鹿角巷

營業中

休息中

今天下班有驚喜! 因為寶寶比原定時間早了到達尖沙咀，而我也未到時間下班，所以他去了鹿角巷排隊買黑糖鹿丸鮮奶給我喝😍自從有一次寶寶買過鹿角巷的黑糖鹿丸鮮奶給我喝以後，我已深深被這飲料吸引了。可能是因為女生一般比較喜歡吃/喝甜的東西，甜甜的黑糖味已經特別地加分了🤓 而我本來也是很喜歡喝牛奶的，這黑糖混牛奶的味道我特別的喜歡💕 所以一喝就喜歡上了☺️另外請大家一定要即買即喝，因為這時喝質量和味道也是最好的！備註：聽寶寶說，每次一人排隊只能點2杯的黑糖鹿丸鮮奶，店家說是為了保持質量所以有此安排。大家要注意一下。

每次到尖沙咀的人龍依舊令人咋舌，開了新分店後情況似乎有所改善，當日見天氣不是太炎熱就決定排隊一試。當天排了20分鐘左右，點了黑糖鹿丸鮮奶，甜度冰度都是預設的，下單後再等10分鐘左右就可以取了。拿到飲品第一個感覺是杯子太美了吧！十分適合打卡，整體來說奶味較重，而預設甜度下亦岀奇地沒有覺得過甜(本人平日都會叫少少少甜的)，珍珠大小適中有嚼口的，但整體來說不算太過驚喜，下次會再買嗎？要排隊的話應該不了。

台灣嘅珍珠奶茶係香港開度真係試都試唔曬。。 今次喺isquare行完街就去咗對面嘅鹿角巷買野飲。 平日夜晚八點幾唔算多人排。 大約排十分鐘就到啦~ 之前幾次周末經過都排咗廿幾三十人所以冇買到。見到有兩款都售罄， 戀香奇異果同埋熱帶百香綠 。不過唔緊要，因為我想飲嘅係佢嘅招牌黑糖鹿丸鮮奶。為左佢嘅珍珠而試，果然冇失望! 黑糖好夠香濃，珍珠喺林得黎又軟又煙韌，呢個口感我好中意!鮮奶唔會太甜，幾香滑。呢個組合認真唔錯~ 下次經過都再飲番杯先~

呢間台式手沖飲品店已經開左成年，次次經過佢都會大排長龍。去咗北京見到佢有幾間分店，唔知係咪真嘅。舖頭地理位置真係一絕，係iSquare 對面，不過都因為咁樣而排隊有啲唔方便，永遠都會有啲人係你隔離左穿右插。我係下晝大約12點去，見到條龍大約有10個人，咁我就心郁郁。排隊嘅通常都係遊客帶住行李。我叫左黑糖鹿丸鮮奶，由排隊到杯野到手大約係20分鐘。比起銅鑼灣個啲合理，counter 姐姐服務都好有禮貌。佢建議第一次飲，糖度跟佢標準，如果唔係黑糖就會小左。味道無咩驚喜，不過大致中上。掛杯嘅黑糖味無話特別香不過係唔會太甜。珍珠都煙韌，不過唔算太香黑糖味，分量都ok。鮮奶我見佢係用日本明治奶，不過沖出嚟無話特別香滑濃。整體係ok 嘅，唔會飲完太膩。路過條龍短可以試試，要排隊多過20人就不必。

你排我又排 人人都排六角巷😂人人都排 唔通人人都想排隊？呢排興緊呢個黑糖珍珠奶茶我都要冒名去排一排扮下年輕人 💥走在潮流嘅尖端💥要體驗下呢兩個紅爆嘅。。。#抺茶鮮奶#黑糖鹿丸鮮奶味道真心認真唔錯嘅不過要我曬住太陽排一粒鐘去買杯珍珠奶茶我就覺得呢啲機會一次就算啦😂😂😂到底為咗飲一杯奶茶可以去到幾盡？就係要你喺☀️烈日之下晒一個鐘不過都要讚下佢嘅黑糖珍珠又真係幾好味👍🏻如果鍾意嘅人都值得去排一排試下味😂😂

