黑木 (已結業)

我既好朋友生日，諗住請佢去一間特別啲既餐廳食一餐難忘既生日飯。朋友特別鐘意食日本菜，但如果去食拉麵或暫壽司好似冇咩特別，所以我就帶左佢去一間隱世既omakase串燒。Omakase即係廚師發板既意思，岩哂我地啲有選擇困難症既人。我地揀左「享·日」呢個餐，佢係最豐富既，有成12串串燒。前菜方面，有煮花螺、豬肝、三文魚嘴等等三文魚嘴好特別，咬落去幾爽囗。我平時對豬肝冇咩特別喜好，因為我唔太鐘意太腍既質感，但呢度既豬肝既口感幾結實，而且味道好香！跟住，師傅就會擺隻碟喺你面前，將燒好既串燒放上去，當你差不多食完嗰串，就會加再放另一串上去，保證你食到新鮮熱辣既串燒。呢個豬肉串連流心蛋亦亦都另我好難忘，個蛋超滑。仲有其他好正既燒物，包括燒白膳、豬手、魷魚、魚等等。仲有呢個鮮甜濃郁既茶壺海鮮湯。我地食左兩個鐘，一邊傾計一邊享受美食，我朋友好對呢一餐好滿意啊！

今天参加完公司培训之后，跟朋友过来吃日本料理🇯🇵工作加上学习一天之后，坐下来好好享受美食一开始定位把我们带去了另外一个大厦，完全找不到入口，还好后来给老板打了个电话📞才发现这间低调的日本料理店，很有日本的风格。人生中第一次吃OMAKASE，而且还是这么棒的，开心😃这边所有东西都很精致，而且是厨师👩‍🍳现场加工出来，吃完一道菜接着下一道菜。老板还会过来跟我们解释每一道菜的食材跟用料，超级sweet！选择食物，就是选择生活。这是一种态度，一种生活状态！很感恩今天晚上来到黑木，让我对现在的每一分每一秒都十分珍惜，对生活充满热情❤️上一次也跟朋友吃串烧！这次的味道更美！环境更好，朋友👬坐下来，聊聊天吃吃饭，好快就到了深夜。

餐廳係韓國街，門口裝修好低調，好有日本omakase 店嘅風格。 餐廳入面除左最吸引嘅吧台，仲有普通座位，裝修簡潔沈穩。我地好肚餓就點左最多嘢食嘅set；享.日 $688 。包括前菜、串燒12串、季節海鮮、湯（吸物）、飯糰（食事）及煮物。前菜煮海螺 蕃茄青瓜 豬肝 冰糖漬三文魚嘴海螺有4粒，幾爽口，醬汁甜甜地幾特別。中間有d 蕃茄青瓜係清味蕾解膩用嘅。豬肝第一啖食有濃濃煙燻味，似煙鴨胸味，口感綿密，但都係會保留到豬肝味，唔食內臟嘅話可以提前同店員講安排其他食物。冰糖漬三文魚嘴酸酸甜甜，口感軟軟地又有小小軟骨嘅爽，微微食到魚味，好特別。串燒12串：part1（順序由左到右上到下）雞軟骨：好爽口，加d鹽同檸檬汁就啱啱好青椒仔：估唔到完全唔會苦澀辛辣，反而甜甜地，口感有d似青葵。雞肉釀雞軟骨配溫泉蛋串燒：溫泉蛋滑溜溜濃郁蛋黃味，雞肉棒質感比較鬆散d，有d蔥令味道比較豐富香d，入面有雞軟骨碎，增加口感，撈埋溫泉蛋食好滑好香濃，口感豐富燒白鱔：好熱辣辣，嫩滑多汁，燒到外脆內軟燒蔥白：好清甜，都幾嫩燒黑豚肉：呢個好好味！肥瘦層次分明均勻，keep 到肉汁唔會孩，豬肉味濃郁，係黑毛豬獨有嘅香氣！而

