點一龍 (如心廣場一期)

營業中

休息中

近日肺炎疫情嚴重，百業蕭條，但係飯始終要食嘅。今日就去咗荃灣一間叫點一龍點心店度食晚飯。馬蹄甘筍龍利葉海底椰燉豬腱$55。坐低服務員就介紹燉湯買1送1 - 更有抗咽喉炎。燉湯沒有味精，而且十分足料，抗肺炎效果就唔知，但係都幾潤肺嘅。金皇鮮肉鍋貼$33個皮煎到脆卜卜 ，鮮肉份量幾好足。例牌玫瑰豉油雞$83雞肉鮮嫩，個汁好入味，都幾值得推介。黑蟹子小籠包$39不過不失，合格。欖菜肉鬆四季豆$88單食的話味道比較咸，所以用嚟送飯一流 。醬皇蒸鳳爪$30，鳳爪蒸到軟淋淋，好易入口，好怕其他餐廳嘅鳳爪啲汁一達達，完全冇口感。豉蒜蒸排骨$30份量都幾充足， 出面餐廳有啲就係骨多個肉，呢個排骨都蒸得好滑，不錯不錯。冬菇紅棗雞肉煲仔飯$98都幾好火猴，雞肉冬菇都有好多，林上鼓油，撈埋啲飯焦食，讚!楊枝金露$40雪得夠凍，入口好清涼，滿滿嘅芒果同西柚肉，而且唔會太甜，做得不錯不錯。同場優惠：點心嗌三款送一款，其他小菜叫三款送一款 。老實講呢期我都出街少咗食飯，希望香港能快快度過呢一個難關，香港人繼續開開心心出外吃喝玩樂。

雖然都已經過咗立春， 但係天氣乍暖還寒， 都仍然會想食返一煲熱辣辣的煲仔飯 暖一暖身。 講真，煲仔飯同手工點心就自己一定煮唔到， 倒不如 就出街食 , 一石三雕， 食煲仔飯之餘， 飲返杯茶 ，又嘆番一盅兩件。 今次就去咗位於荃灣如心廣場的點一龍， 餐廳門面光鮮， 坐得舒服， 食客與食客坐位之間夠寬闊。 最近仲做緊優惠， 特別 因應時勢而推出的抗咽喉炎湯水買一送一 ，平日主菜買二送一， 點心買三送一， 就趁此機會食返餐特色手工點心。先講抗咽喉炎湯水-- 馬蹄甘筍龍利葉 海底椰燉豬展 龍脷葉性質溫和，味道甘淡，有助清肺，化痰治肺熱咳嗽，而海底椰則清燥熱、止咳、滋陰補腎、潤肺養顏、強壯身體機能。整碗燉湯入口味道清甜，飲過後喉嚨舒服，減少左 剛剛地的感覺。 餐廳煲仔飯多種選擇， 豬肉、 雞肉、臘腸 都可以揀， 梗有一款合心水。今次就叫了鳳爪排骨煲仔飯與及 鴛鴦腸蛋黃煲仔飯。 鳳爪排骨煲仔飯88煲仔飯送上枱後 ， 店員會先將一半是由到落飯 ， 然後再蓋蓋焗一焗 。最欣賞係煲仔飯與菜心分開上 ， 唔會怕菜心焗到黃一黃 。煲仔飯米飯金香， 口感適中， 飯焦也算均勻 。 排骨多， 也非常夠味，

