龍泉冰室 (已結業)

🥢紅燒牛肉麵 $68選用半筋半肉嘅牛腱，煮得入味又易咬。湯底味道濃郁，帶有少許辣味同埋蕃茄嘅酸味。比起平時食開嘅紅燒牛肉麵，呢種湯底鹹度比較低。加入唐芹同芫茜，湯頭變得香氣十足。🥢冬菇小窩米線 $49湯底可以揀清湯/酸辣/麻辣。清湯味道好清淡，相信係雞粉湯🧐。用上大隻厚身嘅花菇，口感比鮮冬菇爽口。🥢軟殼蟹菠蘿包 $45菠蘿包面層乾身香脆，牛油香比想像中重。夾層除咗軟殼蟹外仲有番茄、生菜、蛋沙律、沙律醬、酸青瓜粒。整體層次豐富而且味道頗清新。

雖然九龍真係好多平民小店，不過今次食既呢間真係會帶給你驚喜。今日唔知去邊食好，就行入龍泉冰室試下，入到去樓底都幾高，環境都企理舒服。坐左一陣，好快就有野食啦！！！香蔥蝦仁炒蛋白平時出面既餐廳都經常有蝦仁炒蛋，今次就試下蛋白炒蝦仁，食落味道清而鮮，層次豐富。而且份量都唔少呀。如果蛋白炒得無咁老就更好，不過以冰室水平來說，都係相當唔錯。雞扒蔥油撈麵幾鐘意啲蔥油係分開上，一黎可以按自己的口味選擇落幾多，其次唔會比人感覺一上碟就好油膩。呢度既蔥油撈麵係招牌菜，美味香濃，蔥油味十足，配合太陽蛋流出的蛋液，食落唔會給予人肥膩感覺。雞扒煎得稍老，但整體都十分好呀！！ 招牌軟殼蟹菠蘿包見到隔離都有叫，店員又極力推介，於是就叫嚟試下。原隻軟殼蟹加上菠蘿包，味道好香口，而且炸得外脆內軟，入面十分多蟹膏，本身好怕軟殼蟹又凍又淋咁，呢個菠蘿包十分驚喜。奶茶紅豆冰 + 經典紅豆冰紅豆同奶既比例唔會過多，份量都唔少，夏天解渴之選。

Lunch time 殊左出九龍城同個朋友食個快飯順便俾D野佢，佢揀左呢間冰室，餐牌勁多選擇揀到我眼都花😂結果我叫左芫茜皮蛋鮮豬潤湯飯少飯跟柚子蜜，朋友叫左日式醬油椒鹽豬扒飯少飯跟涼粉紅豆冰～湯飯係生滾煮出嚟所以個湯底都幾鮮味幾濃郁😋豬潤份量好多，比較厚身有口感，唔會煮得太熟，夠爽口👍不過對我呢個芫茜控黎講如果可以多D芫茜就更好🙊夏天食呢個湯飯清熱下火得黎又補血都不錯👏椒鹽豬扒一黎到就聞到勁香！超多塊豬扒，炸得唔會太油，豬扒本身亦唔會話太多肥膏👍食落口感嫩滑，唔太辣但有蒜既香味，飯底本身已經加左少少醬油所以甜甜地，唔駛再加調味都已經好好味夠送飯😋涼粉紅豆冰大半杯都係料，朋友話佢飲呢杯野都飲飽😂而我既柚子蜜都係俾得好豪爽，豪爽到我覺得甜左D添呀😂😂食緊既途中見到有食客點左呢度好有特色既軟殼蟹菠蘿包，下次我都想試下😍

今日lunch同同事去咗九龍城食嘢, 我哋去咗呢間入座率都幾高嘅冰室食, 呢度環境都幾企理舒服, 而且食物選擇又夠多😋🥐 招牌軟殼蟹菠蘿包 ($45 連餐飲)見到openrice個個都推薦呢個包, 當然要食吓! 估唔到呢個包都幾大個幾飽肚! 軟殼蟹係即叫即炸嘅, 所以要等10分鐘左右, 整完出嚟熱騰騰又脆口, 超好味! 仲有沙律醬同半溶嘅芝士超match! 加埋蕃茄、沙律菜仲可以解膩添! 唔怪得咁多人推薦喇!🍜 小窩米線 ($49連一餸, 每加一餸+$10)同事揀咗高麗菜水餃同瑞士雞全翼, $10有兩隻咁大隻又咁入味嘅瑞士雞全翼真心超抵! 非常建議大家叫呢個餸! 而高麗菜水餃就係超級香水嘅, 皮薄饀靚!

