鼎泰酸菜魚

營業中

休息中

前排我想試新野，同事話佢地曾經食過，所以唔去，我只得一個人去試下，一個人很多時候不用等位太耐，這也算是孤獨的美食家的好處。首先我點了八仙醉雞和上海湯麵，原本想點酸菜魚，但因為不太吃得辣，雖然可以免辣，但酸菜魚湯底仍是辣的，所以就點了這個。這個是套餐，主菜可配搭菜飯或者擔擔麵或上湯麵或白飯或重慶麻薯粉。醉雞是中國浙江的名菜之一，煮法是將雞肉以紹興酒醃製及烹調而成，雖然是熟食，但多以前菜和冷盤最為常見，這次食的是以主菜，所以份量會較多，一如所料，醉雞的份量很多，而且有很濃的紹興酒香但沒有太重的辣，雞肉很嫩滑，紹興酒的香沒有蓋過雞肉的鮮味，反而帶出雞肉的甜味，比想像中好味，伴隨著杞子，感覺很滋補。湯麵是奶白色的，起初以為是一般的清水麵，想不到有驚喜，湯麵感覺上是真。上湯的味道唔錯，麵條軟硬適中，配搭起來很好味，而且份量不會太少，至於伴碟的小棠菜則比較普通，但沒有影響到整體的味覺體驗。總括而言，這間的湯麵和醉雞都比想像中好味，價錢方面則算合理，這間會是encore之選，下個lunch， 我諗我應該會再次去食 ，下次可能會試酸菜魚，雖然怕辣，但也想一試。

落大雨, 去邊買飯都多人, 懶懶地都係叫外賣速遞等食啦. 咁翳焗既天氣, 搞到無乜胃口, 例牌都係叫辣野醒一醒神啦.喜歡酸菜魚既我, 今次又再encore啦, 大辣已經係最基本架喇, 個湯底一D都唔油, , 酸味足夠之餘唔會太搶, 魚片係淋身既, 但唔算好滑, 魚片數量都好足夠, 內裡仲有少量薯粉、蓮耦、芽菜、豆腐等...配埋個飯, 係足夠飽既. 白飯仲可以轉菜飯或擔擔麵, 而係唔需要加錢添. 照舊我都係好變態地, 用個湯黎撈埋個飯食, 先感受得晒成個酸菜魚既精華.而我同事們就叫水煮魚同牛, 但水煮黎講, 同酸菜湯底唔同, 如果叫大辣的話, 就會非常辣, 相信係製法唔同, 所以建議食得辣既人, 都係中辣便可.配菜都係一樣既, 魚亦都無大分別. 講下牛肉啦, 都比較嫩口既, 亦都唔會出現有筋或者起渣既情況, 如果唔好食魚既, 牛肉都係好選擇之一.

🉐整體評分：3/10.好少過海覓食，今次因為寵物展黎到灣仔，點知撞到間伏野🥲🥲位置好近地鐵站同埋入境事務大樓(貪方便所以就中伏)😆由於太耐無翻過大陸食太白酸菜魚😭😭，好掛住好油嘅味道，所以就揀左食久違嘅酸菜魚.1️⃣鼎泰老壇酸菜魚($48) (下午茶餐)唔麻唔辣唔酸唔油。個酸菜係帶唔到酸嘅味道落湯，魚方面，只有食到咸嘅味道同份量大概得7-8舊。以為好大碗但其實下面有好多蓮藕，芽菜，豆腐，寬粉，不過有蔬菜我食，我都ok既☺️最好食嘅嘢應該係絲苗白飯🙂.2️⃣成都老城口水雞($48)只有辣味，沒有雞味。用急凍雞不是問題，重點要有醬汁去除雪味，帶翻雞味，可惜依家只有雪味雞加辣油，唯一嘅優點係多雞(大概8-9件)

酸菜魚淡而無味，辣都唔辣，寬麵少，居然最有味道係啲芽菜。上海炒年糕口感差，一咬即斷少許煙韌口感都無，最離譜係砂窩雲吞雞，夠膽死用韮菜水餃充當雲吞。餐牌表達唔清晰，圖片無mark號碼，餐牌相片同描述與實物完全大不相同，個砂窩雞半隻雞變幾件雞。離晒大譜！

上次個酸菜魚有唔少人儲存左，睇黎有唔少川菜愛好者😌▪️ 鼎泰老壇酸菜魚💲62 (午市套餐)賣相唔錯好似好大碗，皆因底下比較多係芽菜、蓮藕、豆腐墊底🤣尤其鍾意好有咬口嘅粗厚寬粉配料😍魚片偏向爽脆，不過比較多幼細既骨😳食落味道都香口既，有花椒、辣椒，辣度係對我呢個極奇量食到譚仔五小既覺得還好🌶️但係酸度就真係唔夠，甚至係無咩酸味，同埋油亦偏多會浮面🤔額外配飯或者粉，餐牌話有重慶麻辣紅薯粉，但係其實可以揀辣度，要左個走辣既，出到黎會係曲身既水晶粉，掛湯力唔錯既🤪整體價錢夠經濟取勝，間唔中過口癮可以一戰💰🔎 整體評分（7/10）