尖沙咀鹿角巷出名就係人都知，至少都要排半個鐘先買到。呢日經過見到少人啲，喺咁岩口渴而附近無其他選擇既情況下就姑且一試。作為一個唔飲甜野又唔中意奶茶同珍珠既人黎講其實唔應該揀鹿角巷，話哂佢地主打係黑糖珍珠鮮奶最後決定揀杯同樣喺水牌上標記左推薦既小山綠茶～俾錢+等拎總共排左20分鐘，終於拎到茶味幾濃，但略嫌鞋口左啲，同埋有少少澀，係水溫過熱/泡左好多轉果種澀。想飲珍奶既人可以揀其他茶底放棄呢個～（好似皇家9號出名啲？）值得一讚既係杯底設計有個凹槽，可以飲到一滴不剩，唔會浪費但要飲茶下次我都係揀返貢茶算

每日返工經過「鹿角」，都見到條龍由北京道排隊去到彌敦道口，我心想真係咁好飲咩🤔我就過去睇吓有什麼種類飲品，有（1）黑糖鹿丸系列，（2）奶香系列，（3）濃醇鮮奶茶，（4）鹿角輕茶，（5）鹿角特調（6）嚴選鮮果，（7）金鑑賞系列，（8）光飲系列，我都係返公司同我同事講先，睇吓佢地有無興趣，果然好大反應，個個都話要飲，好！我出錢💰你出力💪好 Fair, 我選擇佐黑糖鹿丸鮮奶（Brown Sugar Deerioca Milk) ，返到嚟同事交代怎樣飲法（1）不要搖擺，直接飲，（2）搖9次，咁就黑糖同鮮奶混合一體；我就比較喜歡第一種飲法，可以試到層次感， 又試到奶既香味，多數用meiji4.3特濃牛奶， 至於珍珠 煙靭度都好平均，如果可以淋番少少就好喇， 尚算合格😋

其實我真係好鍾意飲台式飲品， 特別係近期嘅黑糖鮮奶真係冇得頂The Alley 都係近期比較hit 嘅飲品店， 難得今日路過見到冇乜人排隊， 梗係即刻買嚟試試啦！！！！ 雖然就話唔多人排隊，不過我都排咗15分鐘先至買到飛， 買完飛之後仲要等多十分鐘先可以攞到杯嘢飲 熱辣辣企喺條街度咁等真係幾辛苦， 不過係值得嘅珍珠俾黑糖煮完之後，每一粒呢都變得好煙韌，同埋帶有黑糖嘅甜味， 配埋鮮奶簡直就係絕配！ 佢唔係好大杯， 不過我就覺得呢個大細啱啱好， 飲完唔會太飽， 但你又會覺得好幸福好滿足

潮流興飲乜茶乜茶、飲奶蓋、飲黑糖乜乜奶，所以台式飲品店成行成市。昨天也嘗試了好多人都話好飲嘅鹿角巷嘅黑糖鹿丸鮮奶。位於尖沙咀呢間分店舖面好細間，而且鋪前行人路窄，排隊都冇乜位，鋪和人龍中間人來人往人，有啲煩，如果遇着落雨天，就煩上加煩。黑糖鹿丸鮮奶（$30）Size比其他台式珍珠奶茶飲品細，但都要成$30 一杯，但係個杯裝埋黑糖奶之後感覺幾特別。鋪頭螢幕有列出建議飲法，所以跟著試下。1. 霸氣飲法，不要 搖，直接喝，但感覺超甜而且暖暖哋，差點吐番出嚟，因為啲黑糖漿用熱水溶咗之後墜落杯底，沒有搖過就直接啜即係浄飲暖嘅糖漿，有啲中伏的感覺2.改變口感，搖9下再喝，真的好味好多，搖咗D冰又溶咗D混埋凍鮮奶後冰冰涼涼，雖然有黑糖漿，但搖勻之後又唔覺好甜，而且啲珍珠粒粒夠晒煙銀，size 大細適中，都算幾好味

