鹿鳴春飯店 (已結業)

媽咪想食北京填鴨，妹妹就提議到老店-鹿鳴春。餐廳已經有幾十年歷史、裝修也是幾十年前格式佈局，好多員工也已經幾十歲。鴨一燒好，師傅就會係你面前片鴨肉。鴨肉片得頗厚，外皮香脆。鴨肉保持鮮嫩有肉汁。不過要熱食，凍左會有騷味。砂窩雞煲翅。雖然叫細窩，但份量十足。仲可以食到一梳梳排翅，排翅份量不少，湯汁也非常濃郁。芝麻蝦。將蝦膠釀入麵包沾滿芝麻再炸，顏色金黃，酥香可囗。賽螃蟹。蛋白嫰滑，用陳醋攪拌，可以帶出幾份觧味。

上次有同學美國返黎。因為太遲關係無 book 到呢間餐廳。今次要友人差唔多一個月前訂枱，終於可以食到呢間餐廳。由於比預期早到餐廳，與另一友人先到拎枱。懷舊門面。等人友人上二樓，啱啱有師傅片鴨。新鮮填鴨香味撲鼻。門口偷影師傅片鴨。拎左枱，侍應叔叔端上茶同前菜。酸椰菜好 fresh，鍾意食酸嘢既應該好啱。友人仲 R 叔叔俾多碟齊人點菜。大家見到樣樣都想食。 當然有必點片皮鴨。師傅將鴨推到我地枱前片。8個人叫左7碟餸2個甜品。食九大簋。相對地道北京天津菜，口味無咁重。而且見到好多外國人或遊客黎食食好西。京燒羊腩。砂鍋雲吞雞。高力豆沙，蜜汁火腿，松子魚，津白，四季豆，仲有拔絲蘋果。

爸爸生日，早兩星期訂位，主要想食北京填鴨，一行12人，食得飽飽，大滿足！填鴨皮好有傳統感覺，出面已很少見砂鍋雲吞雞，中規中矩，湯濃，也不錯三色併盤是店員推介，有醬鴨、牛肉、海淅，一次食晒三種食品餃子，係家人至愛，保持水準賽磅蟹，料足，很美味12人叫左15樣餸，真係食吾晒，想食甜品也沒空間了講下服務，待應很細心，明白食客大多要「相機先食」仲提我地影相。又主動幫手影大合照。真係好細心。真是愉快的晚飯，會再來的！

提前一星期預訂星期五晚都滿座，可見老字號依舊非常受歡迎!最後亦訂到星期四晚，帶家中長輩一嚐出名的北京填鴨!一開始叫咗個素鵝，每人一件剛剛好。素鵝皮包住蘿蔔絲，爽口又開胃。一籠12粒小籠包唔算好大粒，每粒亦唔算好多汁，不過不失。砂窩雲吞雞(小) 原本想6人每人一碗，所以只點了小份，但份量卻出奇地多! 倒出來有8碗以上，仲有原隻雞都食唔哂，最後唔浪費，打包做手撕雞咁食～蝦仁茄汁窩巴，脆脆窩巴米餅當小食，再沾酸酸嘅茄汁係唔錯嘅選擇，好合小朋友口味。主角 - 北京填鴨:$480係standard一份，足足有兩大碟填鴨脆皮，鴨油味好香，皮烤得好脆，而且有肥膏部分亦有鴨肉，塊塊都好厚皮!我會習慣先唔加烤醬，用麵粉皮淨包住填鴨食，先感受一下填鴨原汁原味嘅香同脆～由於支持生態環境，所以我地都冇叫魚翅。但係呢個北京填鴨絕對係令我地再回頭嘅原因!

好多年前食過一次，今次再食返北京填鴨，真係好唔得，話就話係一隻鴨，但份量只得1/4，鴨肉又不夠juicy，包皮又濕又厚 仲厚過我屋企d mask個sweet & sour pork 食咗一半粉，普通到一個點又是#onetimeonly restaurant

早兩三日打去book位，星期日晚去到好full，準時到都要等多陣先有位不過食物真係超好食，單睇價錢唔算平，不過一大班人去除開都算平〜叫咗片皮鴨，京燒羊肉，小籠色，糖醋魚，蝦球。。。。。十二碟野，埋單食到飽每人都係二百！片皮鴨係好有油香，又唔會話太肥，一隻好似要四百幾，所以下次再去都要一大班人再去〜

鹿鳴春這個北京填鴨餐，有原隻片皮鴨連五個指定小菜，盛惠$720。單叫一隻片皮鴨也要四百多港元，所以這個午市套餐頗抵食。食店在某舊樓一樓，沿著樓梯而上已看到牆上一些懷舊的海報，加上內裡似很久沒有翻新，就感受到一陣陣的懷舊氣息。我們一行八位就點了午市片皮鴨套餐， 片皮鴨是我最喜愛的食物之一 ，這裏的片皮鴨整體上是不錯， 皮帶微脆， 配上京蔥及醬汁惹味十足，只是鴨肉比較乾，如果有多啲肉汁就會更加好。白切肉粉皮，白切肉是白烚豬肉，肉是瘦肉沒有帶肥，點醬汁味道不俗。八寶炒鴨鬆，這道菜略嫌乾，要包著生菜就帶爽從而提升口感，不過由於已食片皮鴨，肚子有點飽滯感，所以對此菜稍降興趣。

