麵屋福

營業中

休息中

不時都想去「麵屋福」品嚐他們的沾麵，昨天排隊的人不多終於吃到了。排隊中大家都在菜單上選擇麵食，有魚介豚骨沾麵、黑蒜油豚骨沾麵和蕃茄紅油沾麵。不約而同我哋都選咗「黑蒜油豚骨沾麵」食品送上時有一陣很香的蒜油香味，湯頭上還有大量的青蔥和芝麻，先將碗中的調味料包括魚粉，蔥等拌勻，我先嚐一口湯感到香濃。把一小撮麵條夾起放入濃湯中然後進食，麵條比較粗身但非常爽身，質感非常好有嚼口而且掛湯，好出色的麵條。 湯頭中還有叉燒數片，比較薄身，肉質是軟滑味道也不錯。枱上是有檸檬醋和炸蒜等，可以適量加一以提高味道。吃完麵條又可以請店員添加一些木魚湯與湯頭共飲，我也品嚐過但唔敢飲得太多。

🚩麵屋福依間沾麵店真係我第四次黎食，耐唔耐就要黎食，真係一鋪癮黎～第一次黎食係因為格離秘太多人，唔想等就黎左依間食，真係好彩我有試到，食左返唔到轉頭😆〰️〰️〰️〰️〰️〰️〰️〰️〰️〰️〰️〰️〰️〰️〰️🌈魚介豚骨沾麵 $78黎到一定要食返碗原味先，沾麵湯底濃郁得黎又唔會油膩，一啖接一啖都冇問題～麵質好筋道，又掛湯～湯有大量嘅蔥花，平時唔食蔥嘅我竟然覺有蔥先會加分！沾麵本身已經有一隻溏心蛋，叉燒同少少荀～溏心蛋煮得岩岩好，不過就略嫌叉燒份量唔多，食唔過癮😆🌈黑蒜油豚骨沾麵 $88鍾意食黑蒜嘅記得要揀依款，黑色嘅湯底都feel到濃郁🤤食到最尾有啲漏可以加下枱上麵嘅檸檬醋同炸蒜轉下口味🧡🌈味荀 $10鐘意食荀嘅記得加多份，又爽又嫩又夠味！而且加一份份量超級多，兩個人share都可以#Kyla荃灣 #Kyla日本菜〰️〰️〰️〰️〰️〰️〰️〰️〰️〰️〰️〰️🥢地址：荃灣享成街18號地舖🌟推薦指數：9/10

呢間沾麵小店係好多人推介荃灣必食🤩舖頭座位比較少，開舖無一陣出面已經需要等位啦🍜沾面嘅湯底款式只有3款，除左沾麵嘅份量好多，湯底入面仲有半熟蛋以及大大塊嘅叉燒，呢個價錢黎講難怪大家都話CP值高，食到好飽呢👍🏻🔸魚介豚骨沾麵（HK$73）沾麵粗身得黎，口感係偏硬個種，食落比較有咬口呢😎湯底幾濃郁，仲有芝麻增添香味，少許嘅柚子味帶點清新感🍜豚肉係薄身設計，不過勝在大大塊~🔸番茄紅油沾麵（HK$88）呢款嘅湯入口有好濃郁嘅番茄味，見到湯底有番茄溶，好真材實料呀🍅不過溏心蛋就有啲太熟，蛋黃無流心感🥚🫢🔸完熟桃梳打（HK$22）因為唔想飲汽水，所以就叫左呢款梳打試試，唔會太甜，白桃味都幾突出，即刻好似去左日本咁呀🍑

終於黎到久仰大名沾麵店，同朋友於中午去到，幸運地唔需要排好耐，人齊就可以入座是日點了魚介豚骨沾麵，湯底味道充滿鰹魚香，又帶有少少柚子香，與沾麵一起吃，鹹度相宜，湯底內有隻溏心蛋，完美流心，讓人滿足；叉燒質感很軟嫩；沾麵的麵質軟硬適中，彈牙，很掛湯。整體套餐份量足夠一人吃至飽飽。餐廳內還有兩款沾麵，友人吃了蕃茄紅油沾麵，感到有驚喜，下次有機會都會想一試這款沾麵對餐廳總括而言，店員有禮，餐廳位置雖小，但亦有貼心的地方，會讓客人可於枱下掛一些物件。另外，餐廳每位座位都有其他調味料、客人可按自己喜好而再添加；亦提供了牙籤、搓手液及紙巾，很貼心🥰

