麵皇 (已結業)

成日聽朋友講話呢間麵皇既牛肉麵幾好食，其實我唔食牛既，啲牛幾好食都唔係好關我事啦！🤣🤣🤣 因為成日聽到佢話牛肉麵好食，我以為佢係專食牛嘅🐂🐂，不過原來佢既手工麵先係重點！誤會大了！🤣🤣🤣今日行過，同媽咪入咗嚟試下，店面設計都好得意，人唔多有枱唔使等！yeah~✌🏻✌🏻 打開餐牌睇睇。。牛，牛，牛，辣，辣，辣。。死啦！我唔食㗎喎，好在佢個湯底可以㨂下，仲有少少非牛類既食物！所以今次我地揀左秘 製豬軟骨清湯粗麵，仲有一個睇落好colorful 既三絲涼麵(幼麵)....呢度好得意，佢有湯底揀之外，仲有麵揀，所以我地一粗一幼麵試下。🤣🤣✌🏻✌🏻先來個豬軟骨粗麵，個湯底好清，係雞湯底，但又帶有啲胡椒味，所以有少少辣，麵身好爽，豬軟骨好林好入昧，不過清左少少。😊至於個三絲涼麵，好好食囉，青瓜，紅蘿蔔絲仲有牙菜絲，全部都好爽口，仲有個幼麵同個涼麵芝麻醬汁好夾，好爽口又彈牙！我鍾意食佢個幼麵多過粗麵囉！👍🏻👍🏻好食！😊😊😊話説呢度啲麵都唔平，而且加上疫情下，我估唔到我入去到食完呢個咁短既時間下，竟然會坐到Full House, 仲要有人等位！😱😱😱好誇張囉！我奇實覺得幾好食，不過如果要排嘅話，我又未

一碗咁嘅麵又吾係多肉多料，成70蚊一碗！加多個菜，又係得果幾條又收成20蚊！真係都算鬼數！外賣一個盒另外再收2蚊，局分湯果道又一個盒！即係簡單d講，一碗勁小料嘅麵加果幾條菜，仲要係生菜最cheep 果d菜如果你係外賣，就係要成一舊水先有交易！大家如果錢多未那管去幫襯！

年三十晚都要返工嬲，收爐前同個friend食個團年lunch啦。今次到我行去長沙灣嗰邊和佢lunch，本身想試嗰間餐廳無開，就求其搵間有開嘅試下啦😊。餐廳喺元州商場嘅街舖，都幾旺場，所以食食下成間坐滿哂人。餐廳幾大間，坐到唔少客，而且環境都算幾四正，仲有大大幅牆畫，裝修算係咁。但有部分櫈比較細張，無椅背，坐得有點辛苦😅。睇下餐牌先，原來呢到無做lunch set的，即係全日都係呢本。我認為價格定位都真係唔平，一碗麵最平都$4x，有啲甚至去到$7x，飲品同小食仲要額外嗌😩。連鎖米線店幾餸都係$4x姐嘛。Anyway餐廳主打手工麵，有幾種闊度可以揀，分別係由幼、中、粗至寬。而湯底亦有得揀，原味清湯、麻辣、胡麻、胡椒、酸辣同酸麻湯底。餸就有唔同價位，花多眼亂🌸。不過望住餐牌嘅我哋有啲一頭霧水，因為自選麵其實係幾錢呢？要問姐姐等佢解我哋聽，原來餐牌入面無嗰樣餸嘅款式，就最平$46喎；但餐牌入面有嘅款式就跟嗰個價錢，而湯同麵都可以再配搭🤔，好鬼混亂，聽完都唔明。題外話，個餐牌油油地，有點趕客。我落單前問姐姐麻辣微辣辣唔辣🌶，佢好認真答我辣㗎。我再問佢咁唔食得辣係咪會頂唔順，佢話條脷👅會好麻囉。我

好少食手工麵既我今晚行經尼間自家麵～首先絕對不是比麵吸引到而是自家制餡餅～決定入去試下同男友兩人一人碗麵～男友叫既係煙鴨胸粗麵胡椒湯而我就係豬軟骨酸辣湯另外再叫左一個純牛肉餡餅同酸豆角豬肉餡餅🥧 麵到超大碗～煙鴨胸有成10塊咁多我果碗豬軟骨麵都有成4-5舊好正～同埋食完個麵已間飽到傻～跟住再尼餡餅⋯⋯餡餅本身已經食唔落但好試就先咬一啖～嘩😱😱餡餅皮有絲絲甜味襯埋我揀既酸豆角豬肉既咸咸酸酸～真心好正👏🏻👏🏻👏🏻👍🏻👍🏻👍🏻男友話佢果個都好食～但係由於太飽我食左一半另一半要打包😂😂豬軟骨酸辣幼麵👍🏻煙鴨胸胡椒粗麵～食完個人好暖～冬天一流👍🏻👍🏻爆餡餡餅👏🏻👏🏻👏🏻