飲左老🐯之後就好想再試其他啦，特登出來試下鹿， 排左半個鐘多d...排隊等候個位啱啱樓上有裝修，所以排隊環境有d空氣混濁，有鼻敏感人事要小心。 講返正題，黑糖鹿丸鮮奶嘅鮮奶味係幾香，不過就冇咁 creamy，d珍珠有黑糖味，但又冇黑糖果種香，整體味道唔知係咪先入為主呢，好似淡dd, 冇🐯match咁好咁，但如果出開黎又有興趣都可以試下嘅，比較下幾間嘅唔同，因為口味呢d野真係都好個人化。 唔知係咪個杯嘅size呢，感覺上好似細杯d😂😂。 收銀同排隊拎野環境係爭dd

鹿角，黑糖珍珠鮮奶，我每咬一口，黑糖味都會滲出來，是真材實料的最好證據，黑糖味之眾多店舖之中最重的，是不錯的。 我個人比較愛甜的，所以攪拌之前我都會先嘗一口黑糖原本的味道，不過真的很甜很甜，黑糖的味道又真的很香很香。雖然別人不喜歡鮮奶，但我覺得鮮奶減低黑糖的甜度，我個人也喜歡鮮奶所以覺得也不錯的，正所謂每一間店子都有自己獨特的配方才好。雖然我還是會選擇老虎堂，但每天上下班經過見到都是這麼多人排隊真的不知道為什麼，這種甜度還是嘗一、兩次就好了。如果有機會都想嘗嘗喜茶的黑糖波波。

日日經過呢間野都冇排隊試，因為每日任何時候都排到街尾再轉彎。呢日個frd話想試，咁啱落左陣雨，少左人排隊。結果好好彩，只係排左15分鐘! 見d員工做野幾快手，同客人講解點shake d野飲都幾細心，first impression very good! 我同frd叫左本店最出名嘅黑糖鹿丸鮮奶同小鹿出抹。個鮮奶不負眾望，攞上手已經覺得黑糖同奶嘅漸變色好ig able，飲落好重奶味，幾飽肚，d 黑糖珍珠夠煙韌。小鹿出抹相對差少少，d抹茶粉太多/可能未搞混，飲落有d沙沙地嘅粉，但味道唔錯。下次再試其他野飲 ^ ^

相信大家對於黑糖珍珠鮮奶都唔陌生，今日我就試咗呢間排名都算高嘅鹿角巷。要飲到呢杯野首先要有耐性，排30分鐘或不等。我就買咗杯招牌嘅波霸黑糖珍珠鮮奶，我鐘大粒嘅珍珠比較有口感，所以我就帶咗呢杯波霸。佢嘅珍珠普通，冇乜特別唔係話好煙韌又唔係話好林。配埋啲黑糖味都OK嘅。佢嘅奶香味又真係幾香嘅同埋杯野嘅老虎紋都幾明顯，賣相吾錯嘅。不過佢係冇得揀少甜小冰嗰啲架所有野都係統一哂，所以平時鍾意飲少甜嘅朋友可能會覺得比較甜如果大家有耐性又鍾意飲呢啲台式飲品嘅都可以不妨一試

見到唔太多人排隊，買黑糖鹿丸鮮奶同埋小確幸奶茶，黑糖唔係我favour,所以我麻麻，但小確幸就好好飲，裏面其實係牛奶，紅豆同埋芋蓉，暫時係我最喜歡飲品之一，推介。

離開咗香港一段時間，一直好想試網紅嘅黑糖珍珠鮮奶。今日經過尖沙咀，竟然見到鹿角巷唔使點排隊，當然即刻去買啦！叫咗杯鹿角巷最出名嘅黑糖鹿丸鮮奶($28)。珍珠好有黑糖味好Q彈有咬口，唔會好梗或者好淋。🍘👧🏾覺得奶味好濃，唔知係唔係戒咗奶一段時間嘅關係。整體來講係一杯高質嘅黑糖珍珠鮮奶！