今日突然想食串燒，搵到間叫黑木，做得專門店自然有適當造詣，如果唔係點樣開檔！調味都做到，因為有些店只靠食物的自然味而唔會調味。印象最深刻是燒翠玉瓜， 燒得水份夠，用了孜然粉及准鹽，有香味，效果很好。最特色的雞軟骨肉串加生雞蛋，因為組合好，軟骨好味，汁多之中有𡁻口，概念好。一般我唔會點燒雞尾，想不到效果非常好，有雞的香味，唔會太油，當然無羶味。沖繩豬手幾好，先用慢煮到鬆軟，跟著再燒香，有酸甜味道解咗膩。份量十分夠，廚師發板有12款燒物，燒蘆筍、青椒仔、黑臀肉、雞心、豬軟骨及各款菇類。海鮮茶壺湯作吸物，燒魷魚一夜干作季節海鮮，前菜有三款，冇甜品。另外我點左日本啤酒，廚師發板每位$688，新年好意頭！

今晚去左尖沙咀金巴利街嘅黑木，串燒食過，Omakase 食過，但串燒Omakase 就未食過，有三個選擇，大眾價嘅Omakase👍🏼 $688 一人前，有前菜🥗、串燒12串🍢🍡、煮物🥘、吸物🍲、季節海鮮🐟🐙🦑🦐、食事🍙前菜先嚟一碟色彩豐富嘅冷雜錦，左起有BB茄、豆腐、煙燻豬肝、冰頭漬（三文魚鼻樑軟骨位）、青瓜、大海螺，食完個胃已進入進食最佳狀態；雞肉棒，食到入面有幼細軟骨，配半生熟蛋，食出多種口感；台灣深海大白鱔，大條，味濃，油脂非常多，皮燒到好脆；燒青椒仔，四小隻一串，第一二隻唔辣，心諗唔通呢隻椒係唔辣嘅？！諗都未完，第三隻就有D辣喇，不過似黑椒嘅微辣度；燒雞尾，雞嘅油份最高，所以最有雞香；燒雞頸肉，細心從雞頸取肉，一絲絲一圈圈，細嫩，不過呢串嘅鹽份重左少少；燒黑毛豬，五花腩位置，一層油脂一層肉一層油脂一層肉，分部均勻；慢煮冲繩豬手，骨膠源豐富，兩小件啱啱好，食多會滯；燒墨魚，燒得香又唔過火，厚肉彈牙；仲有燒翠玉瓜、燒蔥、燒冬菇、燒白菌、燒雞心、燒雞軟骨、燒雞肶菇、一壼材料豐富海鮮味香濃嘅吸物、燒飯團，最後用限時季節和果子甜品做結尾，三隻字～～大🈵️足。

今晚去左尖沙咀行街，經過金巴利街見到呢間日本料理餐廳好有日本feel，再睇吓佢放响門口嘅餐牌，原來喺omakase 😋，所以就決定响度揀左個$688嘅omakase 做今晚晚餐。前菜喺三小碟:麻醬豆腐配蕃茄BB丶原隻螺配上自家製酒味醬汁丶三文魚嘴切成小塊薄片，配埋兩片煙燻豬肝，想話煙燻時間剛好，甜甜味道入曬豬肝𥚃，好味道。仲有串燒12串丶吸物丶煮物、燒物丶季節海鮮及食事，非常豐富，足足花了兩個小時享受呢一餐呢！其中特別喜歡燒鷄肉串，師傅連埋軟骨碎混在喺鷄肉𥚃面，所以食嘅時候啖啖都有軟骨爽口嘅口感，配埋溫泉蛋上，正呀。仲有燒鰻魚串，師傅話用左深海鳗魚，唔知喺咪深海做得運動多，鰻魚啲肉質又彈牙又實，油脂充足飽滿，薄薄魚皮又燒得香脆美味，好好食。

