黃記煌三汁燜鍋 (已結業)

1:第一次過來吃，午市時間全場得我地一張臺，一入來揀左個卡位準備坐低，結果d服務員叫我地一行3人坐最邊位嘅卡座，即刻個人火都來埋，人影都冇一個，洗唔洗要我地坐係d咁角落嘅位呢？又唔係多人，全場得我地3個人。於是我地同距講想坐靠窗，結果埋又係可以坐，真心無語。😑2:40幾蚊一個小吃，一份打邊爐的窩筍，淮山，小吃細碟唔緊要，窩孫得6塊，仲有3大3細，淮山都係得幾快，完全係出面d半份份量，超少，塊塊都係錢🥴3:最離譜係我地雖然都有叫野飲，但後期想飲水，結果距地話要收6蚊一扎，真心火咯，又唔係一支果d礦泉水，普通水一扎居然都要收費。唔怪得午市冇人來，平時樓下又要狂派傳單，來一次唔會想再來咯。差評😡

病依然未痊癒, 要食清淡少少! 原來黃記煌有午餐, 決定試試! 當初第一家店喺灣仔我幫襯過晚餐, 係幾得意既! 整個午市計埋我哋都只得2枱客, 唔問侍應係唔會主動比午餐餐牌的, 好彩我一早知道有午餐, 如果唔係應該走左, 唔通食 lunch 都打邊爐咩 (隔離枱大陸客係打邊爐)…雖然我都試過午餐去東來順食涮羊肉, 不過而家仲病緊就免喇! 午餐套餐有4款選擇, 包括豬、雞、魚、牛配飯或烏冬, 大約 $56 包飲品及一粒許留山甜品! 唔知點解係許留山, 仲要有成個 menu 可以叫許留山飲品! 除左套餐, 另外仲有米線選擇! $39 包3餸, 好抵食! 湯底唔係味精水, 係雞湯 (不過有點太油), 米線非常爽口彈牙, 我本身對米線無研究, 公司個妹係譚仔/三哥 fans, 佢話黃記煌好味過譚仔 d 米線好多 (佢講得出2間譚仔喺食物出品上既分別架)! 餸有點少失色係打邊爐餸, 即係無味啦, 不過餸唔係劣質, 係高質的! .魚腐相當出色, 唔係淋爛嗰種, 裡面真係有餡架…+$4 有銀菊露, 超大杯! 註: 總括而言, 會再去, 一定會再去! 

起初見到呢間黃記煌好似好特別，訂咗星期六，上到去餐館，得小貓三、四枱，心知不妙，不過上到去就算啦，費事再搵過第二間，，我地一行6人，叫咗兩個鍋，一個係石班魚鍋，一個係牛魔皇鍋，侍應首先攞咗個幾層嘅盒出嚟，跟住就鋪上蔬菜再鋪咗石班，之後冚蓋煮，到差唔多熟之後就落汁再煮一陣，牛魔皇一樣煮法。我地仲叫咗幾款小食，尖椒皮蛋，拍青瓜，鴨血豬皮。之後叫咗幾樣打邊爐嘅餸，嗰啲餸就超級唔抵， 唔值呢個價錢，分量太少，非常一般，唔會再有下次

平日星期三嘅晚上，成間餐廳勁少客人。我諗加埋得4台客，店員好足夠。今次係第一次食，感覺好新鮮。佢哋係即場喺客人面前整，無水烹煮。以先食->加湯->後燙我哋係4個人去食，燜鍋選擇都幾多。同平時打邊爐、食雞煲好唔同。我哋揀咗牛氣衝天燜鍋 (小辣)入面有牛肉片、牛肚、牛脷、牛柏葉店員即場為我地煮理呢個燜鍋，一層一層咁加入個鍋到。最後加醬喺面，再煮一陣。完成後，再加咗層芫茜，超香超正!! 小辣都勁辣呀，辣得超過癮!!牛柏葉超爽~牛肚超軟淋淋，牛脷好有咬感。飲品係許留山嘅出品，西瓜蘆薈爽，芒果蘆薈爽同埋芒椰奶西。尖椒皮蛋，好香好好食~蜂巢豆腐，索晒啲辣汁超正呀!!廣島蠔鮮淮山三黃雞件手打蝦滑芫茜炸魚皮，脆卜卜整體都好好味，可以再嚟食多次!! 餐廳店員都好友善，好幫到手。餐廳亦舒服，空間感足夠，仲有洗手間。

