龍門棧 (已結業)

一講起飲茶，可能大家都係諗起黎黎去去幾間連鎖茶樓呀，又或者覺得係中老年人嘅專利，但其實飲茶都可以有高level嘅！今日就黎到龍門棧試一試佢！位置本身唔算就腳，但可能因為咁先突顯到佢高級。環境幾寬敞，唔算好多張枱，唔會覺得好逼夾。坐定左侍應就問我地飲咩，咁喺佢開始介紹前都係心諗是旦普洱滾水，點知竟然有個選擇係荔枝紅茶，諗都唔使諗，就要呢個，係正嘅！呢度嘅野食傳統得黎帶d創新，點心選擇可能無出面一般酒樓咁多，但樣樣都係心機野，另外有個大menu係d再勁揪d嘅中菜，睇完都係食返點心算～前菜方面呢度就比糖衣核桃，唔係普通花生，開波食唔曬留返之後當甜品又得咁講返點心先！今次除左叉燒包、金錢肚同叉燒腸係最無花巧野（但係係好食嘅）之外，其他點心都有d fusion嘅元素。首先係木魚帶子燒賣，就將日式同中式嘅意念揉合，效果幾好；跟住係鰻魚香煎粢飯，好似中式鰻魚壽司咁，但個飯煎香過外脆內軟，好食跟住係龍蝦金華火腿餃，足料而且靚料，好食；最後係海膽春卷，成個賣相都好似西餐咁，但又有日式同中式嘅原素，成件事都好夾，好食！呢度唔會好似出面飲茶飲到打仗咁，周圍嘈喧巴閉，反而真係可以靜靜地嘆下茶傾下計，服務又好，

好耐之前已經聽過朋友介紹灣仔呢間零負評酒樓，價格偏高嘅酒樓，食物質素非常高，難得經過灣仔，梗係要過嚟試一試。一去到環境非常闊落，好夠氣派，感覺好高級咁。一去到侍應問飲咩茶，大路野普洱香片都有，一聽到有荔枝紅茶，就即刻揀左，因為平時好少酒樓有得飲荔枝紅茶！好好飲，好香荔枝味，一定要試，唔會後悔！食物選擇唔算好多，應該想貴精不貴多！但有好多普通酒樓都冇嘅選擇，例如：龍蝦金華火腿餃，日本鰻魚香煎粢飯，木魚帶子燒賣⋯⋯一開始嗌點心前，每檯都會有一小碗合桃，超好食超香，唔油膩，好想再encore呀！叉燒腸好足料，金錢肚好惹味，但我最鍾意食都係日本鰻魚香煎粢飯，從來冇諗過粢飯可以咁做法，配上烤好嘅鰻魚，令點心更加昇華去更高層次！第二最愛係海膽春卷，平時我唔鍾意食海膽，嫌好腥好臭，但呢度嘅海膽真係好新鮮好鮮甜，唔係講笑！唯有一啲失望就係龍蝦金華火腿餃，比較淡口，可能我自己食開重口味啦！要落辣椒油調下味！臨走發現原來有荔枝紅茶賣嫁！包裝仲好靚tim！

友人介紹龍門棧新派點心精緻又有特色，放假就黎試試午餐。位置介乎銅鑼灣灣仔地鐵站之間，不過都唔難搵。環境整潔，無過份奢華既裝修，亦無一般酒樓既喧鬧，可安心享受食物和茗茶。點心選擇不多不少，有新派亦有傳統。除左點心，仲有其他菜式可選擇。茶既選擇都唔少，最欣賞係每種茶既簡介，為入門者如我提供指引。點了壺西湖龍井，清香帶甘而不苦澀。點心未至，有合桃酥作小食，香脆可口不油膩。點了三個點心，打頭陣既係百花蒜香海膽春捲。一客有四件，海膽鮮甜，春卷炸得脆，加上彈牙鮮蝦，三種不同口感，配搭不錯。而西式的擺放方式，令整個點心更為精緻。第二個點心係魚子醬香煎粢飯，一份三件。糯米飯邊煎至飯焦，形成外脆內煙韌，加上臘味粒，本來已經非常好食，但再加上充滿咸香既魚子醬，更有風味。第三個點心係長腳蟹肉小籠包，比較傳統既做法，但皮薄餡靚，蟹肉滲佈湯汁，味道都唔錯。除了食物，侍應及經理既態度都值得一讚，友善又主動。總結來說，呢到點心雖然價錢不大眾化，但味道同創意都十足，偶爾享受一次都無妨。