今晚同朋友諗住飲幾杯，配埋串燒就一流，上網搵到呢間黑木，串燒既omakase 真係好少見，呢度最平既set 288$已經有多款食物，不過今日心情好 豪少少叫左個$688 set ,包括前菜、串燒12串、煮物、吸物、季節海鮮已經！前菜係辣酒煮螺配豬肝同豆腐，螺肉好新鮮有點辣味，豆腐好滑嫩！串燒有幾款我好鐘意翠肉瓜好甜，燒左既關係所以更多汁，外皮爽口！燒青椒，雖然我平時唔好青椒，但呢個好惹味，唔會口淡淡，好正溫泉蛋配免治雞肉棒，免治雞肉棒醬汁好味，甜甜地再撈埋蛋汁食 一流！黑豚肉串燒，黑豚肉好juicy 多肉汁，唔會好乾，肉油出哂黎！肉質好嫩，好好味呢！佢地既湯入面有冬菇同蜆，蜆肉吸哂冬菇既香味，非常唔錯，個湯唔油 清清地岩哂食完串燒既時候飲！呢間串燒抵食又高質，以後又多個好地方食飯

店面就位於一個尖沙咀韓國街內, 看起來頗有日式風格。甚有地道居酒屋的氣氛。串燒選擇多，約幾十多款，即點即做，新鮮熱辣。食品主要係串燒為主既可單點也有廚師發辦, 廚師發辦會由廚師選最優質既串燒, 就一於食個串燒omakase 先前菜係有螺, 肉質Q彈又無沙串燒方面, 翠肉瓜 外表燒得好香, 火候恰當，做得鮮味多汁燒雞翼, 雞肉嫩滑、皮脆肉嫰就是這樣醬烤大蔥的滋味香甜爽口, 那大蔥獨特的甜味令人回味燒牛排串燒, 牛既脂香溢出, 肉汁大爆發吸物就有蜆湯, 好清甜, 無沙, 仲有爽脆既菇添, 燒物係燒鯖魚, 香氣十足，油脂豐富肉質肥美食事就有明太子飯糰, 明太子的香氣給逼出來整個氣味超級提升, 又飽肚, 大滿足

約咗幾位朋友一齊食好野，於是朋友介紹我黎食依間位於尖沙咀金巴利街既日式居酒屋🏮由於我地好早食晚餐，佢好快就比咗位我地。我地三個女仔，本身想一人叫一個set 食，但餐廳既人都好好禮貌，佢同我解釋其實一個set份量都幾多，三個女仔食會好飽，所以最好就係叫兩個餐三個女仔share食 。咁我哋就跟佢意思啦，一開始因為啲串燒係逐碟逐碟上嘅，所以我哋都驚緊會唔會唔夠食。但係後尾發現原來真係有好多唔同種類嘅燒物。前菜有 海膽 都好新鮮 仲有青瓜之後有海鮮，好多唔同既燒物。包括有白鱔 非常好食😋、雞腎煙un得來又有啲爽口、牛舌、雞比菇、白菌、雞頸肉。 燒蕃薯好特別、豬手，溫泉蛋，肉同埋韭菜串燒。我最鍾意係食嗰隻溫泉蛋，馬油，魷魚仲有飯團！下面有好多張相～最後我哋每個人都食到好飽好飽！ 而且食物嘅質素真係幾唔錯😋😋非常之推薦。仲有餐廳嘅環境都幾正，同埋好舒適。

