龍門冰室 (已結業)

晚上，超級肚餓，走進龍門冰室吃晚餐..我們二人叫了西式鐵板燒包括(炸魚柳及西冷牛扒）我們看見了真的喜出望外，份量十足！二人同樣選了黑椒汁及薯條伴菜。脆炸薯條，配搭茄汁，十分好吃。炸魚柳十分大塊，共有三塊。外面十分鬆脆，魚柳又嫩滑⋯⋯西冷牛扒同樣有三塊，容易咀嚼，口感不錯。可惜我們兩人也是女仕，只能吃到三分二...其餘的食物有點浪費了....還配了二杯凍七喜...仲有全杯冰給我們.. 喝完真的爽yy! 二人埋單二百蚊有找...抵食！🤣

今日去開銅鑼灣，行行下發現原來登龍街有龍門冰室分店，不嬲都中意支持黃店既我緊係要入去支持下😬首先晚餐都有好多選擇，價錢以冰室黎講都算平👍🏻我就揀左吉列豬扒拼咸牛肉芝士玉子燒意粉，佢有幾個汁可以揀：芝士汁、蕃茄汁、咖哩汁同黑椒汁我就揀左黑椒汁試下一黎到哇左聲，超級大份🤣首先吉列豬扒炸得幾好，咬口唔錯😬至於玉子燒好大份呀，咸牛肉饀料又多😳蛋亦夠滑👍🏻係沙律普通左d 冇乜沙律汁而黑椒汁食到黑椒粒🤣夠味男朋友叫左鰻魚汁大蝦球炒岀前一丁，佢話似燒汁多d，但都ok 蝦球夠大粒😆👍🏻仲有好多粟米粒，蕃茄同西蘭花，好健康👍🏻最尾每個晚餐跟個多士，雖然已經好飽，真係幾好食😂d牛油塗得好平均😬👍🏻正呀再嘆埋杯柚子蜜就perfect😬

而家啲懷舊冰室、茶餐廳成行成市，價錢貴到嚇死，想食下地道茶記都唔係咁易。前日終於的起心肝去幫襯呢排最高討論度嘅龍門，可能我6:30pm去，唔洗等位，仲可以揀卡位坐！坐低發現每張枱備有口罩暫存袋👍🏻望下餐牌，價錢唔貴，叫咗2個鐵板餐。跟餐叫個龍鳳檸樂只係$7，勁抵！等咗陣至尊海鮮同星級雜扒就上枱，份量大得驚人！海鮮起碼有3塊龍脷柳！我嗰份雜扒有半個碟咁大份嘅雞扒同牛扒，大份至要拎個碟擺開佢先食到！拎開塊扒，墊底嘅薯條多到食唔晒，勁開心食咗一半已相當飽，性價比超高，味道又無得彈，加上係屬於香港人嘅茶記，要將佢收歸入我嘅飯堂list!香港人，加油！

今日係銅鑼灣行完街，梗係去龍門支持下。因為太掛住佢地既食物。出左名既份量多又好味又抵食。未到晚餐時間已經好多人係入邊食。睇黎好多人都好鍾意食。入到去，即刻叫左個美式雜扒。出餐出得勁快。仲要係好大好大個份量呀！乜扒都齊晒。好香。雞扒好大個，煎得外層勁香脆，又滑又juicy。豬扒都係好大塊。俾既份量真係好豪氣，好似唔洗錢咁。淋上芝士汁，真係超邪惡。有腸仔，有薯條。媽，好飽好滿足。仲有紅湯飲。每次去食龍門，都係出左名，一個野食又送湯又有野飲。超級值得。叫左個蜜汁雞翼。好脆既雞皮，淋上甜甜既蜜糖汁。超級滿足。雞肉好滑，而且濃味。小食黎講其實份量算多，抵讚！之後再飲返杯熱檸蜜。好舒服。呢間野可以話史上性價比最高既餐廳。

