麥當勞

營業中

休息中

我周不時都會幫襯吓m記呢期又出shake shake 薯條, 唔係好有新意我反而鍾意試青蘋果新地樂叫個餐加3個半 轉特飲又有得送杯, 好抵好好味, 新地樂唯一唔好就係一浸雪糕就起泡要飲幾啖解渴先仲有樣野我好欣賞呢間m記是日好多人, 我睇佢地快手執包, 好似睇表演咁

去完 Heritage 1881 影相，要歇歇腳，走入麥記飲杯咖啡。大大張海報推銷 Cappuccino 特價 $12，便毫不考慮，要了杯 Cappuccino 和一件綠茶 Lamington 方形小蛋糕。是日為假期，全店都聚滿南亞裔人，香港人祇得三幾檯，好不容易才找到有空檯落腳，不一會 Cappuccino 也隨後送到。Cappuccino 的份量頗大，用朱古力粉灑在奶泡上，顯現出一個很清晰的 M 字，奶泡打得很厚很幼滑，咖啡與奶泡同時入口，倍感順滑，咖啡味甘香純和，奶味亦濃，最重要的是整杯咖啡都很熱，賣 $12 可說是抵飲。綠茶 Lamington 顏色不是很綠，綠茶味單薄，蛋糕可能擺放得過久，外皮有點硬，感覺不夠新鮮，內裏雖有蛋白香味，但整體來說，質素一般。在這裏喝到我喜歡的咖啡，感覺驚喜。

早上7:00到麥當勞食早餐,食飽飽就去半島後面坐直通車返番禺玩玩玩~~~我鐘意食豬柳蛋漢宝+2個薯餅飲朱古力,lee個組合係非常完美第一口已經唔對路,好難食!!我從未遇到難食既麥當勞問題在於個包,烘到好硬好韌好乾,要用力撕開,又好難"趙"唉..........我終於遇上薯餅都ok,唔夠脆,可以再脆d!!

一年一度盛事 - 馬拉松, 參加了幾年, 今年腳患, 休息一年, 只陪老公參與, 晨早到了, 人不多, 連工作人員也未 ready, 於是落黎坐下, 老公要再補充碳水化合物, 買了個熱香餅套餐, 兩杯朱古力, 約 $30, 已經有好多年沒有吃過, 朱古力也是幫襯 cafe, 吃了半件熱香餅...又唔熱, 又唔香, 純粹為了能量, 朱古力味道唔濃, Cafe 既朱古力好飲好多! 老公....加油!

個肚繼續唔聽話，唯有食番D清淡嘅嘢做早餐，已經食咗幾日粥，食到口都淡晒，又唔想食公仔麵、餐肉、腸仔、煎蛋咁肥膩嘅嘢，正在煩惱之際，突然見到老麥個招牌，咁就有計。叫咗個煙肉蛋漢堡($8)再加即磨咖啡($7)，麥記D煙肉其實同火腿差唔多，一D都唔肥，而D蛋亦好健康，成個飽都無乜油。雖然係人都知快餐店食物反式脂肪好勁，但係只要識得揀，唔好食D煎炸嘢，其實都可以食得健康。仲有杯咖啡都唔差又好抵飲，有好多人入嚟淨係飲杯咖啡咋。朝早嘅麥記好清靜，人又唔多，個個都係響度睇報纸，反而個Mac Channel嘈喧巴閉大殺風景。

又有新野登場啦, 今次係芒果熱情果新地, 吳知係吳係衝住haagen dazs而黎呢?雪糕係咩味, 我諗都吳使多講啦, 30幾度既天氣, 好快就融...比想像中甜, 芒果幾清新, 仲有少少果肉係入面, 而熱情果味就欠俸啦, 如果係話比我聽呢個只係芒果新地我都會信, 因為真係吳係好食倒熱情果既味道, 而且又冇果肉總括黎講都可以既, 不過mcdonald既甜品, 萬變不離其中, 出黎出去都係個d配搭我個blog仲有好多相同食評架http://hk.myblog.yahoo.com/food_talk2008/

今年夏天再出的綠茶紅豆新地, 試後覺得好過去年, 綠茶味濃了, 不會只得個"甜"字, 我覺得是進步了, 雖然較普通的新地貴了些, 仍是試得過的.

