麥兆記(祖傳)廣州雲吞麵

營業中

休息中

雲吞麵不能不提麥兆記😊裝修中上但乾淨企理👍服務態度良好👍👍本人最愛雲呑麵，麵質彈牙😍雲吞小小的，一口一隻😋蝦肉超爽（有説不出的味道，我諗裡面可能有蝦子）真係講起都想食。牛腩河亦出色，但美中不足，真的太少了（得小小幾粒）見到很想笑😜好孤寒呢！但真的好味

今晚打算兩口子在家打邊爐，決定在附近買半打水餃，去到麥兆記舖頭，她們說一定要買一打，冇辦法，雖然食唔晒，但決定買多半打雲吞放在冰箱，於是叫她們分開包，她們説多收一蚊😖，那位肥的女店長還態度極差地說：洗唔洗逐粒包！今時今日還有這種不想做生意嘅態度，我和家人以後也不會再來！

麥兆記唔係第一次食，當然唔會成日食，因為價錢實在有啲貴。黎呢度都唔一定食細蓉，今日叫咗個，雞粥同油炸鬼。北菇雞粥黎講，其實唔太差，起碼食落雞新鮮，有雞味，粥底係過咸。油炸鬼，夠熱，唔係淋之之果種，係好食，但20油炸鬼，應該下次生日先可以再食

到跑馬地麥兆記點了一碗雲呑麵，用筷子夾起麵散熱，已覺麵中有幾粒黑點，不以為意。雲吞味道平平，而且略嫌細粒，麵亦平凡，欠香口。正想再夾起麵往嘴裏送，竟發現一隻腳長昆蟲，立刻請老闆過來，禮貌告訴他，他見到昆蟲並沒有說對不起，只淡化地説：「飛了落去，換過比你！」實情是我在麵中翻出來，麵店實在有責任防止店內有昆蟲。老闆的答法老練，把責任推得一乾二淨！加上此店食物價錢走中高檔路線，顧客自有要求，但此次經歷令人失望，希望這種事情不要再發生。

在麥兆記速吃午餐，點了一碗「大蓉」，雲吞有五粒，蝦肉幾爽口，麵條亦幾彈牙，品質佳。清湯比較上油口了少許。細蓉$35一碗，大蓉$49一碗，雖然幾好食，仍然覺得貴了一點。

幾個人點了成檯野, 之後真係覺得是滿漢全席級的失望. 想知道為何這般, 情看下文.雲吞麵, 雲吞細過魚蛋, 皮黏而厚肉少, 蝦一點點爽但無味兼有殼, 雪藏的感覺倒很充實. 麵一點點的彈牙, 分量大概係平凡雲吞麵的四分一而且非常鞋口, 也有鹼水味. 湯得胡椒味而且重味精很醒喝完口很乾. 完全食不出有什麼祖傅可言, 祖傳的迷你嗎?蝦籽撈麵, 袖珍得過癮, 蝦籽係劣質蝦子, 啞色無味而且分量極少, 完全不好食.牛筋撈粗, 這是食得的嗎? 硬如橡膠, 而且是不吸汁類別, 麵似放了十分鐘的公仔麵.水餃撈麵, 水餃太軟身一夾就散曬, 蠔油要加錢, 辣椒油沒有, 沒有撈醬, 沒有菜, 而且非常吸碗.咸肉糉, 九成米一成料, 綠豆少而無味, 不見有蛋黃與花生, 糯米不實不好食, 口感也非常差. 糉外面是凍的，只有裡面熱，微波爐的出品。油菜, 又貴又少又普通.炸兩, 腸粉皮亂黎, 忽厚忽薄, 穿窿難看又難食, 很粗曠. 炸醬麵, 太差完全不值得一醒.不過味道並不是致命傷, 價錢也不是不可以接受, 但服務態度與很差的環境才是令人嘆息的.第一趕客, 點了食物, 等了很久先黎, 問題不大, 開始食了未夠十分鐘

