麵屋福

營業中

休息中

喺荃灣廣場行完街，又到食晚飯時間，就諗起呢間沾麵。之前已經食過幾次，試過不同的湯底，今次，還是覺得這個原始湯底最吸引 - 魚介豚骨沾麵這款沾麵賣點就是濃濃的湯底（另用碗上）。湯內已經包括了流心蛋、筍、紫菜、叉燒。其實一個面底足足夠一個成年人份量。沾面嘅食法就係可以同時飲到濃郁的魚湯，較一般湯面，更能飲到湯的原汁原味。枱上放有一樽樽炸蒜及芝士粉，我落咗好多喺面上，好快就俾我吃咗半樽，炸蒜真是香脆可口，令到整個面底加多咗一層口感，值得推薦呢款配料。整碗面吃完之後。職員就可以幫你加魚湯，令到沾麵汁不被浪費。雖然好好味，不過最後感覺個口太鹹，所以就勸喻各位不要喝太多沾面湯底。

好難得星期五夜晚7.幾唔駛排隊呢間book marked咗好耐嘅沾麵魚介豚骨沾麵 $78🐟湯面會見到有魚介粉 芝麻同蔥首先將佢哋攪勻 然後飲一啖湯好濃魚介味 而且唔會好膩 食到最後都唔會好確喉黑蒜油豚骨沾麵 $88🧄黑蒜油味道比較重 少少黑蒜油嘅苦味 食落去好香黑蒜味而且豚骨嘅味道會係口裏慢慢散開個湯比魚介豚骨湯濃好多兩碗拉麵麵質係偏硬🍜當啲拉麵浸落個湯度 食落口啲麵條好彈牙而且好掛湯而叉燒兩大塊係豬叉燒唔會好肥膩 雞蛋溏心🥚

行過荃灣突然想食拉麵就搵到呢間都頗為出名嘅沾麵試下😋 🔸魚介豚骨沾麵好濃郁嘅魚介豚骨湯底😍 入邊配料包括有筍、蔥、紫菜、日本糖心蛋、同埋兩片叉燒因為好肚餓，所以點多咗半份麵 嚟到嘅時候多到嚇親我🤣 原來原本面嘅份量都唔少🙉不過好彩最後都食得晒，因為有個湯底點住啲麵食真係好好食👅👅面嘅質地係偏硬，但係我就鍾意呢個口感😊 好有咬口 而且浸左湯會淋多少少湯底方面真係鮮味十足，配合豚骨嘅醇厚 真係幾出色🔸辛味噌沾麵（小辛）至於辛味噌沾麵非常適合鍾意辣味嘅朋友。味噌醬嘅香氣非常濃郁，加上微辣嘅口感，令人一口接一口咁食😂😂 但係留意番呢個湯底係配溫泉蛋而唔係糖心蛋 但係溫泉蛋同樣出色 配合醬油同埋柚子香味 非常開胃

麵屋福已經係道好多年, 疫情期間仲曾經例必排長龍。 挨過咗疫情, 依然健在, 只不過見到少咗排長龍, 其實佢地質素無變差過, 要排都多數係中午人人都趕既繁忙時間。78蚊既魚介豚骨沾麵, 其實係Menu上最基本、最簡單既選擇, 亦都係最平, 午市仲送汽水。多人叫既仲有黑蒜油同蕃茄湯, 但我覺得Basic既魚介豚骨已經好好。起初我並不熱愛魚介豚骨, 所以連附近仍然成日排長龍既台風都少食, 但係麵屋福既魚介豚骨湯底令我改觀, 開始接受呢種「重口味」。濃厚湯汁味道複雜, 仲加埋少量柚子, 食晒麵有湯剩真係太浪費! 老細1D都唔孤寒, 次次都有魚介粉一大羹, 仲有時會有free upgrade做三塊紫菜。餸方面, 兩大塊叉燒, 起碼有2mm厚。好多拉麵店都只係跟半邊蛋, 麵屋福係每碗都有全隻蛋, 仲好入味, 保證流心。 鐘意食蔥既, 基本上啖啖有, 夠食唔洗加。 麵既份量唔止多, 仲夠晒彈牙, 但要食得夠快, 否則會黏埋一餅。 啱架啦, 食快D, 食完咪阻住個地球轉, 出面可能排緊隊呀! 78蚊在香港拉麵標準而言, 真係算平! 佢仲平得來, 又好食又夠飽! 來咁多之, 暫時未見過有人嫌唔夠食,

