黑布小巷

營業中

休息中

黑布小巷（大角咀）值得支持既台灣餐廳！餐廳位置唔算近地鐵站，但都值得特意過黎支持！價錢平民，食物質素高，主打台灣小食、台灣麵線和特色飲品，每樣都做得精緻，吸引，色香味俱全，非常值得來支持一下！😊餐廳真係每樣食物都做得吸引，尤其是蛋餅和吐司😍。每道菜的份量都足夠，非常適合和朋友們分享👍。火腿芝士肉鬆蛋餅口感層次豐富，外脆內軟，每一口都能感受到火腿的鹹香和芝士的濃郁，肉鬆的加入更添風味，早餐吃這個真是太完美了！😍慢烤雞腿芝士蛋吐司也令人驚喜，雞腿肉鮮嫩多汁，搭配融化的芝士，香氣四溢。配上煎蛋，口感層次分明，吐司外脆內軟，完美吸收肉汁，每一口都讓人滿足，真的是不誇張！😋慢烤豬仔骨是這裡的新款，餐廳定期更換菜式，這點特別讓人欣賞，讓顧客有新鮮感！😆紅燒牛肉麵作為台灣的招牌菜，當然要試試！當然不少得是台灣特式飲品，可以用作解膩，口感清新，我叫咗以下食物，全部都好味到食得晒！- 雞髀肉蔥油拌麵- 火腿芝士肉鬆蛋餅- 慢烤雞腿芝士蛋吐司- 紅燒牛肉麵- 手工滷肉慢烤雞扒便當- 慢烤豬仔骨便當- 桂花雪梨羅漢果茶- 桂花烏龍茶

今日行街經過入左宜間工廈嘅高質台式小店，餐廳小細但舒服！食物份量都好十足，高質台式蛋餅同吐司價格CP值超高，值得一試😋手工滷肉雞扒便當份量好大份！鹽酥雞扒大大舊，炸得好香脆惹味之餘又唔會有嗰種滴曬油嘅肥膩感，配料仲有一大堆滷肉、粟米粒、粉絲同滷蛋等等，勁豐富！🥰😍台式肉蛋芝士吐司多士烘得好脆口，餡料十足，流心濃濃芝士爆晒餡咁流出嚟，難忘不了🥰雞髀肉椒麻拌麵啖啖香濃肉汁既雞髀肉，配埋椒麻醬汁，絕對食到忍不住口，越食越開胃🤤芝士吞拿魚粟米蛋餅呢個真心抵食，大大碌爆哂餡，上面有辣醬同蛋黃醬，勁多芝士、吞拿魚同粟米，比例同份量都好出色，再另外加啲蛋餅豉油，講真吞拿魚加芝士，夾蛋黃醬無可能唔好食😍每一啖都好豐富！最後飲埋冬瓜茶，開始進入秋季，需要降火氣🥰

大角咀美食多，今次趁阿仔去表演之前食一個大下午茶先！我哋揀咗食台灣嘢🐮紅燒牛肉麵牛肉有三大件，麵質非常煙靭有口感，湯底味道夠濃。仲有足夠分量嘅酸菜，牛肉麵必備👍🏻🐟 芝士吞拿魚粟米蛋餅蛋餅很香，吞拿魚份量也很足夠，但係如果比我再揀我一定會揀返芋泥芝士，因為好似呢個配搭係最好味嘅！ 🐓麻辣鬼椒雞腿芝士蛋吐司鍾意辣嘅朋友必試雞腿很嫩滑辣到非常高芝士溶溶地配埋一齊食很有份量嘅吐司！🦑炸花枝丸外脆內軟很不錯🦐 炸夜市蝦卷味道幾特別，第一次食呢一個質感嘅蝦卷🥤 健康小甜冬瓜茶解辣一流！飲一啖，即刻清涼解渴！🫖 無糖桂花烏龍(凍）食完油炸嘢飲呢個烏龍茶就可以即時解除油膩感啦！