如果你不嬲都討厭空心菠蘿包就要黎試下有餡的了.《軟殼蟹菠蘿包》就好似巨無霸🍔咁上碟入面夾住隻酥炸軟殼蟹🦀 香脆酥香強化返菠蘿包面頭既香脆口感仲有蕃茄🍅同紫椰菜減減膩.《蔥花叉燒粒炒蛋菠蘿包》呢款就夾住厚厚的叉燒炒蛋蛋炒得好滑 唔會好油 同焦脆的菠蘿包皮好夾好多蔥岩哂我 不過多啲叉燒粒會更好.《日本醬油炒滑蛋肥牛飯》久久唔再食既吉野家個啲牛肉飯所以見到有肥牛飯就叫返個呢個用日本醬油少既 好味得多而且勁大碗 多飯多到成個飯煲咁多.《經典紅豆冰》茶記當然必叫紅豆冰椰奶很重 紅豆好綿.《就是菠蘿冰》菠蘿冰 都有好多菠蘿肉🍍夏天飲爽呀

今日在九龍城學林軒收工，約左老公去間懷舊餐廳吃飯。老公嗌左紐西蘭西冷牛扒意粉，配熱奶茶，醬汁嗌番茄汁。牛扒好大一份，意粉量都好多，還點綴些沙律提味。牛扒牛肉味重，牛肉嫩滑，意粉煙煙韌韌，好彈牙。我嗌過橋米線，好大一海碗，配料豬潤和高麗菜水餃分量多，我嗌左酸辣大辣，但辣度都唔夠，就一點點辣。不過湯底都好味，分量又足，值得嘗試。瑞士汁雞全翼入味，雞翼又嫩又大隻。好久冇飲紅豆冰，就升級嗌左紅豆冰，不過紅豆冰有點甜，唔癡甜啲可以叫少糖。價格合理，食物都不錯。

必食招牌軟殼蟹多士九龍城多野食，經過發現左一間好懷舊FEEL既冰室，但佢個餐牌一D都吾OLD SCHOOL，仲幾新潮。晚市小菜套餐有好多款，$70至$90元跟老火例湯，白飯及熱飲，好抵食。例湯~除了有蕃茄薯仔紅蘿蔔外，還有雞肉，清甜而沒有味精，好正！我們叫左2個小菜，士多啤梨骨同西芹炒豬頸肉同軟殼蟹多士。士多啤梨骨聽個名都覺得幾有趣食。落酸酸甜甜，肉質夠”lam”汁醬仲可以撈飯食，好開胃整體覺得都唔錯。西芹炒豬頸肉健康之選，又有豬頸肉，好有家庭feel既餸。招牌軟殼蟹多士菠蘿包無晒可以轉左做多士。軟殼蟹很大的一隻，炸得外脆內軟，蟹味很濃，仲有菜和芝士，多士吃起來口感挺豐富，軟殼蟹好食，而且價錢$45only就大大件，👍🏻。簡簡單單兩個人嘅晚餐，期待下次試吓佢唔同嘅餸。