今日同個好耐都未見過嘅姊妹聚一聚，佢話食過依間2次都吾錯，而且坐位寬敞，坐得舒服，傾計都吾會逼住咁辛苦佢話有個鍋，係有隻生雞，同配菜，從上枱先開始煮，由生煮到熟，好新鮮即食，好鮮味，聽到我都口水流晒🤤🤤🤤🤤好了落左單，叫左一個尖椒皮蛋，黃牙白菜，加一個雞鍋，2個人夠食啦。尖椒皮蛋食落發現上面一粒粒的只係罐裝蒜蓉，然後加啲辣油同麻油，小辣椒係皮蛋度。中下水評由於本人食過好好味的，佢依度處理手法過份求其可以用難食去形容。食左個皮蛋已經過左差吾多20分鐘，個雞鍋仲未尼，我地以為漏單，問一問侍應，佢話係廚房煮緊，我地話咩吾係應該放出尼煮，佢話我地叫個個係要煮完先拎出尼，結果我地發現叫錯左另一個最新的重慶雞鍋吾緊要啦，吾叫都叫左，試下新野冇妨，加上我地叫左小辣，應該冇問題。一食就知道今獲奶野，第一啖咬落個薯仔度，啲汁已經辣到喉嚨好辛苦，見到有啲芝士加左係表面，但完全起吾到解辣作用，冇辦法啦頂硬上都要食，鬼叫我地叫錯左咩～😨😨😨我地想叫野飲，想叫啲特飲或者啲特別酒，點知佢話乜都冇，因為水吧冇人返工，真倒霉個湯好恐怖，越煮啲辣油越多，已經用個碗特登不起表面啲辣油，希望可以食到入面啲配料啦，因為太辣，

見到網上好出名 所以去試下一上菜果下 係好誇張嘅成個塔咁上 又幫我地排好哂啲肉又幫我地煮 但係其實我覺得個醬汁真係好一般 太鹹其實食完一鍋肉都會飽打邊爐亦都係太多未必會再番去食

紅日到咗，訓翻個懶覺係一種享受，當然去吃翻餐美食都係一種享受啦。約上班friend；到位於尖沙咀葛黃記煌三汁燜鍋店；叫咗份海鲜大軍燜鍋，愛吃辣葛friend叫咗份麻辣海鮮鍋仲有滴配菜兼涼拌小食；當然店內葛其他鍋都好吸引人啦，愛吃肉葛朋友都可以試一下伽！倆份海鮮鍋都有据葛特色，海鲜大軍燜鍋唔辣，適合食唔到辣葛朋友，而且料足又新鮮！麻辣海鮮鍋葛外觀體到流曬口水，而且辣葛香味一直係感飄！涼拌小食夫妻肺片好值得推介，爽口又開胃！

上次經過見到，就諗住黎試下，夜晚7點半都唔多人。叫左個牛肉煲，叫最小既辣，原來都係著火咁辣。原本諗住叫個許留山甜品，點知唔記得左。用openrice book位有9折，下次再黎

1. 服務:從進入門口開始，服務員就指示你坐指定的位置，要知道那時餐廳根本沒有人!而且態度很惡劣!2. 菜品: 味道非常一般，我們點了海鮮鍋，上菜的時候樣子看起來是比較新奇，但是入口一個字"咸"3. 價格: 一碟烏冬兩個，30。想飲水，簡單白開水竟然跟我們講"要另外買"....下次絕對不會再去!真的不知道國內的牌子在香港生意怎麼做成這樣!

忍唔住寫食評。。整體黎講，唔太好食，價錢中規中矩(尖沙咀區咁上下)，但服務真係唔好。原本經openrice booking 兩次，但兩次都被”已滿座”為由取消左，去到就話我無book, 目測當時至少有3張四人枱係吉，直至食完離開，都無所謂嘅”滿座”出現，一度懷疑係咪為左省openrice booking嘅九折而唔比我book...叫左個辣牛魔皇燜鍋，味道ok，牛嘅質素就一般($300唔期望有最靚嘅牛)，但打邊爐嘅食物就...炸魚皮有股油溢味，響鈴上枱嘅時候已經淋淋地，加上散散地，懷疑放左好耐或者d炸油唔靚。至於其他收費同服務，例如水要收$6...呆左，阿姐黑口黑面，落單又落漏，追單又慢，最後要搵經理幫手跟單，大體感覺就似係個場d人好似吾多想做咁款。總括黎講，是但酒樓打邊爐都會好食過佢。要服務的話，就更加吾好試。

星期日晚飯時段，只有4成滿，心知不妙。侍應服務參差，有些很勤快，有位帶鄉音的女侍應就比人發夢的感覺，火煱加完水，不加大火力，不放煲蓋人客巳經不多，服務笨手笨腳，趕客feel海鲜大軍燜鍋$298~蝦新鲜,冇彈牙感，部份亦發霉 蠔亦變了蠔豉,但醬汁很好味。配料有蝦，墨魚，生蠔，魚，洋葱，青椒，紅蘿蔔， 蒜頭。生海鲜由侍應在客人面前 逐層逐層放入煲內。焗熟後~落了秘製酱料混和後~其他配料~嚮鈴(有益味)鴨血，蘿蔔，魚腐，蜂窩豆腐，淮山，萵笋，三黃雞，竹笙。這款頂級安格斯肥牛$198~外觀不吸引，肉質不新鮮夫妻肺片$48~冷盤亦也很大雪味,第二碟半價麻辣拌四蔬~芒椰奶西$29西瓜汁味淡$58和街舖許留山相比，味道有差異食後感终於明白星期日只得四成滿的原因某些侍應要再陪訓，食物質素要改善。

