麵屋福

營業中

休息中

星期五既夜晚又黎荃灣既麵屋福食沾麵🥰呢度既魚介沾麵，味道濃郁、層次豐富，除左醬油豚骨湯底香，係鰹魚粉香、蔥香、豬油香、炒過既芝麻香⋯⋯叉燒薄身軟淋又大片有三塊多，自家炒既味筍好入味，重有晶瑩既流心蛋，而且師傅係沾汁上面加左些少柚子，令到湯底帶油香得黎唔會有過份油膩既感覺。麵條掛湯，麵質粗身、彈牙帶有麥香。朋友點的蕃茄沾麵湯底，我試左啖，帶點酸味幾開胃，喜歡蕃茄麵既人應該會鍾意食👍🏻另外我地加點左靜岡蜜瓜梳打一齊飲😆呢次係我第N次食，食完第一次之後，總係心心念念想再黎，佢係我心中最愛沾麵第一位，一定會一再捧場👍🏻👍🏻

星期六lunch嚟到荃灣食沾麵😋😋😋平時比較少食沾麵 但見到哩度有蕃茄味道選擇就決定一試☺️小店座位唔多 但星期六嘅時間都只需稍等一陣就可以入座蕃茄紅油沾麵蕃茄沾麵湯非常濃郁 有蕃茄嘅鮮甜味 略帶微酸 好開胃👍🏼👍🏼👍🏼 即使配有兩大塊叉燒亦唔覺油膩😆 麵條份量十分足夠 亦夠曬掛湯🍜食完好滿足 值得一試 食完麵仲可以請店員加木魚湯入沾麵汁 但個人認為木魚味道太濃 蓋過湯底原有嘅味道我地亦另外叫左蘋果梳打 食完沾麵飲感覺清新 不過飲品味道就較為一般

沾麵之選。麵屋福荃灣實在太多野食，相信深水埗既隱家大家都食過。今次介紹番價位唔高既沾麵，我食既係魚介湯，相對黑蒜油，我覺得重口味既朋友會鍾意，但如果唔係可能少少鹹。同朋友一齊食佢地就覺得麵略嫌硬，所以提醒大家可以預先叫要腍啲，咁就可以食得更舒暢了。豚肉兩片唔算厚既，可能食肉獸既朋友就唔夠可以再加，不過我既同行朋友，就食完一隻蛋再加蛋，佢話但溏心做得好好，呢個我都覺得係所以都推介番比大家，仲有店舖係會你食曬之後加湯比你飲埋，一味兩食呀。魚介豚肉沾麵 $73黑蒜油豚骨沾麵$83

.📍麵屋福📍 #饅頭去荃灣 #饅頭食日本菜------------------------------魚介豚骨沾麵 ($73) 湯底有好濃嘅木魚味🐟，唔會太稀或太稠，剛好令麵條掛上湯汁，另外加咗柚子皮🍊令個湯底多咗份清香同冇咁油膩，食嘅時候feel到個口腔充滿住味增同豚骨嘅香氣，就咁飲會有啲鹹，配麵條就啱啱好，加上蔥花同芝麻，倍添香氣。麵口感煙韌有麵粉香😋，有好幾條粘埋一嚿有啲難夾，而且溫度就有啲熱，少咗沾麵熱湯冷麵嘅特色，應該係想fit翻香港人口味。叉燒肩胛部位，唔會過肥，瘦肉部位軟腍唔嚡口，但個人認為片得有啲薄；荀就爽口入味，保留到荀滲味🌽；半熟蛋軟滑流心，不過就食唔出用咗咩去調味。最後食完可以叫店員加湯，感受湯底滿滿嘅精華😍，溫暖又飽肚，而且拉麵嚟講真係唔算好貴，CP值高，值得一試。------------------------------整體評分：8.1/10小編回頭率：7/10

