麻極手工火鍋料理

營業中

休息中

叫個湯底都要叫兩次先幫我落單 隔離枱仲勁 同職員講左5次咩湯底 先落到單 （因為特價湯底電話無得叫落單） （重點 分別吾同職員問）落左單一個鐘 蠔都吾黎 催左兩次 都廢 其實d職員做緊咩 有無認真工作？？ 吾明點解會有甘多以評吾會有下次放心

今日凍凍地🥶決定放工去打邊爐🐂見到呢間麻極好似幾出名Book咗7點仲有openrice book枱💰88折坐低就有店員介紹今期優惠👯‍♀️有1蚊木瓜雪耳豚骨鍋&方魚沙嗲鍋兩個都冇咩興趣叫咗個椰子🥥雞煲🐓拼麻辣鍋🌶️ $248椰子雞煲🐓係配醉雞件水滾之後自己調雞件落去醉雞好嫩滑 仲好有酒味🍻麻辣鍋就叫咗中麻小辣🥵放野落去烚🌶️都冇咩味手切牛肉 $248 好新鮮🐂牛胸爽 $128 香濃牛油味🐂紫菜響鈴卷 $40 即叫即炸🫔萵筍 $38 切到好薄好入味🥒竹蔗水 $68 清甜好飲🎋其他嘢食冇影相📸因為⏰等得太耐等咗20分鐘先有個煲🍴然後等多10分鐘⏰先有牛肉同其他野食完第一輪，唔係幾飽決定再落單點知等咗40分鐘⏰，都冇野送黎等到飽咗建議大家閒日先好去🥹如果唔係有排等🤭ps. 🤫原來個落單app已經係show88折咗既價錢

見到有一蚊湯底椰子雞鍋或者麻辣鍋選擇同埋見到晚市有85折優惠， 覺得幾抵食 價錢 可以就 去試下一去到唔使等位直接上樓上坐， 我哋揀咗$1椰子雞鍋，因為係兩個人所以係半鍋 有半隻雞 雞肉望落幾新鮮湯底嚟到好香椰子味 不過就唔係椰子水即場倒出嚟嗰種 ，面頭有啲白色嘅嘢浮起相信應該係椰油？ 湯底都有紅棗 杞子 粟米 同埋好多椰子片 湯底幾甜飲左兩碗我哋叫咗 芝士腸 紫菜響鈴 炸魚皮 安格斯牛肉 美國桶蠔 稻庭烏冬 同埋手打三色丸芝士腸 炸魚皮 紫菜響鈴 正常發揮 碟牛肉 淋得梨有咬口有牛味美國桶蠔大大粒有五粒好新鮮手打三色丸 都係新鮮不過其中一款係黑松露味幾特別至於服務方面都係唔錯嘅 有禮的不過可能佢哋當日係假期 佢哋人手唔係太足夠 有一樣食物 要追佢哋先至梨齊 可能佢哋廚房都比較忙 ， 但我都明白的今時今日飲食業都唔能夠請太多人手始終都會有成本折扣後埋單730， 價錢唔係平但係呢個質素都算對得住個價錢

高質火鍋店🍲我們一行14人book了vip大房⭐坐得非常舒服👍👍員工服務有禮貌🤩除咗有一蚊鍋之外仲有晚市78-88折👍而且仲係任坐無限時亦可以唱卡拉ok和打麻雀真是值得推介的一間高質素火鍋店當晚叫了新鮮魚生和象拔蚌🉐超級新鮮🐟🦐🦞🦀🦑🦪大家都食得好滿足🈵我們合共14個人共叫了四個湯底其中一個是$1椰子雞煲🐥雖然係$1但都非常足料👍👍而且個湯入口超級滋潤亦都叫了牛肉拼盤加埋海鮮拼盤質素都係性價比高彩蛋係事頭婆送了幾份小食+涼茶飲品我們各人都食得很飽肚+滿足🏅