今日小弟同女友人黎左港島區覓食... 女友人話好小食中菜咁我地就去左灣行呢間龍門棧飲個小茶..佢呢間酒樓設計裝橫真係好靚，好高格調既中國風.. 食物方面我地就叫左鮮淮山花膠蘆筍雞扎，日本鰻魚香煎痴飯，蘿蔔千絲酥，柱侯金錢肚，長腳蟹小籠包同埋香茜炭燒蜜汁叉燒腸。..佢每樣野都好精美.個雞扎用料上乘，d汁好濃郁,個日本鰻魚痴飯好特別， 係其他酒樓未食過咁既菜式，幾過癮.. 個蘿蔔千絲酥好夠火候好惹味。。柱侯金錢肚就都好入味，個小籠包用長腳蟹肉黎整好有心思好高格調.個香茜炭燒蜜汁叉燒腸就整得好滑味道唔錯.. 以兩個人黎講食呢d小點心都好夠飽。。 整體黎講係一餐幾有水準又有格調既午茶.

周末最好就係飲茶，今日男胖子帶左我黎呢度飲茶。餐牌內有多種茶可以選擇，揀左最常飲嘅普洱。茶味醇厚回甘，色澤呈烏，有助暖脾胃及消化。點心籠好特別，起角的。鮮淮山花膠蘆筍雞札，好名貴嘅雞札，入口新鮮，除左基本雞肉之外，仲有好有益嘅鮮淮山，配搭好新穎！日本鰻魚香煎粢飯，鰻魚上有閃閃金泊，貴氣逼人，肉質爽口，下底有煎過嘅粢飯，口感似鍋巴，好食！蘿蔔千絲酥，好鬆化，入面蘿蔔絲好多汁，大愛！柱候金錢肚，非常惹味！色澤都好靚，有芋頭粒伴底。長腳蟹小籠包，湯汁一咬就入口，蟹肉好鮮味，皮亦好薄，值得一試！香茜炭燒蜜汁叉燒腸，腸已切好一舊舊，免卻要分腸嘅煩惱，每舊腸有一粒杞子點精，粉皮好幼滑，叉燒不會過硬，好味道！

愈黎愈覺得食物的質比量重要。食一堆質劣既食物只會對自己既身體造成負荷,相反,食到一D好好味既野,就更有動力前行,去欣賞美好的事物。食完好西心情都好好多。係三湘大廈G樓見到一D電子展板,見到有呢間餐廳就上左去。間野有兩層,有好多似古董既畫,我唔識欣賞但感覺好古雅,好有書室既感覺。比人等候,坐既地方既CHAIR同毛筆擺設令我覺得自己返左古代。呢度既DECOR好典雅,以為係食傳統中國野,點知有FUSION野食,有中法,中日FUSION。我叫左個黑松露帶子,底下係STEAMED EGG WHITE,唔老,好滑,加埋D黑松露SAUCE食,黑松露既味道好突出,個帶子唔會過熟,仲好有彈性。非常之得!我係其他地方未食過,有新意。另外叫左個蟹捧XIAOLUNGBAO。有創意!

之前上網見到原來依家連點心都有fusion啦，依間餐廳係比較高級既中菜，但佢最特別既地方係佢既點心係fusion嚟，而且仲mix咗好多種吾同國家既菜式，真係好吸引，所以就去咗試下。上到一樓個環境真係幾grand，而且裝修都好高級。睇埋餐牌，真係覺得佢既fusion點心好有創意，我地兩個人叫咗四個。我地叫咗鐵觀音，淡淡既茶香都幾吾錯。我地之後仲見到有西湖龍井，真係吾係間間茶樓都有，後悔無叫到😭餐廳好好服務，有埋毛巾比我地抹手。木魚帶子燒😋帶子好滑，蒸到岩岩好，而且燒賣好足料，有好多彈牙既蝦。海膽春卷😋海膽都幾新鮮，而且春卷皮都好脆，加埋沙律醬真係好夾。鰻魚粢飯😋鰻魚既賣相好靚，而且啲燒汁仲好濃。個粢飯煎完，個口感好特別。蘿蔔千絲酥😋個皮好鬆脆，入面好足料，有好多蘿蔔絲。