之前成日去荔枝角特登去食#黑布小巷而家大角嘴都開左分店更方便☺️台灣野黎講真係性價比之鬼 人均$100-120食到抬住肚走我哋眼闊肚窄兩個人叫到成枱野都唔洗$250 (梗係食唔晒)必食推介係#台式蛋餅 ！芝士火腿肉鬆蛋餅飽滿餡料半溶芝士混和火腿肉鬆 仲有軟Q蛋餅 一人輕鬆KO半條🌟仲有慢煮雞腿流心蛋芝士吐司係我每次黎必點雞肉嫩滑入味 芝士份量超多 一人半份唔會太膩🤌🏻主食就揀左紅燒牛肉麵 四大件牛肋條 香濃牛湯底麵條彈牙而且好吸湯 仲加左台灣腸同炸蝦卷小食 惹味滋味飲品推介微甜冬瓜茶 唔會太甜 解膩一流🤓📍黑布小巷 @hakpo_alley

屋企附近開咗一間台式吐司一路都好想去，但係之前去過佢哋話冇廚師，所以吐司沒有供應所以就試咗佢個滷肉飯都叫正常，不過侍應係比較冇禮貌態度差問多少少都唔想答 我第一次嚟問吓都唔俾嘅諗住俾多次機會佢啦，最近見佢有返吐司妨就試吓啦 我叫咗個慢煮雞扒芝士吐司個名就真係好好聽，好想食添 點知返到嚟嗰啲雞扒真係好硬 又光又鞋完全唔明佢點慢煮會煮成咁？簡直見到都唔想食小朋友見到即刻唔肯食，唯有我食啦唔好浪費不過以後都唔會再幫襯啦

📍 「黑布小巷大角咀」 最近見到好多人介紹呢一間小店經過大角咀見到，當然食番餐台灣午餐食物非常正宗又有台灣原味道所以同朋友嚟試下。✨ 慢烤雞腿芝士蛋吐司成個吐司勁大份，勁厚身，係雞蛋、芝士、雞腿🍗半溶嘅芝士已經好吸引🧀加埋熱辣辣半熟嘅流心雞蛋🥚雞腿啖啖肉，而且有烤過，口感更加豐富，吐司外皮烘過有小小脆，呢個吐司好𥄫晴🤩✨ 古早味手工滷肉飯半肥半瘦的肥肉~膠質香氣十足🐷口味上偏甜、滷汁好大方滷肉滷得超透又入味不死鹹🫰🏻入口即化的油香～超讚啦👍✨ 芝士吞拿魚粟米蛋餅台灣美食點可以冇蛋餅，呢一間小店嘅蛋餅就用全雞蛋做皮，皮薄身煙韌，包住一塊好豐富嘅吞拿魚同爆多粟米🌽蛋味夠晒濃香，熱辣辣芝士仲拉絲🧀✨ 黑布台式香腸本來以為都係普通台灣腸，無咩特別，但估唔到佢外皮香脆之餘，內餡仲勁juicy，全部都係肉🥓飲品全部自家製，每日新鮮出爐，唔會隔夜，雖然冇得揀甜度，但係所有飲品都唔會太甜，而且仲好滋潤❤️✨ 桂花雪梨羅漢果茶✨ 冬瓜茶

✨慢烤雞腿芝士蛋吐司🍗🧀🍞兩塊厚身烤多士配上自家製醬汁及流心蛋汁😋非常Juicy，一咬滿滿芝士流出嚟，再加埋麵包🥖本身已吸收芝士蛋汁，慢煮烤雞腿🍗肉質嫩滑融合邪惡雙重芝士口感一流😍👍🏿✨雞髀肉椒麻拌麵🥘椒麻口味香濃，面上有配料粟米🌽腌菜半隻蛋，全部都是我喜愛的材料😍雞髀肉好嫩滑有口感，再加上椒麻辣辣地好開胃👍🏾✨芝士火腿肉鬆蛋餅🍳🌯芝士火腿肉鬆蛋餅即叫即整😋熱辣辣芝士拉絲量十足🫕香口得黎又唔會乾身，蛋餅面淋上甜酸醬加肉鬆令蛋餅更加惹味🥚絕對推介🤩✨花枝丸配淮鹽加蝦餅🧆🍤如果覺得主食不夠還可以加配小食，花枝丸炸得香口配埋淮鹽絕配😆而且份量都幾多，兩人食可以點一份小食就夠☝🏽