聽日就嚟到元朗走一轉，揾到呢間麻極，食完打邊爐真係過癮！先講下鍋底，招牌麻辣，咋喱熱辣辣夠哂kick，既足料又香！木耳腐竹飽滿吸曬醬汁，味道正啵啵！😋 講真，辣到全部人都嗌正！再嚟招牌呀！手切牛肉真係惹味過癮，淥片刻就食得，肉質嫩滑，正到喊！炸響鈴夠晒酥脆，輕輕搭下醬汁，香口得嚟唔油膩，真係冇得頂！手打三色丸又有得講，色彩繽紛，每個味道都獨特，蛋黃墨丸呢個配搭嘅創意，老實講，相當正路！麻辣羊肉餃，羊肉香郁，加埋微微辣感，一試難忘！🌶生菜娃娃菜綠油油，脆爽清甜，吸啲湯解解辣，夠晒爽口。當然，夠晒過癮嘅啤酒，嗌波兩杯最正！最後，送上糸米糍，甜甜地收尾，完美！真係元朗嘅好地方，下次仲要黎！👍🍻

嘩，話你知，呢間元朗嘅火鍋店真係令我驚喜連連👀！我哋點咗個海南椰子雞，啖啖肉都嫩滑得嚟湯底又香得滯，簡直無得輸！特價嘅台山桶蠔，啲蠔新鮮肥美得黎啱啱好，一啖下去嘅鮮甜真係啱晒口👌。再嚟呢個麻極牛魔皇小碟，我告訴你啦，戥朋友share真係正！五款牛肉個個都咁嫩滑，每款都有自己嘅特色，整體黎講味道豐富得嚟又唔會過於膩口。基本上，呢度嘅肉質係一流嘅。至於珊瑚蚌，我都係頭一次試，食落去絲滑嘅口感搭配埋隻輕盈嘅鮮味，真係賞心悅目。店哋裝修帶少少工業風，又有啲屋企feel，坐得好舒服，而且唔似啲平時好擠嘅火鍋店。總括嚟講，呢間餐廳真係滿足到你嘅口腹之慾，令人心情大好！下次有機會，我仲會再同幾個鬼馬精神嘅friend仔黎開心食一轉，咁滿足嘅火鍋體驗，真係要讚下啦！👍🔥😋

天氣凍梗係食火鍋啦！呢間我都係第一次幫襯，估唔到咁高水準，地方夠大又闊落，而家做緊優惠星期一至日套餐7折單點85折，星期一至四全單78折，五六日就全單88折，見有折食豪D😂湯煱海南椰子雞（半隻）$168湯底好大煱仲勁足材料又香又濃椰子🥥雞、粟米、雲耳、雪耳、紅棗。感覺得好滋潤，再配半份新鮮雞，用上花雕酒醃製特別香，雞肉仲好鮮嫩多汁，啖湯好甜好滿足呀！😋特價台山桶蠔5隻 $148蠔最緊要新鮮，每隻都又肥又大又厚肉，大大隻好飽滿，口感鮮甜爆汁有海水味。頂級安格斯牛肉$178鍾意食牛一定要叫，其實店內有幾款不同牛部位可以叫。我鍾意安格斯牛雪花分佈均勻，灼幾秒就已經可以食，有口感牛肉鮮嫩唔靭仲好腍。新鮮豬潤$68灼一灼就可以食好滑、鮮嫩。椒鹽魷魚鬚$88大量炸蒜作為餐前小食一流，魷魚條條手指咁粗，送啤酒伴食無得輸。古早味墨魚丸$108自家制手打墨魚丸一碟有八粒，食到一粒粒墨魚肉，真材實料。大大粒雲吞$78雲吞店家自制，每一粒都有兩隻大蝦。仲有好香鰹魚肉做餡料，雲吞爽口彈牙必試。特大新鮮果茶$68賣相吸引用來打卡一流，有水果肉還有乾果及柚子梳打，酸酸甜甜好解喝呀！☺️

