麥文記麵家

營業中

休息中

今日準時收工，見未有咁早開飯，係屋企樓下食碗麵頂頂肚先返屋企，去左麥文記食。繼上次試左隔壁嗰間既豬手撈麵，今次試麥文記。麥文記明顯大碗啲，而且汁比較多好撈麵，豬手大家一樣出色，夠晒淋，大家都係4舊豬手。湯就隔離好飲啲。價錢大家差不多，下次睇下邊間少人唔洗等就食邊間。

今晚點了雲吞撈麵，但是麵唔爽及很多鹼水味， 大失水準。 這與昨晚所點同一款式有很大差別。 我將這情況直接通知了門口的收銀員， 她說：唔好意思， 我哋會留意， 可能係同轉咗隻麵有關。 我已幫襯了麥文記很多年 ，一向都唔錯 ，希望佢哋嘅水準可以保留啦！

香港雲吞麵你又食過了沒有?這家雲吞麵已經營超過半世紀 而且也很有名氣這次來到佐敦來探店 去到的時間已過飯市所以不太多人 很快就有位置坐了·|鮮蝦雲吞麵^HKD$40一碗雲吞麵裡面有5-6粒 裡面只有鮮蝦肉肉質比較爽口岸彈牙 麵的份量剛剛好的~而湯底也挻濃郁挻香的味道 飲了一兩口也不咸雖然已超過半世紀 但店裡裝修不太舊依然保持傳統雲吞麵鋪的外表 具有香港特色雖然地方比較淺窄 但人龍不斷可見其威力🤤店家的湯底經過8小時熬製而成 所以比較濃郁而且雲吞的蝦也沒有將貨就價以保持品質從而可見到商家的用心 希望我們食到好食物💪

在這裡吃了頓實而不華的午餐，雖然沒有舒適寬敞的環境，但食物絕對對得住自己的肚子。一個人黎食午餐，預左要搭檯，不過還好，與陌生人各佔一邊卡位。點了淨水餃及蠔油菜心，承惠61元，午餐來說不算平，但偶然食下無妨。水餃啖啖肉，好彈牙，美味。菜心也新鮮，不過食物份量不大，吃了2款仍不太飽，或許我真的太大食

話說佐敦區呢間野幾出名，歷史都有返咁上下。所以個日自己一個行過佐敦，就入去試試。以麵鋪來說，我覺得價錢就貴左少少...睇睇價錢牌，豬手麵都要四十幾蚊一碗，其他麵類都屬於偏貴(我自己覺得啦)...呢個價錢分分中可以食個飯了....因為碗麵其實真係好細好細碗(本人已經係叫做細食，但我都唔夠食喔，叫兩碗咪要成八十多元？)。我是但叫左個南乳豬手麵，麵既味道就覺得還可以既，豬手就一般...但都係個句，好細碗囉...兩啖吃完😑

超過40年歷史的老字號，米之蓮推介❤️全店嘅麵條都係人手打嘅，真係買少見少，所以麵嘅質感特別彈牙！而且雲吞同水餃嘅餡料都豐富☺️不過晚餐時間人比較多，大家可以早少少去，一般都要等位15至20分鐘。

麥文記是香港老店，出名雲吞麵，水餃，牛腩，......我今次就食了雲吞麵加牛腩麵。麵質10分彈牙爽口，雲吞大大粒裏面的線下10分爽脆鮮甜，配上紅醋辣椒油風味非常獨特。牛腩麵牛腩入味非常軟滑入口即溶，牛根彈牙可口非常入味！一上桌的時間是迴這樣的👇🏻雲吞會在底部麵會在上面，是因為防止麵發水太快番一番加上紅醋美味可口總結環境-太細人太多差不多一食完就要馬上走人！我去的時候是非高峰時期！但人去好多！服務-有基本的服務價錢-不算太貴，但分量太小了基本上要兩碗先飽！

看報紙介紹麥文記只有一間。聞名不如一試。路過佐敦剛好肚有點餓。很好味 前後吃了二碗麵。😜🍜雲吞大大粒，蝦都大大隻。麵質爽滑。湯底都好味。牛腩夠淋。牛筋夠入味。十分好吃。下次要試其他食品。

