麥記美食

營業中

休息中

麥記美食位於北角，係一間好街坊既上海老字號，開業廿載，主打傳統上海小食，更曾多次獲得米芝蓮小食推介😋鋪面好細，門口放左3張摺台，多數街坊都係買外賣為主🤔我地假期11點半黎到仲有位，大家想食就可能早少少‼️一去到發現呢間細細既老鋪，竟然係由幾個後生男仔打理，有啲意外哈哈😂🤪1. 生煎鍋貼 ($10/3隻) 🌟3.5/5分鍋貼係一大鑊過煎，我地食到既鍋貼雖然唔係新鮮出爐，但仍暖暖地，個底仍然十分香脆🤤鍋貼唔算大粒，皮略厚，入面肉味濃郁，肉汁豐富☺️相信如果係熱辣辣岩岩出爐既話會更加好食~2. 紅油抄手 ($23) 🌟4/5分抄手係即叫即煮，熱辣辣，非常吸引😍份量幾多，細細粒，皮薄但非常完整﹐一啖一粒岩岩好👍🏻醬汁非常惹味，麻中帶辣，又唔會辣得好辛苦，十分過癮😚💕3. 小籠包 ($24/4隻) 🌟3/5分即叫即蒸，等左3個字左右。小籠包大粒，外皮略厚但煙銀，入面無乜肉汁，肉餡大舊而紮實，好重肉味，我諗係行抵食路線?😆不過我地都唔太鐘意呢種小籠包，比較prefer皮薄多汁既~😛4. 燒賣 ($7/ 5粒) 🌟3/5分見到有燒賣忍唔住都買黎過下口癮🤪呢個不過不失，皮薄口感煙銀但偏粉，無乜魚味整體比較

住北角咁多年，終於第一次嚟呢度食嘢。不過有啲太遲，蔥油餅已經冇晒了，你個生煎包亦都冇啦。只係買到個鍋貼， $10有3隻。個外皮有少少厚，但係個底剪得好香好脆。肉唔算好多，唔係爆汁嗰隻，但係可以的。味道可以，唔會太鹹，整體都算唔錯。下次一定要早啲嚟，買埋佢個蔥油餅及生煎包試吓。

經朋友介紹嚟到呢一間隱世小店食水餃、小籠包酸辣湯...因為太過隱蔽啦，行過都睇唔到。不過原來佢喺呢度非常出名，要食佢嘅蔥油煎餅3:00前就要排隊啦，因為3:00會新鮮出爐，我哋坐喺度食嘅時候已經見到開始有人排。試咗呢幾樣野酸辣湯、小籠包、水餃因為太好味啦後尾再encore多一次酸辣湯，另外再叫咗生煎包同埋煎餃，生煎包同埋煎餃非常juicy, 食嘅時候大家要小心啊，啲肉汁一咬就即刻爆出黎，啱啱煮起會辣親咀。

米芝連我想講除左價錢係平其他味道質素真係...................試了便算🥱蔥油餅....冇蔥味.只係香口窩貼....細隻.餡料冇咬口.個皮除左底有脆成個皮都唔似窩貼雲吞....真心食左第一粒唔會再食.完全唔係雲吞.餡料好水質酸辣湯....唔辣唔酸...偏咸

經過炮台山見有間米芝蓮推介小食嘅上海店，就去試試佢d小食。礙於店面細，老闆係街道旁邊放咗幾張枱櫈，但都full曬。本身諗住要外賣，但啱啱好有人走就轉堂食啦。今次一次過試曬佢主打菜式，包括有上海生煎包，鍋貼同小籠包。小籠包老闆係即蒸嘅，所以會等得耐d。生煎包，鍋貼咬落去有肉汁，要小心燙口。以平民價錢黎講 $10蚊俾3隻你出面真係搵唔到，值得推介。而小籠包即蒸，皮亦都好薄，但可能個人對煎炸野比較有興趣，相比下鍋貼好食d，都不妨試試。

