龍皇酒家 (開源道) (已結業)

這天是友人D突然叫食飯, 他說有三百慶生現金劵可用, 大家一齊去高興一下, 反正未來過這店, 店內空間感大可能同夜市客人不多有關, 如果午市這裡客人一多自然再沒這麼寬敞了, 員工人数唔算多但也感覺到他們閒着, 所以整晚一頓飯下來換了很多次碗碟, 這亦可能是同我們吃灼蝦有關,觀塘震撼孖寶係燒鵝(例) +白灼海蝦(例)$198 兩樣都係例牌, 不過例都足夠四人份量我們只有三個人足夠有餘啦, 海蝦係中蝦較大隻,新鮮蝦味足, 燒鵝皮有甘香味,肉就唔算嚡口不過又唔可以講嫩滑囉!XO醬炒小菜皇$88 以銀芽為主,碎蝦乾為輔, 唔算太辣適合大部份客人,內有少許肉絲吊一吊味又OK,山海骨$98 是一個炸蝦醬肉排, 肉排本身選得靚, 肉質爽身彈牙少肥羔已經嬴咗一半以上, 雖說是以蝦醬入味但就只感覺到蝦醬的香味而唔覺太咸, 處理手法上乘再加分, 炸功都算乾身只係食到後段才有少少出油膩口感, 呢點唔怪得佢嘅, 件数亦是足夠四人享用,所以價位係路嘅,甜品大部份是以三件,三粒做基数, 價錢大部份是$29亦是一般啦,我們要咗擂沙湯丸, 湯丸皮做得太濕變得好軟身但相對食到近中心位置又感覺到糯米粉類未搓得勻,有點點粉

I waited 1 hour for a dish and then no one told me they ran of stock. Then I order another dish and the wait for for another half a hour and when I chased again, they found that they forgot my order again. So poor service and I'll never come again!!!

今日晏晝去左官塘，2條友見3點即刻諗起去龍皇飲下午茶。本人甚少去茶樓飲茶，但係一講到去龍皇就抗拒不了。鮮蝦菜苗餃$33 - 個餃肥嘟嘟，入面有蝦仁，食落好彈牙鮑螺燒賣$33 - 友人至愛燒賣，好爽口，啲豬肉唔怕死實實蜂巢芋盒$24 - 都好大個，裏面芋蓉好香好滑麻香蔥花煎蝦米腸 $33/6件 好香口懷舊棉花雞$33 - 裏面有冬菇，雞同棉花環境很舒適，周圍唔會太嘈吵。服務都非常滿意。佢地唔同時間有唔同嘅泊車優惠，去之前最好問一下。

女兒學校放早，所以去這酒樓吃下午茶，點之一肚氣！落單個幾鐘叫了跟單4次，碟炆米都一直冇出過，離哂譜，就叫埋單又等哂15分鐘。2點到咗已經即落單一個點心和炆米，過咗半小時見隔離枱已經到齊食物，我就叫侍應跟一跟，再坐了10分鐘一樣都未到，叫佢跟下，先來一個㸃心，再坐半個小時碟蚊米又係未到，再問多次，冇就取消，有個廚師經過問是什麼炆米，我已經坐了個幾鐘了，我話取消和叫埋單，個經理話即刻整比我，我話唔洗，我去第二度食，叫佢埋單，埋單也叫了4次才埋到單，埋單比一個點心和茶介走人，以後不會再去，垃圾酒樓

今天到觀塘龍皇飲茶。兩碟點心都有曱甴 。經理説飮茶姐，唔需要攪大件事喎 我哋成日都來這裡飲茶，覺得唔錯。今次真是好失望。以後也不會再來了。一次過送我們兩隻小強。想回來都想作嘔。