好耐冇食過串燒，因為朋友生日，所以我地揀左間高級日式串燒店慶祝。入面環境好舒適，燈光柔和，又有bar枱，周圍擺滿酒，好有feel。我地叫左2個「享·日」餐，原來有好多野食，有前菜，串燒，茶湯，燒海鮮同飯團，我地3個女仔食得好飽。呢個係前菜，竟然有海膽，好開心，重要係鮮甜，吾腥，配埋紫菜同青瓜食好岩。呢個係牛舌，好有牛味，重要係厚身，一d都吾老，好有口感，加d檸檬汁，即刻好fresh。白鱔燒得金黃香脆，又有味，無骨可以一大啖食。估吾到雞頸肉可以咁鮮嫩 。而白菌味道好特別，香味濃郁，非常juicy。而呢壺海鮮湯都好好飲，好清新，放得非常可愛。豬手煮得好入味，又吾會過冧。馬油燒得好香脆，配埋醬油，吾會太咸，感覺好fresh。燒魷魚好有味，吾韌，重好爽口。

我同朋友都比較鍾意食串燒，最近見到依間串燒都幾吸引就決定去食。喺門口見到裝修都幾特別，係好高級嘅感覺。入到去見到Menu，有三個set揀，鍾意食海鮮嘅我哋就揀咗$688嗰個。前菜嚟咗個海膽配紫菜，仲有啲酸瓜，都幾開胃，而且個海膽都好鮮甜，好新鮮。之後佢嚟咗12種唔同款式嘅串燒，有肉有菜，所以唔會好濟。依個係燒牛舌，佢既口感好淋，唔似平時食開嗰啲咁韌。依個燒青椒仔都幾特別，因為平時唔係好多機會會見到。冇諗過咁樣燒出嚟都幾好食。依個燒白鱔都吸引住我，佢好有魚味，而且個皮係脆，但魚肉係嫩滑。一開始以為依個係普遍燒茹，但原來個味道同口感都好吾一樣，之後先發現係燒白菌。平時食豬頸肉都食得多啦，今次呢個雞頸肉都幾特別，因為之前一直都未食過，但係個肉質都唔錯。之後仲有好多唔同款式嘅串燒，完咗串燒之後仲有呢個茶壺海鮮湯，依個湯嘅味道真係好濃好特別，我見到入面係有蜆肉、冬菇同埋雞肉。明太子飯團燒豬手燒馬油

韓國街有間門口幾有feel嘅日本串燒餐廳🤡食物質素同門面一樣咁有水準👍🏼可以散叫串燒，都有set揀，懶嘅關係揀咗 享、日🤩由餐廳安排食物，冇咩特別唔食嘅可以試下前菜: 螺經甜酒浸過，挺鮮甜、搭配豬肝同薯仔沙律🥗幾開胃串燒12款不同，有蔬菜🥬都有肉類。蔬菜類分別有燒翠肉瓜、燒冬菇、燒白菌、燒大葱，燒青椒等等，燒得岩岩好，材料新鮮，好甜肉類分別有黑豚肉、雞軟骨、雞尾、紫蘇雞串、白鱔，燒物慢慢燒，十分惹味，慢煮原質令肉質較鬆軟，唔似岀面啲串燒店偏鹹，餐廳調味剛好、呢間更食到食物原本味道，可自行加鹽或檸檬汁🍋開放式廚房，但絕對唔會有油煙嘅問題湯汁索曬入烏冬🥣😋兩小口剛好梅子雞扒，肉質十分嫩身明太子飯團🍙，飯帶少少焦，口感有層次茶壺湯裏有蜆和冬菇，令湯更甜海鮮有龍蝦，蝦膏十分多，燒得好好，岩岩好熟，離殻帶少少汁🤤🤤環境不錯，店員都幾有禮貌

呢一間日本料理餐廳環境寬敞，非常有格調，而且服務質素極好。第一下入嚟已經感覺到個氣氛非常舒服。呢一個係免治雞肉蛋，食之前一定要戳開隻蛋，再慢慢用啲免治雞肉醮黎食，咁樣配合起黎非常滋味。而且食完之後淨低嘅蛋汁亦都可以飲埋佢，非常可口。呢一個係燒白鱔，外皮脆，肉質彈牙，係我最喜歡嘅串燒！而燒雞腎同燒雞頸肉質香滑，好入口，亦都非常好味道。蔬菜方面就有燒日本白蔥同埋燒青椒仔，燒完之後日本白蔥非常爽口！好好食！呢兩個飯糰分別係明太子飯團同埋木魚絲飯團，兩個嘅口感截然不同。個人喜歡明太子飯糰，因為味道較濃，而且有特色。呢一個御用茶壺裝住嘅入面係鰹魚湯，味道濃厚豐富，而且有些微嘅材料可以喺飲完湯之後慢慢享用！落埋青檸汁更加好味！