原本行去燈籠街諗住食拉面 但係見到龍門終於難得唔洗排長龍 唯有入去支持下雖然話唔洗排長龍 但係都排左5分鍾入到去立即叫個百搭下午茶先 依個下午茶正到爆 勁大塊豬排 勁大塊西多依個西多仲要唔係普通既西多 一切落去 熱到熔熔地既芝士馬上流出黎雖然叫就叫流心芝腿西多 但係估唔到佢真係流心芝士同西多既牛油實在太邪惡 配埋火腿既少少咸味絕配!吉列豬排 炸得岩岩好 好有肉地 完全唔"鞋" 食完依兩樣咁正既野 發現仲係十分肚餓 於是叫多個常餐依個常餐并唔係普通既常餐 而係3.6特濃牛乳芝士玉子常餐聽個名就係唔簡單  3.6特濃牛乳芝士玉子燒有4個選擇我自己就選擇左吞拿魚芝士玉子燒 就咁睇個樣以為佢係普通奄列但係食落就真係FEEL到果種特濃牛乳 蛋再加上特濃既牛奶味已經超正 再加上吞拿魚既味道 冇得彈依個餐仲有一個湯面 我就選擇左沙嗲牛出前一丁 聽人講要睇一間茶餐廳水準如何 睇佢沙嗲牛整成點就知咩料依個沙嗲牛非常唔差 出前一丁唔會太淋  沙嗲牛既沙嗲好夠味唔怪得上網睇個個都話龍門好食左勁多 原先都唔信 點知原來真係

🥩鐵板爵士牛扒伴香草腸📎 龍門冰室💛.終於黎到龍門冰室 💛唔使排隊就入到去店內超級多文宣 🥰我地點左爵士牛扒伴香草腸 薯菜 有龍蝦汁 芝士汁 etc不過我地怕伏 安全起見點黑椒汁厚身牛扒有兩大塊 西蘭花 粟米粒 粗薯條同iPhone長度的脆皮香草腸 脆皮煎得唔夠脆軟左🥺至於蜜糖雞翼 新鮮即炸 港式生炸雞翼外面淋蜜糖 整體食物質素平平 份量大 不過值得再去懲罰💛💛爵士牛扒伴香草腸 $95蜜糖雞翼$46.-𝚈𝚞𝚖：👅👅👅/𝟻𝚁𝚎𝚟𝚒𝚜𝚒𝚝:💃🏼💃🏼💃🏼/𝟻𝙿𝚛𝚒𝚌𝚎: $100/𝚑𝚎𝚊𝚍.————————————————龍門冰室 (銅鑼灣)銅鑼灣登龍街28號永光中心地舖————————————————

今日要為大家介紹嘅就係間龍門冰室啦其實呢間野我都好想黎好耐㗎啦，首先嚟睇吓有咩嘢食先，唔....好啦就呢個啦😅⊰⊹═════════════⊹⊱【咖哩焗豬頸肉飯】黃咖哩真系非常好送飯，成日食焗豬扒飯或者焗雞扒飯好悶，今次轉食豬頸肉，又幾好食喎，味道好夾，下一次去應該都會再食多一次🤤⊰⊹═════════════⊹⊱【紅豆冰】天時暑熱見到餐牌有紅豆冰，都唔使諗咁多即叫😬，飲落好多紅豆一啲都唔孤寒😋

好耐都冇食鐵板餐喇！經朋友介紹之下話龍門冰室d鐵板餐大大份好抵食，所以專程黎試下，適逢某大型百貨公司做緊周年慶大減價，行完就去咗醫肚！龍門冰室出名大排長龍，好在今日唔係太多人，唔使等好耐，等左5 分鐘就可安排入座！晚餐都有好多選擇，分別有是日晚餐，焗飯，鐵板，亦有d常餐，各式各樣，真係咩都有得你食呀😍😍秘製咖喱羊架飯 🍛，$80羊架醃得相當入味，煎到金黃色，肉質鮮嫩，咬落唔會太硬，亦唔會太羶，再配上秘製咖喱汁食簡直完美，令羊架增加層次感，加埋白飯食簡直一流👍🏻👍🏻爵士西冷牛扒拼香草腸，配薯菜 $110西冷扒大大塊，香草腸又大大條，又超多薯條，份量甚多，牛扒肉質夠林，入口即溶，食落好滿足，黑椒汁亦唔會蓋過牛肉嘅鮮味👏🏻👏🏻芝士焗西蘭花🥦香滑濃郁嘅芝士配上新鮮嘅西蘭花，簡直係Perfect match😋😋😋總括黎講，晚餐食咗咁多嘢，埋單先至二百幾蚊，真係抵到爛呀！😍😍😍

