麥記美食

營業中

休息中

今日一試北角嘅米芝蓮小食店，叫咗一碗酸辣湯雲吞、生煎包、鍋貼、麵筋拼燒賣。酸辣湯適合重口味嘅人，味道濃而不膩，湯好足料，酸酸辣辣但係唔會嗆口，味道唔錯。至於雲吞更加係皮薄餡靚，雲吞好飽滿，餡料份量好多，食一碗已經感覺好飽。生煎包同埋鍋貼即叫即整，皮脆肉嫩，生煎包既肉汁鮮甜，而鍋貼既肉餡調味都唔錯，令人想一食再食。最後，麵筋拼燒賣，呢兩樣材料嘅味道普通，但係加咗小店特製嘅辣汁就唔同講法，食物即刻變得好惹味，醬汁甜甜辣辣好惹味。雖然只係坐係街邊嘅一張摺檯食嘢，但食物既味道無阻我地去幫襯，想試吓親民少少嘅米芝蓮小店可以一試，係呢種環境下食嘢都有另一種風味。

今日過海辦事，正好在此店附近。因天氣太熱，只能外買帶回車中享受。我買了生煎飽、鍋貼、酸辣湯、小云吞，味道都🆗。但美中不足之處在於，生煎飽和鍋貼毫無湯汁，好似在生煎時已被吸乾，我不停得連吃六個，還是很失望😞。然後開始吃鍋貼，希望能說服自己是有湯汁的，但還是失望😞。其實如能在攪拌肉餡時，放一些湯水，再經過冷凍，是可以把湯汁鎖在餡里的。希望貴店生意興隆，讓吃客享有囗福。

今晚放工去左北角睇d嘢，睇完之後就會回家食晩飯；突然覺得有d肚餓，想食少少野，諗起附近有一間米芝蓮推介嘅街頭小食店「麥記美食」，一於去支持一下小店每次去麥記，我差不多都會食鍋貼，因為係其中一個熱門嘅菜式；所以，今次都唔會例外，叫左一份「生煎鍋貼 $10 / 3隻」；不過，今次要等一陣，因鍋貼正在製作中，好好彩等左幾分鐘就有得食！剛新鮮出爐嘅鍋貼，外皮煎得非常香脆，豬肉餡料夠，又有少少肉汁，非常好食😋價格💰：$10味道😋：OK

早前同朋友去影怪獸大廈，回程就去咗連續5年上榜《米芝蓮》街頭小食推介嘅「麥記美食」，歎美味晚餐～呢度開咗19年，由「推車仔」變地舖，係北角廣為人知嘅街坊老店。麥記主打上海小吃，所有點心都係自家製作，老闆仲會人手揉麵糰，誠意滿分！ 店舖好細，大部分人都係外賣買走。 店主話佢哋已經係第5年比《米芝蓮》推介，不過前2年嘅貼紙甩咗，所以無貼在玻璃窗外。 自家製鍋貼，熱辣辣在煎鑊上。其中，佢哋嘅招牌生煎包，外皮就以「老麵」天然發酵而成，且唔添加化學物，雖然好花功夫，但出嚟嘅生煎包外皮更鬆軟、包底酥脆，更有「麵香」。至於鍋貼，佢哋就好堅持「生煎」，唔會好似好多食店咁，為便捷時蒸過再煎，整體感覺較香脆，味道新鮮得多。​😍 ​ 第一下見到麥記嘅鍋貼，坦白講我覺個樣唔多討好，好似皮好厚，而且好細隻咁，點知，食落真係好驚喜！鍋貼外皮偏厚，然而非常酥脆，麵味好出！以往食鍋貼，好多時餡先係主角，但呢度比我感覺係，外皮猶勝肉餡！咁當然，鍋貼肉餡都非常juicy，豬肉香滑多汁，好正！​🥟 另外，小籠包亦非常高質，即叫即蒸，約等10分鐘就上枱。佢哋用傳統小鐵籠去蒸小籠包，熱力更強！一咬入口，滿滿漑

港島平民美食☺️ 曾獲米芝蓮街頭小食🌟又平又好食，係幾高質嘅，但又未至於米芝蓮級數🧐 不過以呢個價錢嚟講無乜好挑剔啦😍【鍋貼】HKD10/3隻咁多款入面最鍾意鍋貼😍 外皮十分香脆，唔會太厚身，豬肉餡份量多，仲有唔少湯汁，熱辣辣好味道😋 3隻唔夠喉呀🤪！【小籠包】HKD24/4隻小籠包外皮軟熟口感不錯，豬肉餡好嫩滑，湯汁多啲會更好！【紅油抄手🥟】HKD23/碗滑而薄皮嘅餃子，餡料質感細嫩😌 紅油唔會太辣，有少少麻嘅感覺，味道留喺口腔縈繞👅🌶【擔擔麵🍜】HKD17/碗湯底充滿麻醬香郁，香濃不膩，湯汁吸附力不錯，麵條掛到好多湯汁😍 不錯，$17超抵食☺️