秉承傳港式茶記既精神，由西餐据扒到日本、台灣茶、雲南米線都應有盡有，不過今晚晚餐就想試下佢比較有特色小菜軟殼蟹菠蘿包絕對係港式fusion菜的代表，我亦都第一次見，所以忍唔住叫黎試下，同時真係無失望，熱辣辣的波羅包皮，包住大大隻的軟殼蟹，而且炸得幾好又唔油，底仲有大蕃茄同沙律醬，所有的配合，出奇地夾，甜甜地加上蟹味，又有蕃茄沙律去油感，真心推薦。士多啤梨骨港式菜之一，唔係到到都有得食，味道比生炒骨甜多一點少一點酸，但都係相當好送飯，而且肉排好冧，依方面真係要讚。霸王雞簡單嚟講就係蔥油白切雞，唔難整但這間整得相當嫩滑，滑到接近海南雞既感覺，雖然雞件唔算好多，但全部大大件啖啖肉，依個先係霸王級。

餐廳位於九龍城，地理上還算方便快捷，餐廳有多年的歷史早已光顧過，味道當然不錯，我這次再次光臨，當然品嚐一下他們的美食。食物方面，我挑選了軟殼蟹菠蘿包， 其實我會形容它更是軟殼蟹菠蘿漢堡 ，使用香港味道的菠蘿包 來代替一般漢堡包的麵包， 每一口也令味覺增添了一份甜味， 這不就是香港的味道嗎， 另外，我更欣賞的就是他的軟殼蟹，完全沒想過完隻 奉上，可以說是性價比極高， 最重要烹調適宜，軟殼蟹外皮炸得香脆可口， 剛剛好的熟成度，吃起來更帶有淡淡蟹的鮮甜。

九龍城平民茶記🥸來到月尾，想食啲平野搵左間茶記，野食都算大份椰香葡汁焗雞肉意粉🍝（$58）$60唔洗有個焗意粉，即叫即焗，葡汁唔算太稀，雞肉都幾多，食落有啲椰香，意粉唔會好腍咖啡紅豆冰（+$15）呢間茶記有得叫咖啡紅豆冰幾特別，當然要試試佢，咖啡味幾出，紅豆足料，不過偏甜，想健康啲記得叫少甜.📍 龍泉冰室 (九龍城)#九龍城 福佬村道20-22號學林軒地下A號舖#小丸子搵食記 #小丸子九龍城-

天口太熱了，忍唔住坐低即刻order杯凍飲降下溫！我地叫左招牌飲品，懷舊涼粉冰，一杯原味一杯紅豆味～個底係椰汁黎，超濃郁同埋解暑！加埋啲煲到好綿密嘅紅豆同埋大大粒嘅涼粉，超級足料，值得一試！另外主食方面，點左個黑椒汁西冷牛意粉配沙津，黑椒汁味道勁濃郁，配埋個牛好易送飯！食完啖啖肉之後食返個酸咪咪沙津nice～😆另外一個重頭戲係蔥油雞扒蛋撈麵，個撈麵底本身已經好有味，配埋啲日本甜醬油好開胃！另外個雞扒煎得香脆多汁！推介大家試下😜😜

今日又去到九龍城食下啲小菜 一個人去食又想食返少少特色嘅小炒 有餸有飯有湯 價錢亦都唔算貴京都豬扒🐷$68 食落去酸酸甜甜好開胃 值得一提嘅係佢份量好大 之前其他茶記叫過焗豬扒飯都差唔多價錢但係豬扒份量得一兩塊而且好多骨 今次嗌呢個京都豬扒勁多豬扒肉 仲好多菠蘿🍍分量方面好足！呢個價錢仲有有埋嘢飲湯同埋白飯 嘢飲係茶餐廳常見蘿蔔節瓜 飲落去都幾清甜最值得一題係佢哋嘅凍奶茶 🧋 夜晚香港人去食茶記10個有九個都係為咗佢杯奶茶 一飲落去真係透心涼 形容唔到嘅滿足 最咪仲叫咗個菠蘿包 $17🍍夜晚叫呢個嘅價錢就貴少少如果真係想食可以喺晏晝下午茶時段叫價錢就平相對多總括來講佢哋嘅夜晚小菜都幾抵食而且份量好大九龍城區唔想食太貴真係要試試

