龍皇酒家 (開源道) (已結業)

夜晚龍皇9:00後宵夜有折，所以叫得豪d🌟片皮鴨：拎出黎係你面前片，而且宵夜百幾蚊（不過二食要加錢），又可以俾你refill d wrap同蔥同青瓜，好食🌟🌟🌟今晚既主角：皇帝蟹二食🌟🌟🌟一食：上湯蛋白蒸蟹腳：雖然唔及係加拿大新鮮同平，但呢個煮法比加拿大既餐廳出色，抵讚🌟🌟🌟二食：避風塘炒：剩低果d用避風塘炒，兩種完全唔同既味道，香口同夠味道，抵讚🌟🌟🌟最後都讚下職員好友善，又送甜品🌟

Happy Friday , 今午跟同team同事一齊食午餐🥣，午時時間食午餐茶樓特別多人，個場都坐滿晒人，坐低左剔左幾款精美點心，香芋春卷個皮好脆口，蘿蔔糕煎得都幾甘香，都多蘿蔔絲，不過溫度係暖既，唔太熱！蒸牛肉腸就麻麻地，個皮太鞋，唔夠滑，牛肉味一般。最特別係個流心竹炭包，外面搽左一層金色粉係上面，顯示出個包好專貴！當然唔少得個招牌菜燒乳豬（例牌），個皮好脆口，而乳豬肉肥膏唔太多，肉質嫩滑！最後食埋個甜品：紅棗糕，都好煙un,補一補血！😋

應該係Mikiki唯一嘅酒樓,但好似越做越差囉。約咗朋友三人聚舊午餐所以舊地重臨,一早電話留檯。坐落睇睇菜單,比附近酒家價錢貴咗啲。點咗一個套餐,好似係(雪梨湯+炒飯)+咸水角+腸粉+菜餐湯好入味,唔錯炒飯的確要讚好少食到炒飯係每粒飯粒都鬆散嘅,定必先行處理過。整體上炒得乾身(有鍋氣)。配搭料頭啱啱好,不期然會一啖接一啖,好快就食咗兩碗仔。話時話,每人食兩碗仔還可以剩返半碟(打包)實在捨得浪費啲好野😂😂😂腸粉上檯冰凍配埋普通豉油(唔係腸粉豉油),我哋都無話過(走油)另外嘅咸水角咬開見無乜料到,得少少餡料貼住個邊油菜一般般喇,合格嘅。朋友做東道主,所以唔知實際幾錢。睇返價錢下次聚會可能會行遠少少搵食喇

今早臨時說今晚食做節飯，家人決定選間企理，及訂到枱的酒樓，之前也在此食過晚飯，是一分錢一分貨加上味道的食店，但是否物有所值，見人見智了，因這個價錢仍未計上加一服務費及茶錢，。油鹽老虎蝦伊麵蝦肉彈牙新鮮大隻，麵汁夠多不夠濃，越食越出水，伊麵口感一般，所以覺整體蝕在個汁差了一點。紅燒花膠鮑螺翅花膠仔腍，螺肉有咬口，翅仔爽腍，食料份量屬正常，雞湯清不太濃，好味，但日後希望少點食翅。魚籽醬軟殼蟹軟殼蟹的脆漿脆，軟殼蟹本身是軟的，沒有味道，必須加上醬汁食用，這裡加上魚籽醬，味道ok，但感好像食醬，不是食軟殼蟹。蠔皇八頭鮑魚伴椎茸煲仔上可以存熱多一會，加上冬菇及數條生菜，用新鮮鮑魚煮成，鮑魚彈牙充滿鮑魚汁味道，冬菇吸汁的能力比更強，味道不用多說。碧綠炒班球班塊煎脆，加了薑汁獻再炒，西蘭花爽脆，掛到的汁略少，中上味道。古法蒸腩件帶骨龍躉腩，魚肉滑，如果是全肉的會韌，可惜份量有限，有些還比較細舊，真有不足的感覺。鴻運脆皮雞雞味一般，脆雞炸得不錯。淮山泡青蔬淮山爽口沒甚麼味道，用粉粉的那種淮山會較好食，白菜正常，上湯有味，只是蔬菜仍沒有浸得入味便上桌了。五穀豐收香米明顯比普通酒樓的靚，粒粒金黃分明，江瑤

很久以前来過，...................還可以，這次去喝茶的体驗超差，食物質素差..............................，還比不上彩雲軒......................，服務不到位，点心幾次来錯，.....................有一个点心又很久沒束......枱和枱贴住..........................，嘈到頭昏，不會再来。