記得有日有個同事發現麥記係黃店之後 既興奮又好感動😝所以我就決定要試試 感受下呢份感動☺️麥記招牌菜之一🌟 生煎鍋貼 ($10/3隻) x 2份皮薄餡靚! 外皮薄 鍋貼底煎到金黃色好脆口! 餡貼入面又有少少肉汁😚 麥記招牌菜之二🌟小籠包 ($24/4隻)個人認為小籠包既精髓係湯汁既溫度 所以好欣賞麥記即叫即蒸既堅持✊🏽即使我係買外賣 但食個陣都仲係暖既 一咬湯汁就溢哂出黎😆 正啊！如果有埋薑絲就好喇 不過無都已經好好味☺️ 呢個價錢真係超值👍🏽麥記招牌菜之三🌟 擔擔麵 ($17)重麻醬! 濃濃花生味🥜 仲有少少辣🌶同事表示味道幾好~~小雲呑麵($25)比較清淡之選🌟 小雲呑足足有8粒咁多!雲吞既菜肉餡鮮嫩! 碎語💁🏽‍♀️睇麥記既訪問 會了解多d麥記一家人既故事 仲會被佢地加租都唔加價既堅持感動🥺呢度除左有性價比極高既手工包餃好吸引之外 更加吸引既係人情味💛 希望麥記獨有既味道順利代代相傳啦💪🏽☺️

呢間黃店真係一間好平但好好食既舖頭。前排黎呢間舖頭食時因為兩個人都食左lunch，所以就隨意叫左兩個小食，但真好高質！生煎鍋貼🥟外皮又脆又薄，入面既豬肉非常juicy，最抵讚係我地叫果陣個鍋貼仲係熱，證明野食雖平但唔馬虎！小籠包就唔似鍋貼，無得整定，要即叫即蒸，所以等左約10分鐘。同樣地，雖然平但好味😋！豬肉餡似係師傅自己做，豬肉餡唔太實👍🏻，而且好多湯汁，真好高質，難怪呢間小食店蟬聯三屆米芝蓮街頭小食推介！除左呢兩款外，生煎包睇落都幾好食咁😋，$10/4隻，又平又抵！我覺得最難得係依個時候係香港🇭🇰，仲有一D好味😋價錢又親民既舖頭，抵到我估情侶嚟食都唔過$100，真心抵！大家記得呢個時勢要去支持下D良心食肆呀！

//#黃店地圖系列間野叫：麥記美食邊度黎：北角堡壘街21-23號美嘉洋樓地下環境點：充滿街坊風味嘅排檔式座位 風味十足 .▪酸辣湯麵 $267分小店不但係米芝蓮街頭美食 仲要價錢親民到好似開善堂咁 實在係欺人太甚 所以即使我唔是酸辣湯愛好者 但係都試試佢 酸辣湯微辣帶酸 好足料 而且麵質彈牙又夠硬 唔會有鹼水味 絕對加分 雖然酸辣湯唔係我杯茶 不過我知道有人會識欣賞佢嘅▪擔擔麵 $178分擔擔麵最關鍵係個湯底 水汪汪啲留返去餵狗 呢兜夠曬杰身 好濃花生味 同時帶有微酸 同埋麻醬嘅濃稠 i love it▪小雲吞 $17/8隻7分普普通通 無咩亮點 不過簡單就是美 重口味嘅我嗌紅油抄手 可能會比較過癮▪小籠包 $24/4隻8分即叫即蒸 熱辣辣 最雖然係佢唔係sell皮薄爆汁 但係越純粹越簡單 越顯原材料嘅鮮味 呢幾粒做到啊 配埋喼汁簡直係wonderful▪菜肉蒸餃 $24/4隻7.5分同小籠包相比 除左形狀口感會唔一樣 個肉餡都會偏甜少少 其實佢差別不太大 ..⚠️順帶一提 武漢肺炎 sor 係COVID-19疫情持續 本港至今累計79宗 更出現北角佛堂群組爆發 曾於相若時段前往北角美輪

一聽到麥記，好多人都會即刻聯想起金拱門，雖然我對金拱門又愛又恨，但今次既麥記係講緊北角屹立多年既小食店，仲攞左好幾年米芝蓮街頭小食推介生煎鍋貼以前食開$10/4隻，宜家$10/3隻，物價都通脹晒啦，加幅非常合理，但質素就感覺不及以前，個鍋貼底以前係煎得夠脆，宜家個底係硬唔係脆，整體都仲係好食既蟹粉小籠包期間限定$16/隻，兩隻起，同普通版小籠包無咩分別，完全食唔出蟹粉既香味，仲要貴咁多，真係可以唔洗叫，搵笨！雖然退步了，但整體都尚算不錯，亦都平民價，我都係會繼續幫襯