由呢間店開業至今都幫襯咗3年幾，由我對沾麵嘅愛好係普普通通，變咗呢間店嘅沾麵控，但係到而家先寫食評，覺得幾慚愧。由於當時喺附近番工，每個星期都至少會食兩次，甚至乎3次，每次都係食魚介豚骨，每次都要加多隻蛋，久而久之，入到去唔駛劃張餐牌，老世只係問一句「係咪一樣？」回想番第一次食嘅時候，覺得佢哋嘅麵係我最鍾意嘅口感，同其他我食過嘅沾面係好唔同，煙韌得嚟唔係硬，粗幼程度啱啱好，好有滿足感🤗，幾年來都無變過，品質控制得好好，連個魚介豚骨湯都係一貫水準，豚肉夠滑，相反，深水埗嗰兩間沾麵鋪，次次食都會唔同，有時似食油麵，有時有梘水味；元朗、西環要排哂隊嗰兩間，食過都係覺得都一般，厚福街嗰間啲麵都係唔得。食暈港、九、新界，都係覺得佢呢間最啱我，希望佢哋可以一路做落去，他日我番嚟香港行吓，都可以食到佢哋嘅麵，我諗呢間店嘅味道，喺英國要搵番相同，或者接近，機會都幾飄渺茫，祝福佢哋長做長有，客似雲來🙏🏻

男朋友話上網見到呢間拉麵嘅評價不錯 所以就黎試下佢啦 餐廳係一條暗巷入面 位置唔算方便 所以你可以話佢係隱世餐廳都得嘅 去到一見到條長龍就驚 好彩係隔離間串燒🤣上網都有人話間餐廳臭 我估係啲魚介/荀味？唔算臭 但要預咗係有陣獨特嘅氣味 位置好逼 我咁瘦都要側身入去坐我叫左期間限定嘅辣味噌拉麵（小辛）我呢碗配嘅係溫泉蛋 個汁甜甜地幾refreshing沾麵汁味噌味唔算岀 淨係食到辣味 偏稀 加埋拉麵較粗同硬 就算勉強掛到汁都唔太入味 叉燒冇乜特別 搞笑係塊紫菜好似查左膠水咁癡住係個碗到拎唔到岀黎所以如果要排隊食會嬲 去一般拉麵都係呢個質素

最近啡熊同腦霧朋友真係見面過密😂 又要返工又要考試對於我地兩個黎講真係🤯 所以真係好需要係溫書後食下好嘢放鬆下🥹 今次去嘅呢間沾麵店附近超多好正嘅餐廳（仲要係黃店🤫）下次一定要試勻曬🤪 anyway沾麵店門口裝修超和風 小店空間唔大 但坐落都唔會太逼🫣 店員都好熱心 係咁問洗唔洗加湯👍🏻 蕃茄辣油沾麵 $88蕃茄味好濃郁🍅 酸酸甜甜加上辣辣地嘅味道就唔洗怕膩👍🏻 而且其實幾足料 有粒粒蕃茄蓉增加口感 兩大塊好入味嘅叉燒 同埋流心蛋全部都整得幾出色😆 麵方面就比較粗身 偏硬 淨食都好食的😂 但係就唔好expect個湯好杰身 個麵亦都唔係好掛湯 如果係好重口味嘅朋友可能會嫌淡 但啡熊就覺得啱啱好🤫信州蘋果梳打 $22日本直送的喔😗 啡熊本身就是蘋果汁fans 蘋果味幾香 加埋有氣水 酸酸咪咪 幾refreshing👍🏻 不過如果可以少甜就更好了🫣完熟桃梳打 $22偷飲腦霧朋友一啖 超香濃桃味 但都係偏甜😅 都係肥仔水feel🤰🏻-🌟-努力完搵到間好食又唔伏嘅餐廳真係好幸福🥰 雖然menu上可以揀嘅嘢唔多 但都整得幾好😝 下次嚟要再試下其他味嘅沾麵😤