天氣凍冰冰只有８度，最啱打邊爐，呢間元朗上舖，原來都開咗幾年，真係要去潮醒下先海南椰子雞（半鍋）湯底很足料，飲上即係暖笠笠，欣賞佢係雞件另上，肉質非常滑，半鍋的份量兩人食剛剛好，每人都飲左兩碗先開動極水本地手切牛肉（小碟）牛肉質地嫩滑，份量十足，有口感而且足滿牛味，肉質軟稔，擁有豐富油花，味道香濃桂花蚌口感彈牙，新鮮帶出鮮味，食落去好爽口新鮮白鱔片都幾厚身，魚味幾重，撈埋醬汁，魚味層次提升韭菜餃皮薄餡靚大大舊，口感足滿湯汁，好正黑松露墨魚膠黑松露鮮味濃郁，配上魚膠，非常彈牙海底椰雪梨（凍)自家製感覺，唔會太甜又夠味，打邊爐飲可以下火，呢d天氣飲一流呢度有樣嘢好，全部材料用上車仔上菜，可以影一張全部食物相，打卡一流員工服務不俗，主動詢問有冇需要加湯底，笑容親切

嚟到元朗嘅一間火鍋店湯底好多🫰🏻主打各種養生湯底不過亦都有麻辣雞煲選擇今次揀咗濃湯竹笙花膠雞翅鍋🐓可以揀兩款份量(半鍋/一鍋)半鍋包含一份例牌份量嘅雞 HKD 318幾適合兩個人分享一上枱見到滿鍋都係料上菜一啲都唔度縮好意外三百幾蚊嘅湯底竟然有咁豐富嘅配料極大量嘅魚翅大條嘅花膠有四條左右湯底一望就好濃稠先品嚐咗一啖 好鮮甜厚滑雞件會係半熟狀態上枱輕輕煮一煮就已經係嫩滑嘅熟狀態配料方面叫咗份台生蠔、豬腦、牛魔王拼盤（小碟）台山蠔🦪好大隻又厚肉，蠔味重花雕豬腦🐖已經去曬血絲所以入口唔腥配搭花膠雞湯味道好養生而且都算係大份牛魔王拼盤🐮有啲意外細份原來都幾豐富食到後期其實已經開始飽到濟成餐飯都食得好滿足🥹🫰🏻冬日暖身暖心必選📍麻極手工火鍋料理元朗鳳攸南街9號好順利大廈2座1樓2-3號舖

ෆ⃛ 麻極手工火鍋料理 ෆ⃛踏入12月終於有啲涼意，邊爐計畫仲進行中 笑( ¤̴̶̷̤́ ‧̫̮ ¤̴̶̷̤̀ ) 呢間主打手工邊爐嘅以前同屋企人食過，臨近過冬同大家分享下☃️♡︎.*▶︎▪︎◀︎.* .*・゜ ♡︎.*▶︎▪︎◀︎.* .:*・゜ ♡︎.*▶︎▪︎◀︎.* .*・゜♡ 海南椰子雞鍋(半鍋) $168 ♪鍋底揀左海南椰子雞，湯底清甜，椰子會煮煲越出味🥥鍋底除咗雞同椰子之外，仲有雪耳、粟米、腐皮、木耳、紅棗等配料，滋潤又養顏啱晒秋冬🍂雞件另上雖然係煲湯底的但肉質都嫩滑，而且充滿酒香🥃ᗦ↞︎◃︎ 值quota指數: ✿✿✿✿ / 5 頂級安格斯牛肉(小碟) $178 ♪ 桂花蚌 $158 ♪ 海皇蝦滑 $98 ♪ 新鮮黑柏葉 $88 ♪ 黑松露蟹肉餃 (半份) $68 ♪ 什菌野菜籃 $78 ♪油花均勻而且牛味濃郁，鐘意食牛嘅人士首選٩۶桂花蚌新鮮爽脆，記得海鮮唔好淥太耐呢🐋 蝦滑份量好足，爽口彈牙食得出係手打的但麵粉感比較重🦐黑柏葉同普通嘅牛柏葉唔同呢，食落煙韌更有𡁻勁(˶‾᷄ ⁻̫ ‾᷅˵)蟹肉餃黑松露味好濃郁！而且有絲絲既蟹肉，因為冇肉嘅成份口感比較腍🦀ᗦ↞︎◃︎ 值quota指數: ✿✿✿✿ / 5✎ 總括：食材