真係不能等遲一步寫食評......剛食完晚餐，感覺及味覺都一樣咁滿足。屋企人無la la 要出尖沙咀食飯，其實心十萬個「媽，媽聲」，搵位泊車都搵左半個鐘。不過一上到餐廳，一班銀髮既服務員好似知道我係來自邊個order , 一指就指到我去邊張檯，當然親切友善既聲線，都讓我火火地既心情平伏下來。好喇 ! 餸來了......先來個冷盤，海蜇厚而彈牙，腐皮卷內釀左蔬菜，清新。之後，上我們今日既目標菜，砂鍋雞燉翅，d 翅一梳梳，厚身；湯底濃郁豐富🤔「講得好似跨左好多好多」。之後仲有個片皮鴨，個皮應該是自己搓，不過可能麵粉筋不足，故好易爛，但襯埋其他配料，盡顯京味。隨了以上所提及，當然其他的菜色亦相當有水準，等我d 相，帶你們眼睛品嚐下la 😋

One of the favorite places of my family for #roastduck but it doesn't taste as good as before ... dishes weren't served hot and like cooked for while and just served when ordered! We deliberately come for the duck but the crepe for wrapping is ultra thick ... 😰 Comparatively the #chinesedesserts tastes much delicious 🙈arriving at 1ish, last order by 2pm and all dishes comes at once☠️the lunch set for 6 is at good bargain but probably won't come again if we can't come by 12 sharp☠️☠️☠️ don't bother i

作為香港有份量的老牌正宗京菜餐廳，「鹿鳴春」的燒雞、京燒羊架、北京填鴨一直都有名，以前經常和同事來吃飯。 過年前參加了食友飯局，來了味味好菜，希望一整年都「來菜」(北京話：即好事來了)。 霓虹光管保留原有，始終在港有超過五十年歷史，是殘舊中帶古老風格。 菜單是白紙黑字留底，要看點了甚麼，則未必人人看得懂。 先上冷盤「雲腿片」 「醬蹄」，可以算是一款炸物，把圓蹄，即豬蹄醃後煮熟再炸，面頭脆卜卜像燒肉。 「五香醬牛肉」，老實說，京菜店的調味功夫好，肉質卻始終有點粗嚡。 「鴨掌伴西芹」 終於來到鹿鳴春的必點名菜「北京填鴨」$380，看到幾乎每一枱都點了一隻，可見它的人氣。 一鴨兩食，首先由侍應片皮，再包青瓜及餅皮一起食。片的過程人人期待，可見食客其實都喜歡觀看食物如何做好的過程，送上大家面前。 淨下的鴨殼不浪貴，用來滾津白湯，鮮甜 (兩食加 $100)。 「教化雞」製作需時，不是經常有的菜式，所以要預訂。 「一舊泥」啡啡黑黑的上枱，外層是塘泥，由侍應即場用鎚仔拆開，露出荷葉包着的雞身，令荷香撲鼻而來。這個過程大家看得開心，令飯局上了亮點： 由於用了荷葉和塘泥

朋友聚會，我地去左鹿鳴春食填鴨，雖然係老店，但估唔到食物質素保持得到之外（除左填鴨），侍應們仲好好服務添！由於預約左第二輪（20:30），所以去到都要等一陣位，今晚有填鴨、有松子魚、有雲吞雞，好豐富！冷盤分別叫左素鵝（$80，小）、五香醬蹄（80，小）同拌海蜇（$120，小），樣樣都好味，其中醬蹄配個蒜蓉醬油好好味；拌海蜇就有個黃色芥辣醬，不過無人問津呢！烤北京填鴨（$420）：餅皮份量好多，而且好厚，我地9個人都食唔晒呢！而且填鴨攤凍左之後有少少騷，整體來說普通，有少少失望。*共有兩碟鴨皮*砂鍋雲吞雞（$250，小）：雞湯濃厚，雖然係小size但原來都有差不多20粒雲吞，所以想食多啲嘢，真係叫小size就夠。松鼠魚（$380）：即係平時嘅松子魚，炸得香脆，而且預先切好起骨，魚肉容易夾起，配埋酸酸甜甜嘅汁同配料，好快清碟！炒肉末炸菜（$98，小）連叉子燒餅5件（$6/件）：叉子燒餅同炸菜肉末係好拍擋！夾住黎食，有鹹香又有脆脆地嘅口感，席間無論大人定小朋友都鍾意。雜錦炒飯（$70）：臨尾加個炒飯，又炒得幾乾身喎，估唔到大家都嗌飽嘅情況下都食得晒！今餐除左填鴨有稍稍跌watt之外（一定要趁

