101手工小火鍋 (已結業)

(我不明白為何我找不到新的那家，而我從來都沒見過關門，所以我把收據都上傳)懶開有條路XD 就算同我男人都無動力整... 又唔知想食咩，我覺得呢間101同新開個時唔同，所以我問我男人陪唔陪我伏一次. 基於佢都唔想諗既關係，佢竟然話好囉！ 又好彩，佢真係比我對上一次試好唔同，都叫做抵食既街坊餐廳! 最緊要係，我個日好想打邊爐，唔想洗，但附近又無其他XD 蕃茄濃湯牛肉小鍋 跟 日本蹈庭烏冬 $84 + 12日式壽喜燒牛肉小火鍋 跟香蔥燒汁飯 $79另外兩個凍飲各加$2個牛就當然唔係話好靚個隻，但個蕃茄濃湯湯底又無左陣好濃既味精味(我個次試，食完係頭痛到爆炸! 味精超濃)，不過就唔可以加多個餸或加多底烏冬咁，fix死左，而個烏冬都真係幾好食，並不是99的.而個壽喜燒又唔算話好咸，正正常常囉，不過個飯個汁又幾好食. 以一人一鍋，咁大兜黎講係抵食既，只要你唔係要求佢又肥牛，頂級野咁，其實都ok架!

心血來潮想食打邊爐，兩小口就走左去試下台式藥膳養生鍋。餐廳有好多種藥膳湯底可以選擇，而肉類嘅餸料主要喺牛、豬同雞，配上大量蔬菜做配料，另外亦可加錢追加其他火鍋配料。一人鍋包一杯熱嘅台式飲品，加錢可以升級做凍飲或者大杯裝。我地叫左香芋同朱古力雪香系列，味道偏甜同埋奶精味重，面頭加左脆脆燕麥，飲落口感幾豐富。其中一鍋選了蟲草花雞肉養生小火鍋，湯底帶藥材味，但味道清甜完全唔苦。另一鍋是醉雞鍋，味道跟剛才那個湯底差不多，只是多了點酒香。一人鍋可選一款飯或麵食，如果鍾意有咬口嘅麵條，不妨可以揀佢地嘅台灣手工拉麵。麵質有嚼勁，煮兩煮就好快吸收哂湯底嘅精華，加上拉麵份量都幾多，包你食到飽一飽。雞脾肉煮完之後仍然嫩滑，啖啖肉幾好味。對於女仔嚟講整鍋份量都幾多，以70多元有咁大鍋餸料而且仲有台式飲品嚟講，性價比都幾高。

一人火鍋，我個人就第一次食，所以無比較之下寫今次評論一坐低，其實係有少少逼ge，畢竟佢都係做多輪生意，行turnover rate坐多d人，所以係合理ge，而選擇唔算多，揀湯底同料，上得！麻辣湯底，都有辣味，但就差少少香，但我用出面食火鍋ge質素同佢比較亦唔太fair，哈哈哈料都算正常la，起碼係食得飽ge。不過大邊爐最緊要係咩？係爐？係牛肉呀！肥牛係薄ge，而牛味亦唔重，但lee個價錢係ok ge👌🏾所以overall黎講，lee間係適合一d想過口癮大邊爐但又想快食一餐ge人，價錢亦合理，所以間中可以試下。質素黎講，你都唔會用吉野家同出面打邊爐比la所以，一人邊爐亦有market

🍜 蕃茄兩餸湯麵 HK$46湯底都算幾有蕃茄味。揀咗沙茶牛肉，三杯雞肉。 沙茶牛肉，味道有啲似沙爹牛肉，但冇咁鹹。三杯雞幾香少辣，可能撈咗落湯，唔係好食得出佢嘅味道。 另外，仲有啲豆卜雲耳。揀咗台灣手工拉麵 (+HK$2)， 相對厚身，而且幾有咬口。.🍲 牛肉香蔥燒汁飯 HK$46牛肉嘅份量都算幾多，而且吸曬燒汁嘅味道，攞嚟撈飯正。.以上套餐連飲品 凍飲加HK$2.🍑 水蜜桃紅茶以前同一間舖頭飲過其他所謂台式飲品，記得超超超甜。今次叫佢一定要少甜，點知送到嚟都仲係勁甜，最後用咗差不多一杯清水溝成兩杯先飲得落。.🍯 蜂蜜綠茶清清地，唔會幾甜， 直頭有啲似道地，怕甜可以飲呢個。

位於西灣河地鐵站斜對面，喺正叮叮路，不分季節嘅一人火鍋：食物❤️❤️❤️❤️其實幾好食，個火鍋湯底都唔錯，不過可以再濃啲，其他小食味道都可以。份量❤️❤️❤️一人一鍋一人份量夠飽，兩個人就唔得，不過嗰日主要陪朋友食，所以可以。環境❤️❤️❤️環境細，迫迫地，不過佢每個位都有電磁爐，好過吉野家大家樂嗰啲成日等好耐都唔滾。服務❤️❤️冇乜服務可言，但侍應生態度都可以。價格❤️❤️❤️佢有最低消費$60嘅，所以一人一鍋一定過，但我嗰日唔多肚餓，所以就叫咗兩個小食，如每人$70左右最低消費就可以，經過開可以試下嘅，專程嚟幫襯就無謂啦。