🔎麻極手工火鍋料理 (元朗)天氣轉涼又係時候打邊爐 呢間星期一至四全單78折 星期五六日都有88折🔸海南椰子雞 $168/半鍋勁多椰子 都幾清甜 鮮雞件係另上 唔怕煮到老哂啦 兩個人食半鍋岩岩好🔹頂級安格斯牛肉 $178/小碟👍🏻好食 全晚最推係個牛 牛味濃口感又好🔹蒙古羊肉卷 $98唔羶又夠淋 鍾意食羊可能覺得唔名羊味🤣但我又幾鍾意🔹新鮮白鱔片 $138新鮮好食又爽口 份量都唔算少🔹手打三色丸 $118三色丸包括 古早味墨魚丸、蟹籽蝦丸、牛肝菌黑松露豬肉丸 全部都好彈牙 最出色係牛肝菌黑松露丸 好特別👍🏻🔹新鮮肥鵝腸 $98成座山咁高嘅鵝腸 好食又爽口🔹Stella生啤 $68生啤都有好幾款 個人偏好Stella🔸醬油每位$18📍元朗鳳攸南街好順利大廈2座1樓2-3號舖🍴搵返相關地區👉🏻 #90sfoodieshare_元朗#食在元朗

終於開始有啲冬天嘅感覺，打邊爐就爽啦🤣上次食完隔離間燒鰻魚覺得好正，就去埋佢隔離試打邊爐！環境同隔離店其實都互通😂餐牌餐牌都係介紹刺身魚生，但我哋今日主攻火鍋！ 海南椰子雞(半鍋) $168 有好多款養生湯底，好似花膠、藥膳雞等等，我哋揀咗好耐無食嘅椰子雞，半鍋都好足料，本身鍋底有木耳、雲耳，加埋椰子好香甜，雞件另上，可以冷鍋就落，因為本身鍋底都好清甜，我哋就當佢係火鍋料咁邊食邊煮，雞件有用花雕、杞子醃過，肉質唔會嚡口。 特價台山桶蠔 $138 呢個必點！$138 有成6-7件，仲要件件都大大件！最怕蠔煮完會大縮水，但呢隻台山桶蠔唔會點縮，而且飽港鮮甜，亦好襯椰子雞湯底，大推🧡 頂級安格斯牛肉（小碟） $178 叫咗最平嘅牛肉，但都有驚喜，一嚟兩個人叫小碟其實都有接近十塊，每塊又開咗對半，所以一塊都幾大，唔係果啲爛茸茸牛肉貨色，牛味濃有口感無渣。 牛黃喉 $68平時食嘅黃喉都係薄身，回彈似彈弓咁，呢到嘅牛黃喉厚切，一面較焾，另一面就較煙韌，未食過嘅質感😳 仲要一大片好有口感，超啱我口味！ 生猛海中蝦 $148 本身諗住叫平啲嘅普通海蝦，但賣哂，我哋又好鍾意打邊爐食蝦，貴少少

最近突然間轉涼又係打邊爐既時候，依間火鍋店早兩年同朋友食過一次，事隔咁耐睇下有冇唔同左先！火鍋店位於元朗鳳攸南街，附近有泊車錶位，對於揸車人士非常方便，餐廳地方好大，座位以卡位設計坐得幾舒服，食物方便選擇都好多，每位人士都會收取醬油費$18。————————————♥———————————- - - - - - - - - - - - - - - - - - - - - - - - - - - - -♥️ 3.6牛奶花膠鍋 半鍋 $198今次嗌既湯底好養生，入面有花膠、菇、紅棗、蟲草、腐竹、菜，花膠食落黏口，膠質豐富。♥️ 頂級安格斯牛肉 $178同A先生兩個人食所以叫左小碟，份量都幾多，牛肉厚薄適中，牛味香濃。♥️ 西班牙伊比利亞黑豚梅肉 $148 推薦👍🏻豬肉油脂豐富，好香豬味，8塊大大塊幾抵食。♥️ 生猛海中蝦 $148一份有5隻🦐，蝦肉肉質實淨，淥熟左依然保持到鮮嫩口感。♥️ 黑松露墨魚滑 $108份量好大份，滿滿黑松露味，食落爽口彈牙。♥️ 炸饅頭 $38一碟有6個，外層炸到酥脆，點埋煉奶一齊食簡直係世一。♥️ 海底椰雪梨 (凍) $68/渣近排轉天氣喉嚨好乾，所以揀左飲雪梨，甜度適中，有

