鼎泰酸菜魚

營業中

休息中

平日放飯時間黎到都幾多人等位，因為呢間酸菜魚性價比真係超高！叫左鼎泰老壇酸菜魚 配四川擔擔麵 加凍奶茶都只係$67！選用既魚一啲都唔馬虎，肉質好爽好彈牙！仲要好足料，夾極都有。配料仲有芽菜、煙靭寛粉、超濃味酸菜。湯又好香好好味，唔算太辣，而且食完一啲都唔口渴至於四川擔擔麵就辣辣地，個湯都幾香幾滑，唔算好杰身，但啲面略嫌有啲淋。食完兩大碗真係超滿足！食咁多野埋單都只係$62+$5（凍飲），港島黎講呢個價錢真係超值！

🕖時段-星期一中午1點左右去到有好多人係門口 好彩有啲係買外賣 攞飛等4張 5-10分鐘入得 食食下1:30左右留意到已經唔洗等 我諗個個都係lunch hour趕來食😌_▫️鼎泰老壇酸菜魚(加黃菊花配麵) 配四川擔擔麵$62酸菜魚個湯唔算好辣 主要得酸味 魚既肉質鮮嫩! 唔係好彈好韌個隻 雖然係無咩魚味(被湯蓋過🙈) 但我覺得$60幾蚊過下癮幾抵食😂 擔擔麵都唔係好辣 湯底味道唔錯 但麵就唔係好入味 又係要連埋湯食先好食_▫️鎮江陳醋小排骨 配菜飯 $56鎮江陳醋酸酸甜甜咁幾好食 但比較油同稀都幾多舊排骨 煮得淋既 但唔算好入味 要撈多啲汁食先得😂_🍽環境都係茶餐廳咁 員工都幾友善

灣仔有不少美食店，但我甚少踏足香港島，所以行左幾條街終於駐足這食店。首先，這店午市套餐選擇可以是菜飯、担担麵、重慶紅薯粉等。我原本想食口水雞，但見餐牌的酸菜魚很吸引，相信也有特式和招牌菜，所以就叫酸菜魚配担担麵。一送來已感興奮，賣相和份量都很吸引哩！$62咋喎！不包飲品。酸菜魚看來滿滿的，薄切的魚片既滑也爽，上面添了葱粒和花辮作裝飾，令人賞心悅目。翻看一下，內裏有數片煙靭如紅薯粉，有大量的大豆芽。雖然滿滿的酸菜魚有大量的大豆芽墊底，但不感欺場。因為大豆芽比芽菜好得多了，也食得出新鮮的。配的担担麵，反而遜色了點。湯未有担担麵的香，或許是醬料未有充足水準，有點稀。但也算合格的。此外，特別要讚的就是店員。午飯時段，繁忙且爆場，我一個人通常要「涉」位或位置不多好。當時門口有一卡位，當然普遍人都不願坐，貼近門口，人來人往，冷氣流失，但總算4人枱，店員都肯俾我安舒位置。總結是這店是好選擇。

2022年5月10日 雨同屋企人book 左附近酒店過一晚，就係附近搵左間餐廳食晚飯$198 有個2 人餐，包冷盤、湯、小菜同飯例湯不過不失爽口涼拌野生黑木耳拼陳醋拍青瓜正正常常鼎泰酸菜魚都幾大碗，味道偏酸唔辣，魚片都幾多同滑，不過寬粉就得好少。仲有一啲芽菜同大白菜，整體唔夠香，不過可以過下口癮，同平老城黑醋骨又係大大碟，排骨煮到好淋，酸酸甜甜幾好食。下面仲搭左幾條菜心同小棠菜四川擔擔面 $38另外加多左個擔擔麵，d湯唔濃，唔太重花生醬同麻醬味，面質都普通，整體麻麻最後，呢間餐廳夠平，而且大大份，質素就唔好要求好高

條謝菲道灣仔哩條街仔上，我從來隻食旺記，未試過其他鋪頭。今日就心血來潮，試下其他間。原來有驚喜。今日我係外賣自取，其午市套餐有酸菜魚，水煮魚，回鍋肉等套餐選，仲有好多小食，白飯，菜飯，擔擔麵種種配搭好多選擇。我點咗酸菜魚午市套餐，配好大碗擔擔麵及一杯野飲，加外賣盒總共60蚊真係好抵！熱咖啡有驚喜，好好飲，rich又唔酸。酸菜魚，分量唔少，魚肉也足夠，很多豆芽，還有粉條。我鐘意酸菜魚湯泡飯，整體酸菜魚湯味道都好好，泡飯很讚。整體份酸菜魚質素唔錯，屬於正常酸菜魚的水準之上。擔擔麵係正常一碗單獨出售的麵的分量，超大碗，女仔應該食唔落，我比咗老公食，評價好食正宗，淡味咗小小嘖，結合售價，就很抵讚👍👍👍👍性價比好高，值得推薦！