無意中上網搵到呢一間餐廳，佢有我最愛既胡椒湯底，一於今日去試下。環境乾淨，位麵有30個左右，平均一個麵50-60蚊，我叫左腩肉中麵胡椒湯底，腩肉厚得黎唔肥，啲麵煮得岩岩好，個胡椒湯好重味，值得推介！

天氣悶熱，有時都唔係好想食飯，今晚行過麵皇，見佢係自家麵開，之前食過佐敦個間，一試愛上。難得今晚無咩人，又有啲餓，一於入去試下😛手撕雞涼麵 $46 (中麵)>雞肉份量慷慨，口感幾好，軟滑不韌，都有啲雞味>青瓜新鮮爽脆>麵質保持一貫自家麵水準 ，煙韌彈牙>麻醬麻辣醬配搭得宜，互補不足，唯獨偏油同食到尾偏鹹==================推介指數 🌕🌕🌕🌖🌑薄切羊肉手工麵 $55 (寬麵 胡椒湯底)>羊肉量比佐敦店少，略嫌不夠膻>麵質一流，爽口彈牙煙韌，寬麵係我飛佛>胡椒湯底不俗，胡椒味幾香濃，惹味==================推介指數 🌕🌕🌕🌖🌑純牛肉手工餡餅 $28>送到嚟熱辣辣，外皮酥脆，不算油>牛肉餡豐盛，牛肉味濃，不韌有𡁻口==================推介指數 🌕🌕🌕🌖🌑

今日專登過黎長沙灣上堂，得一個鐘頭食個lunch，真係睇到有岩食就走入去。今日咁岩想食湯面就入左去麵皇。睇下個餐牌，原來係主打手工麵，仲有六款湯底。我自己就揀左鮮牛幼麵酸辣湯底，食物上台真係嘩左一聲，真係好大碗。岩晒我呢個大胃王食啊。個湯底同一般既酸辣有d唔同，幾特別既味道。手工麵方面，幼麵同意大利粉既粗度差唔多，麵質好煙韌，好彈牙，完全唔會過軟，而且牛肉仲好嫰滑，整體一句講晒，我去長沙灣一定會再食啊。47蚊價錢都合理。

本身打算去元氣嗰度獨自食開心星期五晚餐，但係天意弄人，要排三十幾張籌，因為好肚餓嘅關係所以去咗隔離呢一間食手工麵。八點左右晚飯時間去唔需要等位，見到有餡餅，手工麵，仲有其他餃子同小菜等等選擇。因為自己一個食嘅關係，所以只可以揀一樣，咁今次就試吓唔容易出事嘅牛肉麵先。上菜時間都唔會太慢，分量充足，就算係牛肉麵都唔會得一兩片牛肉就算。佢酸菜嗰個味道我覺得唔錯，唔會有奇怪嘅酸味，亦都唔會太咸。而我最鍾意嘅係嗰個面嘅質地，話係手工麵就真係似手工麵囉。食過其他鋪話自己係手工麵嘅，但係好明顯食得出係機整，個感覺會好沮喪。好彩呢一間冇背叛我。總括又係一餐好滿足嘅星期五晚飯～（插曲：食到半路見到有個阿叔架車泊喺鋪頭出邊俾人抄牌，然後阿叔一枝箭咁跑出去，仲快過保特）

秘製牛𦟌手工麵，d牛𦟌肉質結實，口感比較柔細、有嚼勁，幾好😝🐮而麵質唔錯，食得出係手工麵，夠彈牙，但係就唔係幾索d湯汁。所以我用匙羹食，啲湯底都幾濃郁，我鍾意喎！同埋佢真係好大碗，我食咗半碗已經好飽🤣🤣我配多支一壹豆漿，依家已經勁飽😫我仲嗌咗個手拍青瓜(好遲先送黎，懷疑漏咗單🙈)，幾脆口爽甜！我覺得一般般，可能我已經太飽啦。同埋其實都唔係好辣，我鍾意食啲再辣d青瓜😝😝價錢唔平，但係如果可以兩個人食，咁就抵番🤣🤣

純牛肉手工餡餅（$28） ［評分：8/10］⁣咁喺呢間主打賣麵嘅麵館入面，竟然係哩個餡餅係最好食嘅。😆 呢個牛肉餡餅一咬落去呢，佢出面嗰層餅皮呢係好鬆化，脆到個餅皮係一層一層咁跌落嚟。🤩 但係crispy得嚟又唔會太油菜，食完都唔會太膩。👍 但係重點係入面個餡喇，係非常之重牛肉味。🐮 而且特別在係塞咗大量唔un牛肉， 而唔係求其搵啲冇調味嘅牛肉呀或者係放幾粒去就算。🤤 所以佢好飽肚，如果細食嘅話，你食完都夠飽㗎啦。😂 如果鍾意食牛，嘅話呢個一定要試！😋 順帶一提，佢仲有其他有配酸菜或洋蔥嘅牛肉餡餅，仲有豬肉餡餅，我就未試到la，可能下次再試。😎

