮮奶 $28隻杯份量比平時珍珠奶茶細感覺比較袖珍😆店鋪教我地首先霸氣地大啖飲然後再將飲品攪勻🤔結果果然有兩個唔同嘅口感一開始飲到暖暖嘅黑糖鹿丸 好甜嘅感覺🤣😝❤️之後再攪勻飲用就已經冇咗暖嘅口感變成奶味非常濃郁 仲有少少蓋過黑糖不過我叫得鮮奶 當然鍾意奶味比較香濃 所以杯野幾岩我口味🤤😋

鹿角巷嘅黑糖珍珠系列😍，你最想飲邊款味呢？(⌯˃̶᷄ ⁻̫ ˂̶᷄⌯) . 之前去買黑糖珍珠鮮奶時，雖然想買另外果兩款，但成日都話賣晒，今次終於有機會，一次過試晒三款😝😝 . 我覺得朱古力味同抹茶味都麻麻😂😂，抹茶味弱而且係最唔夾既，朱古力味就好少少，但唔知點解我飲到啲珍珠好似有陣酸味，係咪變壞左呀😩😭 . 相反，黑糖珍珠鮮奶係最夾嘅😛，牛奶味香濃，而且珍珠仲有濃濃嘅黑糖味，仲好軟糯，飲左咁多次都咁中意💓💓 #黑糖鹿丸鮮奶 $28 #鹿丸可可鮮奶 $32 #小鹿出抹$32鹿角巷 地址：尖沙咀彌敦道27-33號良士大廈地下F舖 .