點過兩次外賣，賣相不錯，但是味道很淡好似很少放鹽。菜飯很油很淡，重慶酸辣粉沒加醋，也基本沒有辣。水煮魚的魚片很嫩，不錯。紅燒肉雖然肥，味道也還不錯（除了淡）。下次中午不會再叫他家外賣。

今日中午叫左份外賣自取金華雞火腿炒飯 但好似變雞肉炒飯 沒有火腿😿😿飯真係好多 料好少感覺被欺騙配左小食香醬茄子 食落都ok 不差希望老闆重視下呢啲問題已經見到冇咩生意希望唔好越做越差

呢一間係我Lunch/Tea成日會食既餐廳😁 最主要都係因為自己鍾意食辣嘅緣故 鍾意鼻水不斷流 汗不斷滴🤭 享受食辣既痛感👻 鍾意辣同重口味既人值得黎試試😝🐥 成都老城口水雞經常黎食既原因係佢啲辣既配料都好足調味料 適合香港人口味嘅辣 特別鍾意佢用豌豆 卜卜脆嘅口感 再加其他調味蔥花辣椒油辣椒籽等等 令到隻雞好易入味😝 如果雞件可以去骨同少啲骨一定仲正🍜 四川擔擔麵重口味特別鍾意呢間湯底重花生醬芝麻醬味 特別香濃 麵質又有韌性 其實就咁食個麵都已經夠曬💰消費：下午茶價格 $48 ＋凍飲3蚊＝$51 抵！午餐同下午茶都係選一樣菜 再跟絲苗白飯、高湯上海麵、四川擔擔麵、 重慶麻辣紅薯粉下午茶時段＝2pm-6pm 之前食過麻婆豆腐、酸菜魚等等 調味料都好重各有特色 鍾意重口味 值得一試推薦指數：🌕🌕🌕🌕🌘

平時lunchtime 見幾多人排隊，所以同同事都抱有期待去食佢嘅招牌酸菜魚。魚有5、6塊，唔腥但係偏腍。成碗超過三分一係芽菜，底層有夾一啲好粗嘅寬粉同豆腐。配菜多唔係問題，如果索晒湯汁，係可以好好食，但係所有配菜都唔入味。不過，成個酸菜魚最令人失望係佢個湯。只有少少酸醋味，而且唔辣，表面灑嘅乾辣椒同花椒都係裝飾用。套餐仲會配一碗飯或者粉麪，揀咗菜飯。飯明顯係落太多水，淋到好似畀BB食嘅飯仔…如果只係普通茶記的午市套餐，啲啲味道可能仲接受到。想要食重口味過吓口癮，千祈唔好食啲間。

下午茶抵食，可以選擇飯或者擔擔麵。時間關係無堂食，外賣返寫字樓。最正系水煮系列喇，又可以叫樓面姐姐加多啲蒜蓉，有人情味服務周到。一直都是公司飯堂。回鍋肉可以調整辣度，都可以叫少飯。回味無窮。

* 服務態度有待改善* 食物賣相要改善* 下午茶餐諗清楚先好嗌，特別係熱狗* 食返佢嘅酸菜魚應該會好好多同朋友經過附近，朋友選擇咗呢間鋪，因為店入裏都有唔少客人，所以畀人安排到最邊邊、最冷清嘅位置(出菜囗附近) ，無主動畀餐牌，可能因為座位嘅關係，坐咗一陣先至有店員經過，先可以問佢拎餐牌， 因為唔太肚餓所以揀咗下午茶餐，本來已經揮咗手同店員示意要落單(店員已經回應"等陣" )，又等咗一陣，店員幫完其他客人落單之後始終都無嚟落單，朋友再次嗌落單，先至有人過黎。嗌咗一個34蚊嘅熱狗同37蚊嘅半件西多士配雞扒，等咗大約14分鐘，熱狗嚟到拎起手先發覺成個熱狗包畀人劏開咗兩截， 所以咬咗啖之後散曬，啲腸、蔬菜全部跌曬出嚟，而西多士味道同囗感正常，雞扒偏鹹。睇得出好求其咁整一個30幾蚊嘅下午茶餐，如果唔係因為朋友趕時間，未落單前我已經要走人，搵過另一間食。佢嘅酸菜因為未食過，不予置評。