同我朋友嚟到登龍街，發覺周圍都係拉麵譜，零零些些有間龍門冰室，外觀望落都幾特別，就決定試一試佢啦雖然係午餐時段，不過雖然佢人流多，但係都唔太洗等位間鋪嘅內槓都幾特別，有種時尚嘅風味，配着黑色嘅背景同埋一啲佢哋嘅優惠，真係好友以前香港茶餐廳嘅味道啊睇咗睇張餐牌，可以揀嘅餐真係多到唔知揀咩好，而且都有好多特別嘅選擇，例如玉子燒啦，英式嘅早餐啦，仲有唔同嘅下午茶餐揀，有得食返香港傳統嘅炸物呢張影到炒晒車嘅就係我最想食嘅嘢啦，係西多士呀，炸得唔錯㗎，仲有魚柳配添😍😍應該仲叫咗個黑松露玉子燒，仲陪左呢個沙嗲牛肉嘅公仔麵 佢個沙嗲唔會太辣，又香喎最後就係兩杯嘢飲啦，一杯帶咗普通嘅凍檸茶另外一杯呢就係佢哋特別推介嘅冠軍咖啡啦，杯咖啡係真係幾好飲㗎，稍為甜左少少，不過有arabica 既咖啡豆，令到佢非常之香濃啊大家有興趣就你食下呢間冰室啦，係一間值得去又唔使排長龍嘅冰室呀，杯咖啡仲提神又好飲添，唔使淨係飲港式奶茶

作為一個真正香港人，一定有聽過龍門既大名但係成日都見有人話佢食物質素參差今日食完之後就明白，佢肯定係比人抹黑呢到食物質素絕對唔可以叫差咁岩做緊各種義賣同promotion呢Ｄ推薦食物有好多都好似好正咁梗係要叫價錢呢個地段黎講唔算貴疫情之下，餐廳都好講緊衛生，除左每張台都有隔板外，仲有提供紙袋比人放口罩，非常好餐湯係羅宋湯，不過不失玉子燒常餐（沙嗲牛肉麵配黑松露雜菌芝士玉子燒）沙嗲牛肉麵幾驚喜既一個沙嗲牛肉麵因為佢既沙嗲汁比一般茶記更香濃而牛肉亦完全索晒Ｄ味值得一食黑松露雜菌芝士玉子燒＋多士可以見到粒粒既黑松露，豐富既雜菌同邪惡既芝士，用料好有誠意只不過蛋方面，雖然味道係唔錯，但佢叫得做玉子燒，我會期望綿密Ｄ、厚Ｄ同有Ｄ蛋汁依家咁整其實只係用玉子（蛋）整成既奄列多士好厚，又係夠晒足料星級雜扒好豐富既一扒餐，入面有西冷扒、雞扒、英式腸、煙三文魚、炸帶子雖然當日暫時冇得用鐵板上，不過其實個人係鍾意碟上多Ｄ，所以岩岩好醬汁我點左龍蝦汁，味道似好杰既龍蝦湯，都幾好味雞扒夠晒厚，雞皮煎到微焦夠香口，同時雞肉亦嫩滑西冷扒以茶記黎講算係好高質，入口好軟熟，口感一流英式腸，好以為佢好似普通佳Ｘ或者Ｘ寶果

一直好想黎試下龍門冰室，今日終於食到。晚上時間冇乜人食，乜真係咁差咩?睇餐牌有全日早餐、焗飯焗意粉、粉湯麵、扒類、小食等等，都幾多選擇。每枱都有支搓手液，食野之前記得搓手呀~老公叫左燒汁厚切西冷牛扒腸仔飯，牛扒好淋完全唔un，整得幾好味呀~另外我叫左自家醃製爽脆雪菜配炒蛋白，個炒蛋白幾特別，整得幾香口，而自家製雪菜有d似WASABI，個味道都幾新鮮，個粉幾爽幾好味~整體我覺得唔算差，菜式唔係傳統茶餐廳味道，不過都整得好味既。大家支持下啦。