今日兩個人經過，門口聞到好大浸筍味，所以試吓服務： 正常，不過不失。唔算大鋪，唔多位，無話趕你走，不過一食完就好快同你收野，咁你明啦🤭環境： 乾淨，係坐位小小逼，枱底有掛鈎，都接受到味道： 叫左一個黑蒜油、一個魚介，加左兩隻蛋，一份蔥。兩個都好濃味，麵都算彈牙（☝🏿冇硬同淋選擇）。味道整體都中上好好味😋。想讚佢個加蔥，份量算多，多蔥人士會中意🫶🏻價錢： $200 蚊，只收現金💰總括來講： ok， 可以再食，但又唔係話好想即刻再食，但荃灣黎講，算味道ok 好既沾麵👌🏽

魚介豚骨湯沾麵真心推介！！！叫一碗沾麵，有成3塊紫菜😍而且外賣嘅包裝都非細心👍🏻👍🏻會用保鮮紙另外包住，防止紫菜變淋👍🏻呢樣真心值得一讚！溏心蛋係一隻，唔係半隻！麵屋福簡直係良心沾麵小店🥹麵底又多，唔係講笑，叉燒又大塊！最緊要係個汁都好好味！外賣自取有折，有時仲可以加購綠茶汽水😋😋或者白桃梳打！一邊食沾麵濃濃地，一邊飲下唔太甜嘅汽水！真係極致享受😌😌個麵真係肚餓都夠食、平時沾麵份量唔多肚餓嗰時真係未必夠飽，但每次我肚餓但唔想食飯，想食麵嘅時候就一定諗起麵屋福！唯一美中不足係堂食嘅位置比較狹窄，但係咁嘅價錢食到呢個質素沾麵已經算非常不錯！！！😋😋😋絕對係一定會回頭嘅餐廳☺️

係4月13日中午一點左右取外賣俾外賣我嘅某位女侍應態度十分惡劣 ！！西口西面 好似我欠咗佢咁本身沾麵味道已經唔出色，依家仲要態度差到爆！以後唔會再幫襯 貼錢買罪受！！

餐廳係荃灣廣場附近嘅橫街，荃灣西鐵站行過去比較近。餐廳大門裝修同佈置都好似日本拉麵店。平日晚上要等位湯底有4款，魚介豚骨、黑蒜油豚骨、蕃茄紅油同辛味噌。。魚介豚骨沾麵 $78湯有木魚香同埋有柚子皮，鹹味比較突出，但唔夠濃。餸擺左係湯入面，有叉燒、糖心蛋、筍同蔥粒。正常水準。。辛味噌沾麵 $90揀左小辛。個湯油味比較突出，冇咗味噌同湯底嘅香味。呢款麵配半熟溫泉蛋，有柚子同豉油，唔知道轉左溫泉蛋，本身想食糖心蛋。

呢日送完仔仔🐶去寵物美容洗白白之後，就當然係去醫肚食個lunch啦🤪響車房與獸醫診所立林既享成街，在角落頭唔起眼位置發現咗一間沾麵小店🤩喜歡食拉麵既我當然要入去試吓啦！呢度只供應三款沾麵我就揀咗魚介豚骨沾麵呢個湯有陣陣木魚香氣🥰而且有柚子皮響面，湯底味道唔會過濃，啱晒我呢啲唔好重口味人士🤣而用料都好足👍🏻配有兩塊叉燒，溏心蛋，紫菜，荀，蔥，芝麻值得一讚既，重有一隻原個既流心溏心蛋，勁正😋雖然湯底已經有唔少既蔥響面，但屬於蔥怪既我又點會咁容易滿足😌我另外追加多$10 一份既蔥，份量超多，真係令我大滿足吖😋服務亦唔錯👍🏻店員同老闆都好主動有禮不過店舖都真係幾細下，入面坐位有啲迫，食完就唔多會想逗留太耐🤣