今日係荃灣食沾麵真係別有一番體驗，估唔到食到一半成間舖停左電，店員仲講左句「又黎？」，我諗都唔係第一次，仲要食完果刻都整唔番，又黑又熱，食到一半就拿拿林趕住走，出到去發現成條街嘅餐廳都停晒電，雖然食物不錯，但係呢個體驗會令我唔想係呢條街到搵食😂🔺魚介豚骨沾麵 $78魚湯味唔算好濃，夠晒大碗，麵質都算掛湯，煙韌幼滑，叉燒肥瘦適中，湯底配埋蔥花芝麻，更加有口感同刺激味蕾🔺黑蒜油豚骨沾麵 $83呢個湯底油左啲，蒜味好濃，偏咸，食完不停飲水🔺蕃茄紅油沾麵 $88湯底比魚介淡，紅油唔會係好辣果種，都食到少少蕃茄渣，所以都幾足料🔺靜岡蜜瓜梳打 $22、富士山柚子梳打 $22、信州蘋果梳打 $22三款梳打我諗大家都飲過，一如以往地好飲，唔太甜，lunch時間係包一罐可樂/雪碧嘅，如果飲以上嘅日本汽水就可以平$5

麵屋福之前有上過社交平台做訪問話師傅因為店舖放棄左好多同小朋友相處既時間位置就係荃灣享成街巷仔入面呢條街幾乎全部都係黃店之前都食過間No Boundary入面到而家都仲有連儂牆周小龍有間新舖亦都係度開唯獨係只有呢間麵屋福無表態門口放左幾張凳我地平日六點九左右黎到前面都排左十零個麵屋福只賣沾麵一共有三款其實正常都係食魚介但見到蕃茄賣咁貴又諗會唔會好特別呢結果諗左好耐最後都係決定試下大約等左三個字左右入得店舖入面全部都係四人檯用膠板分隔開上下兩組所以都係比較迫檯底有勾不過因為檯唔夠高掛物可能會掂到地而餐廳環境其實都係麻麻唔算好乾淨大約五六分鐘左右上麵黑蒜油沾麵蕃茄紅油沾麵叉燒本身浸左係湯入面都幾薄份量唔多亦都有跟一隻蛋唔算好靚而麵係暖既好似唔係自家制個湯就比起其他拉麵店熱好多飲第一啖直頭辣親條利不過我對呢個蕃茄湯就好失望我自己覺得得個酸字呢個湯亦都唔杰麵條吸唔到湯食完個麵都仲有大半碗湯淨另外女朋友都話個黑蒜麻麻可能真係揀番最平既魚介比較好雖然味道麻麻但都見到老闆娘會主動同客人加湯價位算係比較平不過環境麻麻食物亦都算一般更係無立場支持就應該唔會再黎既

呢間隱世嘅沾麵小店近嚟好受歡迎，於是放假即刻去試下先，店舖細細，大約有20個位，而且你仲可以望到廚師煮沾麵嘅情況，好有喺日本食拉麵嘅感覺🤣🤣❣️魚介豚骨沾麵 $73呢度主打食沾麵，有三隻口味，今次就試左魚介豚骨，一送上嚟感覺普通，但食落非常有驚喜，沾麵湯底好濃郁，而且非常掛湯，湯頭加入左柚子，有一種清新嘅感覺🙆🏻‍♀️，呢度有別於其他沾麵店，可以選擇麵質，但預設嘅程度好啱我口味，煙韌彈牙，而且呢度係熱面上，而叉燒放喺湯中，令口感變得有少少鞋，有大量嘅蔥、筍、芝麻同魚介粉，豐富味蕾👅，最後嘅溏心蛋雖然放喺湯中，但仍然可以做到流心嘅感覺，蛋味濃👍🏻👅好味度：8.5（10分滿分）呢間沾麵小店真心有驚喜，雖然位置唔起眼，但食好嘢就喺要捐窿捐罅，食到最後店員問我要唔要加木魚湯落沾麵湯底，可以飲埋個湯，服務一流，但係排隊就真係要啲時間啦，下次想試吓另外兩隻味道👀，睇吓會唔會更加出色🧐

