龍門客棧 (麗豪酒店)

營業中

休息中

家父生日，訂了龍門客棧食lunch。餐廳人不多，但酒店很多人，所以連泊車也泊不到。餐廳環境不錯，可惜或許是裝修上或擺位上的影響，聲音散不去，明明人少少卻嘈吵不堪，想靜靜歎茶也不行。是次點了兩位以上用的套餐，套餐很豐富，但一次過上菜上得太快，令湯麵很快無湯，點心也很快會軟和不脆口，實在浪費食物本應有的最佳味道。所以很難客觀評論好食還是不好食。只能說凍了， 索水了的食物也不難食的，應該原本廚師弄得不錯吧！

早一年第一次呢度食嘢，仲比位呀姐氹到做富豪酒店會員，可惜啲卷好多限制唔好用，所以唔再買lu, 不過呢間 龍門客棧啲食品同服務有水準嘅。一定比同在酒店內嘅西餐同酒吧好。 今日見仲有少啲限制嘅200蚊現金卷，又就夠期，所以今日嚟呢度午餐用咗佢，其它卷燒毁算了！今日套餐食品如下1) 小籠包: 掂2) 煎煱貼: 一流3) 津白 : 無得頂4) 蝦餃: 皮薄餡靚5) 上海炒年糕: 本身唔鍾意6) 蘿蔔絲酥餅: 首次食到好嘅7) 燉湯: 個湯好清好味，似煲翅嘅湯底8) 桂花糕: 太飽……無食到9) 脆皮素鴨: 差啲唔記得呢樣，幾好食另叫: 麻婆豆腐煮魚: 真係好好食，豆腐滑，魚味重 : 香蕉高力豆沙: 普通。唔難食店員服務係幾好，環境都舒服！ 係啲櫈舊咗啲，梅梅地仲有啲污糟, 換吧

這裡的裝潢很有特色，坐著也舒服，服務也好。友人先點了他最愛的醉雞，賣相一流，雞皮爽彈，油脂不會太多，雞肉爽口嫩滑，雞味清香。酒味香濃，但今天未夠入味，且酒味單一太重，變相有點苦甘，未夠層次。肴肉不知道是那裡出問題，有很重的藥材甘味，很不喜歡。酸辣湯就很不錯，味道有別於平常坊間的，特別的香氣，濃稠度也很好。蘿白絲酥餅外皮非常鬆香酥脆，蘿白絲味道非常好，如果餡料份量再多點就更完美。生煎包有芝麻在底部同煎，多份香氣，但未夠鬆脆，包身鬆軟有勁，餡料也好。

冇睇錯啊 就係擺左係枱面俾客人食當晚六點入座 點左四個菜 包括小籠包 鍋貼 蘿蔔絲豆腐大魚頭湯 同炒飯 催左千萬咁多次之後(50分鐘) 終於上左個小籠包仲要係微暖既 再三催四請先再上菜 我點既係魚頭湯 佢就上左個魚頭鍋 咁我就立刻同果個幫我落單既侍應反映啦 點知佢居然就話番我轉頭 話我點解唔講清楚要點啲咩 我好肯定自己點既菜係岩 咁佢最後都肯換俾我 點知上到枱 魚頭湯個魚頭根本未熟 一個生既魚頭竟然擺上枱俾客食!!!!! 我已經唔想再同佢地糾纏 錢我俾足 事件發生後我曾經發電郵同管理層反映 佢地都只係敷衍回覆 所以我懇請大家考慮清楚去唔去光顧呢間餐廳 完

The dinner was a joke. We ordered the 8 persons set dinner which was around $2888, and was served with the rather hairy fried rice first before all the appetisers. When we pointed out the piece of hair in the fried rice the waitress did not care about it and was not happy with us pointing it out. We then asked to replace the dish and asked to serve it a bit later at least after all the appetisers. When it finally arrived we were sure it was the same dish with the chef possibly pushing the dome o

話說前兩日係男朋友舊歷生日，佢話想食扁皮鴨同上海野。 所以就同佢屋企人黎左沙田麗豪食飯啦！ 講返重點先， 個日我地一行5位，就叫左個4人餐加多隻扁皮鴨。 食到我地無停口，個個都抱住個肚走呀！