好耐之前已經見到有一個YouTuber 推介呢間沾麵店✨前排終於去咗食lunch,價錢真係好抵食又附送汽水又唔洗加一😳🔺黑蒜油豚骨沾麵 $88黑蒜味真係好濃烈比較上重口味🧄但個人比較鍾意呢一款~湯入面有兩塊叉燒,一隻溏心蛋,甘筍同叉燒🍜而叉燒都好淋,另外溏心蛋真係好流心仲要有醬油味的🥚麵係粗身較有咬口😚🔺魚介豚骨沾麵 $78呢款冇咁重口味😝湯上面有大量魚介粉係湯上面,魚味就有少少腥但可接受🤭同樣有兩塊叉燒,溏心蛋,甘筍🙌🏻麵同樣都係粗身,較有咬口~🔺整體兩款麵都好好食,質素都很不錯!!但食完後就會有啲口渴💦🔺完熟桃梳打 +$20🔺可樂(午餐包埋）🤤好味度 : 8/10🔙回頭率 : 8/10

2023.9.20今次試既哩一間店係朋友介紹既沾麵店，因為我好少食沾麵，所以約埋一齊去試。我點左一份黑蒜油豚骨沾麵+可樂🙂🍲🍲🍲沾麵湯既黑蒜油味太重🤔湯底完全飲唔出豚骨湯既鹹香味😟而且麵湯比較稀身，麵要浸一陣先掛到少少湯😗🍜🍜🍜麵係方形太麵，食落煙韌彈牙，軟硬適中🍥🍥🍥配菜有叉燒，味玉，竹筍放入沾麵湯入面麵有一塊紫菜，另外朋友加左一份叉燒share叉燒係薄既梅頭瘦叉，但食落唔柴，冇豬腥味😃味玉鹹香適中，蛋黃流心幾大，可以撈埋落麵食竹筍比較幼，食落爽口，雖然有少少怪味😯🫗🫗食完麵之後雖然都有加湯，但飲落都係一大陣油味，豚骨湯既鹹香完全冇……之前試過兩間沾麵我係連湯都飲唒，哩碗我真飲唔落😟店內環境加埋廚房大約500至600尺左右，雖然店內有厠所，不過好窄，真係再肥少少都入唔到😂😂坐位大約4到6張四人木制枱櫈，有隔板隔開，如果兩位就要拍住坐隔離，冇得對住坐😯枱面有食拉麵用既調味料🧂有檸檬水提供🍋🍋雖然逼少少，但地方好乾淨整潔😃😃✨✨播放住全部都識既日文歌😂😂店員好主動有禮，氣氛我覺得幾好😃😃價錢方面，一份沾麵約$78到$90，人圴消費約$80到$100左右，另外午餐時段惠顧，送氣水一罐，其他

-{荃灣沾麵店🍜}🤤黑蒜油🤤 ($88)湯夠重口味又唔太油🥳麵質素淋身啲 隻蛋好正😆重醬油味不過係個湯入面😂個豚肉份量可以多啲 都係半肥瘦 不過有啲乾柴👖褲評: 8/10男友嘅蕃茄湯都唔錯😛6點15分左右都差不多滿座！個餐廳係日式風味 不過好重荀味😗性價比: 7.5/10服務: 7/10環境: 8/10🚩 麵屋福 🚩地址: 荃灣享成街18號地舖

