麻痺英

營業中

休息中

晚上得我同阿仔兩個開餐，佢提議打邊爐，咁就搵間 平靚正，最緊要任食嘅火煱店呢度雖然打正旗號食正宗重慶雞煲，但係仲有好多其他選擇，我唔係咁食得辣，揀咗藥膳醉雞煲，難得阿仔都贊成醉雞煲真材實料，除咗一大煲雞件外，仲有紅棗， 蟲草花，黨參，杞子，龍眼肉，還有酒。當火鍋滾起，陣陣藥膳醉雞嘅香味飄起已經垂涎三尺，先嚟 碗湯補一補，成身暖晒。配料先嚟第一轉美國肥牛，牛柏葉，新鮮滑牛，豬潤，魚片，牛肚，墨魚仔，自家製餃子，蘿蔔，紅薯粉，蜂巢豆腐。呢round最有驚喜是新鮮滑牛，佢冇肥牛咁肥，但係又夠嫩滑再來第二轉食咗魚腩，牛筋丸，生菜，鮮冬菇。其中牛筋丸味道濃沃，又夠咬口。 見到有花甲，都想試下，雖然呢個要額外加錢，冇沙又鮮甜，加得不錯講明任飲任食，自助拿罐裝或盒裝飲品供應，見幾多人飲啤酒，因為任飲青島啤酒都係$15/位。百零蚊一位，唔使加一，火鍋湯底同配料種類夠多， 真係幾抵

最近好大埔住朋友叫我去吃雞煲，天氣涼涼地真是一個好提議重慶招牌雞煲，真的不容少看，又真的同餐廳名字一樣，食到麻痺了出汗心跳加速……飲品是任飲又繼續挑戰，哈哈店內很親切，飲品自己在雪櫃取即可，要喝酒就要加15元位就可以任飲，感覺很經濟抵吃!內有很多配料，芫荽，蔥頭，紅洋蔥，蒜頭，大量蔥，唐芹，比較得別有薯仔，脆肉瓜全個雞煲不是很多，2人份量，越食越惹味。而且雞件都被炒過醬都包裹好，很香很香，估不到還很嫩滑任食材料很多選擇，但我們不想浪費，所以只選了6樣:午餐肉美國肥牛魚蛋炸枝竹雞子炸魚皮我們吃雞煲嘴都踵起來，就是吃完飲一口汽水又再想吃。我們2人吃到流眼淚，還付3元買紙巾，提大家要帶紙巾，晚上越來越多人，店外開了枱做生意大家真的放心吃好了，天寒地凍吃雞煲超贊呢!姐姐加湯是豬骨湯，白白地顏色，當你以為麻辣會淡了，但水滾後發現都是很辣的雞子大大粒，咬口爆醬而且吸了麻辣味，殺了個措手不及牛肉我們只燙一盪，就入口所以很嫩，這個價錢就不要要求和牛啦…炸枝竹不是講笑，一啖已經麻痺了，我們選了(中辣)，感覺比想像中強烈，但吃得如此過癮。炸魚皮基本我們沒浸湯，直接吃很脆沒問題!

同朋友食飯，就黎左呢度食。地方唔算大，勝在企理，任食又任飲，同朋友黎邊食邊傾計都幾正！叫左麻辣水煮牛肉煲，個煲一黎到真係嘩一聲！勁重料啊，啲牛肉多到呢，完全見唔到煲㡳！好重重慶辣味，水煮牛肉放左薑，蒜頭，芝麻，成個煲都好夠味！牛肉唔會話好韌，蒜頭同芝麻夠晒香，真心惹味！仲叫左豬腸，豬皮，豬肚，豬腸豬肚洗得好乾淨，唔會有陣味，加去呢個麻辣水煮牛肉煲，一流！夠哂爽口，味道又夠濃郁！最後唔少得梗係煮埋個烏冬啦，麻辣水煮牛肉湯烏冬，啲汁麻得黎好鬼正！重點係好抵食！整體滿意！

My family and I went to a restaurant called "Numb Chicken" (麻痺英) located in G/F, 59 Yan Hing Street, Tai Po 大埔仁興街59號地下...We ordered a "Seafood chicken casserole buffet set" (香辣海鮮雞煲) which costs HKD$188 per adult with unlimited supply of hotpot ingredient!The squid and the mussels soaked up all the flavour of the chicken casserole!!!Sooooo yummmm！We order "fresh sea prawns" 新鮮海蝦HKD$58/6 pcs隻The prawns are incredibly freshhhhhhhh,sweet and bouncy!Highly recommended！！The homemade dumplings 自家制餃子 wi