想食上海菜小店見到黎間多人介紹話係平民價錢米芝連餐廳簡簡單單一間老店地方好細 細到餐廳內係只係夠老闆係入面煮野而餐廳外的行人路就係 客人嘅seating area 因為去嘅時候左限眾令 大家都好自律咁有分開倆個人，倆個人坐如果只有一個位就會只坐一個人另一個會行埋一邊食講翻野食先～查看餐廳真係十年前嘅價格咁因為價錢好平所以我地就瘋狂叫嘢食鍋貼生煎包小籠包都即叫即做所以都要等一段時間仔但蔥油餅就一早整好 都放凍左有啲硬紅油抄手 個醬就唔似平時食果啲咁 比較杰身嘅醬 加上係偏辣嘅(要注意⚠️）

我有時經過開北角就會想起這間鍋貼同生煎飽，真係食極都唔厭，尤其剛剛出爐。。。。實在太美味，因為佢只有幾張摺枱，所以通常我會拿走食當然堂食熱辣辣即刻食係最正我個人鍾意佢地既生煎包多過鍋貼，因為鍋貼較油，（當然鍋貼都好好味）間舖位置不太方便，同細細間，但係每次去我都要排隊！！都好多人幫襯ga價錢亦都非常親民$10/3件，好抵食

從幼稚園到中學，都一直圍繞在北角附近，麥記更是我從小到大都很喜歡的小吃店。好多食店賣鍋貼為左方便，會蒸過再煎，但就堅持完全「生煎」，所以食落個外皮完全唔會淋劈劈，入口脆脆的，而且餡料豐富多汁。重點來了，呢個質素，「麥記」都只係賣緊$10/3隻。嗜辣嘅朋友仔，強烈推介你地試下個秘製辣醬，味道辣而香，配搭起魚蛋同生根絕對有畫龍點睛效果。魚蛋 $7/5粒而生根 $7/一串。

北角係平日絕少踏足的地方，今日難得過嚟做瑜伽，發現咗一間平民小店，好細嘅舖面但門口大排長龍，細心一睇原來係米芝連，仲要係連續幾年米芝蓮，絕對唔小嘢！我見網民推介擔擔麵，平時我都唔係好鍾意食，一試終於明白點做會推介。首先湯汁非常濃郁，好似花生糊咁濃，而且有極濃厚花生香，食得出真材實料用花生打成的汁底。味道啱啱好唔會好鹹，少少油係麵令到汁底更滑，但唔會太油入唔到口。麵條爽口彈牙，條條分明。鍋貼即叫即煎，入口記住小心啊，唔好太心象好易俾裡面嘅湯汁辣親。鍋貼外脆內多汁，豬肉餡味道鮮味，推介！不過我手多落咗辣醬，我覺得多餘咗，齋食都好夠味。而且價錢非常抵，雖然只有門口幾個位坐得唔太舒服，但外賣食都正啦！

第二次食 今次係係個盤到岩岩煮完上碟 新鮮過上次鍋貼都幾好食 🤣 個底硬硬地好似食薯片咁生煎包個皮有少少怪 比較厚擔擔面今次再食都係去到後期有啲膩啲花生醬太多😂😂😂

呢間位於北角嘅小店一直都好想食， 不過一直都唔係太就腳所以就冇去。 但見近排放假得閒就去咗同男朋友食， 嗰日星期六去到已經有六七個排緊隊跟住有兩枱客人食緊。 放返個環境先嗰度係冇室內位置全部都要露天， 而家呢都係馬路嚟嘅。 嗰日就嗌咗七樣食物分辨係擔擔麵，魚蛋，燒賣 ， 生煎包，鍋貼，紅油抄手同埋小籠包。 首先講下佢個擔擔麵先去同出面上海舖頭或者四川舖頭食嗰啲好唔同佢係一啲辣都冇嘅但係佢就好重花生味如果要講佢係擔擔麵嘅話佢比較似係一份花生醬撈麵對於鍾意食花生醬嘅人嚟講個擔擔麵係十分之好食，但係對於食鍾意食擔擔麵嘅人嚟講，我覺得都係一種另外嘅體驗因為十幾蚊都真係幾平同埋都真係幾好食。跟住就講佢嘅魚蛋燒賣我覺得佢係 比普通多啲小食舖係幾好食嘅但係相對於佢其他嘅食物嚟講就有啲普通啦。佢嘅紅油抄手係咁多食物之中最辣嘅，佢入邊嘅餡都係銅鍋貼生煎包一樣都係豬肉， 當用匙羹潷嘅時候，佢嘅粉皮都唔會散曬都可以保持住一個完整嘅形狀， 我覺得呢樣係抵讚嘅。但係其實廿四蚊畀個份量都好唔錯。鍋貼同埋生煎包都係豬肉餡， 佢哋唔係即叫即整， 其中山煎包咬入去啲肉汁爆出嚟我諗可能係因為時間差嘅問題應該其他兩個係早啲

