麻痺英

營業中

休息中

行完街肚子非常餓，就去搜尋餐廳尋覓食物，記得之前在社交平台見到朋友大讚既麻痺英，呢間既邊爐同雞煲非常之出名，我就拿拿聲叫埋兩個朋友一齊去食晚餐～～～去到餐廳門口，已經有很多人排隊到訪。餐牌上多款食物選擇，而且更有食物圖片供參考，望到食物圖片都非常吸引！飲品大多係任飲～～～先叫咗一個濃香蒽香雞煲，秘製既雞煲，件件雞都係啖啖肉，非常之有雞味，香得緊要!!!雞肉非常嫩口, 而且個汁好好味啊!!!煲內有很多配料, 辣得黎唔嗆口, 愈食愈停不了!!吃完加一些濃湯，再用來打邊爐。這樣的雞煲吃法，証明了香港人創意多多。另外仲叫咗香腸，肥牛，午餐肉，鯇魚片同埋魚蛋，仲有叫咗炸魚皮，樣樣材料樣子十分新鮮，價錢公道！！我諗晚晚嚟食都唔會厭～～

放幾日假，到大埔搵個frd食個飯先。今晚好想食雞煲，個frd 就建議黎呢間麻痺英，好抵食。我喺太和行過黎都唔遠，5分鐘就到，都幾方便。入到去有個小suprise，店員唔係亞洲人，佢非常醒目。而且呢度任飲任食，飲品係自助拎，仲有調味料都係，好似去左韓國食店咁，有一種異國風情嘅感覺，旅行mode又撻著啦🤣去開呢d雞煲店都預左衛生爭d，但同其他比較黎講，麻痺英都幾乾淨，碗筷同枱面係乾爽，入去冇乜味道。我有少少怕坐角落頭，由其見到有個兜裝住d藥水棉花用黎殺蚊滋，真係毛管動。但喺度就完全冇呢個感覺，唔錯喔~我地叫左個藥膳醉雞煲，材料幾足，有薑片、川芎、北芪、黨參、杞子、紅棗同蟲草花。滾起後我地試左舊雞，冇乜味道但幾嫰滑。後來放d菜同菇再煲下，非常嘅清甜，一黎個菜新鮮，二黎個煲愈滾愈出味，開始食到藥材味道，但又唔會太勁，喜歡佢嘅薑片味，輕微嘅辣味令人更加開胃。配料選擇好多，最喜歡涼拌黃金皮蛋、手拍青瓜、涼拌木耳。皮蛋冇腥澀味，好香蒜、尖椒、醋等味道但又唔會搶左皮蛋本身嘅香味；而青瓜同木耳嘅調味比例分配適中，encore左2次，好岩我地一邊傾計，一邊密密食。其他火鍋配料仲order左肥牛、滑牛、豬頸

想係大埔食烤魚可以黎呢間…當日我同家姐兩個人一心黎食雞煲，不過黎到見到見到除咗雞煲仲有好多不同烤魚選擇🤩餐廳細細地但好企理！我地心大心細唔知揀邊隻烤魚好，因為唔係幾食得辣，最後揀咗酸菜烤魚，個侍應姐姐主動話唔食得好辣就比好少好少辣啦🤗等緊烤魚期間叫埋火鍋食材選擇種類好多 任叫🤗🤗叫咗鮮蠔（洗得好乾淨又好有鮮味）條魚一上枱 好大條呀😍😍（後悔叫得太多火鍋食材）因為無諗過咁大條😜😜少酸少辣好好味😋仲有好多芫茜舖滿飲品：酒精同埋非酒精類都有 任飲😍好正！夏天食涼伴好開胃！

好彩有訂台（因為已爆滿了）🤣😂🤣🤣 這間小小的火鍋店以放題形式雞煲主菜🥰 由於近日比較熱氣，今日揀左個藥膳湯底😋「藥膳醉雞煲」雞件大大滑溜🥰，藥膳香濃酒香👍🏻👍🏻另收費「廣島生蠔」大大隻，熟後帳卜卜，可見新鮮👍🏻👍🏻另收費「即炸脆響鈴」好正正正😍😍 即炸！ 配上雞醬即食 yummy😍😍 忘記了浸下的食法😄「配料」好多款式，而且新鮮，鮮尤大大條，粟米又甜😋😋備註：🔺任食2小時 （包括：任食煲底，配料）🔺包埋飲品 （當然啤酒另計）🔺抵食，免加一👍🏻👍🏻

