麵之神車仔麵

營業中

休息中

經外賣平台嗌咗呢間車仔麵嘅外賣我嗌嘅係素鮑片，鳳爪，牛肋條同油麵揀咗日本鰹魚雞湯底加咖喱汁一打開個外賣嚇死我成碗麵好似蚯蚓咁鮮紅色於是我打電話返去舖頭度問點解我啲右面會係紅色店員好似好趕住收線同我講係正常㗎你叫咗紅腸呀嘛 於是我回覆佢我張單冇叫過紅腸 佢就同我講正常㗎 你放心食啦係其他食材染咗色上去 如果我真係有叫紅腸呢個餸我接受我嘅油麵係變咗呢隻色但係我冇叫呢個餸 而我成碗麵嘅八成都係鮮紅色 真係冇晒胃口 咁我諗住個麵唔食 杯嘢飲應該冇問題掛 我叫凍奶茶唔係叫一杯凍鮮奶 請問啲茶又去咗邊度呢？喺外賣平台見佢都算高分 諗住都正正常常 車仔麵應該唔會有太大問題 點知一打開個外賣真係令我徹底失望唔會再有第二次

豬紅豬腸好食既，但墨汁丸好腥，幾日之後想再試其他餸，返緊工打去問定last order幾點，個男人話10:30pm , 我收工 搭緊車時 10：27打去叫外賣 ，個男人話 :收緊檔,您自己黎叫野食。我話 搭緊車返黎 就到，過左10：30先到，個男人就話 咁吾做啦！ d態度差到咁，又話10：30 last order，電話外賣時間如果會早截單 其實 打電話查詢時可以講明，同埋open rice 寫明收00：00，但係 10:30就截單，之前11點去到 想食 就話收左。超差

/麵之神🚗🍜車仔麵嘅天花板🙏🏻🙇🏻‍♀️.係附近睇完戲 落咗去雞地揾野食 咁啱見到好出名嘅麵之神就睇下佢咩料！🤣點知‼️食完番唔到轉頭了🥲覺得人生食過嘅車仔麵都比不上呢間🥺首先湯底真係夠味 料又多又高質 料嘅調味係唔會因為浸左落湯而無左個味 呢樣好難做到架😭其他食過嘅車仔麵根本係一個汁將所有料放哂落去淥🫠雖然車仔麵嚟講比較貴💵但係好值得👍🏻👍🏻.🍜 咖喱辣魷魚💰HKD15 和風燒牛肉 💰HKD13麻辣牛栢葉 💰HKD13沙嗲汁 油麵 💰HKD12魷魚係好淋個隻 但個人會鍾意酒樓個啲爽身嘅！牛肉好似日本🇯🇵烏冬麵上面個啲 唔係就咁淥肥牛！欣賞🉐🉐🉐牛栢葉超重麻辣味 浸左落去都仲有 調味調得好好👍🏻沙嗲湯底 係勁重串燒個啲沙嗲汁味 但會咁杰身 未試過咁濃味但又唔會油膩嘅沙嗲汁😭🍜 柱候牛肋條 💰HKD15濃汁牛丸 💰HKD13滷水豬腸 💰HKD13牛腩汁 米粉 💰HKD12牛肋條有兩大條 超淋 係完全唔會癡牙嘅程度👍🏻👍🏻牛丸都濃味 但係一定唔係好高級嗰啲和牛丸咁好食🤣豬腸佢俾咗勁多 好滑 完全無臭味 每舊都俾滷水汁上哂色 好入味🥺🥺牛腩汁都好夠味 真係覺得煲左好耐 好用心去製作💕💕仲有多多特

星期日例牌一早起身做家務，差唔多午餐時間，家人就提議食車仔麵，講得車仔麵就通常會叫麵之神。元朗車仔麵都算多選擇，而麵之神的特別之處，一來係食材較為日式，有日本鰹魚雞湯底選擇，二來係食材都煮得好入味，三來係食材份量及選擇豐富。家人叫咗港式九大簋雜錦麵，配日本葛絲及沙嗲汁，除咗食材豐富外，豬紅及蘿蔔都十分入味，好食！我叫咗招牌大雜麵，配米粉及沙嗲汁，咖哩魚蛋入味，牛肋條大件又夠淋，豬皮，魷魚，油揚都唔錯。

我一向我都好鍾意食車仔麵，喺元朗就開咗間日式車仔麵，梗係要來試吓啦。首先麵底我嗌咗日本葛絲，湯底係佢本身嘅鰹魚昆布湯底，我嗌咗小辣，店家標榜辣汁係自己獨有嘅，食落有啲似辣蘿蔔蓉，同湯底好match。葛絲口感煙韌，扁身透明嘅麵條令我上癮，另外我仲嗌咗幾個餸，分別係豆腐椰菜餅，炸咗嘅餅皮好脆，入面好軟綿綿，我仲嗌咗滷水豬腸，非常入味。仲有關東煮蘿蔔，炆到好淋👍小店喺枱面放咗啲辣味菜脯，我好鍾意食，加落麵底入邊非常好味。