三黃雞悶鍋問左店員呢度最多人點既火鍋就係呢個用悶熟既方式將三黃雞煮熟店員即席就係面前加配料同雞肉落去悶鍋入面成個過程時間不長但係見到由生變到熟既過程加上三黃雞既香氣整個體驗都不錯我地點左呢個係小辣肉質好新鮮同嫩滑一個鍋都夠4個人share完左之後就係火鍋環節店員會加水將三黃雞悶鍋變成火鍋湯底都幾好味, 作為火鍋湯底的確能帶出鮮味必點推介就是這個牛魔煌拼盤貴！但是值得一個拼盤入面有幾種不同質素既牛肉當然最好吃既就係雪花分別既肥牛片只需要放入湯中大約15秒就已經食得!!正鴨血厚實 口感一流唔會切到太薄冇左個口感!!香菇貢丸+韭菜餃入面既餡料係超級多!! 特別係韭菜餃全手工包既韭菜餃一食就知!!

呢個名都係第一次聽燜鍋既食法同打邊爐又唔同係我食完既感想係覺得有d似雞煲既食法先吃雞鍋, 再打邊爐係開始打邊爐之前就要揀左鍋先既係咁多鍋入面我個人認為最有特色既一個就係三黃雞悶鍋一黎到就比個造型吸引我地影相好有特色哈哈成程都係由店員負責整我地只係等佢整好超級舒服等左大約15分鐘終於整好了!! 一打開就勁香既辣雞味道燜熟既雞口感同煮熟既好唔同!! 更加嫩滑同埋肉汁係哂入面!!食完雞就可以點打邊燼既食材我地點左有丸啦有肉啦有菜啦手工鵝肝蝦丸，松露墨魚丸出面食唔到既人手包紮餃子同貢丸!!味道更加鮮甜!!除左野食之外仲有甜品可以點!!我地就點左呢個芒果糯米糍作結煙煙unun的為完美的一餐劃上句號

平時食開間樓上米線今日專登落翻2層食呢間黃記煌去到仲早，所以人唔多。呢到嘅食法係食完鍋再盪食 (即係打邊爐)太肚餓坐低就即刻嗌咗個辣嘅牛氣衝天燜鍋~店員仲好細心Double Confirm 真係食得辣先好叫辣，我作為嚐辣一族梗係唔驚！D野食未到，可以先食住竹炭花生醫下肚，不過好快就有嘢食啦！先黎夫妻肺片同尖椒皮蛋，初頭只係想叫一個前菜，但見第二款半價就試埋。肺片非常爽口，而且好入味；皮蛋嘅蒜好香，加埋個油底食超正。無幾耐店員捧左個紅色嘅缸，再將入面嘅野倒落去個鍋到整熟。加埋醬汁同芫茜(正啊喂)，煮多陣個牛氣衝天燜鍋就食得！食落都咪話唔辣，不過真心越辣越過癮！牛氣衝天燜鍋有牛肺片、牛柏葉、牛腱同牛肚。當中我就最鍾意食牛柏葉，D辣汁索曬入柏葉，食落啖啖都係個惹味嘅辣汁，牛肚都非常唔錯，彈牙唔痴口！食到咁上下就加湯食燙料。打邊爐點少得肥牛！我地叫左個美國安格斯頂級肥牛，食落好有牛味又唔老，仲有湯底嘅辣滲入牛肉入面；炸魚皮好脆，唔會好似一D火鍋店一早擺到淋曬先上檯；其他配料包括午餐肉，非常鬆軟、蘿蔔就入味、魚皮餃皮薄、鵝腸彈牙、手工松露墨魚丸真重黑松露味，鍾意松露就唔好錯過！仲有我最喜歡食嘅炸

朋友仔相約出來聚會，佢最喜愛食雞煲，知道喺尖沙咀有一間原汁原味雞燜鍋-黃記煌三汁燜鍋，所以一齊試下😊餐廳位於尖沙咀加拿分道，近地鐡站，相當方便餐廳設有多種燜鍋，有三黃雞、牛、豬，海鮮等等，醬汁亦有多款選擇，可以滿足唔同顧客要求👍🏻選左招牌三黃雞燜鍋，醬汁選左鹹鮮汁店員首先喺將牛油放入鍋內，跟著放入蔬菜，蔬菜有西芹、紅蘿蔔、洋蔥、蕃茄、青椒等，顏色鮮豔，再將雞件放入鍋內，最後店員將醬汁放在雞件上面在等待期間，香味慢慢地從鍋邊滲出來，好期待啊當店員打開蓋時，好香，雞肉新鮮，幼嫩多汁，連雞胸肉亦唔駭，真喺原汁原味而配菜吸收左醬汁，十分惹味