新慶祝紀念日揀左尖沙咀呢間有格調🎑，有質素的日式串燒🍡🔥。日本串燒不嬲價格唔💰，呢間的食物質素係值回價值👍🏼👍🏼！好推薦慶生🎂，慶祝🍾晚飯到呢度！(呢D門面應該好貴好高質🤤🤤)我地叫左個「享•日」呢個set，有好多野食。.前菜 Appetizer:辣酒煮螺配豬肝搭薯仔沙律🍶🐚🐷🥔🥗(好味指數:😋😋😋😋)個螺有少少辣，但係好香，好好食，唔係中菜咁咁重味，成件事好subtle。豬肝佢應該用左慢煮同冷食的食法，配合少少的芥末，幾得意的一個新菜式。薯仔沙律好清新。.串燒(part1)(左上)温泉蛋🥚(好味指數:😋😋😋😋)成隻啪入口，等係口入面爆開個蛋黃，冰凍的一爆，好滿足。紫蘇雞串🐔(好味指數:😋😋😋😋😋)有d蔬菜混合左一齊，有少少咬口，本身個雞的調味都好夠，又好林，好入味。.(右上) 翠肉瓜 (好味指數:😋😋😋😋😋)白鱔本身都夠咸，佢都好細心配埋salt比你，我就無用到。.(左下)翠肉瓜(好味指數:😋😋😋😋😋)呢個燒完，入面都好juicy，同埋好甜。.(右下)雞髀菇 (好味指數:😋😋😋😋).串燒(part2)(左上)白葱 (好味指數:😋😋😋😋)好甜好juicy。.(右上)冬菇(好味指數:😋😋

朋友去完日本話好掛住日本居酒屋嘅串燒，上網一搵原來係香港都有唔少日式居酒屋，依間黑木最吸引係門口，勁似日本巷仔小店，神秘感十足。一開門店員就一齊用日文說‘歡迎光臨’氣勢十足，我地坐吧台可以看到師傅做菜，要左OMAKASE「享 日」套餐，有前菜、串燒12串、煮物、燒物、吸物、時令海鮮同食事全部由師傅發板。單單前菜已經有4款，酒煮花螺、八爪魚、三文魚下鰐 、燻豬肝。花螺煮到口感超好，爽口彈牙味鮮，三文魚下鰐係生，見到有啲唔膽食，原來係漬物有酸酸甜甜嘅味，下鰐係軟骨食起上黎好脆口，八爪魚都係有時先調味，食落好開胃，燻豬肝有煙燻過嘅香，口感岩岩好唔會好粉。前菜後是溫泉蛋和雞肉棒，雞肉棒裡面有一種食材食起來很脆，點埋蛋汁一齊食更加香。串燒陸續登場，是我最愛的燒白鱔，超肥厚味鮮，皮燒到好脆，咬落去仲有汁唔會燒到乾身。係燒鮮冬菇同千両茄子，冬菇上面有木魚絲調味，清甜得黎帶點鮮，茄子咬落去係爆汁，表面嘅醬汁好好味同茄子好夾。接住係雞尾，雞肉口感同雞肶有啲似，雞皮燒到岩岩好，食到油脂香同脆口。食到甘上下有點膩，依個時候上左個茶壺湯，湯裡面有大蜆、海帶、冬菇同白果，清得黎好鮮甜，時間岩晒好可以解下膩。再來