之前成日聽人講荃灣有間好好食既沾麵店🍜咁啱我朋友好鐘意食沾麵，我就陪佢去試下😼🙈- 魚介豚骨沾麵🐟 $78食沾麵第一時間一定係試左個湯先🥣湯底帶有陣陣木魚鹹香鮮味，加上柚子皮👅淡淡柚子香令整個湯底清新得來有層次🤌剛好平衡整個沾麵油膩感🤭重點湯底比我想像中淡味❤️ （絕對係啱我口味！）配料有兩片薄叉燒🐷，溏心蛋🥚，竹荀，大量蔥，白芝麻，魚介粉薄叉燒肥瘦比例剛好，同時食到油脂香同瘦肉軟腍位置😳重點在於流心蛋！爆開的蛋汁真係冇得輸！平時去沾麵店都只有半隻流心蛋，但呢到係有一隻🤩🤩麵質粗身彈牙，口感煙韌帶有淡淡麵粉香，掛湯能力一流🥳🥳✨食完所有麵之後仲可以叫店員加湯，將所有湯底精華吸收曬😻我諗如果係冬天食呢碗沾麵真係會好幸福😋😋- 黑蒜油豚骨沾麵🧅 $88一見到碗湯我就有少少嚇親左，心諗咁深色既🤔🫣濃郁豬骨湯底充滿黑蒜油味，質感偏厚身味道略鹹🤣呢款湯底更加適合重口味人士🙈配料亦大致一樣，有兩片薄叉燒🐷，溏心蛋🥚，竹荀，大量蔥，白芝麻，洋蔥蒜頭所有配料同麵質都KEEP住水準😍😍呢間沾麵店CP值好高，呢個價錢呢個素質真係冇得輸👏唯一麻煩位在於店舖空間有限，座位有啲逼🤣🤣如果大家想同朋友靜靜地一邊食野

喺荃灣收工搵嘢食😆 朋友想食沾麵， 又見網上評分唔錯，所以就去咗試～  店舖嘅位置比較隱蔽， 要花啲時間先搵到 店入邊唔算好多座位，我哋去到嘅時候前面有對情侶都等緊 我哋等咗大概10分鐘就入得😜  🍜 魚介豚骨沾麵 ($78) 平時食開嘅沾麵湯底都比較死咸，佢哋嘅湯底濃得嚟反而一啲都唔鹹🤩， 而且個湯底好足料，有大量蔥花、筍同芝麻， 口感豐富🤤！ 最特別嘅地方係叉燒同埋溏心蛋會放喺湯入邊，可以保持溫度，但係叉燒依然keep到口感好淋， 同埋溏心蛋都仲keep到係流心😍！ 而麵條粗身， 勁彈牙😋！！  🍜 黑蒜油豚骨沾麵 ($88） 黑蒜油豚骨湯底都一樣，唔會死鹹😚，黑蒜味勁出，但又唔會好苦😋！湯底都係好足料，有大量蔥花、筍同芝麻～  食完之後，仲可以叫職員幫你加湯， 飲完都係一啲都唔咸，仲好夠味🤭！  總括而言，佢哋嘅沾麵好出色， 每食一啖，口感都好豐富， 絕對值得過嚟食😚～

黑蒜油豚骨沾麵 $88黑蒜油湯底超香，濃味，但唔會死鹹，配料有叉燒、紫菜、溏心蛋、筍、蔥花等，叉燒係用肩胛肉，唔油膩，味道正常；溏心蛋熟度剛剛好，唔會太熟；沾麵粗身，彈牙有口感👍🏻魚介豚骨沾麵 $78魚介湯底有好多魚粉，香氣十足，味道唔會太鹹，而且濃度唔會太稀或太稠；沾麵仲配咗少少柚子醬，令湯底帶點清新，唔覺膩，好食😋 食到最後仲可以加熱湯，飲哂全碗湯都冇問題😜〰️〰️〰️〰️〰餐廳食物質素好，$78就有交易，仲要唔收加一，性價比高👍🏻 店員服務都好好，會主動問客人需唔需要加熱湯飲，唔會見客人食完碗麵就即刻收碗，加分🤭不過餐廳環境就普通，店舖唔大，而且通風唔係咁好，一入店就已經聞到筍味，如果聞唔慣啲筍味，都幾難頂😅今次係假期12:30左右到餐廳，等一張枱，大概15分鐘就可以入座，唔洗等好耐😁〰️〰️〰️〰️〰️食物: 4.5/5性價比: 5/5 環境: 3/5服務: 4.5/5Revisit: Yes