台式小店黎講算係小有名氣之一未食過荔枝角本店，多年前係葵廣有賣滷肉飯，當時食過都唔錯餐廳會有落場，準時6點到，好快就入左一大半樓面員工好少（當日只有一個)， 但都快手同有禮落單用自助QR CODE模式，但需要先付款，如果冇電子支付，都可以出去櫃檯比錢整體價錢唔貴，如果下午茶時間黎仲有85折但當日唔知係太早定點，有唔少野都冇得點，可以選擇既野唔多🍽芝士火腿蛋餅好整齊卷得好好既蛋餅，煎到每個位都有脆又冇過龍內餡好平均，每一舊就到去到尾都仲有好多芝士同火腿要求好似好簡單，但真係唔係間間都做到，一係一夾就散，一係頭尾都冇料，呢個有驚艷到！而且只係$3X🍽花枝丸配淮鹽 (5粒)加$28配既花枝丸，足料多花枝，唔會食到成口粉，唔油膩🍽手工滷肉雞扒便當我睇相見人有炸雞扒，不過我當日就得烤雞扒，因為我吐司已經叫類似既野，其實我想要炸既多D不過便當其他款都唔係好岩，當日冇叉燒又冇晒麵食.....滷肉飯既部分唔錯，雞扒就冇咩特別🍽慢烤雞腿芝士蛋吐司吐司係呢度既名物，都有唔少期望賣相好好，蛋汁睇落好濃郁，流晒出黎麵包有烘脆，但冇咩牛油香，如果用多D牛油煎會仲正蛋汁味道冇睇落去咁濃郁塊雞有個醬料，食落有點微妙

今日要同大家介紹一間大角咀餐廳，地點十分方便，鄰近奧運站，大家千祈唔好錯過，記得支持同埋留意我嘅推介啦😊😚😋😍🫠=====================Food list📌😍😋台式雞腿芝士吐司：呢個係招牌菜，餡料十足，加埋濃濃嘅芝士🧀，絕對一試難忘🤗😍😋冰凍，桂花烏龍茶：桂花清新，加埋頂級⭐️烏龍，十分冰凍清甜😘😍😋手工滷肉蝦卷便當：蝦卷煎得好香脆👍，加埋台灣特色滷肉，配搭一流😋😍😋台灣腸配麻辣鬼椒粉：呢個小食好惹味，加埋有香辣粉⭐️，提升晒香腸既味道🥳

🥢芝士吞拿魚粟米蛋餅：✨推薦✨蛋餅表面焦脆，中間是大量呑拿魚肉和粟米，芝士同蛋唔會太多令蛋餅過油或過咸👍🏻。🥢手工滷肉便當🍱：✨推薦✨肥肉比例少，啱我唔食肥膏呢類人。惹味滷肉配珍珠米令人回味想encore 🤤。🥢慢烤雞腿芝士蛋吐司🍞：嫩滑雞腿肉同流心蛋好夾，多士都係新鮮烤，好香脆🥢夜市蝦捲🥢桂花雪梨羅漢果茶：✨推薦✨無添加糖，只有羅漢果自然甜味，所以味道清爽同濃味既台菜幾夾👍🏻。

請問旺角店係咪你哋集團？點解手工滷肉飯可以冇滷肉嘅呢？我拎果陣都覺得怪怪哋個飯可以乜都冇咁，阿姐話係呀，滷肉飯飯呀嘛。請問點保持質素呢？我見嚟旺角開返諗住幫襯下，好失望…………