今日放假約咗朋友去行下山，新界空氣質素比市區好，所以行咗去大埔，朋友提議食埋飯先返出去九龍，佢知道大埔有間叫麻痺英，有雞煲火鍋食，火鍋重係任飲任食，價錢唔貴味道又好，今晚就讓我們試試吧！火鍋煲底有豬、牛、雞、羊、魚多款選擇，味道有辣有唔辣！我們選擇了濃香沙嗲雞煲，不一會，雞煲已經上枱放上爐上，煲內放了很多香料、洋蔥和芫荽，雞件已經用特別調製的沙爹醬炆煮好，開火將雞煮炒幾下，煮熱就食得，醬汁濃郁，雞件鮮嫩入味。食完雞煲就可以加湯食火鍋，火鍋配料是任點任食的。除了火鍋配料，還有數款小食，其中涼拌海蜇絲好爽口。有數款配料可以加錢添加，廣島生蠔：鮮甜肥美的廣島蠔，無論香氣、味道、口感都至高無上。海蝦新鮮又大隻，鮮甜爽彈。任食的配料配料都有好多款，用料都好新鮮。花腩肉片肥瘦適中，爽滑豬生腸、爽脆豬潤好爽口，鴨胸片、水魷魚、墨魚仔、潮州白魚蛋口感味道都唔錯。午餐肉、龍蝦丸、自家制餃子皮薄，餡料飽滿有鮮味！蔬菜清洗得乾淨，清綠色好新鮮！飲品任飲，加15蚊重可以任飲啤酒！

呢日朋友帶左我黎呢到食雞煲，佢話呢間係大埔隱世店舖真係好好味，所以要帶我黎試下。店舖唔大，但不停都keep住有客入黎食，轉個頭已經爆場要坐埋門口位置。煲底種類都有好多選擇，我朋友堅持話雞煲好正🤣所以我地就叫左個沙嗲雞煲。任飲任食呢個價錢真係幾抵食👍🏻配菜種類都有好多選擇。一拎上枱已經聞到香噴噴，雞肉好嫩滑而且好入味，而且雞件份量都好多。任食配菜都唔馬虎，食品都算新鮮。我地另外仲加左呢個手切安格斯牛肉，厚身得黎好好味，牛味好重👍🏻

之前已經同屋企人嚟過呢度食 貪佢選擇多價錢又夠親民 因為媽咪唔食得太辣 所以今次叫咗藥膳雞煲 滿滿嘅藥材味啲湯好好飲 新鮮雞件 蟲草花 唔係一早放入湯底 所以雞肉嫩滑 唔會overcooked我哋叫咗幾款免費火鍋料 肥牛 魚皮 娃娃菜 油麥菜 粟米 金菇 全部都正正常常 不過不失 蔬果新鮮乾淨係鮮甜嘅 魚皮脆卜卜另外加咗78蚊桶蠔同58蚊蝦 啲蝦超大隻超新鮮 D膏好鮮甜 爽口啖啖肉 超級推介另外呢度嘅飲品都有好多選擇 有支裝鴻福堂飲品同汽水 亦有紙包烏龍茶 如果鍾意飲酒嘅人更加可以加錢任飲啤酒添埋單大概500蚊食都好飽好滿足

麻痺英天氣開始轉涼，又係時候食雞煲暖身🔥麻痺雞二人分量都幾足料，雞件有齊雞髀、雞胸、雞翼同雞背。今次嗌左小辣，開始個陣唔太辣，但食食下，麻麻痺痺既辣味開始慢慢滲出黎。食得辣既朋友話下次可以試吓中辣🥵食哂雞煲材料就可以嗌任食火鍋，基本上好多材料都任叫任食（有成70款），每次限叫12款。加錢嗌既有手切安格斯肥牛，$88/例。肥瘦厚薄均勻，灼幾灼就食得，爽滑得黎帶點鬆化，邊位多夾著一條牛脂肪，食起黎更加甘香！普遍嘅任食材料都可以一試，肉類都好新鮮，其他類別選擇都多，特別推介有紅薯粉、芝心獅子狗、炸芋頭片。除左野食任食，飲品都係任飲，想飲啤酒嘅朋友都只係加$15就可以任飲，好抵！👍🏻