5 月 4 日老爺生日聚餐，地點麗豪酒店龍門客棧，龍門客棧，地方寬敞，紅燈籠配上黑色椅桌，甚有風格。桌上有爉燭小爐一直溫熱着茶水，很體貼的裝置，每份菜式上桌時都是熱騰騰的，令人倍感食欲。由店員推介點了小籠包、龍井河蝦、京蔥爆牛肉、烤鴨配鴨鬆鍋巴，每份菜式份量足夠，小籠包肉嫩多汁，河蝦略偏油多，牛肉夠鍋氣，烤鴨顯刀功，總括食物質素到位。引發我寫這篇食評的最主要原因，是因為我被負責招待我們的店員驚喜倒了，非常熱情、細心、不時為我們添置茶水紙巾各項，觀察到那段晚飯時段絶非清閒，她們遊走各餐桌招乎客人，主動、勤奮、落力，實在值得表揚👍🏻，我相信他們出色的表現，管理階層一定花了不少心思吧，其他業界值得模範啊！

這頓兩圍的生日晚膳席預早了整整一個多月預訂，由第一天接待及現場介紹環境給我到最後給了我們一間貴賓室作為當晚的場地以至整整一個月來對我們要求的跟進，我深深感受到她們一切都好用心為客戶悉心安排，沒有因為我們選擇最便宜的菜式有所不同，房間給了很多家庭小朋友的娛樂空間同時滿足成人的麻雀耍樂及閒談空間。講到晚膳，我可以大膽講一句，這裡的質素及用料不會比市面某大集團的大型酒樓差，味道及材料中上，制作很用心，只是清蒸石班有點兒過了火，加上周到的服務，令我及我一班老朋友帶來一個難忘及驚喜的晚上，期待你們繼續保持這份熱誠去招待客人及保持食物質量，相信你們必定會越做越好，切勿因生意太好下降了服務質素啊，哈哈**

7.1這幾天假期，因奶奶坐輪椅又入住了酒店，便跟她與娘親到酒店一樓的龍門吃午飯。龍門客棧，整家店鋪古色古香，以紅黑為主，很有氣勢。餐桌佈置精緻整潔，位置也算寬敞。很喜歡以蠟燭暖茶，菜單也簡單明瞭。菜式以上海菜為主，所以必選花雕醉雞和蒸餃子，試試他們的功夫。奶奶年邁，點選容易入口的京蔥斑塊、咸肉津白和嫩雞煨麵。蒸菜肉餃，皮薄多汁，菜與肉的分量很平均，相當不俗。花雕醉雞，可算是這家店的推介之選。花雕酒不會過度濃郁，雞肉嫩滑，不會像大部分的店家忽略雞肉的質地口感。京蔥斑塊，份量十足，斑塊外面香口，內裏肉質相當鮮嫩，實屬意料之外。咸肉津白和嫩雞煨麵，沒有像其他店家一樣，過分咸或濃味，稱得上健康之選。店員及服務也相當不錯，十分友善，還會提醒顧客各種折扣優惠。以酒店內的餐館，價錢也算是大眾化。環境：4蒸菜肉餃：4花雕醉雞：4.5京蔥斑塊：4咸肉津白：4嫩雞煨麵：4侍應/服務：4價錢：4

好耐冇食過中菜，想揾啲精緻中菜試下，經友人介紹話依度嘅淮陽菜唔錯，所以一於試下。首先不得不讚下個前菜，一共四款，包括有陳醋餚肉、魚籽燻蛋、蔥油海蜇頭及無錫脆鱔。擺碟非常精美，尤其喜歡燻蛋及脆鱔，脆鱔炸得酥脆，配上香濃糖醋味真係食到停唔到口，燻蛋亦非常考工夫，喺雞蛋上擺上鵪鶉蛋白再鋪上魚子，正！跟住到文絲鮮魚羹，加入滿滿嘅魚絲，清香嘅陳皮味令魚羹增添味覺層次。三椒紅燒牛肋骨非常有驚喜，肉質軟滑，入口即溶，醬汁味道都調得好好，非常惹味。四川麻辣擔仔麵湯底香，都真係幾麻幾辣，反而花生味較淡，麵質比較腍，如果彈牙啲就更好。南翔小籠包由正宗上海點心師父製成，平時餐廳只係做18，最多20摺，但依個有成24摺，非常考工夫。皮夠薄，餡料又多又juicy，超正！但記得襯熱食吖，唔係凍咗啲皮會變硬㗎。Presentation亦都非常精緻，逐個以小籠仔上，好可愛吖。十三香酥餅起初以為係普通蔥油餅，但咬第一咬就知完全唔同。餅皮酥脆都不得了，食落sak sak聲，而且一啲都唔油，帶點香蔥味，絕對好食過一般蔥油餅。最後嘅甜品亦都係第一次試，桂花香橙拌大海，齋聽個名完全唔知係咩黎。問落先知原來拌大海係一種果實，提取