作為有名嘅舊式中菜館,呢度既裝修格局雖然比較古老,但係一啲都唔殘舊.鍾意懷舊嘅一定要來.侍應都有番咁上下年紀,一律恤衫西褲打煲呔,都係有學識嘅樣,行出街會畀人覺得係銀行經理.一坐低侍應就畀條熱毛巾你抹手.食午飯咋喎,而家已經好少有餐廳提供咁嘅服務.小食係花生蘿蔔粒,花生係濕嘅,好爽口,比起好多茶樓既鹹脆乾花生好好多,起碼食得出好濃既花生味.出菜唔快,都要等十幾分鐘.京燒羊肉先到,外面一層薄薄既脆皮,裏面嘅羊肉多汁到咇出嚟.羊肉上枱時仲會有碗醬汁,建議唔需要點汁,羊肉本身已經好好味,無謂用汁蓋過羊肉本身既美味.記住要趁熱食,我專登留低一件食完飯食,諗住可以走嗰陣時齒頰留香,但食完飯佢羊肉已經乾曬喇,呢個時候就算點乜汁都夠唔返.回鍋肉用青紅椒加京葱爆炒,回鍋肉本身唔在講,全部配菜都非常入味.回鍋肉食落唔肥,油份都唔會過多,味道濃得嚟同配菜好夾,用來送飯一流!撐得著自然淘汰既果然都係好嘢.

是夜舊友請客, 一班老友自然相約以前經常眾腳的尖沙咀; 太多又新又潮的餐廳花多眼亂, 倒不如反樸歸真, 就選了座落不起眼的殘舊大廈二樓的鹿鳴春; 雖然只是星期四的晚上, 可是人流不絕, 我們早早訂位, 一到步已經可以入座, 看著門外的人龍, 心中不禁說聲好彩, 想不到星期四的晚上也如此熱鬧雖然今晚的食物有一貫的水準, 不過是客人太多還是其他原因? 先是今晚的片皮鴨, 有部份都燒焦到整片黑黑的, 整枱人也沒一個想嘗試放入口, 感覺好似浪費了, 其他沒有燒焦的則被一搶而空; 雲吞雞與四季豆也不過不失, 但賽螃蟹不是有雞蛋王的嗎? 今晚的卻只有蛋白; 口感像了缺少什麼似地食物方面其實鹿鳴春可說是不用擔心太多, 反而今晚招呼我們, 看起來較新年資的侍應, 則有點太過趨趕,  上菜之餘不斷的收拾碗筷, 看到另一侍應在一邊上菜, 也不顧將我朋友夾在中間就在另一邊收拾, 讓人感覺真的不舒服, 希望下次再來, 不會再遇到那位侍應吧!

今次已經係第六次來了, 同事問我有沒推介, 第一間就想到呢間了, 重要係方便大家, 好了, 廢話少講, 進入正題.每次來都必定會點ge片皮鴨, 師傅皮緊隻鴨個時, 離遠已經聞到一陣陣油脂香味撲鼻而來片完之後個樣, 通常都有兩碟, 口感唔肥, 又唔油膩, 適中.小籠包唔算特別, 不過我地都叫左兩籠, 最好一來到就趁熱食, 唔係耐左個皮會變硬金華火腿津白, 好鮮甜, 你食落口就知新鮮蔬菜, 加上金華火腿ge汁, 好夾雜锦炒飯, 呢個同小籠包一樣, 唔算好特別, 因為之前來沒叫過, 所以叫下試, 填肚京燒羊肉, 本人好少食羊, 因為很怕羊的騷味, 但呢個我都會食! 因為好香口, 騷的脂肪唔算好多, 食起來皮脆肉嫩.最後就係本人最最最中意砂鍋雲吞雞, 濃郁湯底, 配上津白, 嫩雞, 金華火腿去熬, 每次都係必點!而且份量大, 唔知叫咩size, 可以叫佢地比意見, 我地七個人都係叫'中', 起碼每人可以3~4碗, 我自己都飲左四碗, 好滿足餐廳員工都係資深年紀偏大, 待人接物好有經驗, 我朋友拎一拎個menu來望, 員工已經知道我地想叫甜品, 主動行過來比下意見, 唔食都唔緊要, 當大家傾下閒

早一個月前已經訂咗位一行十人book咗七點鐘 到場的時候座無虛設 十分之熱鬧 我哋選擇咗叫散菜 片皮鴨 蝦子豆腐 醋溜魚片 醉雞 蝦子炒麵 鴨鬆生菜包津菜鴨湯 蔥爆牛肉 以上出品比起我三年前 回憶係差嘅 蔥爆牛肉 炒不起嘅香味 蝦仁炒麵 啲蝦死實實嘅 片皮鴨冇爆醬汁味 鞋颯颯 醉雞真的最差都未解到凍就上檯雞肉硬繃繃 最後一讚就係甜品豆沙鍋餅 高力豆沙 拔絲香蕉