麗都火鍋海鮮酒家 (已結業)

9點後$48任食, 散叫碟碟$9.8, 睇過張Order紙好似無咩唔同喎,緊係任食啦!!!要左個豬骨湯底$28, 有三大舊豬骨+栗米同蘿蔔, 個湯底白雪雪, 飲啖湯先.....good喎!!火煱位位送東星片, 都ok幾滑口, 2個人食, 唔好點咁多啦, 係咁咦啦..........美國肥牛, 肥同肉嘅比例簡直係一比一, 唔會只係食到鞋十十嘅雪牛肉, 但怕肥的可能會怕怕, 肥年都唔係雪到硬晒個隻, 都ok啦! 羊肉都夠羶, 可惜都係一夾便碎開, 唔可以做到小肥羊個d不碎之謎....但肉質ok啦, 少少鞋, 唔好恰咁耐.三寶丸係豬牛同鯪魚, 豬牛無咩特別, 唔推介, 鯪魚都幾彈口! 芝士腸只係蜜糖腸, 無特別, 黑椒丸係外購貨, 無特別, 但水準都ok. 金菇比好多, 鮮冬菇, 豆卜, 油蜜菜好新鮮, 甜而夾口, good, 芋頭好粉, 炸得好香口, 食得過, good!!!! 飲品都抵, 大啤$13.8, 橙汁, 甘庶汁, $8大大渣, 汽水$10支, 最正就係有電視睇, 個waiter部長又醒目, 如果唔怕多男人,嘈少少, 認真食得過!!2個人加2支汽水一渣橙汁, 埋單$184

前言：國內同事來港受訓，要吃得經濟但夠飽，首選任點任食火鍋，週二晚上，小弟帶隊到這兒開餐！食物和評語：一行五人，吃了「任叫任食自助火鍋」，湯底點了「枝竹鯇魚窩」（$28），連茶芥約合共$490 。每位約$96 ，吃足兩個半鐘，經濟實恵。 1. 茶芥：小吃是兩碟久違的爽脆喬頭（正！） 2. 湯底：點了枝竹鯇魚窩（$28），即叫即整，故製作需時，結果等了廿分鐘才上桌。鯇魚真的是先煎香才入鍋，味道算係咁啦！ 3. 每位奉送肥牛或星班片：肥牛味道一般、星班偏腥，尚可接受。 4. 基本上，整個餐牌，除了粉麵，大約八成食品都點了，較有印象的如： a. 海鮮類：鮮魷、鮮鯇魚片（每人四片為一客）、墨魚仔、本地生蠔（每人四隻中蠔為一客）、鱔 b. 家禽肉類：龍岡雞片、豬頸肉（甘甜香滑，同伴相當喜歡）、羊肉（唔夠羶）、 c. 菜蔬類：布包豆腐（算滑）、枝竹（乃香滑鮮腐竹）、唐生菜、菠菜、冬瓜、蓮藕 4. 另加一客龍蝦丸（$10/五粒），乃街市凍肉舖貨色，見慣見熟，倒是國內同事相當欣賞，邊吃邊說：「好正！」（大抵以為真的有龍蝦成份！正如日式仿蟹柳無蟹肉

今早跟細佬來飲茶，見張點心紙多了幾款特價食品，便要了一盅排骨飯、一碟翡翠雞絲腸和一籠山竹牛肉。排骨飯都幾大盅，排骨不是勁霉那種，食落也沒有雪藏味，只是韌了一點：翡翠雞絲腸的翡翠原來是切了絲的翠玉瓜，腸粉拉得頗滑，但雞絲超少，個甜豉油調較得都唔錯；至於山竹牛肉就真係有點驚喜，絕不是到乜味都有牛肉球，而是好有牛味牛肉丸，加點芫茜增加香味，蘸上汁同吃，令我和細佬都喜出望外。可能今次我沒有期望到來，所以覺得好食o左好多，希望佢o地會keep 住啦！

食物只是一般,有時更加唔好食,主要是平,服務又差.今晚和父母去吃晚飯,叫了鹵水蛋燒腩仔- 一般啦,腩仔幾脆.豉汁黃立倉- 魚幾新鮮,幾好(最平這個).海蝦炒滑蛋- 海蝦一陣雪櫃味,又霉,好差.金銀蛋竹笙時蔬- 好鹽,麻麻地.瑤柱家鄉煎釀豆腐- 豆腐OK啦.全部食物只可說OK, 不太差.要求唔高可以試試!如不是,就不用去了.