今天和母親大人到了這間叫做麻痺英的小店吃火鍋。路經這間餐廳，見到火鍋的湯底選擇十分多，而且很吸引，一百多元一位的價錢就可以任食，決定一試！我們選擇了醉雞鍋，醉雞的份量非常多，亦非常入味，酒味香濃，肉質嫩滑。食材方面，我們encore 了4次，食物每次都到齊，沒有欠單。生蠔十分新鮮，漲卜卜，大大粒。食物的整體質素也很高，而且很新鮮，我們點了豬紅、豬潤、水魷魚、肥牛、粉絲、唐生菜等等。不得不讚的是水魷魚，非常彈牙，完全不腥。肥牛亦很有牛香，半肥半瘦，質素很高。唐生菜和油麥菜非常翠綠和新鮮，味道很清甜，母親大人也大讚呢。如需要飲品或調味料，可以到櫃前自取，非常方便。

今日同朋友黎到大埔踩單車，玩左一日又攰又餓。朋友介紹話呢間任食雞煲又平又好食做完運動咁肚餓當然衝去食啦。無睇錯最平$168任食任飲仲要唔洗加一！如果想任飲啤酒都係加$15咋！！我地嗌左麻痹雞 小辣！d雞好嫩好入味唔會斬到好多雞骨碎！辣味亦剛剛好，唔會太咸。越食越開胃我地另加左花甲同埋首切安格斯肥牛肥牛好靚，d雪花分佈分明入口即溶仲有好濃既牛膻味。而d花甲好大隻，無沙之外仲好鮮甜食得出好新鮮。餐廳環境雖然細細，但好乾淨煙民仲可以坐室外！職員服務好好，不時主動黎收野同加湯

今日去大埔搵朋友聚一聚，在林村河散步時，見到有間餐廳人頭湧湧，很多街坊捧場。好奇心驅使之下，我和朋友走了過去看看，原來就是叫「麻痺英」。我和朋友見這間是任飲任食的，價格又便宜，所以決定試一試「麻痺英」的吸引力。一坐低望望任食煲底的餐牌，發現有很多選擇。單單是雞煲都有五款選擇！價錢亦都很便宜，都只是$168/位起。任食的選擇亦都有很多，連凉拌系列都有，蔬菜都有好多款，應有盡有。我和朋友最後決定食麻痺鷄，即是正宗重慶雞煲。然後侍應跟我們說雞煲有分大、中、小辣和BB辣。因為本人不是很吃得辣，所以朋友遷就我叫了小辣。上檯的時候，發現二人份量的雞煲也很大，雞件也是啖啖肉。因為任食或者放題之類的餐廳通常都很少見到涼拌，所以叫了涼拌黑木耳和涼拌海蜇絲試下。點知發現好好味！木耳和海蜇絲都很爽，有少少辣，夠晒入味！娃娃菜是一大盤上的，很新鮮，亦都很甜。而炸魚皮都好新鮮，脆卜卜。牛柏葉好新鮮、好爽口！而我們將蘿蔔和蜂巢豆腐放落雞煲內煮了半小時左右，吸了雞煲的精華之後，好入味！辣辣地好好食！另外我們加單時叫了潮州白魚蛋和魷魚筒，兩款都是好新鮮、好彈牙，完全不會有腥味！除了上面任食的食物之外，我們還叫了一碟手

今日全家決定留區消費. 因為疫情關係所以食得健康啲 食咗個藥膳雞煲178蚊一位全包。個藥膳雞煲一上臺 爸爸已經話好香 裏面都算幾足料㗎 有北芪黨參紅棗等等 聞落去已經有陣陣嘅中藥味同埋酒味 就咁飲都好正好補咁。啲火鍋料未黎阿爸阿媽都已經將成個鍋入面啲雞食曬, 因為佢哋話真係整得好好食好滑喎。佢成個餐其實跟埋任食肥牛嗰啲都已經好靚 不過話要試下安格斯牛所以加多咗一份 啲牛係手切嘅 啲雪花分佈都好均勻 食落口亦有咬口同牛味。另外有幾樣會值得介紹嘅, 佢嘅牛柏葉係好乾淨同係好爽超級新鮮必叫。另外佢嘅新鮮墨魚仔其實嚟嘅時候呢大大粒 但煮完之後縮水一啖入口岩岩好 其實當日嚟到見到有一大班後生仔喺度飲啤酒食火鍋 亦有啲上咗年紀嘅夫婦嚟食雞煲 可見呢度都幾受唔同年齡層嘅街坊歡迎 推介!