今晚收工過左去荃灣如心廣場食點心，「點一龍」係一間點心專賣店，主打高貴創意點心及煲仔飯，荃灣新店仲有限定優惠，難怪疫境晚市都座無虛席馬蹄甘筍姫松茸湯(素湯)當日燉湯做緊買一送一優惠，好抵呢！湯𥚃的材料都可以促進上呼吸道健康，抗炎靚湯。燉湯無添加味精或雞粉，品嚐到嘅係食材天然鮮甜味杞子鮮蝦燒賣燒賣雖然只有三粒，但每粒都份量十足！半肥瘦豬肉頗香軟，滿有肉香，鮮蝦增添左爽彈口感晶瑩海蝦餃蝦餃外皮厚薄適中，晶瑩通透，具彈性。海蝦肉鮮甜爽口，好味道呢蔥花蒸鮮斑塊斑塊新鮮嫩滑，頗有魚鮮味，魚皮厚身Q彈富膠質。加左少許蔥花同辣椒吊味，更添美味翡翠鮮蝦腸粉腸粉外皮比較軟糥，有米香，內裏蝦肉份量都幾充足，爽口彈牙！翠玉瓜帶來清新嘅感覺北菇紅棗雞煲仔飯天氣凍凍地，叫左個熱辣辣又滋補的北菇紅棗雞煲仔飯🍚用料十足，雞肉份量大方，好嫩滑又juicy呢，仲帶有紅棗甜同北菇香！而且每粒飯都吸收左蒸雞肉嘅香氣同精華👍🏻煲仔飯仲會跟個油菜，夠晒健康斑蘭欖仁馬拉糕原味嘅黃糖馬拉糕就食得多，呢度有斑蘭口味嘅～甜度適中，鬆軟可口，散發著陣陣斑蘭獨特的香氣

去完荃灣Donki,收獲豐富.好姊妹帶我去晚飯-點一龍. 疫情時期,大家都食清淡菜式 北茹紅棗雞煲仔飯大大煲煲仔飯，餡料十足，好多雞肉，淋上豉油好味道，仲有碟菜心送上，好抵食！豉汁帶子蒸豆腐一款好清的菜式，白色豆腐上有點豆豉在點聚&調味，返屋企都可以試下蒸。小黃瓜紅油抄手款款送都清淡，就叫左碟少少重口味的抄手，略嫌辣味唔夠，總體都好好味！蜜汁叉燒腸粉自爆發疫情都冇去過茶樓，一場黎到叫左碟叉燒腸回味一下！好多叉燒，好欣賞呢間餐廳醬油另上，味道可以自己調較。蓮容壽桃包Size的的式，飯後作甜品最適合不過！

之前屋企人生日， 由於老人家既鍾意飲茶、亦鍾意食中菜， 選擇咗喺如心廣場商場一期嘅《 點一龍》。呢間餐廳嘅裝修以紅白為主題， 地方寬敞， 非常適合家庭聚會。龍蝦湯三皇餃$55， 呢一款係fusion點心， 用上西式嘅龍蝦湯配上中式嘅蝦餃王。龍蝦湯非常濃郁， 香氣十足， 而三皇餃裏面嘅鮮蝦非常彈牙， 咬落爽度十足。黑蟹子小籠包$39， 喺家傳戶曉嘅小籠包上面加上幾粒黑蟹子， 黑蟹子除咗做點綴之外， 亦提了一點點鮮味。 小籠包皮薄餡靚， 一咬下湯汁就噴出來， 真的要小心燙咀。 肉餡相當鮮甜， 加上少少黑醋，更添鮮味。杞子鮮蝦燒賣$39， 去酒樓食點心友是又點少得燒賣呢？ 呢度嘅 鮮蝦燒賣即叫即蒸，外皮唔會因為番蒸而變得軟淋。 肥肉瘦肉分佈平均，食落有瘦肉嘅肉味， 同時亦有肥肉嘅油香。 加上上面飽滿嘅鮮蝦， 令燒賣嘅賣相更為吸引。海蝦脆春卷$39， 一度點心即叫即炸， 所以送上嚟嘅時候熱辣辣脆卜卜， 呢個春卷用咗最新鮮嘅海蝦， 食落除咗彈牙之外， 易加添一份鮮甜味。呢度嘅煲仔飯亦係推介， 叫咗呢一個鴛鴦腸蛋黃煲仔飯$98， 除咗有我最鍾意嘅潤腸和臘腸之外， 亦有一個蛋黃乾， 成個煲仔飯嘅感覺