龍門冰室係一間好有理念 好有主見嘅一間茶餐廳 本人好欣賞呢到個老闆 和一眾香港人都一樣 我用行動來支持 即使要排隊要等位也不是問題一般的港式裝修格局 光猛企理 疫情之下枱與枱之間設有屏風 食客與食客啲一間保持應有的距離 可以安心用餐美式鐵板套餐有多項選擇 一般是以肉類為主打 亦有海鮮提供 不過朋友係肉食獸 鐵板餐就最啱佢 而且價錢合理又親民西冷扒拼香草腸$95 分量超多的 可選薯菜/意粉或飯 薯菜即叫即炸熱辣辣好香口 外脆內軟 旁邊仲有蕃茄粟米西蘭花作為拌菜 有菜又有肉 夠曬健康 牛扒厚薄適中 肉質淋滑又帶點咬口 香草腸脂肪豐富 充滿濃濃的香草味 煎到有脆皮效果 好吃非常 配上微辣的黑椒汁更為惹味仲有傳統的港式羅宋湯附送 味道酸酸may may好開胃西多士是我每次吃龍門冰室都必點的 顏色金黃 麵包間有花生醬 味道突出 軟淋淋嘅麵包吸收咗牛油和煉奶的香味 味道絕配 最緊要嘅係唔會食到成口油 充滿兒時回憶 更是香港獨有的傳統美食凍奶茶用咗銀杯裝 能保持冰凍效果 夠曬冰凍好暢快另一推薦是紅豆奶茶 加入紅豆蓉味道更昇華 有紅豆的沙沙口感和香味 感覺新穎 味道又幾夾喎龍門冰室所提供嘅食物種類繁多

呢一晚繼續約朋友吃飯，登龍街茶餐廳，各樣食品賣相都好吸引，同朋友都患有選擇困難症，揭嚟揭去，揀嚟揀去......雖然不太肚餓，都揀選兩個飯，晚市套餐最抵食，包飲品包湯，凍飲加$3，凍檸樂 加$5，紅豆冰加$7，奶茶紅豆冰加$9， 起初未有決定，飲品稍後再點。先來兩個酸咪咪蕃茄湯，開咗大家胃口。焗茄汁焗豬扒炒蛋飯~起初以為是蛋炒飯，驚喜原來是整整一份香滑煎蛋，大大塊豬扒有口感但唔韌，配炒飯底，賣相已經非常吸引，又增添幾分食慾。蔥油雞扒叉燒飯~朋友被蔥油兩個字吸引了，這個飯比較肉感，雞扒連皮煎得香香，大量叉燒不算肥，朋友讚不絕口。吃到這個時候已經好飽，決定叫凍檸水消消滯，茶杯好有香港特色。

相信無香港人無聽過龍門冰室，因為佢係黃到變金，黃店中嘅表表者👍🏻，但亦都係岀名難食嘅黃店之一🤢，講真嘅，身為地獄使者嘅我👺，我不入地獄，誰入地獄👻。當日早上去銅鑼灣分店食早餐，可能早上關係唔洗等位，由於疫情關係，入店前需要量體溫，而且每個座位都有搓手液，餐具都放入密實膠盒入面，衛生方面做得唔差，值得一讚！基本上除咗黃店💛，冇乜好評😂，我真心係打算支持黃店嘅心態而已🙊，閉埋雙眼食飽就算🙈。所以，今次叫咗個普普通通嘅常餐，點知，比我想像中正常😳。五香肉丁公仔麵 (5.5/10)🍜每次食常餐，都一定會嗌我最愛嘅五香肉丁，龍門嘅肉丁比起其他茶記大件👐🏻，直頭有手指左右咁大🤲🏻，估計係佢自製，味道都正常🤭，同罐頭嗰啲香辣味差不多😁，不過，唯一扣分係公仔麵淋咗啲🙁。黑松露雜菌芝士玉子燒 (5/10)🍳將啲黑松露、雜菇🍄、以及芝士🧀炒完，再用蛋皮包著🥚，一切開玉子燒，餡料好流質咁澭岀黎，黑松露味好重🙂，冇乜芝士味🧐，蛋皮正常，唔滑又唔老，中䂓中矩😌。呢個常餐仲有牛油多士🧈，同一杯熱飲☕️，早餐、下午茶$40，其他時段$48，份量一啲都唔少，大大份嘅常餐黎講，價錢唔算貴😄，難食又講不上，味道正常🙂。

龍門一向敢作敢為，作為香港人，又咁啱五一黃金週日子，我當然要黎支持一下才返工啦今日都幾多客人，這邊的早餐好多款選擇，有湯粉更包了麵包蛋蛋！點了A2仿鮑片火腿通粉，更加錢轉番茄湯底，好蛋洋蔥、番茄，酸酸甜甜好開胃，仿鮑片好大塊及三角形火腿片，好正好大份！炒蛋好靚，卷成了長條形，煎得好香；麵包是厚多士，2大片，可轉不同醬，我就愛奶醬多士，好厚身又香甜口感，脆脆好食！早餐包了飲品，我點了熱杏霜，攪拌均勻好香滑好靚靚的！早晨食這個真的好飽，有良知有力量了