據聞依間係米芝蓮一星餐廳😍上網見到平平地諗住試下的確啲野都幾平 叫晒鍋貼生煎包擔擔面都係四十蚊到不過生煎包鍋貼本身係整定 所以唔太熱同埋有啲太硬擔擔面見住佢即刻溝出黎 不過味道都係好普通 但都幾大份

窮遊香港-隱世街頭米之蓮小食呢日講下北角區 呢間又平民 又有米之蓮 仲要暗黃 仲要好食 可以話冇得輸 北角掃街必去 bookmark啦是日星期六 都幾多人 可能要排15分鐘.呢日叫左 ⭐️紅油抄手$23碗😍我好鐘意佢個汁 小甜小酸小辣 加埋表面蔥蒜 勁野味！👍🏻食左幾粒之後 個麻味就出黎啦 都幾重🔥走果時個口都麻住 爽平民價錢 用料唔講究啦 加埋油紅口感幾滑鐘意食辣既我表示好鐘意 5分好評.⭐️生煎鍋貼$10 3隻唔貴 底有煎香 好食 但未到爆特別3.5分.除此之外 呢間仲有$10蚊3個 生煎包 同麵既野食呢日就冇肚一樣一樣試啦 下次回頭要試其他總結未去到要跨區去食 但路過北角掃街嘅就去試吓啦.#麥記美食 (北角)地址：北角堡壘街21-23號美嘉洋樓地下.⭐️評分：味道：5/5 鍋貼3.5分環境：2/5 街邊小店 路邊有坐位 小熱服務：3/5 正常抵食：4.5/5

麥記美食專做街坊生意，成日會見到排隊嘅人龍，由公公婆婆到後生仔個個都鍾意食，係用超級平民價就食到嘅米芝蓮推介街頭小食💛生煎鍋貼個底煎到脆脆地，皮唔算厚，有肉汁，加啲醋食好好味！擔擔麵好重花生味，應該加咗好多麻醬，簡簡單單撒左啲葱花，不過就唔夠辣。外賣番屋企索咗啲湯汁所以杰身啲，但冇影響麵條嘅質感，係食過會想再幫襯嘅味道呢～

嗱嗱嗱，澄清番先，呢間麥記美食唔係連鎖金拱門🥰終於食到呢一間連續三年攞咗米芝蓮推介小食嘅麥記啦！仲要係同路人添啊喂💛·舖頭細細，主力做外賣嘅小食、麵食、餃子、小籠包。初次嚟到梗係要試吓佢嘅小籠包啦，等緊嘅同時我哋口痕買多咗串魚蛋～·估唔到魚蛋先有驚喜！整體來講都幾彈牙，重點係佢嘅辣汁配埋甜豉油，用嚟點魚蛋簡直一流呀～我覺得正過食過陳記魚蛋嗰個辣汁添🤤·等咗10分鐘小籠包終於出爐，佢個小籠包size細細地，不過勝在皮真心薄同埋豬肉餡料都幾紮實（仲有啲豬油膏好邪惡😈）—唯一敗筆嘅就係冇乜湯汁，如果expect一咬就浪花四錢嘅朋友可能會失望🤔·整體來講，我覺得性價比都算係咁上下，見到好多街坊會特登過去買酸辣湯、餃子嚟食，睇嚟係街坊親民嘅小店💛-小籠包｜$24魚蛋｜$9-麥記美食北角堡壘街21號1號地舖-