士多啤梨係大大粒,不過好酸,同埋隻味好假. 我寧願食番朱古力新地.個雪糕都可以啦.但好溶囉, 賣相差.唔記得6蚊定7蚊一柸.P.S.有個肥肥地的公關姐姐幫排隊人士落order,但佢個態度同說話好掘,一丁點笑容都冇,之後食食下野時見到佢同佢的同事傾計,果時先展現佢的笑容,唉...為何分別那麼大?

一早未夠六點就同朋友仔黎食早餐叫既都係大路野早晨全餐同魚柳包餐雖然佢工作人手唔多顧客相對較多但估唔到服務幾快手叫野食好快就執齊又唔會漏而且全部食物仲係好新鮮熱辣抵讚遊客區既店員果然係好d比起我屋企附近o個間o個d十下十下真係好好多

今次試意大利芭菲$10, 查實成份與oreo麥旋風差不多, 只是沒有攪勻雪糕, 而是把oreo餅碎加在兩層雪糕中間, 再在雪糕面洒多次oreo餅碎及加入一些咖啡糖漿. 結論是咖啡味不夠, 可加多一些咖啡糖漿, 但oreo餅碎過多, 可能不似麥旋風般與雪糕混合, 變了兩大舊oreo餅層, 食落感覺好甜. 個人都是比較欣賞美祿麥旋風多些.

點左杯hot cappuccino加件三文治,後者無咩特別,最得係杯cappuccino,我之前都講過到左旁晚唔鐘意飲太烈或者味道太濃的飲品.佢呢杯飲正中下懷.味道溫和而且上層的泡沫好得我歡心!

麥當勞又推出新產品---咖哩豬扒包括!!同事推出第一天就已經試了!真的麥當勞的「忠實粉絲」!我一個人到麥當勞, 就試試咖哩豬扒包, 另外叫了蜜桃藍莓乳酪加一個豬柳漢堡!坦白說, 本人試過後感覺一般, 汁本身的咖哩味不很香濃, 很淡, 汁本身亦很薄, 沒什麼口感, 配上較濃郁的咖哩汁相信會大較佳!豬扒本身夠大塊, 最少看得出突出了包, 像廣告宣傳板的圖一樣, 洋蔥本身不很突出, 變成可有可無的雞肋!本人自然地將被說成「香港人的驕傲」的板燒雞腿包加以比較, 坦白說板燒雞腿確實更合本人的胃口!!相反蜜桃藍莓乳酪更有驚喜, 雖然只有幾粒鮮藍莓而沒有加藍莓醬......不知是漏了還是本身沒有, 但感覺OK, 幾清新, 乳酪亦幾夠味!坦白說出新包貪新鮮試試, 口味見仁見智, 既然不貴, 試亦無坊!!

Mccafe麥當勞昨晚放工後原打算到北京道一號專門賣咖啡的店舖飲咖啡!但可能店員走開了,等了五分鐘多也未回來門外寫著<稍後片刻>於是決定到這裡享用我的晚餐!買了件小龍蝦芒果三文治&一杯凍朱古力咖啡享用,初時覺得好唔抵,因為半份三文治要十四元,又唔係pret manger,.而且環境不及其他咖啡室寧靜因為快餐那邊的位置不足夠,於是他們也轉移到咖啡專用區進餐呢! 頗嘈吵!但當我嘗過第一口三文治後,又覺得值得喎!因為那件三文治是多穀麵包製成.而內裡的餡料也頗足料! 好味道呀!而這裡所供應的咖啡一向我都覺得好飲! 沖咖啡所用的奶的質素很高呢! 勁滑又好味!

最近好多人俾左張mccafe coupon我,因為佢地知道我好鐘意飲咖啡,而剛好呢張coupon可以以優惠價買杯半價咖啡呢!好扺呢! 我次次都買iced mocha, 試左四次後,每次飲完都發覺度的咖啡好飲過星巴克咯! 亦都可以同太平洋咖啡fight fight架! 佢地d咖啡豆一定係好特別呢!好似係illy呢隻brand架!但要我用原價係mccafe買咖啡始終好似好唔扺咁! 要我用真金白銀買杯咖啡我都係會選擇太平咩咖啡咯!起碼咖啡店的環境都優勝好多啦! 無咁多人同咁雜嘛!

買相不俗, 很吸引, 但味道較淡, 啡味及蜜糖味不太濃。一般。在McCafe 飲咖啡, 可取之處是服務週到, 付款後有專人送上飲品, 可是沒有閑適感, 不像starbucks 般有氣氛。