今天中午和屋企人到龍門客棧午餐，叫了三人套餐，包括生煎包，小籠包，南瓜煎餅，排骨粗炒，火腿津白 。份量夠又美味 。下次會再去 。服務也很好，又很細心茶壼無水個女部長馬上幫我們加水 。

朋友慶祝生日，一行五人坐左三個幾鐘，吹水食飯，空間好大，服務好周到特別係個侍應哥哥超級細心！我哋叫咗一個四人套餐再散叫其他小食，因為有第一城住戶證，所以散叫會有七折，真係好抵。不得不讚係個甜品高力豆沙，有少少香蕉蓉在內，出邊嘅糖唔係普通砂糖係食豆腐花嗰種黃糖，唔會太甜又唔會太流！仲有個酸辣湯，個木耳絲切得好細條， 豆腐絲亦都好細條， 完全感受到師傅嘅刀工，所以飲落去嘅時候都好滑好滑好順口，我哋叫咗BB辣所以唔食得辣嘅朋友都可以享受得到。

27-1-1027(Fri)年三十,女老闆TL請食團年飯,我o地book o左5圍,o野食亦一早order定,我o地去到坐低冇耐,人未齊都已經上菜,有:1. 淮陽巧手美點心中的滬式脆皮春卷造形係扁o既,餡料同我o地港式酒樓o既差唔多,佢仍脆,味道唔太鹹,OK.味道: 3分7. 鹹肉百葉時蔬雖然係鹹肉,但一啲都唔鹹,百葉切成一條條,冇乜口應,時蔬係娃娃菜,正常冇問題.味道:3 分2. 黃金大蝦球脆漿有蛋香味,蝦肉爽,唔太差.味道: 3.3分淮陽巧手美點心中的上海燒賣內裡o係飯粒,一夾即散,味道亦唔太鹹,飯粒濕潤.味道: 2.8分淮陽巧手美點心中的上海小籠包我冇蘸醋食,味道清淡.味道: 3分4. 原條松子大桂魚炸得脆,魚肉唔太多,酸甜汁調較適中.味道: 3.3分5. 紅燒冰糖原隻元蹄上枱時係起晒骨,炆得好腍,皮亦都入口即融,但味道就食得出好重醋味.味道: 3分3. 砂鍋雲吞雞侍應幫我o地分好一碗碗,我o地一飲,就飲到好重味精味,有冇攪錯?雲吞正常size,亦都唔鹹.味道: 1分6. 龍門脆皮雞顏色對辦,食落,同一件雞件,皮可以一邊腍一邊脆,咁高難度都做到,佩服.雞肉就正常嫩滑.味道: 2.

2月4 在沙田龍門客棧食晚餐。當我地叫服務員幫忙時，有好多時他們都視而不見。有次我地成功搵到一個部長幫我地茶壺加水時，那部長示意知道後，竟然無咗回事，而且唔只發生一次，係發生咗好多次。ok, fine. 我體諒，諒解，畢竟當日係多客，但少職員，係忙既。但我接受唔到係以下呢件事: 係上甜品時(杏霜豆腐something like that)，一位短髮女部長在幫我地分糖水時，竟然離開工作崗位，去逗利是。留下我地半枱沒有甜品，要我地自己服務自己，事後更毫無悔意。以上係罵既，以下係……都算係讚既:話說我唔小心跌咗隻筷子落地啦，咁就搵咗個部長，想話拎多對。之後有個都幾靚女既侍應行過黎，比咗一堆筷子我……我都唔知好嬲定好笑。不過都算係超額完成既。

今天是初一，走到這裡找一些好食的素食。叫了一碟上海粗炒去肉。味道一樣咁好。再加点 豆瓣醬更野味。再叫素鵝及四喜烤夫。两樣都做得好味。加多個黄金銀絲卷。炸得色與味都很出色。最後來個奶油津白，加埋一壺普洱茶，加上這裡的中式佈置。真是一個很好的素食午餐。要多提一樣，用這裡的會員卡重有七五折。