早幾日去左荃灣整車, 黑蚊蚊的街角中發現到呢間麵屋褔. 望落鋪頭細細但係地方好乾淨同埋係開放式廚房, 睇左menu原來係專食沾麵嘅即刻試下先! 魚介豚骨沾麵 ($73)賣相好ok喎, 沾麵個湯底比較深濃, 師傅好豪氣咁放上大量魚介粉, 青蔥,令我即刻口水都流晒! 試左一啖湯底應該有加到啲柚子/柚子醋, 可以去除油膩感仲可以令到味道更有層次. 魚介味唔算太濃, 豚骨濃度適中, 質感岩岩好掛到麵沾湯入面一隻半熟蛋(味玉)同埋二片肩胛肉叉燒, 味玉味道香濃, 蛋黃流心程度岩岩好. 不過叉燒就薄左, 但係好軟好淋, 整體呢個沾麵合哂格有餘, 性價比超高!

蕃茄紅油沾麵$88黑蒜油豚骨沾麵$83好味指數：😋😋😋😋抵食指數：💲💲💲💲環境舒適：😌😌環境衛生：🧹🧹🧹服務質素：💁🏼‍♀️💁🏼‍♀️💁🏼‍♀️推介原因： 在社交平台拉麵🍜group 見到有人介紹這拉麵店，有我喜歡的沾麵。所以去完馬灣郊遊後，就直接坐巴士到荃灣。拉麵店在荃灣西附近，面積不大，只有約二十個座位。當天約2點多到達，仍有人在門外排隊。排隊時覺得拉麵店，加上旁邊店放的2輛單車🚴‍♀️，就猶如日本街邊的店一樣。極想去旅行🧳的我，就可以幻想一下自己身在日本🇯🇵。拉麵店只供應3款沾麵，選了其中2款試。蕃茄紅油沾麵有點辣和酸，內有蕃茄溶，極濃蕃茄味，有點似沒加配料的羅宋湯。黑蒜油豚骨湯味亦濃，加了芝麻，味更香。2碗湯內都有溏心蛋和叉燒。不過我的溏心蛋有點過熟，蛋黃有點乾，是一個扣分位。拉麵麵質掛湯。吃完沾麵，可要求店員幫忙加魚介湯。由於蕃茄味湯底比較濃，加湯後亦比較難喝到魚介味。黑蒜油的那碗，反而較突出。

為食貓終於去左長期都有好多人排隊既麵屋福啦咁多人排隊真係有佢既原因既首先，佢既店面好有日本麵屋feel，已經令人好想入去試下~入到去已經聞到陣陣湯底味，好想快d食呀蕃茄紅油沾麵聞落去好大陣蕃茄味，但食落去蕃茄味就唔係好重，酸味較重，辣味都有d，酸酸辣辣咁好開胃，另外佢個湯底有好多蕃茄蓉，好飽肚黑蒜油豚骨沾麵為食貓係唔可以食咁多蒜既，但同行既朋友就非常鍾意食，佢重覺得呢個湯底既蒜味爆燈，好好好重味，鍾意食蒜既人應該要一試沾麵個沾麵都幾多，而麵質偏硬，但由於為食貓鍾意硬d既麵，所以覺得好有口感如果平日行開荃灣，又唔多人排隊，為食貓絕對會再返去食ga

拉麵同沾麵，重口味嘅我會鍾意食沾麵多啲。今日專登嚟荃灣食沾麵，出面好多沾麵店都係原味黑蒜味同蝦湯，呢間沾麵店比較特別有個蕃茄紅油沾麵，呢個蕃茄湯非常之濃，裏面好多蕃茄蓉，配埋紅油辣辣地好開胃，佢又唔會好辣，非常惹味！麵條夠粗易掛湯，而且好煙韌。不過餐廳好窄，同人搭枱食得有少少唔自在