無論天氣凍定熱 都會想食火鍋呢間餐廳裝修都幾型格 卡位設計自成一角咁 岩晒同朋友傾計鍋底選擇都幾多 醬料選擇都好齊全✨胡椒豬肚豬軟骨鍋好足料 飲落好香胡椒味 感覺好暖胃 岩晒冬天鍋底入面仲有好多豬肚 豬軟骨 蘿蔔同粟米✨冬陰功海鮮鍋酸酸辣辣咁好開胃 而且唔油膩好足料 入面仲有好多蝦 蜆 魷魚 同菇✨麻極牛魔王有齊咁多款牛 岩晒咩都想試既朋友仔極上手切本地牛肉 頂級安格斯牛肉 安格斯牛柳粒 牛胸爽 雪花牛舌心牛肉質素好高 好香牛味 入口軟腍 ✨新鮮肥鵝腸鵝腸好肥美 食落新鮮爽脆✨新鮮脆肉鯇魚片骨腩有齊魚片同魚腩 脆肉鯇爽口彈牙夠新鮮✨潮州牛筋丸呢度既牛筋丸食落有肉汁 唔會乾柴👍🏻✨蟹籽百花油炸鬼油炸鬼上面有墨魚滑 炸到香脆咁幾好食索湯底黎食都好食 ✨脆炸響鈴卷響鈴係火鍋必食 即炸勁香脆 配佢跟既醬都好好食但用黎索湯更加正！✨什菌野菜籃低估左個鍋底 唔知有咁多配料 所以又叫左什菜籃 貪咩都有啲🤭✨魔幻百香果茶✨潽梅香餐廳食物質素幾高 鍋底勁足料 選擇都好多而且環境舒服 抽風都唔錯 唔會食完成身火鍋味 推介大家黎試下🙌🏻

今次我地去左元朗Yoho行街買野，得閒要去下唔同區玩先有新鮮感，出完街又係搵食時間，雖然今年好似冇冬天，但邊爐就都要照打😂 呢間我見openrice有全單8折，咁就禁制book呢間去試下啦✌🏻店員帶我地去一張卡位枱，佢地有盒紙巾比客用，又係讚佢既時間，醬料等唔洗出去攞，一早擺枱比我地用，用完佢地會成個收走，再要可以之後叫店員再攞🙌🏻呢度係用QR code落單既，我地揀左個鴛鴦鍋，椰子雞+麻辣鍋（$248），個鍋底好足料，麻辣味好香，麻度算適中，唔會辣到食唔到，椰子雞既雞件係另上，湯底好甜椰子味，未食之前已經飲左幾碗先🤩極上本地手切牛肉（小碟）（$248）呢個手切牛肉有小量脂肪，肉味比較濃，小碟既份量都唔會太少，唔洗淥好耐就食得😋大大粒雲吞（$78）佢真係名副其實既大大粒雲吞，個餡係勁飽滿，裡面係鮮蝦同豬肉既餡，口感唔錯，蝦肉好味潮州牛筋丸（$68）呢個牛太都係大大粒，食落好有潮汕牛肉既味道，裡面有肉汁，牛丸彈牙脆炸響鈴卷（半份）（$36）呢個響鈴我非常推薦，佢係最炸出黎之餘，特別之處佢係做到唔洗放湯當小食咁食，亦都出奇地好食，仲有d泰式辣醬比你調下味，除左當小食咁食，放湯食一樣好正，我