11點幾覆完診喺附近搵嘢食，大部份食店都未開，其實已經查咗openrice既食評，但心諗無得揀就一試啦(唔想去茶餐廳)點知真係完全中伏，唔可以用難食嚟形容，因為根本完全無味又細碗，真係中晒伏。油菜26蚊碟附送蠔油，想再加蠔油的話盛惠5蚊 (但蠔油味道豪無特別)食完個肚都仲係空空總括無樣好

麥x記，剩係港島都好多間，邊個係祖傳就真係唔知，但今日都一試呢間。星期一，兩點，店內唔多人，只得3枱客倒。地方乾淨，仲有閉路電視，可𥄫住泊在門外的車！唔洗講，當然係食個蓉，幾餓，叫個$45的加大size！好快上。飲口湯，清清地，有魚味，胡椒味卻不重。食住麵，算幾爽口，但又未去到索索聲，但也不錯，起碼食到落底仍唔淋，別忘了呢碗係大的。雲吞係廣東的傳統細細粒的，一啖一粒，大小如魚蛋。蝦也當然係迷你size，尚算ok。有5粒，很標準。雲吞算得，麵也爽，但仍可更好。價錢就略貴。服務很快手友善。如果不是麥氐，會感覺幾平凡，可能食唔出添！要加油！

看到（祖傳）的麥氏家族的雲吞店，四十多塊錢的大碗雲吞麵一點也不大碗，雲吞體積少沒話說（幼細），但只得五小粒，麵的質素沒有雲吞的好，但份量少得可憐。吃不飽，再叫隻裹蒸糭，味道不錯，但不夠熱，面層是凍的，只有中心才熱，似是微波爐叮出來的。埋單84元，但只值大約55元。冇下次。

當貨品不是獨有或十分出色時，只有靠服務來留住客人想不到這個簡單道理，此等所謂正宗老店就是不會價錢非常不值當一碗被冠以祖傳二字既產品, 難免被客人提高要求但那天, 特意帶太太到此品嚐 但此只有包裝+祖傳+阿蘇既海報之食店, 令我在order之前已經開始後悔, 從而絕無祈望, 以為會令人有驚喜, 但換黎既係普通到普通既雲吞麵 加 令人髮指既服務態度, 雲吞 - 細 唔夠味 唔滑 (可能呢D叫正宗, 小弟見識少) 不過附送蝦殼麵 - 細 (那碗$4X蚊既食物, 十碗八碗我都能吃得下, 但一定唔會再到此食店難為自己) 有鹼水味 唔彈牙湯 - 有別人會認為這個味叫鮮, 但... 我會稱之為腥... 不過應該無味精總結... 普通過普通 真的是九龍城街市或深水步都比它好得多, 加上, 你會有滿足/飽 既感覺那種壓迫感, 由踏入食店開始 (當時只有三四枱客, 犯不著由一開始已經讓客人要趕住食, 不能用心享受你們引以為傲既祖傳產物... 我們只用了不到十五分鐘將那碗只值$10, 暖暖地既食物放入口, 但途中已急不及待問了兩次, "食物已到齊?" 最令我驚訝既係, 有一職員好心幫我們加茶時, 那位疑似老

雲吞麵幾乎是日常必需食糧，比車仔都健康得多， 而且真材實料， 一碗好麵是好巧功夫的。跑馬地一向以「正斗」為雲吞麵至尊， 但自從年多前在同一條街開了「麥兆記」之後情況便有所改變， 吃完「麥兆記」再吃正斗， 味覺告訴我， 「正斗」的鹹水味比較種， 麵也不彈， 雲吞不錯，「正斗」已被比下去。那「麥兆記」是不是最好呢？ 這裡的湯味道很好，大地魚味很濃， 有很多蝦籽，可惜今天失手， 把雲吞一咬， 便咬到蝦殼， 真是低級錯誤， 賣＄30。反覆試過天后店和跑馬地店的雲吞麵， 現在可以肯定天后店比較好， 味比較彈牙， 而且比跑馬地平兩蚊， 兩蚊的分別是這裡招呼很不錯， 侍應加茶也很爽手。