好有日本Feel🇯🇵嘅沾麵店✨荃灣多野食就係人都知啦🤤但係沾麵真係少知有少☺️系享成街有間巧有Feel嘅沾麵店🍜舖頭唔算大，所以每日晏晝都好快坐滿人。好好彩同同事想食嘅日子竟然有位😍仲唔洗排隊🥳沾麵主要有3款選擇，有魚介豚骨沾麵、黑蒜油豚骨沾麵及蕃茄紅油沾麵。配料有荀、叉燒、溏心蛋同紫菜蕃茄愛好者一定要試試蕃茄紅油沾麵👍🏻👍🏻👍🏻因為好少地方會以蕃茄做沾麵湯底，而湯底味道又唔太咸，濃濃嘅湯再配上麵條👍🏻簡直一試難忘蕃茄紅油沾麵（$88）🍅🍜

成日經過呢條橫街, 見到呢度有幾間餐廳成日都好多人排隊, 我就最怕要排隊嘅, 所以一直想食但未的起心肝食到。今日相約舊同事LUNCH, 經過見到有位, 即刻衝入去食! 一入到去發現原來食店唔多位, 大約十幾個左右, 我哋就坐喺門口前面嘅位。如果有客人出入唔記得關門, D 熱風係直接吹入嚟。一坐低就睇下食咩啦, 有3 款拌麵揀, 我係蒜頭FANS 當然要揀黑蒜油豚骨沾麵啦! 店員同我哋講, 原來LUNCH 係包汽水嘅, 咁我哋揀埋汽水等咗一陣就有得食啦! 等候期間, 睇下枱面有張紙係話你知沾麵係點食嘅, 食完麵可以個汁可以加湯再飲。沾麵送到上黎, 叉燒俾黑蒜油蓋住, 個汁好重黑蒜味, 加埋芝麻, 真係好香好正! D 麵又好彈牙, 加埋個汁簡直一流! 食完D 麵已經好飽, 但都有叫店員加湯, 試下D 精華! 我覺得加咗湯係另一個層次, 不過因為都幾油下, 我試咗一兩口就冇再飲了。食完呢次, 終於明白點解成日咁多人排隊。見食店有做外賣, 下次會外賣俾老公試下! 

呢間沾麵，我食過好幾次 ，每次都非常之好。老闆同員工態度好 、食物質素又高. 出餐都算係快。有幾次打去外賣自取都唔洗等好耐。10-15分鐘就有得拿。lunch 仲送汽水！ 自從海港城的「麵屋一燈」執左粒之後，就轉左去食麵屋福的沾麵。大家真係要幫趁多點。希望呢間沾麵千其唔好執！ 香港已經沒幾間沾麵係做到咁好質素的食物。總結： 食物質素係100分，員工態度也是100分！ 我會再番來食。謝謝老闆把咁好的沾麵帶到香港。老闆加油！

🖐🏻數數手指，食沾麵既次數原來一隻手都嫌多🤣，因為成日聽講食沾麵會好咸，多數揀湯麵。地點咁近比次機會試吓呢間專食沾麵既小店，佢哋只賣三款: 魚介豚骨沾麵，黑蒜油豚骨沾麵& 蕃茄紅油沾麵。
揀左🔽💙🐟魚介豚骨沾麵💙配料有叉燒+紫菜+溏心蛋（隻🥚收埋咗係底），叉燒好軟潤，蛋黃都係半流質。麵條係常溫嘅粗身麵，呈油亮，睇得出撈左d油，份量足夠，稍硬身都幾煙韌有嚼頭。沾湯濃淡稠度適中，唔算好杰所以掛麵能力還好。撈埋啲魚介粉幾鮮甜🤗，唔會過咸！如果湯面少啲油更好！🧐👅：8/10  💰$73👁‍🗨如果順路係荃灣想食沾麵可以試吓，味道唔錯同埋唔算貴！如果要好遠特登過嚟就未至於😆📍荃灣享成街18號地鋪