剛開嘅時候都食過幾次，覺得味道唔錯，冇味精食完都唔會太口渴。但近排再食覺得水準有下降。樓面個阿姐態度由剛開到而家都係咁差，完全冇改善，真係每次都有新野去疾客人！🍜日本葛絲配三餸 $54★★★☆☆呢到最特別應該喺麵底有得簡日本葛絲(+$2)，完全唔覺出面嘅車仔麵店有呢個選擇！日本葛絲其實係葛粉同馬鈴薯澱粉混合而成，喺日本好常用喺日式火鍋。葛絲呈透明闊條狀，個口感幾獨特，煙靭得黎又有少少爽口，同埋都幾滑溜柔軟，少少食緊硬身啫喱感覺，但完全唔似薯粉、蒟蒻。個人幾鍾意呢個口感，雖然唔會超級索湯同入味，但配埋佢個鰹魚雞湯底都幾夾，湯底好濃郁冬菇味道，但今次食個湯底偏咸餸麵都OK，但就咁清飲就太咸！🍜三餸(柱候牛肋條、即炸魚片頭、關東煮蘿蔔)柱候牛肋條有驚喜，有兩大條，炆得好入味同埋軟腍完全不韌，啖啖肉。即炸魚片頭有3舊，可能外賣關係冇咁脆口，但食落有魚味同幾彈牙，唔差！關東煮蘿蔔今次真係唔掂，表示好失望，因為之前幾次食都覺得好正，好清甜有日本7-11個隻感覺，但今次個蘿蔔完全唔清甜，仲有1-2舊帶酸添。🌟總括：水準比之前食真係下降左，但整體黎講唔差，中规中矩。食落偏日式風味，湯底帶甜味，喺普通車

近呢2至3個月，差唔多每個星期都會幫襯一次外賣送餐服務。第一次幫襯留意到價錢同一般車仔麵係有啲分別，不過見到客觀食評方面都算幾好，所以就決定試下。食物質素方面我同家人都認為幾好，通常我地都係透過外賣平台訂餐，送到時都仲有微熱。雖然麵的份量可能較少 (對於我係，但家人就認為OK), 但餸的份量就足夠，我個人特別鍾意牛腩，魚旦，紅腸等。我地通常會叫招牌大雜麵及九大簋雜錦麵，本身樣樣餸都有啲，介紹呢兩款俾大家試下。

🔍就咁睇鋪面覺得平平無奇，但一直聞說佢嘅湯底出色，食材新鮮亦夠特別，所以就行入去一試了。1️⃣5️⃣0️⃣5️⃣ 自選車仔麵餸🍜揀左油麵底： 爆脆魚皮、 柱侯牛肋條、和風燒牛肉、濃汁牛丸、即炸魚片頭、魚皮餃、韭菜餃、墨汁墨魚丸、鹵水雞翼尖、甜酸齋、午餐肉、紅腸、關東煮蘿蔔。🍜湯汁： 微辣咖哩汁🍜配料： 蔥、芫茜🍜小食：雞皮餃子3件 $22、海蜇小松菜 $26😋湯底惹味開胃，撈埋佢自家製辣粉幾香，少少已夠辣，油麵保持坊間水準。個人很喜歡佢兩款小食，雞皮餃子開頭以為係雞翼，俾佢塊皮呃左，超香口；咬入餃子肉好juice，正！另一款開胃海蜇小松菜其實係海蜇，酸酸甜甜，咬到啲肉碎，好特別呢！😋餸最有特色係濃汁牛丸，好香牛味又夠汁，墨魚丸夠彈牙，和風燒牛肉咁腍，關東蘿蔔夠甜夠入味。

𓍰滷水豬腸〃鮑汁花膠〃關東煮蘿蔔〃葛絲 𓍼滷水豬腸: 豬腸帶有少少肥，滷水味道帶甜，腸衣有咬口，好味！𓍼鮑汁花膠: 比較失色，無論望落同食落都唔覺有用鮑汁煮過花膠，而花膠口感亦都比較爽身，唔太推介呢一道餸𓍼關東煮蘿蔔: 非常之甜，無渣，大舊得黎份量仲好多！算係食過嘅車仔麵餸入面數一數二好食嘅蘿蔔！𓍼見呢度有比較少見嘅葛絲做麵底所以就試左，口感無乜特別，亦都唔太索湯，下次會選擇其他麵底𓍼湯底: 鰹魚雞湯, 感覺上比較日式，幾特別！𓍰咖哩辣魷魚〃和風燒牛肉 〃即炸魚片頭〃油麵(加沙嗲汁)𓍼咖哩辣魷魚: 幾彈牙，但食到有兩件酸左少少𓍼燒牛肉: 正常發揮𓍼魚片頭: 熱辣辣即炸另上，好好味！下次都會再叫呢個餸𓍼湯底係鰹魚雞湯加上沙嗲汁，沙嗲汁比預期較淡