今次兩個人都想食麵...去左嚟長沙灣元州商場地下呢間麵皇，估唔到佢啲麵都幾特別，有四款麵俾你揀😍😍湯底都有好多選擇！😆我選擇左胡麻湯底🤩張相呢款 係我叫嘅肥牛胡麻湯底今次我哋兩個叫咗每人一碗麵，味道幾好食得好飽啊～唯有等下次先可以叫佢個餡餅食啦

這期潮流大熱的手工麵，選擇了元州邨開始旗下的第三間分店。閒日午市，店內人流不多也未有把餐牌醒目地放在店面。店內裝潢不俗，座位寬敞。打開餐牌一看，價錢不便宜。沒辦法，只因「領展」和「手工」這兩組關鍵字。點了牛肉粗麵，麻辣湯底。等了一會，麵來了。先呷一口湯，味道是在其無味的原味湯底下，強加上麻辣。通俗點說，比譚仔麻辣更差，更無味。接著是麵條，手工製的，吃下彈牙，掛湯力不太夠，但味道夠好，是合格的。配料方面，牛肉有夠少，也吃不出牛味。在沒有額外加餸的情況下，只有兩大片生菜與幾條菇。麵份量不多不少，正常男性可能略不夠飽。吃完，付款，盛惠四十六個大洋。心中只覺貴得離譜。元州商場附近多是街坊老人，如此價格卻端不上相應的質量，也與當地居民的生活水平毫不掛鈎。硬生生把其餘兩間分店的那套搬了過來，並沒有因應地區調整。例如可供應一些較相宜的麵款，或直接減價。如果要我付五、六十元吃一碗這樣的麵，我何不「俾多少少」去吃日本拉麵，或回去吃譚仔？最後，我通常不會「一次定生死」。店內的胡椒湯和撈麵也是吸引的，但如價格繼續如此離地，那祝你好運。只少我是不會再來光顧。

本來諗住求其係附近搵啲野食就一餐, 估唔到好有驚喜!個手工餡餅皮又酥又脆又有餅味, 夾埋啲有肉汁嘅豬肉仲有辣辣地嘅豆角, 好味喎! 有啲似西安嘅肉夾饃, 不過店員話係新疆 style。個手撕雞冷麵, 當然麻醬同麻辣醬係重點, 但係雞絲都有口感夠大條, 青瓜又爽脆, 麵條又出奇咁爽口彈牙好食, 讚! 夏天其實幾啱食。唯一係貴啲囉, 加埋野飲要 $80。話老闆係新疆人, 呢啲係新疆野。我唔知呀, 不過幾好食, 又有啲新鮮感, 我覺得會有下次!

近年潮流興「手工」，人手製成「升價十倍」，其實，只花多一倍價錢便可以。有「手工」餅，「手工」餃，有「手工」麵。店名意思指「手工」矜貴，我覺得形容容量亦可。大大碗，令我聯想到日本麵店。「手工」麵多少有學習日本人製麵，煮麵精神的意味，精製出品。因為人手製，當然有懷舊風味，並是「自家」出品。招牌出品是牛手工麵。牛是腍，不咸，不濃香，十分健康，但不會令我食指大動。重點在麵條和湯底。麵條分粗，寛，中，幼，我每次選了中的。麵條十分勁彈，煙韌爽口。湯底有原味，胡椒，麻辣，酸辣四種，我選原味，用豬骨，雞骨，蔬菜煲成，與日本豬骨湯，廣州雲吞麵湯完全不同感受。湯底咸淡適中，濃香馥郁。走食物高質路線，麵條靚，佐料是牛，羊肉，滑雞，肥牛……不太重要。薄切羊肉原味湯（中）麵的羊肉亦是淡淡的，絕不會奪去主角位置。滑雞原味湯（中）麵的雞肉較差，雞肉如不是鮮肉，很易食得出。雜菌原味湯（中）麵亦不錯。食物種類不多，不供應魚蛋，牛丸，墨魚丸等潮州食品，亦不供應雲吞，水餃等廣州食品。較難滿足一般街坊的口腹之欲。香港人一向是食無疆界，「潮庭」亦供應客家菜-梅菜扣肉。嚐試了「手撕雞涼麵」，手工麵涼了突出不了彈性，因雞肉欠

第一次來幫襯, 因為好似無餐牌放係門口, 就見到貼了幾張相片, 大約中午一點半來到, 見到有位就走入去了.環境 : 好光猛, 張台算大張, 坐足4個人都唔算逼, 冷氣亦夠凍.湯麵由48蚊起, 包飲品, 叫了一個豬軟骨寬麵, 胡椒湯底, HKD68, 價格唔算便宜, 但份量超多, 豬軟骨有4件, 件件可以一開2, 最後都食唔晒.終於有一間食店, 出品係比相片還要多手工麵彈牙好食, 但寬麵比較難夾, 下次要叫粗麵/中麵就好.胡椒湯底幾有特色, 飲了湯都唔覺得口渴.凍奶茶一般的水準, 無乜特別 (凍似好似要加 2 / 3 蚊的)望到隔離台, 基本都無人食得晒, 建議餐廳不如減少份量, 順便下調價格會更吸引