除咗泰菜同邊爐之外，原來九龍城都有唔少港式冰室，今次經過去咗呢間 #龍泉冰室，餐牌設計好港式，亦有唔少卡位幾闊落，但晚市唔算多人。小菜款式都有幾多選擇，同埋特飲望落幾特別！💚 蜜椒薯仔牛柳粒、土魷蒸肉餅、油菜幾欣賞嘅係牛柳粒份量幾多，唔似有啲得薯仔多過牛，味道都正常唔會太鹹。仲有勁多土魷嘅蒸肉餅，餸飯一流！特飲嘅紅豆冰都唔錯，唔會好甜同時又好足料，涼粉同奶茶兩款都幾大杯唔會太多冰！味道: 🌕🌕🌕🌗🌑服務: 🌕🌕🌕🌕🌑環境: 🌕🌕🌕🌗🌑價錢: 🌕🌕🌕🌕🌑－－－－－－－－－－－－📍 龍泉冰室九龍城福佬村道20-22號學林軒地下A號舖－－－－－－－－－－－－#tiufufoodie在九龍城 #hkfood #hkiger #hkfoodie #hkfoodlover #食到九龍城 #九龍城美食 #香港foodie #食好西 #香港食評 #香港食好西 #foodlover #hkig #hkigfoodie #美食 #美食攝影 #好食冰室 #相機食先 #週末好去處 #好食cafe #香港好去處 #拍拖好去處 #茶餐廳 #紅豆冰

今天約了朋友一起吃晚餐，聽到他介紹有間冰室有個軟殼蟹菠蘿包挺特別的，所以就去試試看！招牌軟殼蟹菠蘿包（４５元）這個就是主角了！軟殼蟹很大的一隻，炸得外脆內軟，蟹味很濃，而菠蘿包焗得非常香，表面脆脆的，內裡還配有菜和芝士，整個包吃起來口感挺豐富的，還下了酸甜的醬汁，所以吃起來完全不會覺得油膩，味道還真的很不錯！而且價錢也不貴，相比起其他的軟殼蟹漢堡那些就真的很便宜了！瑞士汁雞脾配西多（４８元）想不到晚上還可以吃到這個配搭！而且這個內容比想像中的還要豐富！除了大大隻的雞腿外，西多士也是給的完整的一塊，還有沙律給你，感覺還可以！瑞士汁雞脾非常入味，瑞士汁也很香濃，不過雞腿的惑覺有點老，但吃起來還好！西多士炸得非常香脆，蛋香十足，內裡放了花生醬，配上牛油和蜜糖，真的百吃不厭，而且這個給了一整塊！沙律就加了胡麻醬的，吃起來挺爽甜的！意式鮮茄焗豬扒飯（５８元）這個鮮茄豬扒飯不是用茄醬來調味，所以能吃到蕃茄本來的鮮甜味，配上炒底的蛋炒飯，吃起來特別香！豬扒也挺大的一塊，肉挺嫩的。而且還加上了芝士，真的挺不錯！常餐（４８元）晚上不想吃太多，點一份這個就剛剛好了！這個我選了沙爹牛肉配公仔麵，還有火腿奄列

九龍城廣場將會清拆，老友放假約我同遊舊地，逛完有點餓，行經龍泉冰室見有幾個人買外賣，餐廳食客坐滿八成。我們點左公司三文治下午茶餐$43送奶茶，烘得香脆、夾住厚厚的鹹牛肉炒蛋、芝士、生菜、火腿、午餐肉，十分美味又滿足。龍泉過橋米線$73+$8紅豆冰，有豬潤、餃子、瑞士汁雞翼、炸魚蛋、腐皮、芽菜等⋯材料豐富。豬潤好滑.無腥味，酸辣湯底小辣好惹味😋雞翼夠入味，真大件夾抵食。藥膳鴨腿湯飯$68+奶茶紅豆冰，藥膳湯底清甜味香，鴨腿軟腍真不錯👍👍總結：服務不錯、食材新鮮又大份。地址：龍泉冰室九龍城福佬村道20-22號學林軒地下A號舖