呢間舖頭係大埔嘅小店名字叫麻痺英 食正宗重慶雞煲 我哋就嗌咗麻痺魚 即係麻辣鍋烤魚 218蚊任食都抵 任飲任食全包宴 我哋就叫左小辣 其實佢個小辣都幾惹味呀 唔會太辣但係越食就越會有少少帶麻帶辣嘅刺激感 魚係用咗好大條嘅鯇魚 出面炸到卜卜脆 肉又夠厚 烤下烤下唔易overcook 另外火鍋配料可以任叫 當中包括一啲美國肥牛呀肉類菜類菇類麵類等等 亦有涼拌系列作開胃菜 包括手拍青瓜同海蜇絲等等 喺而家咁熱嘅天氣可以食少少涼拌野都幾清新㗎 另外佢出面可以拎好多唔同種類嘅嘢飲有紙包茶，鴻福堂系列，Soft drink等等, 亦可以每位加$15任飲青島啤酒。出面嘅醬料區我特別推介嘅係佢嘅麻辣醬料 因為始終呢度係出名食麻辣 而我又係好鍾意食辣嘅 所以嗰個麻辣汁攞嚟點火鍋料其實真係一流。至於其他任食火鍋料其實同坊間一般酒樓火鍋質素差不多 都算新鮮同乾淨嘅 。overall嚟講呢間小店其實都幾地道 我都幾推介。大家如果住開呢區或者行開呢頭都可以入嚟試試。

喜歡吃雞煲的我經常去試不同的雞煲火鍋店，第一次幫襯這家店已是2年前，因為雞煲口味夾，所以今晚行完九龍坑山再來光顧。久別重逢，店員和老闆依舊親切，真是有人情味的街坊鋪頭，些少像大排檔接待街坊的模樣。這裡的雞煲是任食菜單，有好大的自助飲品櫃，汽水選擇多，加$15更有得任飲啤酒，超抵！
【前菜】點了開胃的青瓜和海蜇，味道酸酸甜甜很不錯。【麻痺雞】食雞煲怎可以不吃辣！今次叫了小辣，惹味一點，二人份量又幾多，雞件飽滿亦算鮮嫩不肥膩，雞件不會煎得太焦或太濃。最重要是麻辣調味夠正，還加了洋蔥、芹菜、芫荽等提香，香料味道好足！如果香菜量更多就更好！【手切安格斯肥牛】加錢點的肥牛，色澤深紅，肉味濃郁，質地細緻又不肥，火鍋一流。【廣島生蠔】新鮮飽滿大隻而且鮮甜，絕對值得加錢吃。$168雞煲火鍋任食兩小時真的超抵吃，魚皮餃和丸類都好吃！

迎排放寬了，當然要出來食下雞煲，這裡絕對抵食，而且味道出色，雖然位置不是太理想，但識食去遠少少都唔怕！可以早啲去因都好多識食嘅朋友會到這裡食雞煲！這裡最出名當然就係招牌麻痹雞，點解因為係正宗重慶雞煲，一個價錢就可以食完雞煲有任食火鍋，今晚就點了小辣，雞煲上枱店員會再炒炒，將雞件同埋煲內嘅配料兜勻，每件雞件都十分入味，啖啖肉，十分嫩滑軟熟，個陣重慶口味在口中迴盪，而個薯仔都十分入味香口！涼拌系列都唔錯，爽口彈牙海蜇絲、爽口木耳、酸辣手拍爽口青瓜，都令人十分醒胃！除了本身任食肥牛外，當然要加份首設安格斯肥牛例牌，兩種肉質完全不同，一個脂肪紋理分佈一看就知高下，入口軟熟肥美！另一個就係即炸脆響鈴，落單即炸，出來還十分熱辣辣，咬下去十分脆口！原味已經十分好味！火鍋配料選擇多，有最愛嘅午餐肉，在未放湯前放入雞煲內煮，午餐肉未道更濃郁，更入味！還有彈牙嘅牛丸、濃味脆口芝士腸、新鮮淮山片、甜栗米等必食火鍋料，還有吸味爽口豬皮，真係十分忙，密密食，如果飲啤酒全枱每位加多$15，都真係抵飲！唔飲啤酒其他非酒精飲品任飲！最後加埋個公仔麵放埋入去個濃湯底內煮，絕對夠晒味道，同十分滿足！