龍皇酒家 (開源道) (已結業)

就嚟係冬天，諗住搵間餐廳同屋企人一齊食餐飯，預早做節，唔使到時同其他人一齊迫。諗住就腳就係返屋企附近食，叫咗幾個小菜幾碟餸咁樣，四個人都好夠食仲有剩😌😌仲可拎返屋企當聽日晏晝！另外今日嘅甜品係楊枝甘露，本身都唔係好鍾意食西柚嘅我，因為我怕會好酸，可能依度啲楊枝甘露好多芒果，食落去又唔會太酸好好食！不過我覺得應該有啲節日套餐囉，好似叫套餐食會抵啲咁，嚟緊聖誕節唔知呢啲酒樓會唔會有套餐呢？如果有嘅話就好了😌😌

係道食完嘢番嗰個雪櫃好多products,見到xo醬有做緊推廣，即刻買返支返屋企試吓！我想講支醬入面都幾多料，又唔會過分鹹同辣，都幾好食，不過價錢就有少少貴，雖然做緊優惠推廣但都要1xx一支，不過問心都幾抵食嘅因為入面真係好多瑤柱同埋蟹肉🤣🤣🤣用嚟撈公仔麵都幾好食，同埋份量來講都算大枝嘅🤣🤣🤣

放假一起身已經十一二點，當然要落樓下嘆番個晏茶，就去我成日去開嘅呢一間龍皇，貪佢點心夠熱辣辣，小炒亦夠鑊氣。本來一起身胃口都唔算話太大，諗住都係食少少嘢依一個肚算，咁啱竟然有一款炸焗蠔配酒，好似幾新潮🤟🏻$68/隻 砵酒焗石蠔 咁樣叫幾好，鍾意食可以再嗌，唔鍾意食嘥嘢！賣相幾精緻，用生菜葉鋪上一隻熱辣辣嘅炸蠔，上面淋咗少少酸辣嘅醬汁同埋乾蔥蒜等，真係要趁個皮未淋之前趁熱食，勁酥脆，而且重點係唔會食到成口油！$288池龜 純米吟釀冇錯！一朝早就飲酒，根據佢嘅配搭，配蠔食會令蠔嘅層次提升，不過到最尾我都飲唔晒要拎走，呢度亦好好幫我準備一個酒袋🤣

都有一排冇食到中菜，今日就特登帶埋朋友一齊食返餐好嘅中菜，喺觀塘呢度，平時就去開龍皇飲茶食飯，環境比較舒服之外，服務亦都比較好，喺觀塘咁多間街坊酒樓入邊，佢都算係環境比較好嘅一間。一坐低，竟然見到一個好特別嘅餐牌，竟然係一啲海鮮嘅小菜配清酒😯抱住有新嘢梗係試一試嘅精神，就叫咗呢一個$168龍醬炒日本帆立貝，另外跟住佢餐牌上面嘅配搭建議加多左一支$268川波吟釀帶子大小適中，足足有八粒咁多，微微焦香嘅兩邊非常好食，龍醬冇比想像中咁濃味，撈埋菜食一流🤤同朋友一齊隊左成支清酒亦都好過癮，感覺呢啲酒同貝類特別夾🤔

龍皇🐲個名霸氣十足，食物質素又如何呢🤩大廳環境好大，舒適優雅，約有3000多呎，枱與枱之間嘅距離都闊落，有別於一般吵吵鬧鬧的中式酒樓！👏🏻👏🏻點心食物特別精緻，有水準！仲有啲特別嘅菜式同配搭🦪🦪🦪🦪🦪呢個砵酒焗石蠔，$68/隻，2隻起！👍🏻皮酥內嫩，石蠔幾飽滿；👍🏻仲有醬汁同椒葱粒，食落唔會；太乾身太單調加$288配埋一支清酒，據說是經唎酒師推介嘅配搭🍶池亀 純米吟釀🍶米香味濃，酸度適中🍶感覺可以中和油膩感直到夜晚9點先走，餐廳內仲非常熱鬧多人👍🏻