大埔街坊無人不曉的麻痺英，主打平價雞煲任食，一個價錢雞煲配料任叫！而且服務態度好好！是日假日位置全滿，不想等位可以先打電話留位。今日點的是麻痺雞海鮮煲，$188一位，任點任飲。飲品選擇頗多，醬料同樣自取！雞煲點了中辣，個人認為比較惹味，雞件好大件，啖啖肉。麻痺雞最出色就是個醬汁！海鮮無揸流攤，有廣島蠔、大魷魚圈、青口非常大隻！剩食完雞煲已經飽了6成任叫配料方面，有手拍青瓜、涼拌皮蛋等，味道都好不錯！食完雞煲同請店員加湯，我中意先落少少湯，保持雞煲醬汁濃一點。餐單上有自費配料，安格斯肥牛例牌都好大碟，夠2,3個人食，海蝦半打$58，肉質彈牙，質素都唔錯。其他配料方面都算多選擇，例如鯇魚腩都有得選擇，而且好新鮮！$188任食真的無得輸。其他火鍋配料質素都好ok，蔬菜方面都新鮮，但任食的肥牛略嫌肥膏太多，喜愛吃牛的朋友反而可一試安格斯肥牛

去左大埔搵食,見到麻痺英評價唔錯就去左,店鋪招牌被簷蓬遮住,差d望唔到,枱櫈都係木造,好like因為未食過怕太辣,我同阿媽叫左香辣海鮮雞煲(小辣),廚師即叫即煮,店員上菜時提示約7成熟,煮多陣先食,接近唔辣但非常惹味!份量非常足,青口,蠔,魷魚,阿媽話咁厚身既魷魚自己買好貴,蠔係煮熟後都唔算細隻食完雞煲可以準備打邊爐,包任食火鍋!食物選擇唔少,亦有頭盤可以揀,我地要左涼拌海蜇絲好爽口,另外涼拌黃金皮蛋,第一次食,原來個蛋黃係偏硬魚皮係我打邊爐既至愛,非常脆新鮮滑牛牛味重,略嫌切得太碎草鯇魚腩非常厚身!淥熟後唔會碎開,芝士獅子狗正常,我自己好鍾意牛筋丸,彈牙有牛味,牛栢葉亦切得厚身,爽口除左火煱任食,仲有汽水任飲離開時已經坐滿,店舖外亦坐左三枱客雞煲+任食火煱黎講價錢唔貴,值得再黎!

今日到大埔探朋友順便同朋友食雞煲同打邊爐，朋友介紹屋企附近有一間小店嘅雞煲同打邊爐，所以就去試下，餐廳門面比較細小，但餐廳內外都坐滿客人，我哋等左一陣就可以入座，店員都比較忙，只有兩位店員，但都好落力介紹他們的招牌雞煲，我同朋友就決定點左店員推介嘅招牌雞煲，原來餐廳都仲包左任食火鍋配料同任飲無酒精飲品。好快雞煲就送上，店員叫我哋等大家3-5分鐘，一打開好香，我哋都急不及待開始進食，我地叫左小辣，岩岩合適平時唔係食得太辣既我，而且雞肉好嫩滑亦都醃得十分入味，一口咬落去都十分彈牙。好快我哋已經將整個雞煲食哂，之後我地就點左一D火鍋配料，有魷魚筒，肥牛，五花腩肉，粟米等…其實仲有好多選擇，實在不能盡錄，其他火鍋配料都好新鮮，一個價錢已經可以食雞煲同打邊爐真係好超值。而且店舖雖然十分忙碌，但店員依然十分落招呼，認真抵讚，所以都希望大家多多支持呢種小店。