麵屋福係我其中一間好喜愛嘅小店。一向都鍾意日本拉麵但係就唔太鍾意沾麵，因為食開幾間都覺得個湯頭頗鹹。但係呢一間小店令我改觀愛上左呢種食法。貴精不貴多，餐廳只係提供三類沾麵：招牌魚介、蕃茄及黑蒜油豚骨。.蕃茄紅油沾麵 💲88⭐️4.8/5 蕃茄湯底嘅沾麵有特色好少係其他地方搵到，亦係我食過最好食嘅沾麵🤤。真係好鍾意濃蕃茄湯頭，沾汁非常足料食到好多蕃茄蓉，仲要應該加咗黑醋，好香酸甜度適中。紅油睇落去油膩但係食落去其實係剛剛好因為麵條本身淡口。每個沾麵包括有半熟蛋、豚肉、蔥、紫菜、筍等等。食完所有麵之後仲可以主動叫佢加木魚湯。不過拉麵有200g已經好大份，我每次都唔需要再加湯已經好飽。.魚介豚骨沾麵 💲73⭐️3.8/5魚介沾麵係正宗款式，好多地方可以食到。唔係話唔好食，但係冇驚艷嘅感覺。試過一次之後都係乖乖返去我的最愛蕃茄湯。.不專業食評 nei.foodie

麵：無得揀麵質，有咬口，但究竟係熱嘅？！湯底：魚介豬骨湯，有加入少量柚子，減少油膩口感，味道濃淡適宜。失敗之處係唔夠熱，一上枱連煙都無，可以直接放入口，唔怪得要用熱麵，因為用凍麵兩下就成碗凍晒。配料：荀同蛋合格，蛋入味有流心。叉燒：有2塊，不過不失，唔柴。價錢：＄7x，無加一，合理。服務：細舖位，一個侍應生run全場但都應付到。會fill冰水，fill湯。但慘在食食下停電（唔關舖頭事），趕走晒啲客，但舖頭有應變（應該並非第一次發生），即刻攞手提燈同風扇仔出嚟，值得加分。

蕃茄紅油沾麵 $88前排好想食沾麵，見呢間都好似幾多人介紹過，放工就去咗食。呢度只賣三款湯底，分別係魚介豚骨、黑蒜油同蕃茄紅油沾麵，因為啱啱三個人，我哋就一人嗌一款試勻晒～黑蒜油係好濃蒜泥味，但太鹹，其實食沾麵都預咗會好濃味，但呢款湯底真係鹹到食一半都唔掂，建議店家可以調較一下個鹹度。最好食嘅我覺得係蕃茄湯底，有啲鮮蕃茄，無咁膩。叫就叫紅油無咩辣味嘅，我都加咗唔少枱面隻好似韓國辣醬嘅辣醬同檸檬醋。半熟蛋流心度啱啱好但無咩味，荃灣其他拉麵店整得入味啲。成餐我想讚嘅係啲筍，有啲昆布醬油香而爽脆，值得加錢要多啲，好味！😋整體就係正正常常，無咩驚喜，唔係難食，不過就唔係特別想回頭嘅味道。wingwing.foodfood有時都會諗返起上次去東京，專登去 #麵屋一燈 朝聖，都真係我最印象深刻嘅沾麵。就好似食過真正外脆內嫩，幾乎入口即化嘅即燒鰻魚飯之後，我平時出街極少再食鰻魚飯了。🥺

而間專食沾面店, 係我同男朋友第二次食, 已經成為左我地既愛店, 店鋪位置唔多, 大約十幾張台, 選擇都唔多, 只有3款, 但已經足夠, 因為質素真係好好, 好用心。魚介豚骨沾面 ($73)每次必叫, 魚香味濃, 面好掛湯, 睇得出用料十足蕃茄紅油沾面 ($88)蕃茄味濃, 表面既紅油唔會好辣, 唔會蓋過蕃茄鮮甜味, 湯就相對於魚介湯稀啲, 都唔錯辣辣味荀 ($10)令次必叫, 配面一流, 10蚊利講都唔會話好少。總括而言, 雖然店鋪唔係開係啲大街大巷既地方, 但都冇阻人氣, 晏就同夜晚都會有人龍, 午市仲有汽水送, 都幾抵架。