龍泉冰室 (已結業)

每次幫襯，真係吾覺服務差wo，招呼客人算係咁，不要過份熱情，侍應生會問須要D乜嘢，總之，在茶餐廳服務不差，食物水準越來越新鮮，推介，瑞士雞亦好好味，龍泉過橋米線值得一讚，豬潤超级好食，無腥味，要酸辣湯底，大件夾抵食。😋😋

食物水準差員工態度惡劣！入去餐廳冇人招呼冇人探熱自己搵左個位坐低 睇左陣餐牌舉手點個餐舉左好耐 明明有人見到都扮睇唔到？好啦終於有人埋黎員工走埋黎 好大聲咁話 食咩呀飲乜野呀 上菜果陣幾乎成碟野飛過黎我心諗 乜野態度？？？？？？之後杯凍奶茶我叫左走甜我飲左一啖 就知道一定冇走到甜我同個侍應講我叫左走甜 點解仲會咁甜既？佢第一句就話 咪走左甜囉你杯野我真係忍唔住 講左句你拎個杯黎 飲下有冇走甜？佢先黑面換返杯比我野食水準真係好一般絕對唔會推薦呢間我第一次寫食評真係忍唔住

本來極少投訴餐廳，亦唔太喜歡投訴人，但今次要投訴下。話說今日打完風，一點去呢間餐廳，第一次去，平時都見到少少人排隊，所以試下，今日去到得三四個客，應該因爲風球剛落。叫左咖哩雞扒飯，凍奶茶。凍奶茶黎到，酸酸地，咪同佢講酸既，佢話換過杯，第二杯奶茶無酸，但都難飲。個待應經過講左兩次，個個飲都無事，就系你有事。我算，都覺得小事，唔理你。之後咖哩雞扒飯黎，又系酸既，我懷疑因爲打風，所以用左隔夜野，我就同個收銀講(可能老闆),又酸喎😅佢又系講，個個無事，就系你有事。我話你自己試下啦，佢話唔試，然後將我全部野收起，話取消張單，咁我咪即刻起身走人。我無同佢嘈，因為佢個語氣未到極差，而且我唔使俾錢，亦都算。。。如果佢個態度極差，我會即場話佢。無第二次，野又難食仲要寸，野好食的話都俾你寸下丫。。

第一次食呢間冰室，冰室都不外乎常餐特餐焗飯鐵板，叫左個編號303號芝士忌廉汁魚柳焗飯，$58個。我第一啖食落去已經想吐出嚟，未試過食芝士忌廉汁係甜，仲要係好甜，完全顛覆我對白汁既認識😰😰😰⋯⋯ 魚柳係正常味，但配落啲甜汁焗飯，真係唔好食。真係冇下次，價錢唔算平，同行朋友食個咖喱雞扒飯都要成$60，咖哩汁好少仲要冇咩味，唔香口，雞扒有兩塊，份量都算正常，但$60真不值，寧願用$60去隔幾條街食清真牛肉館既咖哩牛腩飯，人地都唔洗$60⋯⋯