麥記美食

營業中

休息中

成日經過北角堡壘街都未幫親過嘅小食店，因為睇到傳媒嘅報導，於是就去試下食個最多人讚嘅鍋貼，估唔到咁細隻，$10/3隻，皮就真係好薄，餡都可以，味道唔會太鹹，不過煎到個底部黑而脆，係就係好香，不過感覺食黑黑脆脆好似燶咗嘅好似無咁健康，所以都唔敢食哂成個底部。總結：話哂都攞過米芝蓮，不過個人就覺得唔係特別好食，只係感覺好一般，不過個男職員都好好人，亦見到好多佢嘅熟客嚟幫親，而我覺得經過都可以一試，因為價錢都真係平嘅。

途經北角堡壘街必然要掃街，買完煎釀三寶便過隔鄰買上海美點。看見舖面貼著的餐牌，發覺除了上海點心如鍋貼、生煎飽、葱油餅、小籠飽、蒸餃、雲吞、水餃和紅油抄手外，還有風味小食如魚蛋燒賣等等。如果要要飽肚一些，更可點麵食如担担麵和雲吞麵等。愛吃辣的可選酸辣湯系列，各適其適。但這店坐位有限，很多食客只是站在門外吃，環境不算太理想。本想買鍋貼和生煎飽，但可惜生煎飽已售完，新一鍋又未出爐，所以今天只可試試生煎鍋貼吧！這裡的煎鍋貼似乎比較細隻，可以一口一隻，但摺紋亦不少而且均勻。鍋貼皮好煙韌又不痴牙，餡料豐富，味道適中，不會太鹹又不會淡。聽到其他食客説這店的食物以前便宜很多，自從拿了米芝蓮後便漲價了。唉！似乎又是車胎累事了！個人認為我今天買的生煎鍋貼雖然帶著米芝蓮的光環，但其實也不外如是！

屋企人帶K去食米豬蓮街頭小食😎，呢間位於北角(同炮台山中間)既上海小店，有又平又好味既上海點心同麵食😍，假日黎到客人都係絡繹不絕嫁😝鍋貼 $10 × 4隻店員係咁整係咁煎，上枱都仲好熱辣辣，外皮脆脆地，豬肉餡料都juicy!生煎包 $10 × 4隻個價錢係咪激抵先？！😍，重點係味道都好唔錯，雖然覺得個包底可以再煎燶啲😂擔擔麵 $16估唔到佢一碗都幾大碗😊，花生醬既味道又香又出，用擔擔麵索啲湯一齊食真係無得輸～

因為此店背上國際飲食權威「咪滋年」光環及曾經被星級食評家與資深網上食評KOL加持，點都要慕名而去，看看有什麼把炮？！十蚊三隻真係平絶港九新界，但星級推介的原因絕不是因為「平」，而是「質素」吧！可借，現實歸現實，事實歸事實，十蚊貨色真沒有什麼「質素」可言。它被多次讚多肉汁鮮美？看圖吧！一丁點肉汁也沒有。肉是溝粉溝到霉身那種質感，何來鮮？！皮厚餡少，但十蚊我沒法強求。不過如此貨色也值得米記推介？食評家加持？！真的，我不怪此店，價錢反映質素，我只怪這些冇味蕾的食家與米記的權威與公信力。By the way， 鍋貼不評也罷， 同出一轍， 有人話皮煎得夠脆，好笑，脆到界口的叫「硬」呀！好簡單，去祥X記試下生煎包，就知誰是龍定蟲!

呢間小食店有米芝蓮加持，我見佢價錢又平，就去左試下佢d生煎包同鍋貼都係10/3，好扺食，但唯一唔係咁好既就係佢冇熱住佢地，所以食個陣係唔算好新鮮，仲叫左個蔥油餅，係啱啱整好，好熱，但食落三樣野好似都普通，但咁平都可以試下😋

幫襯了麥記超過十年, 現在決心跟它say goodbye。以往麥記講心, 現在被冠以美豬蓮就講金。以往買窩貼十蚊四隻, 老闆娘見涼了的, 就多給你ㄧ隻。現在加價到十蚊三隻, 要不要由得你, 因為大把人排隊。講真不是貪你多ㄧ隻, 少ㄧ隻, 但食物質素每況愈下, 靠睇咗美豬蓮介绍的區外客同大劣遊客谷客, ㄧ場來到同你買五十、ㄧ百蚊嘢。在商言商, 好過serve我哋呢D二十呅有找的街坊和放學的學生哥。但终竟麵粉魚蛋還是麵粉魚蛋, 由五元加到六元再加到七元ㄧ串, 對不起, 我不是羊古, 北角真的美食多的是, 現在跟你説 Au revoir, 望你好好享受你的美豬蓮的輝煌日子, 街坊還是懐念已往樸實的麥記。

麥記除咗代表麥當勞之外，係北角就有一家店用「麥記美食」呢個名做到米芝蓮推介。成條街都唔多人，唯獨是「麥記」門口就大排長龍。等「麥記」嘅人可能比成條街行緊嘅人仲要多。今日唔好彩，排到嘅時候剛好賣哂生煎包，唯有轉食小籠包。小籠包整得好唔好食，好多時睇賣相就已經略知一二。首先要皮薄，隱約睇到入面，而且表面摺痕會較深。呢兩點「麥記」都做得唔錯。不過食落去發現入面唔夠湯，令到成個小籠包好乾，要點醋去彌補返。只可以話僅僅合格，希望下次會食到佢嘅生煎包。