12人行家庭聚會～今次食豪氣D～龍王出名豪氣同坐得舒服叫咗一圍超值龍蝦魚翅海參宴$3188～九道餸一道甜品大紅乳豬全體賣相吸引皮脆香口紅燒竹笙海參翅～雖然冇幾多條翅但味道仲可以上湯焗龍蝦伊面～上湯味道似雞湯～龍蝦切開一舊舊～最多肉幾舊冇咗～一睇就知唔係全隻～咁樣做生意唔係幾好掛翠玉炒球依味菜好少食～個汁調得幾好～魚片都好嫩口神草蒸頭腩豉油唔咸～其實就係薑蔥蒸魚腩黃金焗軟殼蟹即叫即炸～軟殼蟹好酥脆～味道一流豉油王脆皮雞飛油～皮脆又入味～水準唔錯花膠絲扒菜苗～蠔油汁略甜～花膠、瑤柱令呢道菜更加特別五穀豐登即係炒飯～有：菜粒、雞蛋、蔥花～加瑤柱絲吊味食落唔會油膩精美甜品桂花椰汁糕好味～飯後食剛好

星期六喺官塘工廈買完野剛好係下午茶時間成日喺官塘都係食西餐多,間唔中都想飲吓中茶~無意中知道原來龍皇都有下午茶,自始別無他選~  蜂巢芋盒 ($12) 3粒大大粒，外脆內軟，入面既芋泥香香的，仲有Ｄ肉碎。　馬拉糕($8.8) 蛋香鬆軟沙巴海蝦餃(特點) 龍皇出名海鮮新鮮，飲茶緊係點蝦餃啦！蝦餃皮薄，大隻彈牙，係必食之選～鮑汁雞腳炆得夠入味，份量亦唔少龍皇一品炒飯炒得乾身，粒粒分明,加入欖菜非常惹味，大大碟食唔哂最後pack左一半走~

已光顧 e 間酒樓好多次，起初有驚喜，因牛肉球內有果皮食到出來及味道非常好，真喺牛肉有牛味，其他點心都好正，豉油 皇粉麵及夠大碟，但近E 大半年，點心水準一落千丈，簡直天同地嘅分別，牛肉球非常吾掂，d 牛肉球一口咬落~梅，豪油义燒包冇豪油，鵪鶉蛋燒賣，d 蛋好似食緊擦子膠，雞扎有一件竟然偷工減料冇左件魚肚，潮州粉果 d皮仲厚過我 d 面皮，難為佢地老闆在電台主持飲食節目，教人煮食，不如返去教下自己d 師父先，不會有下次幫趁

又到週未飲茶時間😆因為家中長老話飲茶但又想有 D 新意, 所以就 search 下有咩好食😄之前一直想食龍皇, 就打電話去 book位啦 (週末唔 book 定位, 真係會等到天昏地暗)因為星期日嘅關係, 係唔會有咩下午茶之類😎所以基本上都係正價, 如果想平 D 可以平日星期一至五, 2pm 開始會有下午茶時段。今日大家胃口大開, 叫左超多野食蘿蔔絲酥餅, 比想像中鬆化, 而且一絲絲嘅蘿蔔絲, 睇得出好心機菜招牌之一嘅蜜汁叉燒真係要大讚💕唔單止叉燒汁鹹淡適中, 而且係一舊肥瘦叉😆肉質實在令人難忘, 食到停唔到口而黑金流沙包外貌好靚, 小朋友都引唔住一手搶左個, 食落口唔會太甜, 不過就做唔到流沙效果, 比較失望鮑汁雞腳較為普通, 鮑汁唔夠入味。而燒賣都係一樣, 比較普通。川味牛坑筋又係一個驚喜❤雖然唔鍾意辣嘅人會太刺激😂不過對我黎講真係岩岩好, 麻辣嘅味道唔太搶, 仲食到牛坑筋本身嘅味道。而七味魷魚個皮炸得非常鬆脆😍😍魷魚仲好鮮, 如果要挑剔就會話 D 蒜粉太少, 多 D 會更好食。汁燒煎包熱辣辣, 因為用個石窩熱住😋包裡面肉同肉汁都幾多, 包面脆脆地, 另外個底仲墊左 D 蔥同洋蔥,

這是我第一次寫食評，本來想點讚他們的點心，很不幸地食了一個胡椒豬肚，內藏曱甴，然後叫他們部長的職員來處理，他們的表現令我覺得對此情況相當熟悉，他們只是馬上把食物遮掩然後拎走，令我對他們的食物衛生程度感到相當震驚，對此事亦冇抱歉的說話，其後一種職員當完全冇事發生，取消食物方面亦欠缺彈性，內設的食物要取消，他們用藉口拒絕取消，他是內藏蟑螂的點心同時亦可以取消，雙重標準，的情況下，令我對龍皇集團這個品牌留下相當差的印象。