觀塘龍皇酒家是拎左米芝連既推介, 所以豬仔特別對佢既點心有期望星期六下午茶時段黎到, 除左有下午茶優惠既點心紙外, 點餐紙上面既大中小點都以小點計算非常抵食豬仔分別叫了牛肉腸, 春卷, 馬拉糕, 蒸餃及蒸鯪魚球值得一讚牛肉腸, 腸粉質地QQ 的, 有點像吃軟身的麻糬很特別, 而牛肉的份量適中, 不會太多, 豬仔認為喜歡軟糬感的朋友不防點來試一試, 而且分量唔多, 2～3 位朋友分享絕對無難度馬拉糕友人大愛, 鬆軟而且不會很甜, 軟棉既口感, 令人一口接一口, 友人吃光光而春卷香口而且脆度十足, 一口接一口絕對無難度蒸鯪魚球豬仔推介大家不妨一試, 鮮味十足, 而且非常有彈性加上魚球入面有一定的香草, 非常滋味蒸餃相比下有點失色相信湯煮會更好. 蒸的味道清淡, 餡料鬆化, 豬仔認為湯煮的會更佳

很可惜的一餐，唉...龍苑，很多年前常常去，觀塘這家也曾經來過一次。可是今次，肯定是最後一次。以為在餐廳Corner，會比較安靜，可是樓底比較低，都係難以享受寧靜。今日試下一位位的魚翅，價格相對經濟，味道相對健康，應該有被稀釋一半以上，翅的份量與價格比例，非常合理。燒鵝方面，賣相可以，肉質唔掂，偏老。好耐無試過蠔餅，賣相真係不錯。甜品方面，真係不知所謂，呢碗杏仁茶，味道健康，建議對甜品認真的大家，千萬唔好浪費寶貴的quota。蛋散，唔脆，唉，好可惜。《龍苑》曾經係一家出色的餐廳，現在不值一提。

星期日13:30諗住去龍皇飲茶，一去到唔算太多人，但門口侍應只招呼熟客，熟客入先，可能人地新年有比利是啦，咁我成家就係門口等，點知個侍應一去去左十分鐘，門口完全冇人招呼，幾乎要幫佢聽埋人地打黎book台既電話

好耐無去龍皇飲茶，今日專誠同媽咪去左觀塘飲下午茶。完全無諗過兩點幾差唔多三點都仲要等位，不過好快就有位。呢個炒飯好好食，所以材料都好新鮮。啲飯係一粒粒分開嘅，唔會炒到一pat pat。然後佢落咗啲叉燒粒同埋菜心粒，啲叉燒粒好好食好腍好新鮮，菜心粒好甜。蝦餃今日蒸得岩岩好，皮薄餡靚，啲蝦好甜好爽好。鹹水角都好好味，餡料好香，一啲都唔膩，個皮整得好煙韌，超好味。最後嘅馬拉糕比以往遜色，不過仍然都係好香好軟熟，只係發得唔夠高。整體嚟講，龍皇酒家嘅下午茶雖然加左價，無以前咁平咁抵食，不過質素好高，好值得去食。

今日家庭聚會飯出左去龍皇酒家都食，裝修雖然唔算好特別高雅既酒樓式裝修，整整齊齊既餐桌，已經比人感覺好舒服，仲要加個嬴晒既境，對住個海食飯，胃口都大d！掛住食同傾計，只記得影小小食物既相小籠包皮薄餡料多，味道又唔錯，一口咬落去湯汁流晒係口入面，真係好正！椒鹽鮮魷，師傅炸得好金黃鬆脆，面頭曬上好多既炸過既蒜粒，好惹味，鮮魷好爽口好彈牙，好好味！鹹魚雞粒豆腐煲，遠遠已經聞到好香既鹹魚味，熱辣辣既雞粒豆腐都切到細細粒一齊煲，岩晒撈飯食！龍蝦湯海參，海參口感淋淋地非常好索晒濃郁既龍蝦湯味，食落真係又多汁又好味！今晚主角大閘蟹，一大碟排得整整齊齊好靚仔，又大隻又多膏非常好味，肉質都好鮮甜好甜，點埋酸酸既醋一齊食，更有另一番風味！