突發其想今晚想食雞煲，見到大埔麻痺英好似好唔錯甘，一於同朋友去試下。餐牌原來淨係雞煲都有唔少選擇，我地決定試下麻痹雞。雞煲即叫即炒，非常之香噴噴，我地叫左小辣，味道剛好迎合我地，雞件食落又香又麻，肉質嫩滑好惹味。除左雞肉仲有芫荽、芹菜、紫洋蔥、蒜頭、炸薯仔、翠玉瓜，食落都好入味。食完雞煲就可以轉火鍋，任飲任食2小時，原本配料都已經非常豐富，另外可加錢選擇某些食材。我地加錢叫左海蝦同廣島蠔，食落非常鮮甜。然後我地叫左海哲、美國肥牛、炸魚皮、生菜、牛柏葉、雞脾菇等等，雖然係任飲任食，但我們已經食到好飽同滿足。下次可以試埋更多配菜。飲品係自取有汽水、果汁、茶類等，如果想飲啤酒加$15就可以。呢度價錢好平民化，而且好味，大埔街坊/去開新界既朋友仔都可以試下。

今日入大埔郊遊完，同朋友搵到平靚正雞煲任飲任食，地方近廣凍橋，$168一位任飲任食即叫即煮正宗重慶麻辣雞煲，又香又麻又辣，汁香、配料又多，食完麻辣雞煲可以叫職員加湯轉打邊爐，肥牛、牛栢葉、牛肚、各種丸類、蔬菜任你叫，汽水及紙包飲品任飲，啤酒任飲要加$15，我自己加左兩份收費食物，一個手切安格斯肥牛，一份廣島生蠔6隻，肥牛牛味濃郁，直得推薦，另外廣島生蠔都幾正，滾完唔縮水，大大隻，任食2個鐘，同朋友聚餐好地方

作為一個大埔人，都算半個太和人因為太和同大埔都好近係太和火車站附近，有間中學就開始食既麻痹英宜家做放題任食，有好多選擇同埋配料！選擇左胡椒豬肚雞，阿媽話想補下，禁就試下呢個！香濃胡椒豬肚湯味，雞肉要等陣熟，一點都不會老、鞋口不過都記得唔好煮太耐啊！有我最愛的肥牛，同埋芝士竹輪！好驚喜居然任食芝士竹輪，芝士係口中融化的感覺十分滿足仲有脆魚肉啊仲有大量蔬菜🥬選擇，娃娃菜一定係絕配媽媽話不如試下蠔，好似幾吸引加錢試下都真係唔貴又抵，因為大大隻，夠鮮甜口感！野飲都係任飲，不過無甜品，呢個價位我覺得已經好值得👌🏻

地方的骰乾淨，餐廳內可坐18-20人，想感受一下耐熱能力都可以坐室外😅 主打雞煲烤魚，食完轉火鍋，劃一價錢任飲任食2小時！飲品自取，選擇足夠：有汽水，茶類，清熱飲品...想飲啤酒🍻加$15就可以任飲細支裝青島純生，俾你飲到夠😜小妹叫左個麻痺雞煲，份量都唔少，2人食絕對足夠。雞已經煮到8成熟先上爐，滾起撈撈就食得。小辣唔辣，唔夠辣既可以叫店員加辣，d雞都幾嫩滑，食得辣既朋友仔建議中辣，相信會更加惹味😋雞煲除左有大量芫荽芹菜，仲有紫洋蔥，蒜頭，炸薯仔同翠玉瓜....入晒味，最後係清晒d配菜先轉火鍋🍲任食紙除左有火鍋料，仲有幾款涼伴前菜，點左海哲同埋砂糖蕃茄🍅火鍋料既選擇都唔少：菜，肉，丸，麵，加埋都有50-60款。不過小妹既食力有限，食了幾款就捧住個肚走，以蔬菜為主😂肥牛，牛栢葉，冬瓜片，豆腐肥牛肥瘦適中，都幾厚肉，牛栢葉比平時食既更加爽口有彈性，冬瓜係必點👍白魚蛋，魚皮餃，洋蔥....估唔到洋蔥打邊爐係咁好食，小妹第一次食，非常清甜，推介😋