📍$17食米芝蓮街頭美食 -- 麥記小食😎話說小編讀中學嘅時候已經成日去呢間鋪食野 因為真係平！靚！正！😆 麥記其實已經連續4年上咗米芝蓮街頭小食🙈所以來頭唔細㗎 平時都好多人排大隊買野食😆--------⭐擔擔麵（$17）小編平時會叫埋鍋貼 但今日唔係好肚餓就靜係食咗個麵😆點餐後見到師傅手勢熟練咁調製醬汁同淥麵 唔洗幾分鐘就有得食😍😍呢個麵非常惹味 湯底好濃郁 偏杰身 充滿花生嘅香味😆條條麵都掛滿晒汁 正到爆🙈中意麻醬嘅朋友仔應該都會好中意💕麵條都煮得啱啱好 唔會太腍🙈真係食咗咁多年都食唔厭❤--------價錢：$17-------評分（10分滿分）賣相：7味道：9性價比：9回頭率：9-------店鋪資料名稱：麥記小食地址： 北角堡壘街21至23號美嘉洋樓地下前往方法： 炮台山站B出口

我從佢十蚊5隻到現在十蚊三隻，加價唔緊要，大家明白，但係佢嘅質數同和食家對餃子嘅情意結唔太了解。一隻餃子点算好食，各人唔同，但現在佢由一隻正常size 去到一半，食餃子嘅囗感和享受完全唔同。現在，唔会再幫襯!

有一次經過見到好似幾抵食，但當日非常熱，坐既都係室外開將枱，不過基於好想食麵嘅情況下，就一於試一試。叫左鍋貼（$10/3隻）同擔擔麵（$17）我係一個極愛餃子既人，要求頗高所以個人覺得好普通，皮厚底硬冇汁$17碗擔擔麵我都冇抱好大期望阿姐先調醬後加湯再加麵攪均個底就feel到偏杰身，試一啖麵係煮得岩岩好！個“湯”偏杰好重花生醬味，麻醬愛好者應該好ok，但我都係覺得爭d味... 自己行去望下有咩好落... 發現秘製辣醬（左）唔洗諗，緊係落拉！！成碗擔擔麵即刻昇華左！有驚喜成件事（個麵）變得平靚加個正！開頭唔知道呢間係米芝蓮，都係食完Openrice睇先知... 你話好差佢又唔係，係真係抵食既，但你話米芝蓮令人慕名去就未至於lo...

知道此店已久, 但地點不近港鐵站, 稍為不便, 故未有機會試試。 今日因有事到此店附近, 辦完事後就走過去。 其門外有桌子和櫈, 見有客人在店舖買完食物, 就坐在這裏吃。店外等候的客人不多, 我即時去排隊。 一般醬汁就放在門口位置。見到店內有三名職員, 一名店員在拉搓餃子皮, 一名在另一邊煮食。 只有一名店員在近門口的地方一邊煮生煎包, 一邊詢問客人需要什麼後, 把客人的食物包起來及收款, 非常忙碌。就是因為這樣, 服務速度稍慢。 我前面只有兩位顧客, 但要站在這麼熱的廚房旁邊等候, 我也熱得汗流浹背。買了9只生煎鍋貼($10/3只)丶6只生煎包($10/3只)丶 1碗酸辣湯($17/大碗)和10粒咖哩魚蛋($7/5粒)回家。生煎鍋貼和生煎包 : 相比生煎鍋貼, 我較喜歡生煎包。 生煎包內的肉餡多一些。 酸辣湯 : 這店的酸辣湯像傳統上海飯店的味道, 不錯呀。 咖哩魚蛋 : 魚蛋質地較結實。

慕名而來，係因為聽講呢間嘢係咪芝蓮小店，咁樣既然係平民小食店，又米芝蓮咁冇理由唔嚟幫襯下。既然賣地道小食，咁樣我冇理由唔叫啲腸粉試下。我唔係好記得買咗幾多錢，我淨係同佢講要七條腸粉， 因為 "seven" 係我嘅lucky number。嗰啲醬料，即係平常嘅麻醬、甜醬、豉油嗰啲係可以自己落，當然叫職員落都得，但總係親手落會啱自己口味。食個腸粉嘅人都知，落曬醬料嘅腸粉就一定好味，不過其實最重要係腸粉嘅質地，我就知一定唔係 "布拉" 㗎啦， 不過食啲腸粉真係質地都幾硬下，完全唔係想像中嘅米芝蓮級數。真失望。

終於試左北角出名嘅‘米豬蓮’小店🏅結論：平平地都可以一試🤔。［窩貼］🥟細細隻,係3樣之中最推介皮算薄有汁,都幾脆身會令人想食多幾隻☺️。［生煎包］好鍾意食生煎包所以要求都會高一點呢個包底部煎得比較硬唔係脆餡料方面冇咩肉汁咁😐。［酸辣湯粉］由於我地係外賣..拎到返去食湯都仲好熱,麵都唔會變淋唔錯呀😉味道微辣適中