除咗平同hae，無嘢可以形容，仲枉我大住個肚都去試下，可以話比我聽點樣米芝連呢？要排隊等位就係米芝連小籠包啱啱賣晒，我見到隔離有人食(見到後無諗過再嚟試😔)，其他嘢全部都有食，生煎包丶窩貼皮厚，硬，無汁，唔熱，蔥油餅，完全食唔出係，唔係有蔥同麵粉溝埋就係囉最後麻醬面，個醬係Ok,本人好鐘意食花生醬，如果可以多d蔥花，d麵熱d會更好

覓食北角尋找昔日米芝蓮街頭小吃店。為了生煎包而來的慾望, 可惜中午未有提供, 最後選了需等候數十分鐘的小龍包及鍋貼。原本想堂食打卡, 但昔日有檯有椅的環境不再, 空間被車位佔據, 只好找到最近的公園進食, 炎炎夏日沒有一個冷氣位置進食的確難頂, 但亦無阻CP超高的評分。真心小龍包外皮軟熟口感不錯, 但肉汁不多, 如果要讚的反而是有驚喜的担担麵非常好食, 醬汁掛麵滿意👍 如果公司或屋企在附近我一定會是這裡的常客。

叫左一份煎餃, 一份生煎包,一倨酸辣湯, 魚蛋同魷魚煎餃可以一口一隻, 微脆, 唔算油, 入面是豬肉餡, 唔算太肥膩, 幾好。生煎包都係細細個GE, 入面D 餡比較多肥肉, 個底煎得幾脆, 但太多油。酸辣湯越飲越辣, 主要係豆乾同木耳絲,肉絲同蛋較少。好大碗辣魚蛋係唔使加汁都辣!!! 即係本身已經係煮辣左, 惹味,5似出面要加汁先辣魷魚無味, 亦無乜鮮味, 要加汁先得。價錢真係無敵, 仲要一定食得飽, 可惜無人執台, 不過咁平, 都無咩所謂LA

每次有少少肚餓又唔可以食得太飽時，最好就係食下小食。而依間店舖經常都要排長龍的。值得推介既係鍋貼。我次次都會食鍋貼，仲要食極都唔夠。十蚊有四隻。價錢又抵又好食。我今次就叫左八隻尼食，真係好好食。煎得好好⋯平時多數買外賣既，但今日就唔趕時間，所以堂食。不過咁岩落微微雨，就要等職員開大遮。因為地方唔大，所以要搭枱。我見到旁邊有人叫小籠包，賣相一流。見到都好想食，但係要等十分鐘，因為太肚餓又落雨，所以就咁食完鍋貼就算數喇⋯⋯

一直大家都吹捧到麥記點好食法長期都有條長長既人龍唸住應該都真係好好食啦點知真係伏黎㗎首先叫咗個小籠包一籠有四個正常食小籠包入面應該係有汁既一食落係完全飲唔到d汁冇汁既小籠包係真心小籠包咩-_-之後叫咗個酸辣湯拉麵食頭個幾擔係幾好既但食食下覺得酸辣味唔夠另外就係賣相似油麵多d生煎包惟一優勝既就係佢真係好大個但係個底煎到硬到好難咬開佢最後鍋貼已經係四樣入面叫做最好食既但係個皮都係厚咗d正常鍋貼呀餃子個d都係要皮薄先好食㗎嘛唔知係大家吹捧得太勁呀佢個日失咗水準呀定係質素平日都係咁啦回頭度:0/10

一早起身搭船⛴過去為左食呢間係北角好出名既米之蓮小食店 係路邊開出幾張既摺抬 位置唔算多 但好多人已經進食緊👍🏻應該大部分都係街坊幫襯兩個人order左三樣食物生煎鍋貼 $10/4隻👍🏻好抵食 餡料好足 個底煎到好香脆小籠包 $22👍🏻成個籠拎出黎😆 咬落去勁juicy 擔擔面 $16👍🏻好重花生醬味 味道好濃 個人好鐘意 但麵質有少少過軟身😢😢衛生一般 但個人接受到，始終都係做街坊生意同價錢划算👍🏻

是次去叫咗鍋貼食，因為生煎包同葱油餅當時已售罄。10蚊有4隻。鍋貼係即叫即做。隻隻賣相好一致，新月型，沒有多餘的花考摺法。底係煎到金黃微蕉，咬開時好鬆脆，我格離係會聽到啲咬脆片聲。冇煎既外皮好鬆軟，唔會有好重澱粉質既感覺，但有厚度，係食得出的手制口感。肉餡肥瘦比例好好，唔乾有點肉汁，有薑的香味。唔點醋都冇肥膩既感覺，食完又冇覺得口乾。整體而言不油膩，皮/肉比例6:4，肉餡相對比較少(對於食肉獸人士嚟講)，不過我覺得呢個係佢地既黃金比例，太多肉可能會‘流’。下次要點埋醋食。

其實開頭係唔知道麥記美食係米芝蓮, 只係俾佢既價錢吸引到, 因為真係好平叫左一個擔擔面($16) , 加一份鍋貼 ($10 有4件), 26蚊就食到一個午餐, 真係好開心, 老闆一定係良心老闆店鋪面積好小, 枱櫈都在店鋪外的路上, 其實都幾有風味但當日沒有堂食, 而係外賣返公司, 返到公司時仲係熱辣辣馬上試一口擔擔面, 面的軟硬度岩岩好, 面汁係較傑身, 所以我覺得似係汁, 唔係湯, 仲幾重花生醬味, 可能係用外賣碗既關係, 個碗細, 食到底既時候就覺得d面占得太多汁, 有d heavy, 整體黎講係好食的!鍋貼反而就不過不失啦, 皮好似硬左少少, 但熱辣辣咁食都係唔錯既兩樣野加埋都係26蚊, 已經好滿意呀