I went to this restaurant with my family last week to celebrate my dad's birthday. It is always difficult to pick a restaurant that fits my Dad and also the little kids (both kindergardeners). My dad likes traditional Chinese cuisine while the kids and I are fond of western cuisine.  Finally we come to the conclusion and all agreed to try a tradition Chinese cuisine while we also have some expectation on the food as the owner of this restaurant is a celebrity, Chi Gor, which is the main gimmick

為什麼？「煎蘿葡糕」是配「海鮮醬」？眾所週知，蘿蔔糕與辣醬是絕配，觀塘龍皇酒家一向都是用「余均益」辣醬，味道頂瓜瓜！近月發現，煎蘿蔔糕居然跟著海鮮醬送上枱來，原本以為傳菜姐姐弄錯，誰不知回應卻是「改咗」😱 實在令人驚訝不已！ 2016年米芝連推介的食店，會這樣做生意，希望食店負責人能正視！！！

海外親戚回港歡聚，家族提早做冬聯誼，二十多人的晚宴早於一個多月前開始搜尋合適酒家，要交通方便、食物有水準、有廂房，要求多多，聯絡咗三家酒樓後訂檯 觀塘龍皇酒家。其實呢類年尾飯宴最緊要係大家開開心心見見面、食返餐，十多個餸菜都係希望飽肚又好意頭， 如果純滋味行心態要求就唔多正確了。一貫香港食開嘅粵式餐宴，第一個上檯菜 乳豬，燙手妙齡豬其實就唔係好夠燙，至於妙齡就目測大小可見，分分鐘妙齡到眼都末開就要橫陳餐桌之上，所以千祈唔好做大嘥鬼，小乳豬皮脆肉嫩，真材實料味道口感都交足功課，附小包點伴脆皮豬，可自製迷你版乳豬三治逗小朋友食多件。鮮果盞伴百花釀蟹鉗，氹小朋友香口嘢，難得入口重暖暖地，因太多酒家一早做定攤凍曬又點會脆吖；鮮果沙律味道還可以，但啲生果切得太細粒點用筷子食呀？翡翠炒帶子，意外調味醬油幾好味，帶子鮮味出晒嚟，難得帶子同西蘭花都一樣煮得咁爽口。紅燒海參翅就當有個湯羹飲吓咁啦......你懂的。清蒸沙巴海龍躉，可以俾個讚，魚夠鮮、無蒸過火、肉離骨，剛剛好，長輩們都話唔錯。蠔皇八頭先飽伴椎茸，冬菇夠肉厚、 元寶狀鮑魚入味又彈牙，真正鮑汁菜梗係要食多兩條啦。蔥油淋文昌雞，全晚最喜出望外菜

食物美味，服務細心。訂位最少1天，預留亞拉斯加蟹。重量最少3斤，肉質結實，新鮮美味。上菜前員工細心供拍照，另外熟蟹為食客分拆，砌成美麗的食相，而且客人不用享受食物時狼狽，很容易享用，他們非常細心。

親友擺酒，晚上席設龍皇酒家，讓我品嘗了滿意的一頓晚飯。之前來過數次，午飯飲茶有，晚飯也有，每次都吃得很開心。這裏的廚師都是用心製作，能夠吃出愉悅的味道來。乳豬，非常鬆化，而且皮脆，切的肉比較深，所以除了吃到乳豬皮之外，也吃到裏面的肉，一開始就很滿足。魚翅湯底做得甚濃，我喜歡味道濃一點的；而濃得來也不咸。西蘭花帶子讓我一試難忘。帶子好味道不在話下，西蘭花甚為軟熟，而且入味，充份索了湯汁，吃下去很有快感。百花釀蟹拑也是水準之作，蟹拑很大隻，而且內容可以用「豐富」來形容，很香口；沙律當然也是不錯貨色。想講一句廢話：「鮑魚有鮑魚味。」真是廢話，但鮑魚真是香到，大家吃過之後都只能說這句「鮑魚有鮑魚味」。鮑魚很軟熟，冬菇又大大隻。當紅炸子雞也是超高水準之作。雞很滑，皮炸得脆，很香口。連最後的乾燒伊麵也讓我一試難忘。味道調校得甚好，而且伊麵很軟身，一點也沒有多餘的油分，但麵身很滑，很易入口。整體來說，龍皇的晚飯很有水準。