因為年事已高吃什麼也只好重質不重量，吃的東西種類累積下來要用數字去計算的話也頗壯觀。能在吃完後再三回味的感覺已愈來愈少，不會發現好吃的東西便大量的吃，天天去吃直到生厭為止，因為沒有了珍惜味道的感覺。這店名叫客人不禁對其出品有期望。雲吞麵----不關心擺放正宗與否只想知好不好吃!湯的味道不錯I喝起沒味精反應,有大地魚的香氣.能令我吃麵不用下辣椒油／醬的沒有幾家，這裡是其中之一。細細粒的散尾雲吞外皮滑溜,餡料是以爽口的蝦作主導豬肉只是象徵式的下了一點。麵條是比較硬身彈性不及麥奀的出品，幸鹼水味不重.個人來說反而覺得份量是多了一點！沒有了吃完想再添吃多一碗的衝動。沒有吃過天后店的出品無從作比較,其實店舖選址已告知了它的市場定位。

上星期係跑馬地個邊做完野, LUNCH 想同同事食番碗粉, 咁喏經開左檔個門名個"朵"好響既茶餐廳式既舖頭, 就入去試下啦~話晒佢都係祖傳~XDDDD首先呢我地就叫左個廿幾蚊既皮蛋海蜇,賣相都擺得幾靚既, 海蜇都幾多~皮蛋就一般質素啦, 反而佢地海蜇唔錯, 幾爽同陣牙, 都幾好~第2樣我地就叫左佢既主菜 雲吞麵啦~仲要祖傳, $25~佢個樣就一般啦, 又唔係可以話包到特別靚, 蝦同豬肉既比例都OK既..但係又唔係真係特別好食咁, 又唔係特別大粒~個湯都幾好飲, 麵都爽口既個FD叫個碗30幾蚊既牛筋麵都係一般, 但有小小牛南, 都唔係全牛筋~

星期一, 當了一回柴可夫斯基, 送了老細去馬會club, 回程公司前便在跑馬地找了個咪錶位, 泊下車子. 找找美食. 可是, 自己按錯了掣, 原來只入了半小時. 弄得我既跑馬地午餐, 要匆忙的解決.車泊左遠處的住宅區內, 令時間更加緊迫. 行返入跑馬地, 最近最就腳的, 就是呢一間由天后開過來的雲吞麵店.入得黎麥兆記, 當然是食他的雲吞及銀絲麵. 不過貪心的我就選擇了雙併. 牛腩加雲吞, 試試看這個又是什麼樣的味道. 銀絲麵是較為失望的, 因為爽口靚麵既感覺完全沒有, 換來只是一口梘水味較重的幼麵, 而且煮得過了少少, 入口腍, 但不爽. 不過, 麵之外, 雲吞同牛腩是值得表揚的. 雲吞非常之鮮美, 份量又夠大, 蝦味, 豬肉味沒有你爭我奪, 功夫不錯, 而牛腩, 雖不是其招牌貨, 但貨真價實的純腩肉, 濃濃的牛腩汁, 五香味充溢了整個帶著重梘水味的湯底, 剛好中和了一下, 若麵條做得好D, 這可算是上等的雲吞麵.年前食過天后的老店, 發覺分店, 仍需努力. 而且, 價錢也set得高左少少, 拍得住麥奀記啊. 一碗雙併麵肆拾大圓......當中...會否有暴利呢???

嘗過天后麥兆記的雲吞麵,那極糼,極彈牙的銀絲麵確是只此一家,令人再三回味. 而炸醬麵的炸醬亦尤其出色,及這個年頭,還能回味那老早味道的紅豆冰,還可說什麼.得悉此店將於跑馬地開店時,已期待萬分.首次光顧,點了雲吞麵,雲吞依然,可惜那麵的質素只是一般而已,與天后店銀絲麵真的相去甚遠.心愔只是店子新張在水準的落差.兩星期後重來,再點水餃麵及紅豆冰,失望仍然找不到銀絲麵, 亦只有回味天后店那濃郁有緻的紅豆冰!