本來都無咩期望.但十分有經喜既一人前hot pot.可以簡湯底.我簡松蟲湯.再可以簡送.3樣。再簡個麵又得。加錢再簡送都ok.再送杯野飲nlunch 埋單都只係50蚊.真係好底食而且佢比好多蔬菜你.好中意.環境又坐得舒適

平時食開一人火鍋都係去快餐店食，今日見到這間101手工小火鍋念著幾得意想試下，點知中大伏😰我叫左個酸菜白肉鍋，餐飲要凍茉利花茶。杯茶普普通通。等左5分鐘，個職員就送左個鍋過來。我一睇就知今次中伏⋯⋯個煲數來數去得過3塊好硬的豬肉，台灣腸都只係得兩片（沒錯，係兩片唔係兩條），其它就係一大堆椰菜。食左一陣念著件豆卜會吸左D湯汁，點知一咬開乾到沒朋友，完全唔知自己食緊咩。我自己數過佢成煲嘢成本價$20以下。自問你收我$72，我真是未食過Hea 成咁的一人火鍋，對面快餐店都比你好幾倍😡食左成餐最好係碗麵，但唔係因為佢好食，而係夠多可以食得飽。如果沒佢，今次真是食唔飽又難食，食完一肚氣走人😡😡😡

終於約到以前嘅補習阿sir同幾個同學一聚啦！順便去一齊復仇者聯盟4，睇之前仲有成2個鐘時間我哋就先去食咗晚餐先。我哋喺西灣河呢間101手工小火鍋，之前我自己食過一次午市，真心好推薦。今次晚市我都好期待。不過睇嚟晚市比較受歡迎，7點左右已經滿晒座，攞咗飛都要等多半個鐘先有四人位比我哋。等嘅時候我哋就先揀住嘢落定單先～我就叫咗沙茶牛肉小火鍋配公仔麵，飲品我都幾期待：盆栽特濃朱古力。其他人就叫咗麻辣卜卜蜆小火鍋、蕃茄濃湯雞脾肉小火鍋、沙茶牛肉小火鍋。仲有加料一碟肥牛片。我哋啲飲品先到…哇！我個盆栽朱古力都幾大杯下，真係有少少盆栽嘅感覺，其實就係大杯版阿華田，上面灑咗大量朱古力粉當盆栽泥土咁，仲有一片香草當葉仔嚟修飾。我哋啲火鍋到齊晒啦，開飯啦！個個鍋都好香呀！特別係我個沙茶鍋，係聞到沙茶醬香味。而且每個鍋都非常之足料，堆到個鍋滿晒…雖然肉都比得足夠，但係菜類真係比得太多。入面仲有肉片、魚腐、玉子豆腐、包心菜、粟米、金菇、豆卜同台灣腸，所以真係非常之足料。其他嘅鍋大概都有類似嘅火鍋料偷偷地食咗一片Frd嘅肥牛片，幾新鮮同嫩口，唔會老。阿Sir個蕃茄濃湯鍋都好香呀點算呀，佢哋個個鍋我都想全部試一

第二次黎呢間101食一人鍋，西灣河分店開正豈太安樓對面，好就腳。每個鍋都會配埋一個麵同一杯野飲，免加一。麻辣卜卜蜆鍋（$72）麻辣三杯雞鍋（$72）兩個鍋都自選左個台灣手工拉麵，呢個麵食落口感唔錯果兩個麻辣鍋湯底好一般般，得個麻字，食落無香味。唔好睇小一人鍋份量，配料都幾多，非常之飽。但配料質素唔係特別高，例如啲蜆好細隻之餘又唔夠鮮甜另外想特別一提分店職員禮貌有待改善，本身只係想確認黎左咩野飲，但職員冇黎禮貌話飲啖唔岩嘅咪幫你換囉咁

響醫院返工，通宵班少不免。難得有兩位同事一齊返工，不如響返通宵班前食個超滿足既晚餐。今次揀左呢間一人一鍋，試一試佢夠唔夠滿足先。呢度既鍋係套餐咁點，一鍋+一主食（飯/米線/米粉/手工面）+飲品$72有超過十款鍋可以揀，本身鍋入面已經有唔少材料，所以就算唔叫其他配料都好夠飽。酸菜白肉鍋，一上枱既時候，有啲失望。因為佢既酸菜唔係台灣果款，而係譚仔果款大頭酸菜。不過湯頭滾起之後，啲湯飲落又似返平時既酸菜白肉鍋味🤣🤣🤣🤣白肉分量足夠，不過不失。鍋底除咗酸菜白肉，仲有豆卜、大量椰菜、粟米、切成片裝既台灣腸等等。配料份量足夠味道尚可接受。同行朋友叫左蟲草花雞肉鍋、雞肉份量不少，而且全都是雞脾肉。上枱嘅時候，雞肉已經煮到七成熟，所以只要鍋底再滾，雞肉已經食得，呢個安排唔錯。配料跟酸菜白肉鍋底一樣，都係份量唔少既。飲品方面都係一啲大路既台式飲品，味道尚可，而且係大大杯既，岩哂打住邊爐飲。埋單既時候先發現原來唔洗加一，食到咁飽都係$72一位，仲要唔洗食吉邊咁搵位，呢個價錢同味道，我絕對接受！