平到喊但味道好一般的晚餐晚餐超底價$298一位，基本上鮑參翅肚咩都有，我們再另加一個片皮鴨。服務員招呼是可以的，可能我們平日去食晚餐，客人不算多。第一道菜是片皮鴨肉質跟味道都可以，但是鴨肉上枱時是凍的。第二道菜龍蝦汁海參汁底似南瓜汁多過龍蝦汁，汁底應該係開粉，海參份量都大。第三係鮑魚鮑魚入味有咬口ok。繼續第四係花膠花膠份量都大，用蔥爆，重口味的人會喜歡。繼續第五係乳鴿乳鴿皮脆但係好鹹。甜品係杏汁燕窩個糖水唔夠滑，食到好似有啲粉。另加甜品脆麻花係我最滿意嘅一碟。價錢真係好平，感覺有啲浪費左食材。

就係俾你呢間敗晒龍皇個名！上菜先黎煲翅，都好濕下口，一路食有點唔對路了，食完條魚先特然黎乳豬！好啦食食食⋯⋯隻雞呢？你地等下，燒緊雞！咁風趣？等等等又再等，燒完未呢成半個鐘？黎埋桂花糕先，係喎有紅酒送咁支野呢？個侍應慢慢咁拎出黎，柸都唔派話你地都拎返屋企飲架啦XD....荷葉飯兩碟拎定外賣盒，咩事呢，原來未上雞！最後d盒係俾你打包隻燒雞。成碟骨幫換碟啦，重頭戲，第一隻有生果跡，唔用。第二隻，e 有旦糕cream,都唔用，第三隻哇！了完既牙簽三支，濕紙巾！喎會再光顧，bad list！

自從五月一日不愉快經歷後,將近半年沒有光顧過龍皇.上趟算是一塲"人導"災難,整間食肆爆滿,可是每一桌枱都在追單在投訴,每一道菜相隔三十分鈡才端到桌上,而且菜餚品質賣相失準,主管們服務生紛紛"潛水",龍皇驚變聾~惶~~!!家人估計廚房𥚃可能發生了什麼事故,真相不得而知,只知道一頓慶生晚飯由七點坐到十一點..今次友人安排飯約,邀請出席,雖然記性差不過創傷後遺症沒有磨滅,可是又不好推辭,所以抱著忐忑心情去了~~閒日晚市,客人頗多,我們剛好六位就點了個六人套餐($1488),餐單如下:{西洋菜煲生魚湯}(老火湯),湯渣像是足料,不過滋養的老火湯,始終是家𥚃煲的好,方是真材實料原汁原味,跟前的熱湯有點索然味寡.{淮陽浸杉斑},淮陽菜特色講求刀功精細,選料鮮活.這尾杉斑先起骨雙飛,再泡油,怎看也不覺刀功如何;現以苦瓜唐芹冬菇加上湯浸之,魚經油泡,品味不了所謂鮮嫰,唯一可取是調湯風味清新.{啫啫花膠盞},花膠𦾟質素和食味一般,口感帶嚼頭,有點韌,烹調粗糙.{蔥油焗亞拉斯加蟹烏冬},將蟹件走油再焗煑,蟹肉鮮甜豐盈,烏冬滑溜

今日食晚飯，樓面人手不足，上菜超慢，食物水準遠低於收費水平。Order 5道菜：蠔皇扣金玉參、油鹽阿拉斯加蟹烏東、片皮鴨、臘味炒芥蘭、龍皇西施泡飯，只有泡飯合格，中伏率高達80%，完全名大於實。我絕對不會再去！對食物質素無要求者可以一試。

和老婆大人星期六在這吃午飯。幾個點心、炒飯+海參。食物質素不錯，海蝦餃大大只蝦，鮮味。鮑汁鳳爪水準一直都很高，不會太軟或者太硬。炒飯乾身很難得。值得一提蛋散，這東東很多地方已經做不好了，主要是油太差。有的油益味很重，有的油腥味重。這裏的就沒這些問題。今天香港舖租太高，很多酒樓只能降低食物水平將就。龍皇一直能保持很不錯的水平，值得捧場。