附近have a date 長期無位，就試下呢間既早餐。見餐廳入面無乜人唔洗等位就入去食個早餐，叫左魚柳餐，睇落正正常常，點知無樣掂。魚柳餐主要有幾樣嘢：魚柳，脆皮腸，炒蛋，多士，配菜。成碟野淨係得脆皮腸，炒蛋，同青瓜番茄呢啲配菜係正常。首先魚柳係成個餐最大既敗筆，啲粉仲厚過啲肉，擺入口仲好大陣既萬年油益味。入面白曬曬魚肉薄唔緊要，好鹹，都唔知醃左幾耐，食落質感似擦子膠。食左幾啖之後頂唔順，就算飛開面頭陣好重油益味既粉皮。另外，多士擺明係隔夜麵包，好韌。除左食物之外，環境都唔得。呢間餐廳外表睇落光猛，但實質好污糟。張枱塊白色隔板佈滿黑色既污跡，見到都唔開胃。完全唔值呢個價錢，呢間既魚柳早餐真係無下次。

早排睇到呢間野評價唔錯，就叫左幾樣野試試佢啦，點知拎到番去一打開，真係小左出聲，完全懷疑呢到d評價係唔係請打手同個老細自己寫。嗱第一樣係剁椒拌皮蛋（$58），一打開有小小辣油嘅香，成碗野搵左大量嘅辣椒鋪底，然後將半隻皮蛋分成5小份放上去倒一堆碎到鼻屎咁嘅蔥花，呢個對比簡直係米芝蓮級，好佩服師傅嘅刀工，食落口有陣”縮”味都算啦，譚仔半份青椒皮蛋都冇嘅份量仲敢賣58蚊，好啦算啦試下第二樣先。第二樣就係杭州醬鴨半隻（$88），隻鴨望落好深色同乾身，似係鹵過一段時間再拎去焗，有兩條芫荽係面做點綴，一夾去先發現內有乾坤，哇巳經去左骨？但一食就發現係咸到曲街，咸到似係食左半樽鹽咁，肉質又霉仲有陣臭味添。如果要形容就似係朋友係大陸買落過嘅手信，個種即食嘅醬板鴨，去淘寶搵去骨個款就得，有理由懷疑係將即食醬板鴨叮完加兩條芫荽就算。第三樣重慶歌樂山辣仔雞（$98），個雞粒去左骨炸得唔錯夠脆口，不過調味方面就差左小小唔夠香辣同麻，除左雞仲有洋蔥，炸米通，好細粒嘅炸豌豆同埋黃飛鴻花生，係啊入面嘅辣椒就係黃飛鴻花生嘅去水辣椒乾，大家諗下辣子雞應該係將雞炸完再一齊猛火兜亂，但呢碟野個幾條洋蔥又油又生，辣椒就仲係乾

午餐灣仔揾食，興起之下想食辣野，酸菜魚，水煮牛肉，可以搭配不同的主食，有菜飯，白飯，上海麵，擔擔麵。同事叫酸菜魚+擔擔麵。魚湯清淡，不算太辣，酸菜魚魚夠滑不辣。酸菜偏鹹，搭配麵食剛剛好。價錢系午餐套餐，62元一份，之前還以為不夠食。水煮牛肉+擔擔麵擔擔麵隻碗同水煮牛肉一樣咁大，兩個大大碗，非常夠份量。擔擔麵主要有花生醬撈埋，搭配水煮牛肉，如果擔心不夠辣也可以溝埋水煮牛肉汁。成碗紅色辣油一片，呢個才是水煮牛肉的最佳打卡相。配菜有蓮藕，芽菜，牛肉辣椒表面加左蒜蓉同蔥花，如果可以再落多些少會更入味。兩個人不到65元買單，午餐灣仔食都抵食喇，尤其是川菜對比。值得再試一試下次口水雞套餐。

同同事食飯經過謝斐道，見到有間舖頭好多人排隊，我哋走過去望吓係咩嚟，原來係食酸菜魚，之後我哋就入去試下，碗野我想像之中多好多，魚肉好滑同好入味，個湯底都好正，飲咗好多。