剛好有一間係正小弟樓下講真係平，不過如果你對服務無要求只係識睇個錢字，個間野一定合你要求尤其係9:00過後，飲品任你飲，大約五十幾蚊落到樓不過d肥牛好大塊肥膏(基本上成塊都係)，d金姑就黑黑地不過貢丸條就幾好食最差就係d人，真係差到無人有，如果可以俾零分，一定俾。我試過食食下佢\\\\\\\收鬼左我d筷子同隻杯起初以為係幫我換左佢\\\\\\\，點知佢\\\\\\\又想收我d野，我問佢\\\\\\\做乜，佢\\\\\\\話原來有人食咩又有一次，佢\\\\\\\夠膽死同我講話唔夠碟將我地d野死倒晒落一碟度如果唔係係正我樓下，又平，再加上我阿媽係都鐘意俾人寸，我一定唔會再行入去食。

今日同d同學影原畢業相...成13個人...除o左酒樓之外..都冇咩地方容立到我地啦...8點幾坐底...不過..佢未鋪好檯..之後有個阿部長級既人走個黎講...坐哂係度點鋪檯呀????下..咁都唔得8:20 前order o左13個餸....等等等...8:40 分追阿姐...佢好悔氣咁講...'你地咁多野...仲有咁多單..依家咪入緊law...."" ??咩服務態度?? ...又係我地唔arm 既...咁多人食野...好啦...之後d小食時有時冇咁上...白飯都凍哂都仲未有d 餸.....真係..又追單啦...同一個部長級既人講''咪上o左好多law...爭d咩呀? 出緊黎o架啦...wa..真係..唉...到o左最後...叫佢(都係個部長)...上生果..佢諗都冇諗就話...送哂啦...(個時9:50分...注意...佢地有做宵夜o架...) 我地唔憤氣...同之前serve 我地個阿姐講...佢唔'so' 我地...<----冇反應行開o左...到比錢時...同o左個收錢人個阿姐講<---可能高級d..佢就吩咐個阿姐...拎生果盤比我地...當然最後我地緊係有

以下食評係比灣仔果間麗都的:見佢有promotion大閘蟹$9.8 一隻, 所以夜晚同bf 試下, 上到去入左d房度坐, 叫個侍應都唔方便.2個人叫左一人一隻大閘蟹, 同埋一煲羊腩煲($58).大閘蟹冇野好講, $9.8, 同街市果d質素差唔多.之後到羊腩煲, 個阿嬸上菜又唔幫我地點火, 要我地自己搵侍應, 煲野一開頭係完全凍冰冰的, 可想而知係分好晒雪左好耐, 同埋成煲野得大約10件細細的羊肉, 枝竹就有成20舊, 完全係呃錢, 好彩佢送果碟生菜都幾大碟, 唔係就完全唔值. 之後想叫碗飯撈汁, 點知叫碗飯好耐先來, d飯仲要係乾晒好似唔熟咁既, 要叫經理來先換到返碗好d既飯.總之呢間野好唔掂, 唔明點解仲有咁多人等位.