📍荃灣沾麵小店‼️• 酸勁十足番茄湯底🍅 -- 麵屋福🍜🥰•Follow @pigfoodiexhk for more food!🐷💛#pigfoodiexhk_荃灣#pigfoodiexhk_日本菜========================Bookmark咗呢間沾麵都有一段時間😻前排去開荃灣終於可以去試下🤩店舖位置唔算多，小編唔係peak hour去就唔駛等位👍🏻🙈店舖主打三款湯底：魚介豚骨、黑蒜油豚骨、番茄紅油～------------------------------⭐️番茄紅油沾麵 $88 (4/5）番茄湯酸勁頗強🤩紅油則帶少少辣勁，幾開胃！入面仲有唔少番茄蓉👍🏻叉燒有一塊，脂肪唔多肉味較濃～拉麵係粗身，口感煙韌！但因為沾麵湯較稀所以唔太掛到湯🥺整體嚟講味道ok但唔算驚喜🙈題外話，見到唔少食評提及過舖頭有陣味，小編一入到舖就聞到頗大陣荀同埋豬肉嘅味....唔知有冇去過嘅朋友仔都有同感？🥴------------------------------賣相：3.5/5味道：4/5性價比：3.5/5回頭度：3/5------------------------------店舖資料名

平日去荃灣覓食見同事介紹就一於試吓咁果次我哋四個人佢就試咗佢嗰三個沾面湯底我個次叫蕃茄辣油同事叫魚介同黑蒜個蕃茄係非常濃旭不過個辣油就只係油唔spicy個面好好食！其實女仔食都難難地食得曬好大個面但因為質素真係好好，所以都會食曬食流心蛋非常好食！叉燒好滑有2大片佢仲有炸蒜同辣醬你加食晏又送汽水沾面黎講佢性價比都算唔錯不過呢！師傅麻煩要呼吸新鮮空氣就行過少少食著住d制服企係鋪頭門口比客人睇到觀感唔好食都唔好咁揚比客見到嘛

麵屋福魚介豚骨沾麵價錢💲: $73好味程度😋: 4.2/5服務🍴: 3.5/5環境🗾: 3.3/5性價比🥢: 4.2/5回頭率😚: 3.7/5-荃灣主打食沾麵的呢間小店都有啲人氣，平日無論晏奏夜晚經過都會有人食緊。店內位置大概只有12-15個，比較狹窄。佢地只提供3款沾麵，非常專一😂-✅魚介豚骨沾麵。最classic的一款，麵質偏粗帶硬，係我中意的口感🥰食落仲有啲小麥香🤤 沾麵汁的醬油豚骨湯底好濃郁，稀杰度適中，飲落仲好香木魚味，如果想加重魚介的味道，仲可以撈勻面頭個啲鰹魚粉，會即刻更濃味😗 入面的芝麻都增加左湯底的香，而柚子就可以中和下油膩感因為都真係有啲油…-入面有3片薄的豚肉，冇咩特別，都係腍同有油脂既🧐 仲有一隻流心蛋都唔錯，啱啱好流得來蛋黃都溏心🤩-整體ok，算唔錯，份量都偏大。但未去到哇一聲的程度😌

聽講呢間沾店好似出名。但見D 食評話好臭有D卻步….最後都入左去試，其實又唔覺有臭味喎….地方唔算大但都唔算太迫，樓面話枱有勺可掛袋,但喺枱底中間，掛大袋ig 應會頂住對面既人，所以個設計有D怪。最後都全程抱住個袋食…. 原本想食黑麻油沾麵，但見有隻蕃茄紅油湯又想試因鐘意蕃茄湯，所以同老公叫左一人一樣試。點知個蕃茄湯伏左….個湯同蕃茄有陣薑醋味，好奇怪，都幾難食吓…..我己鐘意食蕃茄都唔得，除非你鐘意食薑醋，唔係奉勸你唔好試呢個。 早知叫兩個黑麻油無咁嬲…..黑麻油嗰個正常既，但食完晒淨返個湯時，加左熱湯再飲就淡味左唔太好味,之後出面食過左熱湯再飲都OK…. 嬲嬲地之後去荃廣補買左兩件CAKE黎補償我個DINNER嘥左個QUOTA….