日式嘅餸同麵底用中式嘅形式上，而湯底就係中日合壁，幾得意又幾好食😋今次叫左日式豚肉、關東煮蘿蔔、清酒煮蜆，湯底係原身湯底加腩汁，原身湯就似關東煮嘅湯底。麵底叫左葛絲，似粗身嘅韓式粉絲，幾入味。日式豚肉有兩大塊仲要唔薄，似日式叉燒，蘿蔔夠入味，有4-5舊，清酒煮蜆夠新鮮唔係普通嘅冇味蜆，都有8隻左右總括黎講都推介！餸夠多，葛絲份量for女仔就夠，大食男仔可能就唔夠。上次叫左野菜豆腐魚餅，皮脆內軟，都幾好食

✅麵之神車仔麵元朗國真係有好多正野食今次就去左呢間bookmark左一段時間既車仔麵店見到佢既特別之處係混合左中日元素🤣港式車仔麵加日本拉麵既豬骨湯同鰹魚湯😀餸菜方面都好有特色 除左一般既魚蛋豬皮魷魚外仲有鮑魚添😆😆麵類亦都有唔少選擇👍🏻👍🏻🔆日本磯煮鮑魚 辣肉球 蘿蔔 葛粉 $52唔知大家有冇食過葛粉呢~佢好似薯粉咁 煙韌但佢又食落冇薯粉咁飽肚湯底好清 係鰹魚雞湯 唔會係啲味精好重既湯底鮑魚才都幾大隻 而且都好軟腍👍🏻見到推介話鐘意食辣必食辣肉醬球 佢係有三隻辣椒🌶️㗎🤣肉醬球撈埋啲麵就好似食緊炸醬咁個辣度真係唔講得少🔥🔥加埋本身要左辣汁(兩隻辣椒🌶️) 所以成碗麵都好夠辣🥰🔥鐘意食辣既朋友仔記住要叫啊！🌸關東煮蘿蔔真係好甜 好有日本食既味道🥰味道: 3.8/5賣相: 3.4/5🔆柱候牛肋條 辣肉球 和風燒牛肉 米粉 $52另一碗要左米粉 個湯底都一樣 係鰹魚雞湯😆 柱候牛肋條份量都幾多 而且好軟腍就好似食緊軟腍腍既牛腩咁👍🏻反而和風燒牛肉就真係有驚喜佢個牛肉片好軟腍 而且唔似普通肥牛 好韌味道: 3.6/5賣相: 3.4/5地址: 元朗鳳攸南街3號好順利大廈地下20號

已經外賣過好幾次～～湯底幾好味，有驚喜！麵底我每次必點葛絲，滑身又爽彈，但份量唔多，男仔未必夠食～最鐘意嘅餸係清酒煮蜆 & 磯煮鮑魚，好入味！但留意番隻溏心蛋，要煮耐少少🤏（一打出嚟碎曬😆）

食過再番黎成日想食粉麵，呢間很適合我！餸同麵嘅選擇都好多，份量都唔細，食完都夠哂飽！菜式有日本風味小食都係好吸引！有自己特色繼續再食XD湯底就算無特別揀，佢嘅日本鰹魚雞湯低都已經好入味，今次揀左日本葛絲，好滑好好味噃😍同其他麵一樣都好入味！湯都忍唔住飲左幾啖XD 但我又覺得唔會鹹，食完唔會好口渴good good !每次都會點野菜豆腐魚餅、海草碎、關東煮蘿蔔XD，海草碎好好咬，蘿蔔好甜好入味，很不錯！

好耐無食依d 逐個揀餸既車仔面～平日十二點就黎到，係第一台客有低消$30, 同埋要揀三餸一面或者四餸一人一碗三餸，我見到有鳳爪揀已經好少見揀左鳳爪，雞翼同埋生菜米線，湯底唔揀佢d 汁就會係鰹魚湯底，我再要小辣鳳爪 同雞翼係鹵到好淋離骨個種但亦都好入味，個人食車仔面比較偏好依種生菜就正常，但份量都幾多下米線係淋身易斷，但未到一pat 野都ok 既湯底係幾特別，有別於一般車仔面，加埋辣就岩岩好另一碗就係咖哩魷魚，豬紅同即炸魚片頭幼面幼面份量相對細d, 咖哩魷魚好淋，但咖哩味就可能比湯沖淡左少少， 豬紅都滑，最好食係個即炸魚片頭，咬落都有魚鮮味，但係得三小舊架喳野飲都係額外加錢，三餸一面連野飲係大約$40~50 一個人～～d 餸同湯底都可以再encore

以日本鰹魚和雞湯作湯底，再配上不同地道港式及日式餸菜選擇，有別一般車仔麵的配搭，非常有特色。四餸車仔麵 ($63)• 選擇了日本葛絲作麵底及咖喱辣魷魚、野菜豆腐魚餅、日本蟹棒、時菜。• 鰹魚湯底一貫清甜，帶有淡淡的鰹魚味，加上微微的秘製辣醬，加添幾分惹味。• 葛絲口感獨特，既滑溜柔軟又煙韌，本身沒甚麼味道，不過卻吸收了湯底的美味。• 咖喱魷魚爽口惹味，咖喱均勻入味，而且份量較一般外面吃的較多，值得一讚。• 豆腐魚餅是即點即炸，放在湯裏浸一浸可稍為降溫，不然會燙到口。內裡的魚腐飽滿彈牙，與煙韌香口的外層截然不同。