雲吞麵係香港一大特式🇭🇰可以話係由小食到大🤓今晚就整番碗「細蓉」啦😍麥文記麵家係其中一間係香港嘅老字號😎入到黎已全場爆滿🤪與他人搭枱Menu掛場😆食物除左雲吞麵都有十數款選擇🤗小妹當然叫番雲吞麵啦🤭呢到嘅雲吞粒粒大小不一🤓睇得出係人手自製🙌🏻每粒雲吞都有一至兩隻鮮蝦🦐非常爽口雲吞麵嘅麵條食落無鹼水味道🍜亦彈牙可口本來麵條放底係正宗做法😉但小妹為左影靚相比大家睇😝所以將雲吞放係麵上🤣哈哈

貪佢頭先午餐時間無乜人有冷氣，行得攰。有d名。點知叫左云吞麫 超鹹，好心叫亞姐收碗時，謝謝聲話比店內亞姐知那亞姐居然窒住晒，話從來沒有人話過d嘢鹹唔怪得，隔壁全部其他也排長龍，佢地拍烏蠅啦d食物差，d店內亞姐 趕客

一個人去到佐敦搵好嘢食，就發現突然好想食雲吞麵。佐敦有兩間很出名的雲吞麵，而呢一間就係比較好食嘅一間，大家千祈唔好去錯！今日唔知點解特別肚餓，所以嗌咗一碗雲吞麵同埋一個豬手撈麵。食完真係感覺好滿足！先講雲吞麵，食得出麵本身非常彈牙，湯底亦有淡淡的香味。呢度嘅雲吞出名係用全部下去製作所以食落去特別鮮甜整體來講呢一個雲吞麵係非常出色！最後講埋豬手撈麵，個南乳醬汁非常好味，成功令到豬手撈麵更加有層次，我成功一個人食咗兩碗麵😋

<麥文記除左細蓉 牛腩都好正>😍麥文記呢間食細蓉既老字號 好耐冇黎過 但今次食多 d肉 就點左牛腩撈麵 都好正🐮🍴牛腩撈麵 48 蚊🐮🍜枝裝可樂 11 蚊🥤牛腩都幾多下 肥瘦適中 應該係用類似柱候汁黎醃 牛腩味濃 而且有口感 而且用左好多腩汁 感覺到牛肥膏同腩汁撈埋一齊好有膠質既口感 😆好正 撈麵 比較幼身 盡吸腩汁😈間中點下佢個湯可以減少黏稠感 雖然呢 d粉麵 鍾意點乜醬都各有喜好 但我都係比較鍾意傳統食法 用辣椒醬 撈 撈麵 辣辣地又有口感🌶好襯 正 加埋冰凍可樂 成個人 gur哂😈#牛腩 #撈麵 #牛腩撈麵 Score 平均分 <7.1/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#麥文記麵家佐敦白加士街51 號地下~~~~~~~~~~~~

我細細個就食麥文記，曾經佢係我最愛麵店之一，真係會成日去食。以前都有人話有兩個職員無乜禮貌，但係無咁對過我，我以前覺得佢地都好好人㗎。但宜家人多左，佢哋可能都燥燥地，會態度唔好。對住小朋友老人家都無乜耐性，拎住好大個鐵桶d姐姐，真係好趕時間，橫衝直撞，嚇到個老人家差d跌，唉，好彩有人扶得切咋！但店員可以零反應！上菜都係呀，好危險！我知多人好忙，但安全要緊呀！雲吞唔需要講，以前係超好食，雲吞d蝦好彈牙好好味，但宜家係越來越咸，好咸，個湯超咸。例叫牛腩撈，炸醬麵，豬手，全部近年嚟都好咸下，唔止我覺得，其他人都覺得。好想繼續支持，但無奈食物真係越來越差，而且有d店員真係要留意吓安全！

麥文記嘅雲吞麵香港都好出名，歷史悠久，係正宗懷舊店舖嘅細蓉：雲吞直頭擺底， 被麵條完全覆蓋👍🏻我哋先食一個冇加任何調味嘅嘅麵條、湯、同雲吞。麵條彈牙，冇鹼水味；湯係清甜嘅，唔會頸渴或有味精；雲吞有新鮮蝦，食得出鮮味。😼然後我哋試咗用少少紅醋做點綴，味覺會好唔同，但一啲都冇衝突，好快食晒，正～🤤BTW，同其他雲吞麵店比， 呢度嘅份量比較細，男士未必夠食，可能要叫多啲小食👀。-上湯雲吞麵 | $36

由於趕住落街去順豐攞件，之後又要同阿B去公園玩，所以快快脆中午去食個麵，見麥文記無人排隊就入去。未坐低就叫伙記寫個牛腩撈，麵未到、湯先上，今次啲湯幾濃，有時會淡左😅，麵到，由於肚餓加上腩汁野味，10分鐘內連湯、麵、牛腩全部食晒。