唔講唔知原來灣仔食上海野都有平價嘅選擇今日去咗謝斐道嘅呢間鼎泰酸菜魚午市套餐，為返都係六、七十蚊左右，大大份抵食得來味道都OK嘅<鼎泰上海排骨$62>本身唔算好食得辣，所以唔夠膽嗌辣野，叫咗一個上海排骨配上湯麵，試吓水溫先上海排骨有兩塊排骨炸粉都幾薄，味道唔錯，不過有少少鹹上湯麵高湯都幾正清清地，中和返炸排骨嘅油膩朋友叫咗個酸菜魚，食咗佢幾啖，辣味嘅程度都仲可以接受，下一次試吓佢嘅酸菜魚或者口水雞先

呢間位於灣仔謝斐道130-146號地舖，店名鼎泰酸菜魚，朋友介紹今日就一於去試吓，好彩去到唔使等位，第一次食，當然要試出名嘅酸菜魚，不太酸，不太辣，都幾好，午餐可以跟白飯、菜飯、上海麵、擔擔麵或紅薯粉，我今日就跟擔擔麵👍🏻，餐廳環境乾淨、侍應服務態度都好好，下次我要試下水煮魚先。酸菜魚，份量足夠，可能跟薯粉或白飯，我想更夾。😋擔擔麵味道算唔錯，重可以跟一杯飲品，價錢是一搬午餐價錢，食酸菜魚可算是經濟。👍🏻

————————————————————————🐕 鼎泰老壇酸菜魚（lunch set$62） 🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯每個套餐都可以配白飯/菜飯/擔擔麵/酸辣紅薯粉我就配咗酸辣紅薯粉😛😛一個餐有兩大碗野 好似好抵食咁🤣但其實酸菜魚個底係一大堆芽菜 蓮藕 仲有一件硬豆腐好搞笑係個底會配一條幾粗幾厚嘅紅薯粉（同酸辣紅薯粉嘅紅薯粉唔同）酸辣紅薯粉屬於有螺旋形個黎偏向彈牙多過煙韌個人覺得份量岩岩好大約有7-8片魚片 但偏薄🐟魚片係真魚片 唔係龍利柳好滑又未算 但幾淋 而且魚脂味較重 冇腥味不過要小心有大魚骨⚠️（好彩冇細骨😤）酸菜魚湯同酸辣湯都唔夠酸唔夠辣 （落單個時冇問我辣度🧐可能冇得揀）酸菜魚湯相對濃味啲 香口啲（所以我將啲麵搬哂去酸菜魚湯😂）不過酸菜魚湯面頭浮過好多油😣😣————————————————————————🐕 鼎泰上海排骨（lunch set$62） 🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯同事揀咗配擔擔麵我冇試到 但試咗排骨遺憾係排骨偏涷 醃得還好 正正常常 冇咩特別————————————————————————

灣仔地鐵站附近有一間幾抵的酸菜魚，午餐是套餐，可以選擇一個主菜和一款主食。這次我選擇了酸菜魚與紅薯粉這個配搭。鼎泰老壇酸菜魚 與 重慶麻辣紅薯粉首先要稱讚這裏午餐嘅份量真的很多，本身以為酸菜魚與紅薯粉是一大碗上，但最後是分開兩大碗上的。驟眼看以為有很多魚肉，但其實只有上面幾塊，下面全部都是芽菜，有點失望。酸菜魚的湯味道幾正宗，加埋酸菜魚辣椒，但是麻辣紅薯粉，除了辣味以外，完全沒有味道。建議下次試第二款主食。

去開灣仔，路過食個晏。想試酸菜魚好耐，難得有set 叫，62蚊又唔貴，就入去試試。餸來到好大碗下，魚10片左右，魚冇味，好多芽菜在底，我諗芽菜理應入晒湯的味，食落入入地不過都係唔夠酸辣，整體如題。

鬧市中嘅一間平民價酸菜魚今日出灣仔做嘢，lunch hour時間搵食當然周圍都排哂長龍。行行下枱頭見到大大隻招牌寫住酸菜魚，我當然唔會放過啦！叫咗個set lunch 可以再選白飯/菜飯/面同薯粉見周圍每一個人都係酸菜魚配菜飯 我就跟大隊試一試呢個配搭主菜：酸菜魚片近魚皮位置都有一兩條骨，魚夠薄，韌度剛剛好又唔會一夾就散開湯底夠酸夠濃但太油膩 而且差不多每一淡都食到花椒 建議隔一隔佢 客人會食得暢快好多酸味夠但唔夠酸菜 湯底有少量薯粉同大豆芽菜 其實就咁食個魚都足夠餐跟咗個菜飯 飯質唔錯 唔係用劣質嘅米飯 菜同飯份量剛剛好以午餐來講 平民價錢係有唔錯嘅質素