荃灣點一龍，位於如心廣場，樓底高而且座位闊落，環境媲美酒樓。晚市有點心、小菜、粥麵及煲仔飯，選擇幾多。原隻鮑魚雞粒酥（$55/件），一口一個夠豪氣，鮑魚夠入味，整體好酥脆好香。晶瑩海蝦餃（$39），名副其名，賣相好晶瑩，蝦肉夠彈牙。翠翡石斑蒸餃（$55），蒸餃上有矜貴嘅石斑魚肉，啖啖肉好足料。鮮竹牛肉球（$33），穩打穩紥的牛肉球。鴛鴦腸蛋黃煲仔飯（$98），附油菜一碟，臘腸同潤腸的油香滲入飯粒，好香呀。原汁原味西瓜糕（$44），無論賣相及味道都好似西瓜一樣，餐廳比埋梅子粉，更能帶出甜味！楊枝甘露（$40），芒果味濃厚！

荃灣的點一龍就在如心廣場地下，食物味道好，服務佳，環境也極之寛敞。馬蹄甘筍松茸湯湯料多，清潤，飲得舒暢。海蝦脆春卷皮薄餡豐，食落外皮卜卜脆，內裏蝦肉彈牙，抵贊！黑蟹子小籠包皮薄、咬下去肉汁好多，加上少許黑蟹子吊味，比對上海式的小籠包，不遑多讓！隨後的避風塘糯米蟹以糯米糰搓成蟹形，內包豬肉、雞肉、蟹肉，外形獨特，別樹一幟，十分可愛！秘製牛腩不是一般的行貨，煮得軟腍、吃落不黏牙、肉質彈性足、非常入味。金沙蘭花海蝦球以西蘭花鋪墊，將蝦球炸到金黄，配搭惹味咸蛋黃煮成，吃落彈牙，配上爽口的西蘭花，絕對是一個非常好的配搭。最後是栗子雞煲仔飯，飯非常香，加上嫩滑雞肉、少許飯焦和香甜的栗子，差不多也全吃掉了。還附送菜心一碟！蛋白杏仁茶好有杏仁味，賣相也講究，蛋白味清新，甜度也適中。星期一至五點一龍更推出優惠：湯買1送1，小菜及飯麵類買2送1，點心買3送1，就更加抵食了！

今日喺如心酒店開完會，睇睇個錶都已經七點幾，同事話呢間點一龍個煲仔飯相當出色，個個飢腸轆轆，就入嚟試吓。紅油炒手，炒手風味正宗，飽滿得嚟個皮又好薄，紅油微辣而帶點甜，係上海嘅正宗好風味。黑蟹子小籠包，小籠包上面有一小撮黑蟹子，個賣相即刻高級好多，一口咬開，小籠包裏面嘅湯汁傾刻爆發，包嘅內餡用上咗上等嘅新鮮豬肉，再加上黑蟹籽嘅鹹鮮味，既保持咗傳統，又帶有少少fusion嘅意味。醬皇蒸鳳爪，越基本嘅嘢就越考廚師嘅功架，呢度嘅鳳爪蒸得腍身入味，普通得嚟非常高分。海蝦脆春捲，春捲炸得十分香脆，裏面係大大隻嘅鮮蝦，爽口彈牙，點一點喼汁更能刺激味蕾。明爐燒鴨(例牌)，燒鴨皮脆肉嫩，例牌略嫌有啲唔夠喉，四個人嘅話可以嗌半隻。鴛鴦腸蛋黃煲仔飯，煲仔飯作為呢度嘅招牌菜果然無令到我失望，煲仔飯上面鋪滿臘腸同埋潤腸，打開個蓋淋上甜豉油，冒升起嘅臘味味配埋咋咋聲嘅音效惹人垂涎，煲底有脆卜卜嘅飯焦，飯焦索哂甜豉油嘅味道，絕對需要除罩相認。斑蘭欖仁馬拉糕，呢度嘅馬拉糕竟然有加入班蘭同埋攬仁，相當特別，由於加入咗班蘭嘅關係，馬拉糕帶有天然嘅淺綠色，入口散發淡淡嘅班蘭清香，入口微甜，係我最喜愛嘅甜度。