❤️放工同朋友見個面🥳好開心呀💯😋餐廳裝修簡約✅木系嘅格調有種好relax嘅感覺💯🥪慢烤雞腿芝士蛋吐司🌈呢個吐司個醬汁非常之惹味💕而且烤完嘅鷄腿好嫰滑🔥記得趁熱食呀🥳🍡花枝丸🌈呢個花枝丸上面鋪滿淮鹽🫙超惹味呀😋一客有5粒🍡花枝丸仲好彈牙添✅呢個小食唔錯噃🥳🥤凍頂烏龍🌈凍頂烏龍味道茶味道清香🌸古早味味道👅🍜紅燒台式牛肉湯麵🌈呢個紅燒台式牛肉湯麵真係充滿侄台灣風味👍特別係個湯頭❤️甜甜地又係帶有微微酸酸辣辣💯好惹味呀🤤加埋爽口嘅牛肉同彈牙嘅麵條😍好推介呀🥳🫔芝士火腿肉鬆蛋餅🌈呢個台式芝士肉鬆吐司超驚喜喔🥳好好食呀😋佢地嘅肉蛋同肉鬆超夾呀🔥加埋佢裡面啲甜甜地嘅秘製醬汁😋食嘅時候啲蛋汁別晒出嚟😛超級正呀💯🥤桂花雪梨羅漢果茶🌈呢個桂花雪梨羅漢果茶潤喉就啱晒✅仲超級大杯添🥳🥓黑布台式香腸（2條）🌈我哋好喜歡食惹味嘅台式香腸😍一份有兩條😃一人一條啱啱好呀👍

之前一直有去開荔枝角的【黑布小巷】， 依家大角咀都開咗當然要去支持下和回味一下台灣嘅美食。❤️台式肉蛋芝士吐司吐司外層烤得金黃酥脆，裡面夾住嫩滑嘅雞蛋同香濃芝士，肉片嘅鮮香增添左層次感。每一口都充滿滿足感。🧡古早味手工滷肉飯滷肉飯嘅手工製作滷肉，肉質鮮嫩，醬汁濃郁，滷味嘅香氣撲鼻而來。飯吸收左滷汁精華，非常入味，每一啖都有台式幸福感。💛紅燒台式牛肉湯麵牛肉湯麵係黑布小巷另一招牌菜。湯底濃郁，牛肉煮得軟嫩，搭配彈牙麵條，令我一啖接一啖。湯底加左多種香料，提升哂整體風味。💚黑布台式香腸香腸風味十分獨特，外皮香脆，裡面肉汁豐富，依個小食係必食之選。💙冬瓜茶最後，飲一杯冬瓜茶作為結尾，清爽又不膩，甘甜清香。

我今日突然間想食吓台灣嘢，所以就捉咗朋友改呢間荔枝角出名抵食有幾好食嘅工廠大廈食台灣嘢啦。我哋遲咗少少嚟所以我哋想食三色芋圓就食晒，希望下次嚟嘅時候仲有啦。我最鍾意嘅就係蛋餅，今次要咗個肉鬆火腿蛋，佢真係好新鮮，食落去蛋餅嘅皮仲係有啲脆，真係非常之好食呀。另外主食方面，我哋叫咗豬扒蛋嘅多士，食落去真係非常之熱辣辣，啲蛋汁有啲流出嚟真係好邪惡，仲有就係芝士，真係好好味，加番杯嘢飲，我就叫咗個羅漢果茶真係好健康，仲有其他唔同嘅台式飲品都好值得一試，好似係珍珠奶茶我朋友就叫多咗個雞扒便當，雞扒非常之肉質鮮嫩，外脆內滑，真係好好食，加埋啲粉絲肉燥粟米，真係好夾，仲要大大碗本身好肚餓食到好飽先出去我哋仲叫咗個台灣腸同埋甜不辣小食都好惹味㗎，真係食到差少少要打包啊😆

喺入座時，店員沒有告訴客人什麼都沒有得食，店員服務態度非常之差，叫完嘢食之後等咗半個鐘都沒有嘢食，之後問店員，佢先告訴我個爐壞咗，之後仲要等多5分鐘，但係我見到啲麵啱啱先送入去，喺我哋落單嘅時候又唔講