今日去咗灣仔，見到呢度開咗一間新嘅酸菜魚專門店，好多人排隊，見到lunch set大概$60包埋嘢飲，價錢經濟實惠，決定一戰！我叫咗個招牌菜，鼎泰老壇酸菜魚（價錢$62）開頭擔心會好辣，所以同侍應講要最少嘅辣，食落一啲都唔辣，所以唔食得辣嘅朋友都可以試吓！我仲揀咗配紅薯粉，（另一個碗上），反而紅薯粉就有啲辣。我覺得魚肉味道鮮甜，吸收左酸辣湯底，更加能夠突顯到魚嘅鮮味，但係就好多骨，要小心啲。平日午餐時段比較多人，可以用Gulu排隊攞位。

呢間酸菜魚新開張都成個月有多，日日都見咁多人係門口想入去試都唔得，真係外賣都唔想排，所以結果我轉戰寫外賣食評。首先讚一下外賣app真心方便既，原因呢排做緊優惠，但係你要計下數係咪真係平左先，因為佢呢間話外賣7折實際上加到$80蚊碗野，我落樓下拿外賣既時候見到碗麵係堂食$50幾，但因為佢現在做緊外賣7折再減自取減$15先平左。最後計番我麵係$45抵食既。起碼唔洗排隊夠鐘我先落去拿。講番碗野，辣辣地幾香既不過幾油下，同埋d魚又好似冇乜魚味，擔擔麵個花生醬ok既唔會太張住個口，調味整體都ok既 ，擔擔醬都有花生🥜味，麵質地都ok彈。奶茶🥤好飲但有小小甜自己睇下油唔油，不過外賣分開曬上其實油都會減小左好多既。整體評分係不過不失$50幾蚊碗算ok合格既不過要等位堂食咁耐我就免，不竟午餐時間太少

依間野近灣仔地鐵站附近, 主要都係做公司客生意, 所以平日一至五 如果想食就要早少少黎 唔係既就好多人等位, 仲有係好多好多既外賣單。我覺得呢間野算係幾低食, 而且價錢係相當之便宜。今日黎到酸菜魚店, 但我食既唔係酸菜魚, 係天府川皇水煮牛肉, 可以跟飯/上海麵/擔擔麵/麻辣紅署薯粉。今次我就簡左跟上海麵, 因為個水煮牛已經好重味, 所以想簡番個清湯底既。嘩!! 黎到既時間真係大大碗, 水煮一碗, 麵又一碗。$62黎講真係算好低食。仲叫左杯凍檸茶少甜, 個茶味都似普通茶餐廳既, 但完全冇幫我少甜之餘, 好似仲甜過平時 可能下次要嗌走甜先得。總結: 因為個水煮牛都用左好多香料煮, 所以食完個口都會有陣味。間中食下OK既, 但唔可以食得太密

係灣仔番工附近，新開左一間酸菜魚，當然要走去試下新野啦。12點去到，2位即刻入得，不過已經開始有人等緊。走既時候12:45，都好多人等緊，不過d人多數叫外賣。黎得食就緊係要叫佢最招牌既酸菜魚啦，聽到差唔多枱枱人都會叫酸菜魚，套餐有一個餸+一個白飯/菜飯/上海麵/擔擔麵…，野飲另外加錢。叫左酸菜魚菜飯同埋排骨擔擔麵，再加左小黃瓜同蒜泥白肉。酸菜魚一般，最招牌既菜式都唔好食，好油就大部分酸菜魚都係咁嫁喇，所以預左，而個魚係唔酸唔辣唔鮮唔麻，麻都有少少既，但酸味係零，食D酸菜都係零酸味。魚肉比較多骨，D骨非常幼。同埋得好少魚，下面成碗芽菜，附上埋食晒d魚之後既相，全部魚夾埋有十塊左右啦。反而個菜飯就OK，係油飯再加菜。排骨擔擔麵，擔擔麵份量比較少，麵條唔係好多，擔擔麵唔算濃，亦比較稀。排骨以為佢係炸，原來係濕濕地咁樣，有D似大X樂個D，不過大X樂仲好食，呢度既排骨用左薑蓉蒸，奇奇怪怪的，有少少似食緊蒸魚，不過份量都算多，亦唔係話好難食的。青瓜冇乜味蒜泥白肉都冇乜味，肉比較乾同硬，亦唔辣總結冇乜野食係好食，份量唔算多，食完都唔係好飽，價錢亦唔算平。