麗都火鍋海鮮酒家 (已結業)

早幾個禮拜同男朋友行過灣仔, 唔知晚飯食乜, 2個就行左入呢度. 本來諗住打邊爐, 但係見到有18蚊小菜... 咁抵!! 原來好多都係d小食. 結果我地叫左個18蚊0既豉油王鵝腸, d鵝腸又係雪藏野, 呃唔到我. 不過$18想點呀. 反而底0既芽菜好好味, 吸晒d汁. 瑤柱雞絲瓜甫, 好味, 送飯一流. 避風塘炒蟹, 唔夠辣, 但係d蒜頭好好食. 一隻蟹, 但係都大隻, 好多肉同膏. 仲有一碟$4雞, 我地以為會唔得, 但係都唔係喎. 差唔多有半隻, d肉好滑, 唔會太肥, 又唔係太瘦. 埋單二百蚊多d, 差唔多啦.不過我媽媽都話沙田麗都唔多掂, 飲茶同食飯都係一樣!!

我都好認同你的講法,d人服務態度又唔好,做野又慢,我仲試過叫左籠"鮑魚棉花雞"但係都無鮑魚焰???仲要係特點黎添.....真係::>.<:: 喊都無謂啦,又話係鮑魚但係就鮑魚絲都無條,咁即係誤導市民!

今日我同朋友一齊去左觀塘新開果間麗都火鍋海鮮酒家飲茶,真係唔去就由自可.去到就真係把幾火~~上到去既時候已經覺得上面好細,好迫.但係聽人講話食火鍋都唔錯,一心諗住飲茶應該都可以掛!點知坐低之後就後悔,無人招呼不特止,D侍應仲成日見到扮見唔到,又唔好禮貌,D野唔好食,環境唔舒服(尤其D細張到死,人地D雙人仲大過?D4人呀)咁都算啦,我地兩個人求其食左少少野都唔想再係度食.咁咪叫埋單囉.哇.......點知個待應口黑面黑仲用埋D無禮貌既態度話90蚊丫,本來90蚊都唔係貴,但係如果要我用咁多錢換來D咁既服務態度真係唔值囉!所以我話過我以係都唔會再去幫襯呀!怪唔得香港經濟會一落千仗啦!

(沙田麗都)唔止下面那個食評話打邊爐差, 就連食晚飯都好差.....我和朋友被編到上層, 非常迫, 竟坐摺檯, 好唔舒服, 頭上還有電話掛住, 職員竟常用, 搞到唔知點咁...食物都差, 根本沒有廣告講咁平, 十八蚊小菜只得一碟, 雜費如粥飯和茶芥都收得比其他同級的貴, 而最差的是炸蠔, 好似食麵包咁.....埋單足足用了半個鐘.....唉, 但反而仲咁好生意.......

我講的是沙田麗都火鍋海鮮酒家~~~~~~~~~~~~~~~~~~~~~~~~~~~~一入到去坐下就聞到酸酸(叔叔)的味只有我坐下的那張無蕎頭, 拿了另一的蕎頭裡面的電子火爐十之八九都是壞, 要用好殘的入gas火爐, gas 不到十五分鐘已用光個waiter 用人手拿菜入鴛鴦湯底, 都唔多生樣樣火的料都唔太好味!羊肉夠晒羶(不過晒我)甚麼野飲都要錢, 只有飲茶(已計茶錢)鼓油又唔好味, 肥牛, 魚片又切得唔夠薄order 魚片俾了魚腩,order 牛肉又無俾, 再trible order 牛肉都是得一份(四片)啤酒女郎hard sell加士伯, sell 唔到又sell jolly shandy埋單收$187態度又不大好,唔過二百蚊唔可以load card 我就因此一蚊tips 都唔俾.尖沙咀福星火好好多, 汽水生啤任飲, 真正任食, 貴了少少都值得!又有海鮮, 熟食, 甜品樣樣有得, 自己拿!

平到我唔信咁滯，早市鳳爪排骨飯每盅$4.8 (冇錯，係$4.8, 你無睇錯，雖然早市食飯怪左少少) 下午茶特價點心牛肉$3.8, 蝦腸$4.8, 菜肉飽$3.8, 燒賣$6.8 (已經係最貴既點心) , 另外叉燒飯每碗$4.8 (其叉燒多且甚靚，只是飯較少，仲好) ，例牌燒鵝或切雞河/麵/飯$8.8，海鮮炒飯$9.8，沙爹豬頸肉炒河$12.8 。其他點心下午茶小點$3.8，中點$6.8 (星期六日$5.8, $8.8, 也算ok)，全部食品有標準酒樓質素，唔係平野無好。<br><br>由於地下是佢自己開既茶餐廳，所以佢有埋茶餐廳飲品供應，全日紅豆冰2 杯$10. 凍檬茶/水3杯$10, 平均$3.3 - $5 一杯，應該是平通全港。<br><br>晚市就未試過，見佢有5毫子半隻雞promo，下次試完再寫。<br><br>哈，雞蛋仔發言人唔駛過兜mau歲月啦。

四圍D 酒樓好似加晒價咁, 好似漢寶集團酒樓, 稻香...東海等....以前叫抵....現在靜靜地起晒革命....變晒丫....呢間o野都有D 特價o野食, 一蚊有o野揀, 上菜都算快, 但服務就真係麻麻....我昨晚才去吃晚飯, 可能太早六點多D D ...未係狀態....開壺茶都叫幾次, 但小菜價錢都算平囉....水準都叫合格...係個亞姐係咁sell 月餅卷比較煩....

平日中午我多在(大角咀) 麗都飲茶, 因為貪佢多抵o野食, 雖然中午人流很多,但亦未見招呼不週...今晚我諗住呢間分店係同出一門應該很好, 約7:30pm 上到去都已七成滿, 坐落都算有人招呼, 但服務員就好似一心幾用似的.... 轉頭又問我要咩茶...唉...... 好啦..到點菜.....都覺得價錢合理, 上檯時很對眼, 但就聽到隔離那2 張檯有漏單情況....本來就不算太大問題,但後來食下食下就發覺廚房出菜都幾有問題....... 有檯就漏o左條"黃立倉魚"..有檯就追"荷葉飯和冬瓜盅".....我地自己當時即刻心裡盤算......自己仲有個$18 特價翅...唔知會唔會又係咁呢........好好彩.....無漏單.....真夠運....但食到中場...D 蟹殼和食完菜的碟踏到層層疊都未有人理會...可能呢間分店地方較大....唔夠人手啦.....但實在令我覺得.....食得唔舒服.....檯又因人太多未有分非吸煙區.... 左開檯右搭一檯.....都係幫襯返大角咀分店吧了....