一人一鍋唔駛爭，價錢大衆化，同連所快餐店差唔多，沒有加一服務價，選擇還比他們多，無論係湯底定配料😋味道方面:沙茶雞脾肉小火鍋 + 蜂蜜檸檬茶 $72沙茶味湯底香濃， 雞肉嫩滑， 但肥牛只有兩片有點小😅唔夠就要加追啦，檸茶就較甜。蟲草花養生小火鍋 + 盆栽香芋奶茶 $80蟲草花火鍋沒有蟲草花，豬骨湯湯底望落清如水，味道亦偏淡， 愛濃味者不推介。特飲香芋奶茶呃like一流，味道亦不錯， 不會覺得好甜🍹總括來說兩人埋單都不過二百蚊，扺!不過味道不過不失，對我來說味道大於一切， 應該食一次已經足夠。

冬天就應該吃火鍋，走到西灣河見到這家台灣火鍋，就沖進去了。餐廳面積比較少，但座位算是寛鬆，外觀裝潢很新很整潔。菜單有很多種火鍋，都是＄72，基本是一人一鍋，不會像其他店多人一鍋，要搶著吃。麻辣豚肉小火鍋和沙茶雞脾肉小火鍋，材料很足，基本上整個鍋都是食材，而且有很多大蔥伴味，麻辣鍋不算辣，沙茶鍋則比較淡，整體還算可以。手工拉麵，很有彈性，吸收了湯汁後更別有一番風味。套餐還送了特飲，我們選了水蜜桃檸檬茶和蜂蜜檸檬茶，味道略甜。

本身是台灣人的我，看到台灣餐廳當然要試一下啦，門口菜單上寫的落落長，好像很足料👀點了酸菜白肉鍋，一上鍋就覺得失望，食材真的非常少，只有4片很小片的豬肉，跟大量白菜，兩片薄片般的玉米，只有脹大的豆皮可以撐場面，最失望的是湯底，這不是酸菜白肉鍋啊！餐牌上面應該要寫胡椒豬肚鍋，完完全全是胡椒豬肚鍋的味道，不過沒有豬肚罷了，有極大量的胡椒在裡面，湯底的酸味感覺是化學調配出來的，真的只有失望兩個字可以形容，完全不會想來第二次了，也吃不飽⋯

當開左D間餐廳時真心覺得貼心既, 以後一個人開飯時又多間餐廳選擇啦.一人一鍋喜歡咩湯底咩食料自己話事,一定岩食因為全部自己揀既.火鍋選擇都好多, 有8種, 有辣有唔辣. 我地就各試一款: 辣既<麻辣三杯雞小火鍋, 唔辣既<蟲草花養生小火鍋>.麻辣湯底只有少少辣, 但非常香同野味, 蟲草花湯底, 有好多紅棗和蟲草花非常滋補. 鍋中配料既雞脾肉超滑又好入味, 素菜又有好幾款, 牛肉只有兩片實在太少啦, 但不得不提個台灣新竹米粉, 吸哂好多湯汁, 但D米粉唔會係好軟身, 仲好彈牙添, 米粉必推! 好食!!飲品又有好多選擇啦, 免費飲品又有, 加$6 - $8 可轉特色飲品又有, 總有一款岩口味既!!一人食飯不是悶, 食得開心又衛生! 正呀!! 

開咗排，男朋友成日話想去食，最後我地有晚去食咗，頹到爆。【沙茶牛肉小火鍋】這是我的鍋。亂七八糟。 十分普通。不算細鍋，但入面既料都唔係幾好食，普通至中下，有眼睇，肉得好少，新竹米粉好多，所以好飽。不過唔介意味道既人會覺得好似幾抵食（？）【盆栽香芋奶茶】這是我的飲品，好大杯，賣相唔錯，味道係雀巢芋頭味雪糕。芋味假，奶味比較重，個人麻麻地。這是我外加的配料，【芝心丸】不太好，因為食得出超平價貨。【鴨血】正常，但切到賣相不太討好。這是我的收據，我情願食返吉邊。同埋有一個問題，位與位之間真係好逼，身為一間火鍋店，又逼又多人同時打邊爐，真係唔係幾舒適。總結，唔會再去，試過就夠。bye！