今日觀塘收工收到好嘢，附近啲餐廳都閂晒門，兩丁友就上去龍皇睇吓仲有乜嘢食。好彩上到嚟餐廳都仲好熱鬧，我哋好快坐低，開左一壺普洱。望左望menu，決定開支清酒黎飲(川波吟釀)，配埋一份餐廳建議嘅龍醬炒日本帆立貝，話會好夾。覺得幾特別，日本清酒crossover中菜😎😎睇下係咪真係咁夾先先講左川波吟釀，佢嘅花果香氣清新，入口乾爽帶有少少果甜味。$268/支而龍醬炒日本帆立貝，醬汁帶有少少辣味，擺款都幾精緻，完隻帆立貝殼一齊上碟。帆立貝厚身大粒，而且都有唔少，價錢又唔算貴喎！$168/份

今晚同屋企人提早食中秋飯，六個人經openrice book左檯同埋預訂左隻片皮鴨～我已經提早左兩個星期book，但黎到一片混亂。。。淨係俾張靠邊得五個座位既檯俾我地。。。👎我哋叫咗半呈天麻燉魚皇湯，龍皇小炒王，一品炒飯，啫啫海參煲，片皮鴨，後加左乾扁四季豆同埋鎮江排骨～一嚟到已經叫個片皮鴨可以起，但係等咗超過半個鐘先嚟，隻鴨個樣幾靚仔，有光澤但唔會太肥膩👍負責切嗰個姐姐嘅刀功唔錯👍真係淨係片啲皮出嚟，好脆口，雖然配件得蔥同瓜兩樣野比較單調，但呢個片皮鴨都幾有驚喜🎉天麻湯店員幫我哋“不”咗六碗出嚟啱啱好，雖然好似好多料咁，但味道幾清天麻味亦唔夠重，正正常常唔算突出小炒王有啲韭菜，芽菜，豬肉片，油炸鬼同埋少量腰果，唔夠香亦唔夠惹味，比較一般一品炒飯等咗超過一個鐘。。。。🤦飯粒分明但明顯見到有啲炒唔散，味道適中唔會太鹹，但冇乜料，基本上我淨係食到菜心，蛋白同少量比較硬身帶少少香味既海味乾就無了🙈海參煲分量都算多👍幾厚身，唔會話淋到散曬仲幾彈牙，還不錯～鎮江排骨賣相吸引，非常香脆😋酸酸甜甜，醬汁亦都唔會太稠，獲得我地一致好評👏乾扁四季豆唔記得咗影相，但係一啲都唔似乾扁，比較淋同濕，屋企人以為

中秋節四圍都人多，晚飯四處都滿座又限時。今次openrice book 左呢間，又冇限時。預訂7點夜晚6點到已經可以入去。夏日炎炎冷氣好夠👍🏻之前去過黃埔分店， 食物都正常。今次5個人叫左四人餐再加個送都岩岩好。- 個雞湯有6碗， 不過個人一向不好太油的湯- 條斑一般，有點腥- 半個雞， 好滑好味- 個魚湯時蔬， 正常味道- 炸龍蝦伊麵， 應該係因為急凍龍蝦所以炸，不過都特別外加左蝦子柚皮， 意外地好好味👍🏻👍🏻👍🏻係中秋節呢d 日子，不用限時可以同家人慢慢食係幾好的，上菜也沒感到太急，之後晚餐可以多個選擇

點解九月份都可以熱到咁，返工喺觀塘已經好辛苦，勁多人，又要迫，天氣仲要咁熱真係好辛苦😢😢😢返新工好彩有兩個鐘頭食飯，同同事嚟咗呢度食，嗰個蘿蔔絲酥卷真係幾好食，炸到勁香口！同事推介我一定要飲呢度嘅湯，都真係幾唔錯好似冇咩味精咁，不過重點就係佢勁多湯揸，平時喺屋企飲湯嘅我都勁鍾意食！估唔到出嚟食飯都可以有咁豐富嘅😂😂😂唔知係咪觀塘區嘅大家食飯嘅時間唔多，晏晝嚟都唔使同人迫，好快就有位，希望我係依間公司做得長，可以繼續享受我兩個鐘頭嘅飯鐘😅😅