唔使搭車就可以有正宗重慶雞煲食真係好。麻痺英 室內裝修以木色為主，木枱木凳正宗四川風情。兩小時任飲任食火鍋全包宴，無酒精飲品任飲，有我最鍾意嘅綠茶，仲有平時少見嘅汽水同埋檸檬茶，幾特別。麻痹雞 $168 /位這裏的任食火鍋兩位起，正宗重慶雞煲，辣得刺激有風味。食過好多間雞煲，但呢間真係又平又抵食！好好味而且好正宗！ 雞肉好嫩滑，雞煲夠火候，入口麻辣得來有麻痹的感覺，小辣比較適合我。真係喺大埔名不虛傳！辣得過癮的雞煲！配料有洋蔥、青椒、芹菜、香菜、姜、蒜通通都非常惹味呀！食完雞煲仲可以加湯打邊爐。涼拌系列亦係我最愛之一，涼拌海蜇絲、涼拌黃金皮蛋、涼拌木耳、手拍青瓜，全部都十分有水準，香和辣得到平衡，未開始打邊爐已經俾我哋清碟了。手切安格斯肥牛 $88追加了一份例牌肥牛，脂肪分布平均，肉質粉嫩，肉味濃郁，推介牛魔王必吃。即炸脆響鈴響鈴 $58新鮮滾熱辣，我心急食都俾佢辣親咀仔呀！酥脆可口，豆味香濃，打邊爐必食之選。火鍋料款式應有盡有，美國肥牛、新鮮滑牛肉、花腩肉片，幾款肉類都新鮮美味，肉色夠光澤，再吸收了雞煲的香辣醬汁，食過返尋味。爽脆豬皮、午餐肉、水魷魚，更加係不能錯過，尤其是如果鍾意食

這天晚上和朋友來到位於大埔的麻痹英食雞煲打邊爐。想不到只是星期一的晚上，但這裏卻座無虛席，食客源源不絕，由此可以想像這裏的食物有多吸引。這間餐廳的食法是先按喜好選擇一款雞煲，也可以選擇辣度，而我們當晚就選了香辣海鮮雞煲，BB辣，正好配合不太能吃辣的我們。不一會兒，雞煲就送上來，材料非常豐富，有雞件，鮮魷，生蠔，青口等海鮮。必須一讚的是雞煲的調味，充滿花椒的麻香，卻又不會太辣，醬汁濃郁，非常惹味。吃完雞煲後就可打邊爐，火鍋食材也是可以任點任食。當晚我們就點了美國肥牛、豬腩肉片、豬頸肉、鮮魷魚筒、水魷魚、鯇魚片、自家製餃子等。炸魚皮非常大件，炸得非常香脆，單吃和打邊爐也非常適合。蔬菜方面也點了唐山菜、炸芋頭片、蓮藕片、淮山片等，火鍋食材的上菜速度非常有效率，不會拖時間，所以兩個小時絕對足夠。除了火鍋食材外，餐廳也有提供一些涼拌小吃，我們當晚就點了涼拌黃金皮蛋和砂糖蕃茄，雖然烹調方法簡單但都處理得非常出色。黃金皮蛋香滑可口，砂糖蕃茄酸酸甜甜，簡直是夏天必備的開胃小菜。飲品也是任飲的，食客可以自由到雪櫃拿取想要的飲品，除了一般的汽水外，也有鴻福堂的鹹柑桔和菊花蜜，解辣又可中和熱氣，非常適合。

我跟老公都好喜歡吃雞煲辣辣的又惹味早前試了這間配料任吃的餐廳有多款煲底可供選擇有經典麻辣雞煲，烤魚煲，酸菜魚煲，麻辣水煮牛肉煲，羊腩煲等等！我們選了麻辣雞煲，味道不錯🎶麻香味足，食完雞煲後再加水打邊爐食物種類都頗多肉類，丸類，菜及餃等等多款選擇我們推介吃手切安格斯肥牛！！牛味較重，而且真的很嫩滑手切安格斯肥牛脂肪比例剛好份量也很多呢！已足夠 2-3人吃無論食物和飲品都是任飲任食的而且價錢很大眾化，很抵食當晚餐廳滿座！很受一班街坊支持呢

炎熱天氣踩單車經過大埔，河邊小息時，見到橫街內有間餐廳名寫著麻痹英，名字好特別。吸引著我訂下了位停低試試。原來餐廳係自助餐形式，仲有我的最愛烤魚食，主打係雞煲，但我就試左酸菜烤魚，在等烤魚個時間就去冰櫃搵野飲，有不同的紙包飲品，仲有下火支裝飲料。補差價15蚊就有下火青島啤酒🍻意想不到的大盤烤魚，真係好大份，仲有現在最熱門的芫茜，多到連咩魚都睇唔到打開先知係鯇魚。仲有好多火鍋配料任加，每樣野都好新鮮。今次我就補左差價$78叫左蠔，好肥美，正。店長仲推介左$68一碟韓國青口，真係好抵食！值得再試！