二零二零年二月第二個星期二，荃灣。跟友人有十天沒見面，每一天的時間過得特別慢，新年前他訂了在這裡吃點心，遇上武漢肺炎爆發，本來以為他取消了，想不到可以照原訂計劃，變成了這幾天最期待的驚喜。餐廳位於如心廣場地下，就在酒店旁邊，地方光亮又方便易找，而且玻璃門外就看到紅木襯托的醒目招牌，目測應該是家新開的餐廳呢。裡面裝潢貫徹中國風，仿中式酒家的朱紅色屏風，紅燈籠顏色的流蘇燈飾跟咖啡色的木桌椅，既有舊式懷舊酒家味道又透出現代感。我們被安排坐在卡位，座位舒適，坐完巴士過來友人肚子已經非常餓，在我們看菜單的時候，服務員過來介紹現在的新菜品跟優惠，較為特別的是有煲仔飯，不過我們還是對點心跟小菜比較有興趣。馬蹄甘荀姬松茸湯，服務員介紹這是一道抗炎湯品，專門為最近武漢肺炎而設的，現在做買一送一，友人最近不太舒服，所以二話不說點兩份讓他清潤一下。非常足料，清甜滋潤，紅蘿蔔熬得軟嫩到不用怎麼咬就化開了，馬蹄也有三四顆，喝了以後一定會很快好起來的。晶瑩海蝦餃，每顆餃都很飽滿，用料實在，而且皮薄透光，一口咬下有醬汁爆出來，很有醬爆牛丸的效果！吃起來Q彈不軟爛，新鮮蝦子爽口帶鮮香，好美味。醬皇蒸鳳爪，我們都喜歡吃

.呢排因為疫症既關係 好少人出街食飯平時好多要排既餐廳都變得唔洗排早2日屋企人無煮 就係屋企附近食呢間點一龍環境唔錯 坐得幾舒服就決定一試！依家做緊優惠 點心買3送1 主菜都買2送1老豆好中意食煲仔飯 緊係叫個俾佢試下係臘味咸蛋黃煲仔飯 有臘腸同潤腸加啲豉油再焗一焗 一打開 超香煲仔飯仲送一碟菜 好健康 飲食均衡另外點左碗上湯鮮蝦雲吞麵雲吞大大粒 而且皮好薄呢 鮮蝦肉質彈牙.菜芯真係太好食 所以另外再點左一碟鳳爪大隻 份量都唔少 唔會死咸 都好多肉 唔係太瘦小果款依家馬蹄甘筍姬松茸湯買一送一 潤喉潤肺 緊係要點！每盅都好多料 而且飲落好鮮甜 無味精之選喜歡飲湯既人士絕對要一試❤️

放工之後去荃灣西超市買野，行行下街見有啲肚餓，就去咗附近覓食，比一間地舖叫做點一龍嘅吸引住，因為驟眼望入去，環境都幾舒服，而且係中餐黎😍😍😍餐牌都有唔少圖片，佢主要係食點心，甚至中式嘅叉燒飯都有，令我最印象深刻嘅係佢嘅自家湯買一送一，仲要係潤肺添㗎喎，非常貼心。而餐廳做緊小菜2送1、點心3送1優惠！我們點了幾份點心薑蔥牛柏葉，味道唔錯，食落去夠爽口。其次點了一份：奶皇流沙包，流心奶皇包一定要熱食，蒸出嚟熱辣辣，非常吸引。奶黃流沙夠香甜，食落去沙沙的。主菜做緊買二送一，因此我們食咗水煮牛肉、鹹魚排骨煲仔飯、豉汁帶子蒸豆腐，只收最貴果兩個嘅價錢💗💗😚😚最平嗰個免費水煮牛肉，由於我哋唔係太食得辣嘅關係，所以叫咗小辣。免頭鋪左好多香菜，睇落唔錯。味道辣辣地，牛肉鮮嫩夠滑，索盡了水煮汁的湯汁，底下亦有大量芽菜作配料。豉汁帶子蒸豆腐（煎）超鍾意食呢個喎，豆腐嘅話，有香濃豉汁+豆腐味。估唔到豉汁同帶子可以咁夾，半透明的帶子都算大份量！！夠滑鹹魚排骨煲仔飯，估唔到呢度嘅煲仔飯都唔錯，排骨醃得好好，食落去好滑，肉質有彈性。加上帶點鹹魚的香味，簡直係色香味俱全。煲仔飯的飯粒軟硬適中，但帶有好香噴噴嘅焦香味