跟爸爸和細佬來飲早茶。點心紙都有好多特價點心以供選擇，盅頭飯才$4.8，實在很平，而且可以話足料，即叫即蒸，但味道不是太好，如鹹魚肉片飯，肉片霉霉地，而且太多薑。其他點心也是around $3.8-$9.8 一碟，可以一試的是煎腸粉，即叫即煎，腸粉都幾滑；另外上海窩貼餃同懷舊魚翅餃都可以列入考慮之列，不過千萬不要叫粥同蘿蔔糕，否則會大喊回水！

今個星期二去打邊爐揀嘢食時發現張單連雲吞一欄都無架,有無攪錯呀!但d service都幾好喎~d food quantity都幾好喎~最差就係好貴講明$88位唔包湯底點知好貴呀三個人食咗成400 元喎!最好都係去飲下午茶好d囉~

星期日同家人去灣仔麗都飲茶, 入座時原來未執好台, 之後等左成5分鐘先有人執....點知....個侍應唔小心將杯奶茶(呢間酒家竟然有呢d野飲架!)一野倒左落我阿爸度........好心佢啦, 未執好台就唔好叫人入座啦, 火都黎埋! 間野d台又放得密, d人出出入入好唔方便, 又嘈雜...環境非常差.d野都唔好食, 叫個鮮蝦腸粉竟然有蝦殼.之後叫左個叫"鮮桃水晶包"($9.8)既點心, 個侍應拿埋來時同我地細細聲講"最唔好食就係呢樣"...已經心知不妙, 一睇...係水晶包d皮包住一粒仔桃....冇其他野...一食落口, 已經想吐返出來...兩樣野根本唔match既...塊皮又冇味wor...簡直係史上最難食點心, 唔該整果倘自己試下味先好拿出來比人食啦...

以前任食包湯底包醬油錢,只比多茶位加一和酸菜錢就可以... 現在就平日58.00, 六日就68.00 , 2個人最基本要比多16.00茶, 醬油加16.00, 湯底最平都18.00 , 酸菜10.00 ..... 平日去埋單都要200.00 落樓呀.... 而且食物差左.... 無甘好味, 選擇都少左... 又唔係再比出前一丁... 只係雜麵餅呀.... 唔怪得星期六晚得幾台客打火鍋喇.... 個個食晒小菜... 唉... 市道好左, 無晒平野食喇...

呢間我自己就話左唔再去幫襯, 但我男友就硬話要試下報紙廣告3.80 一隻大閘蟹, 都ok 啦, 3.80無咩要求, 都有羔, 而且係任食, 但要食完一隻先再叫下個round , 我覺得都岩, 因為無浪費麻....其他小菜就一般啦... 千奇唔好叫煲仔類小菜, 勁差... 基本上係執一堆料滾滾... 完全無咩味可言...

今晚又再次去呢間野食晚飯, 估唔到很久無去, 再去又遇到呢d cheap cheap伙記.... 話說我都差不多食完....火鍋, 等水果......就差不多9:00 特價時間..... 有個知客就帶住3個女士入座啦,坐低後就覺得她們似熟客啦..... 打晒招呼.......她們就開左3位任食火鍋啦.......... 但其他小食數碟...... 大閘蟹3隻......3杯紅豆冰...... 火鍋生辣椒絲...... 都係無落單....... XX(點解我甘覺......... 因為我坐隔離....... 之前提及既食物都未食完.......甘岩又有一位侍應囉住幾碟小食去四維賣.....但又有個叫"華姐AND 琴姐" 既張碟小食放左落張台面上....又係咩都無寫就行開喇.......我估總知唔駛開廚房單要落機那些就可免費拿給他們吃......其實我覺得...... 酒樓食市時常話有生意都無錢賺都係養到呢班大賊,照顧埋屋企親戚朋友.... 因為呢間麗都..... 我都見過唔少次.........=@

大角嘴麗都就無開關門好耐.... sars 至現在..牛頭角馬啼徑就開左間成年你地都未add 旺角金雞廣場麗都就開左年幾, sars 期間曾關門大吉, 上個月又再開張營業, 請更新...

漏左添...沙田麗都都有呀.... 在沙田新城市廣場隔離... 帝x 酒店下面都有一間分店, 請更新.