好耐無去飲茶喇，星期六就一早起身同媽咪撐枱腳👭 💕 揀左呢間酒樓係因為見到朋友係ig既打卡，見到啲點心好精緻，決定一試🙃🙃中午12點到達，可能因為比較早所以冇咩人🤣 侍應哥哥俾咗餐牌我哋睇，又幫我地斟茶，好細心😛🥢長腳蟹肉小籠包由於我真係好鍾意食小籠包，所以呢個係必點嘅🥰 蟹肉好鮮味，而且內涵有好多汁，美味而且有特色！🥢木魚帶子燒賣通常燒賣都係配鮮蝦，今次配帶子都係第一次試😆 加埋木魚，帶點和風🎏🥢蘿蔔千絲酥依味點心好考功夫，要做到”千絲”既效果真係唔容易😎 入面啖啖羅白絲，真材實料，絕對唔係只得麵粉! 令我諗起媽咪手製嘅蘿蔔糕😆🥢日本鰻魚香煎栥飯依個就係打卡既點心🤩 鰻魚係ok既，只係我地都覺得栥飯比較硬🙈🙈🙈 難d咬開🙊 同平時軟林林既栥飯好唔同😂 係就係幾特別既，試一次就好了～由於媽咪話想試吓呢度嘅湯羹，我地叫左個🥄酸辣龍皇羹🙂 賣相好靚，d配料加埋一齊，唔知點解有一種好優雅嘅感覺哈哈 😹 有個小蠟燭熱住，唔使驚佢凍左👍🏼 味道我覺得一般，唔算係好辣，幾啱我媽咪口味！最後埋單約$500，以兩個人飲茶黎講，價錢屬中上。

今日星期六約左媽媽飲茶順便接媽媽放工近近地就去左附近既龍門棧飲茶有兩層架 裝修好靚好高貴叫左鐵觀音茶 係用茶包的但茶味都幾香餐前小食係合桃 甜甜地幾開胃叫左6碟點心XO醬炒腸粉炒得好有鑊氣用左銀芽同辣椒黎炒 好香唔會過咸蒜香魚子春卷春卷上鋪上左滿滿既魚子春卷炸得十分脆口 配埋魚子既質感好好魚子帶有d咸味魚翅餃大大粒好足料 入面有蝦肉長腳蟹肉小籠包小籠包多汁皮薄 熱辣辣所以要慢慢食呢內有一絲絲既長腳蟹肉同豬肉 好鮮甜松露野菌餃 大大粒好足料好重既黑松露味 一咬整個口充滿住黑松露既香味魚子醬香煎粢飯好得意第一次見飲茶有煎粢飯食所以就即刻叫左粢飯煎得金黃色 有少少脆脆地但入面就係稔既口感好特別再鋪上魚子醬增強口感嘆杯茶 係難得悠閒既一個下午

今日放假，同媽咪一齊行銅鑼灣食好野。媽咪鐘意飲茶，見呢間餐廳d甜心幾特別，吾似傳統茶樓，所以二話不說就上左去。裝修別具風格，好似酒店大堂。我地叫左普洱茶，香氣獨特沉香，茶味醇厚回甘。侍應重會幫我地斟茶，服務好好。重有一碟餐前小食，係炸合桃，又甜又鬆脆，好好食。餐牌點心雖然比一般茶樓貴，但勝在食材特別，物超所值，令我同媽咪諗左好耐食咩好。鰻魚香煎粢飯$68鰻魚配上燒汁，味道香濃，入味。而粢飯煎過，非常香口，重有葱、蝦米等配料，非常惹味。兩者味道配合得非常好，又特別。木魚帶子燒賣$58帶子係燒賣面，幾大隻，爽口又彈牙。松露野菌餃$48松露味道幾香，同野菌撈埋做餡料，估吾到好有味。啤梨咸水角$48咸水角做到啤梨形狀，上碟非常可愛。外層炸得非常鬆脆，又煙韌，既吾油膩，重好味。海膽春卷$68海膽好鮮甜，配係春卷上，好特別，非常滋味，好想再食。

Recently I've been lucky and found a few Chinese restaurants that are pretty high in quality and has private rooms to host events/dinners. Dragon Tann is one of them. Located in the middle of nowhere (it's not close to MTR nor is it close to any major commercial buildings) I'd say it's relatively difficult for the restaurant to get any walkin traffic, this means the dinning environment will be slightly better than those crowded Chinese restaurants. The menu is nicely presented on a fan. A nice a

這裡不是熱門食點心的地方，但如果你想悠閒嘆個點心，不想被酒樓食客吵樓的聲音包圍，這裡就是一個好選擇。枱與枱之間空間十足，座椅舒適，餐廳怖置美觀，重點是不會被人催著交枱。茶錢、餐前小食及點心等價錢清晰列出，大家可以按各自需求去選擇。鐵觀音茶味清淡有餘韻，餐前小食合桃極脆有甜味。紅油妙手雲吞(六件)先來個辣辣的點心，雲吞大大粒，而且有六件之多，一定夠飽。醬汁有下足功夫，辣椒、蔥粒樣樣齊，不會太辣但非常惹味。懷舊蠔皇叉燒包(三件)叉燒包餡料很多，叉燒肉不肥，甜甜的是飽肚之選。木魚帶子燒賣(三件)木魚帶子是非常新穎的配搭，而又成功。燒賣由大量蝦肉組成，配上鮮甜的帶子片，是非常海鮮的點心呢﹗再灑上木魚碎增添口感，一粒燒賣就有幾層口感。柱候蒸金錢肚金錢肚厚身，有芋頭做配菜，有少量黑椒很惹味，亦不會過油。侍應服務周到，度過了一個悠閒的午餐呢﹗