近排喺附近join左健身室，就係正依度對面，做完運動又覺得有啲肚餓，但係諗唔到食咩所以諗住過嚟食少少點心冇咁肥。點知見到餐牌度好多都唔食得嘅嘢。所以最後就叫咗碟菜同埋叫咗個蘿蔔酥，好似冇咁大罪惡感。唔知係咪做咗兩個鐘頭運動，好似啲嘢食特別好食，尤其係個菜心，勁鍾意嗰啲蒜頭同姜嘅味，好鬼好食。蘿蔔絲酥就正常發揮，不過都唔錯嘅好鍾意嗰種外脆內軟嘅感覺，都推介大家試吓😻😻😻😻😻😻😻😻😻

返工咁辛苦，難得放平日，一定要同屋企人嚟飲茶，嗌咗幾件點心同小菜，覺得個餃子最好食！好鍾意嗰啲個皮好煙銀嘅餃子😌😌😌同埋佢啲餡料都算多，值得一試👍🏻👍🏻另外依個蘿蔔鬚勁好食，炸到出邊勁脆入邊勁軟，仲有汁流出來😜😜😜加埋XO醬一流😊唔知係咪因為平日今日都唔算好多人，係都坐得都幾舒服，環境都幾闊落😊過埋今日又要返工啦，好想快啲放假，又可以再陪屋企人周圍去周圍食嘢🥲🥲🥲😢😢

今天下大雨、又做唔倒運動、便落去APM 睇早場、一睇便2小時15分。肚餓、便去了龍皇酒樓飲茶。等了15分鐘、便有位。我們點了蝦腸粉、黑松露餃、鮮竹卷及肚仔實在好餓、見格離台上了干炒牛河、睇見碟干炒牛河又幾靚、便點了干炒牛河。黑松露餃: 蒜蓉多、冬菇多、松露就冇乜、個皮晶瑩剔透、味道0k。蝦腸粉: 蝦大隻、爽口、腸粉皮好 好滑、好味道！干炒牛河: 大碟惹味、因為有一點點辣味、牛肉嫩滑、這碟干牛河好味道。唔錯！鲜竹卷一般、冇乜特別。整體味道、環境、我会再光顧。因已好飽、冇法再叫甜點。下次才試甜品。

老婆話好耐冇去過酒樓食晚飯，一於接佢放工，順便去觀塘覓食。地點揀觀塘龍皇酒家。餐牌有晚市套餐。四人套餐價錢最吸引，唔使$650 ，雖然只有兩個人，照揀。最多食唔晒打包。老火湯係山班煲粉葛湯，燒味揀燒鵝例牌，魚揀清蒸沙巴海斑，小菜可以揀兩樣，結果揀咗桂花炒瑤柱及蝦醬蒸豬面青。老火湯鮮甜降火，夠晒火候，但由於係四人套餐，結果飲唔晒。燒鵝賣相好正，食落亦唔錯，做到皮脆肉嫩，分量亦交足功課，小菜當中做得最好。海斑size算大，蒸得剛剛好，魚滑，蒸魚豉油調教得不錯。桂花炒瑤柱實屬芽菜炒瑤柱，份量亦多，但味道比較清淡，要加豉油調味。蝦醬蒸豬面青蒸得剛剛好，豆腐香滑，蝦醬份量亦恰到好處，豬面青有咬口，整體合格有餘。整體來說，水準算不錯，再加上價錢嚟衡量，性價比亦很不俗。

外賣乾炒牛河，份量足夠兩人用膳，牛河沒有下蔥但有白芝麻，口感不錯。味道都可以，不太鹹，小小油可以接受。另牛肉份量適中。以$86這個價錢兩人負擔也算合理。由於是上纲外賣自取，於預訂時間有得攞，回家吃時又不會涼了。整体合格。

難得放假諗住落屋企樓下附近行吓，APM又食到好厭所以係開源道諗住搵吓啲小店，不過今日天氣好熱所以諗住喺源盛中心食下野就算，最衰今日冇約朋友食唔得多嘢，叫咗一碟叉燒包嗌咗個菜，加多個燒賣就食到勁飽啦😅😅😅最衰都係個叉燒包太大球😂嗌左三碟嘢埋單都係$70左右，都幾抵食🤣🤣不過唔知係咪因為平日啦，跟住又唔係lunch hour，依度都唔係好多人，觀塘來講都算坐得幾舒服😂😂大家都知觀塘幾多人幾迫架啦🤮🤮🤮