今晚食飯來到呢間，知道有晚市點心吃，原來最近推出了晚市點心放題，兩位以上可享八折，我們一行四人就來個點心之夜。但朋友說要試這裏的飯焦煲仔飯，因為他愛吃飯焦而放題不包括的，所以還另外點了一個煲仔飯。放題送的燕窩蛋撻和瑞士雞翼，燕窩蛋撻超香牛奶味，有足料燕窩，又香又滑，感覺很奢侈。瑞士雞翼不會煮得太鹹，味道剛好，十分入味。點心方面，蝦餃非常推薦，粒粒新鮮，蝦肉爽口鮮甜，真的皮薄餡靚；鳳爪是我的至愛，喜歡他不會蒸得太淋，帶點口感，而且有微微辣味，醬汁夠入味；牛柏葉醬汁是清清的，蒸出來味道不錯，爽口新鮮；黑蟹子小籠包，裏面超多汁，豬肉餡很鮮甜，小小的一口一個，份量剛好；海蝦脆春卷，真的炸得很香脆，裏面除了爽口的蝦肉，還有很香的蒜蓉味，推介要試；鮮竹牛肉球，非常嫩滑，裏面馬蹄爽口鮮甜；蒸排骨，賣相很漂亮，而且排骨不會太肥，啖啖肉，很推介。飯焦煲仔飯終於上桌，朋友就等這個滿足他的口癮。點了栗子雞煲仔飯$98,四人分著吃一小碗也很滿足了。栗子煮得夠淋夠粉，很香呢！雞肉嫩滑又juicy。 平時不愛吃飯焦的我，今天吃了這個煲仔飯也改觀了，職員說，原來煲仔飯是新推出不久的，愛吃飯焦的人要試試。最後吃甜品，

由於困咗喺屋企好多日，終於忍唔住要出街行吓啦😂見到佢哋而家做緊promotion！堂食既話，小菜同埋飯類就買二送一，點心就買三送一，超級抵食！所以我就同男朋友嚟試吓啦😌呢個係馬蹄甘筍龍利葉海底椰燉湯$55，據說有抗咽喉炎既作用，非常啱呢段時間飲😁飲落鮮甜又足料，好👍🏻之後呢個係雪影金腿叉燒包$36，面層鋪左啲糖粒，食起嚟外脆內軟，加埋惹味既叉燒一齊食，正❗️之後叫咗個鮮蝦菜苗餃$39，即叫即蒸，材料新鮮得嚟，皮做得都叫薄，口感唔錯天氣有啲凍，所以我地就叫咗個鍋蛋牛肉煲仔飯😎牛肉份量非常慷慨，而且個底充滿着我最愛嘅飯焦😍加上佢仲送埋碟油菜俾我哋，$88嚟講都唔算貴😌最後我哋仲叫咗個水煮魚$148，辣度唔算太啦，大概只有譚仔嘅五小辣，不過已經夠晒惹味😌魚肉無骨啖啖肉，另外佢仲有啲豆卜同芽菜做配菜，好豐富😌

荃灣如心廣場二期開咗，梗係要去日本donki行下啦，同屋企人去所以最後咪選擇左中菜做晚餐。呢度夜晚都又有點心又有餸菜，選擇夠多！幾好！雪山叉燒包焗得外脆內軟！好軟綿，中間嘅叉燒亦都好冧！好入味！非常之好食。黑魚子小籠包，皮薄餡靚，又好多汁！肉味香甜！我自己最鍾意飲湯，叫咗個馬蹄靈芝菇燉湯，估唔到無肉都可以咁甜！超級清！又夠熱！超這讚！另外叫咗個冬菇蒸雞煲仔飯，上到枱熱辣辣，焗多一陣就打開，超級香！而且份量都唔少！雞好滑，都幾甜。而且仲有好多飯焦！勁香脆！職員仲送咗兩條菜我食！非常窩心。我哋仲叫咗一份紅燒豆腐，豆腐好滑！我哋好快都食晒！飯後甜品要左一款合桃酥，勁鬆脆！仲熱熱地！好新鮮！楊枝甘露勁多料！將啲一餐畫上圓滿嘅句號！