一早安排了今天中午飲茶，來到灣仔試一下新派中式點心。餐廳點心款式不多，但每款都令人大開眼界，有些想不到的組合也會出現。跟老公二人吃不了太多，只點了四款。茶則選了鐵觀音，淡淡茶香，配點心一流。餐廳首先送上前菜，是脆脆合桃。這個味道一流，一點也沒有合桃的苦味，而且很香口爽脆。XO醬炒腸粉 $68腸粉是必點的，這次不吃蒸的，吃炒的。XO醬很辣很惹味，腸粉每條都很長很滑，連帶洋蔥等配菜炒很豐富。木魚帶子燒賣 $58這個燒賣很特別，一般酒樓燒賣都是豬肉或魚肉底，面再配上一隻蝦。但這個是由蝦肉碎及香菇組成的燒賣，面再配上一塊帶子片及木魚。燒賣彈牙，帶子清甜，好吃﹗柱侯蒸金錢肚 $48金錢肚份量非常足，有多條又厚又大的，配少量芋頭，較酒樓的少油。金錢肚有咬口，而且很入味。魚子醬香煎粢飯 $58從沒想過粢飯可以這樣吃，煎香了四四方方味道更香濃。魚子醬味道濃郁，連帶粢飯一起吃可以更有層次，口感更豐富。

今天，你在我在， 正所謂：「君子恭而不難亅。。。意即：君子為人謙恭丶遇到困難也毫不畏懼。來到這家那麼風雅的茶居， 當然是要品嚐一些賣相出眾或口感與別不同的點心， 來「附庸風雅」一番。「橫看成嶺側成峰， 遠近高低各不同。 不識廬山真面目， 只緣身在此山中！」 我也不說那麼多了，快快揭開「點心六君子」的真貌！。。。🦉百花蒜香海膽春卷(四件)店家標榜即叫即製，這個春卷的皮。。。真的脆到一個點呢！ 餡料咬下去，充滿蒜蓉的香味， 我本來以為店家會把海膽煮熟，成為春捲餡料的一部份，但是原來 海膽是以「魚生亅的形式加到春捲上面， 令春捲看起上來有一點像日式壽司， 形態優美。 這個點心， 除了味道好，真的是創意滿分啊！日本鰻魚香煎粢飯(三件)這個是另一款令我喜出望外的點心藝術品， 上海粢飯炸得香脆， 再以鰻魚壽司的形態登場， 鰻魚的頂部還要加上金箔，令壽司看起來更矜貴。。。一囗咬下去，秶飯非常鬆脆香口， 配合香滑的鰻魚，一硬一軟， 令人停不了口。松露野菌餃(三件)這個點心的造型回歸基本。但是咬下去，剁碎豬肉及瓜菜做的的餡料，做得細緻有序，很好味，配合松露的味道很香，加上點心皮做得很薄，真的是一件皮薄

今天逛完一年一度的Art Basel後，朋友帶了去一間在灣仔展覽館附近的粵式茶樓，看了全球有名的藝術品後，自身的眼界都高了，當然對味蕾的要求也非常的要求，果然，來這家茶樓是非常好的選擇，從電梯進入即是大理石面，用餐區須先經過一段極具中式質感風格的長廊，兩旁牆面亦有畫作可欣賞後，才會到用餐區域，保有空間與隱密感。高級的茶樓，果然整個服務與使用餐皿就是不同，來茶樓首先當然是來個茶品，這裡的茶茗好多選擇啊，我們先選擇了龍井茶，店員知我們是從臺灣來的，特別再推薦這裡最有名的茶茗，荔枝紅茶，真的，從來沒在其他茶樓知有這麼特別的飲茶，茶茗荔枝果香與紅茶香氣契合，配合港點是最佳選擇啊！再來，這裡的港點真的是個個宮廷料理吧，不虧是米芝蓮的餐廳：啤梨咸水角，三件，看這啤梨酥炸的造型，完全就是巧斧神功，西方有厲害的馬卡龍腰身，這絕對超越啊，雖是酥炸，但不覺油膩，從未見這麼美好的咸水角啊～日式鰻魚香煎秶飯，三件，完全就是超厲害的鰻魚壽司啊，但取名廣東的粢飯，特別有味道，撒下雪花般的金箔片，這作型讓我想起來到京都的金閣寺，而口感鰻魚熟度正中滑嫩的融入飯中，好滿足。蘿蔔千絲酥，蘿蔔絲條條分明，卻仍能感受到蘿白的